蜜滋麻美

營業中

休息中

有日喺西營盤食完lunch之後，就走去飲埋近日好多人打卡嘅台中過江龍茶飲店，但又係要行長樓梯… 大家又要斷練體力啦🏃🏻‍♀️🥜超級綜合嫩鮮草🥄💰$48勁多嘢食，好大碗，有蜜紅豆、燕麥、芋頭、紫薯、花生、粉圓、嫩仙草😋最鐘意仙草，好滑；花生係脆嘅；燕麥、芋頭、紫薯都好食，甜度適中；嗰底係冰底，夠晒冰凍，雖然而家係12月但今日都仲著梗短袖衫，行到上嚟食呢嗰都幾正👍🏻🥜花芝黑糖珍珠鮮奶🥛💰$38平時都鍾意飲黑糖珍珠鮮奶，今次呢款係加咗花生碎、芝麻碎，外表幾吸引，味道都好新鮮，芝麻味香濃，個口感都幾得意呢間舖頭好多飲品、甜品都係加咗芝麻、花生，都係呢度特色之一💰$86/2ppl🚩蜜滋麻美 (中環)📍中環鴨巴甸街16A號地下

見IG有唔少人拎住呢杯「蜜滋麻美」影相打卡 我哋都唔執輸🤓 佢個杯真係好靚♦️♥️ 🖤 花 芝 黑 糖 珍 珠 鮮 奶呢杯係鎮店之寶 點都要試吓 好鐘意呢個有齊花生、黑芝麻碎、黑糖珍珠同鮮奶嘅配搭😍 一次過滿足幾個願望!!🤪 珍珠彈牙有咬口 黑糖味濃郁 不過略嫌凍飲冇得走冰 冰量有啲多 建議可以+$5轉熱飲～ 🤎 香 檳 茶 王 $30而另一杯嘅「香檳茶王」 係屬於手採茶系列嘅入面嘅 咪道清爽解渴 淡淡嘅茶香味入面 夾雜一種好似竹蔗茅根嘅味道 好清新🤩

蜜香烏龍：加左蜜糖既烏龍茶，烏龍茶清香，口感清爽，好解渴，加上滋潤既蜜糖，一杯甜蜜清香烏龍茶就誕生左啦。超級綜合嫩草：呢碗甜品既分量好多，而且由多款材料組成，非常豐富。材料有香甜既紫薯；粒粒分明的紅豆；燕麥，估唔到燕麥好有咬口，幾特別播；香軟的芋頭；去左衣及香脆的花生；咬落煙韌彈牙的粉圓；仲有好滑既的仙嫩草。呢間台式飲品店除左有各款及特式既飲品外，仲有芋圓既甜品選擇，而且分量都唔少，材料又豐富，好值得要試。

聽講蜜滋麻美係來自於台中，我第一次試呢間鋪，地理位置黎講，如果吾係比較熟悉上環既路面既話，應該要搵一陣，我同朋友係路過見到所以試下，佢既位置有種隱世小店既感覺，係鴨巴甸街呢條大斜路上，要行呢條街係要有一定技術，專心行路鋪頭份入面主要做外賣，得一張白色企檯，如果有機會可以增加堂食座位就更好啦～講返佢哋既飲品先，我就簡左佢呢到出名既花芝黑糖珍珠鮮奶(係，我係睇過呢到好似好多人話佢花生出名，花生加芝麻雙重口味，雙重感受)未飲之前都聞到鋪頭有好香花生味道，芝麻味道都有不過花生味比較搶戲朋友話叫多個甜品一share食，於是我們決定叫個超級綜合嫩仙。花芝黑糖珍珠鮮奶呢杯野飲上面既花生碎真係好香，飲落都回甘，鍾意花生同芝麻既朋友仔一定要試下，佢有淨花生碎或者淨芝麻碎既簡，但是我兩樣都想試下，所以我叫左混合版本😉😉黑糖珍珠味道香濃，濃濃的黑糖味，加上煙韌既珍珠，混合起來又是另一番風味，出面好少見到呢種傳統得黎又新潮既飲品，花生碎吾會話好 粒卡喉嚨，適中既粗細度，加上香濃既味道，是比較意外既感覺!超級綜合嫩仙佢個賣相真係不得了，睇落好好味，食落都好好味，咩都有一點，有芋泥，芋泥香香黏黏既口感，是感覺到手

溫暖嘅冬日，🍶飲一杯可口嘅花生鮮奶吧！即場為你撒上配料，滿滿嘅黑芝麻粉，🥜同埋花生碎，令鮮奶更加濃郁香口，🧋加上爽口嘅仙草同埋煙韌嘅黑糖珍珠，口感真係好豐富！鮮奶攪勻，🥛飲落去有濃郁嘅奶香味，又唔會太過傑身，比例啱啱好。除咗飲品之外，😍佢哋嘅甜品都好唔錯，叫咗一個仙草系列，入邊嘅份量都好足，有香口嘅花生，軟滑嘅芋頭，😘粒粒燕麥夠飽，滿食落去好有口感🥰粉圓夠煙韌，加埋香滑嘅奶味，甜品好滿足！

源自台中幸發亭台式飲品～蜜滋麻美上年已登陸香港，係中上環一帶人氣店，主打花生/芝麻奶蓋黑糖珍珠奶茶🧋 呢度除左黑糖珍珠鮮奶及奶茶飲品外，還有傳統手工嫩仙草冰選擇🥰 🧋花芝黑糖珍珠鮮奶 $38飲品一杯就有5層嘅豐富口感，飲嘅時候會有香濃味道的變化，第一層會有手炒黑糖搭配手工製作珍珠，再有濃郁鮮奶加冰塊，然後鮮奶油，最上層就係自己選嘅花生、芝麻嘅配搭😋 先由最下層飲，珍珠大大粒又煙韌，之後再將上層奶蓋及黑糖往下攪拌😊 🍵超級綜合嫩仙草 $48超多材料，嫩仙草質素高，嘅：同普通涼粉好大分別，甘香味濃，配合紫薯芋頭及蜜紅豆，帶出甘及甜不同的層次，粉圓又煙煙韌韌，材料包括：🔸️蜜紅豆🔹️燕麥🔸️芋頭🔹️紫薯🔸️花生🔹️粉圓🔸️嫩仙草

行行重行行，走上一條大概40度傾斜嘅鴨巴甸街，有啲鬧市行山feel，就到咗呢個歷史悠久嘅台中茶飲店。時值12月，行到半條上斜街剛好身水身汗，整番杯茶飲就啱哂。同老友一人一杯，芝麻黑糖珍珠鮮奶，上面滿滿灑上大堆泥般黑芝麻粉，周遭有啲類似胚芽嘅東西，少糖，第一啖飲已bling bling眼，芝麻味勁到似食芝麻糊，珍珠結實有彈性，飲到底都仲有堆芝麻「泥」剩咗喺度，飲完個口又冇漿住，估計用啲食材都靚嘢。另一杯香檳茶王，同樣少甜，香檳大概指飲品顏色，飲落去似伯爵茶，輕微回甘，朋友話似中式茶但好飲好多。舖內簡裝，得一張小高身圓枱，似方便人買完杯嘢放枱面俾相機食先咁款。

今日準時收工， 慢行至PMQ附近, 見到有間台式飲品店，個名都幾特別- 蜜滋麻美.同朋友揀左花芝黑糖珍珠鮮奶同香檳茶王， 花芝黑糖珍珠鮮奶依個好香口，最底層係黑糖加珍珠，珍珠嘅軟硬度剛剛好，好有咬口，面層係厚奶蓋，舖滿芝麻粒同花生碎，口感豐富，亦好多層次.另一杯香檳茶王，茶底好清爽，無苦澀味，奶蓋飲落去好Creamy， 叫咗微糖所以無咁甜，唔會好似飲糖水咁，整體來講有啲似light cream加茶，冇珍珠奶茶咁濟但係又滿足到有cream嘅要求，解渴又唔會咁飽肚。

《蜜滋麻美》耐唔耐就會想食甜嘢～ 同朋友喺中環行行下見到呢間幾特別既茶飲店～ 原來係台中過江龍！佢地既主打亦都蘊藏喺個店名度～ 「芝麻」🤣 🍭花芝黑糖珍珠鮮奶($38)黑糖珍珠鮮奶就飲得多，加埋花生碎同芝麻碎就真係第一次試！望住店員落花生同芝麻嗰下唔知點解覺得好治癒🤣 飲落好香口不過有啲過甜～ 最好有得揀甜度啦！🍭超級綜合嫩仙($48)估佢唔到咁大兜😂 完全係2人份量，而且入面啲料勁多，包括蜜紅豆、燕麥、芋頭、紫薯、花生、粉圓同嫩仙草～ 真係食完都好夠飽！呢碗甜品質地較傑身，比較漿口～

前排去中環行街果陣覺得有點口渴，又想買杯野飲飲下😋😋經過呢間蜜滋麻美，原來佢係台中既百年老店黎～好想試下！！佢地既飲品包裝都好得意，好啱打卡🤩🤩🧋花芝黑糖珍珠鮮奶 $38✨呢個係佢地既招牌飲品之一❤️❤️珍奶面頭鋪滿花生同芝麻，飲之前撈勻就可以～～飲落好香奶味，當中夾雜花生同芝麻粒～芝麻炒得好香，幾好飲🤤🤤珍珠口感煙韌，叫左少甜覺得唔夠甜，下次都係叫返正常先🤣🤣🥣超級綜合嫩仙 $48✨望落好吸引！裡面有蜜紅豆、燕麥、芋頭、紫薯、花生 、粉圓同嫩仙草～～仙草好滑溜，同埋其他配料一齊食口感豐富😋😋佢地既紫薯都好好食，綿密得黎好香甜！！整體份量好多，2個人share啱啱好❤️❤️

星期六又係同朋友行街嘅好日子，喺PMQ附近嘅斜路，見倒有間門面幾吸引嘅飲品店，入去見倒有花生芝麻珍珠系列嘅飲品，就覺得好吸引，決定試試佢。佢係好傳統嘅材料，演化成當代嘅飲品，本身嘅🧧揮春形招牌，亦十分搶眼！我哋要咗杯花芝黑糖珍珠鮮奶（$38），同埋凍頂炭燒烏龍（少冰）（$28），兩杯份量都幾大杯。花芝黑糖珍珠鮮奶🥜🎱🥛最底層係黑糖，同埋滿滿嘅珍珠，珍珠嘅軟硬度適中，係粗飲管啱啱吸倒嘅大細；而面層有一層厚奶蓋，然後舖滿芝麻粒同花生碎。由底至面咁吸，會有好多層層次，勁豐富嘅味蕾體驗😋凍頂炭燒烏龍🍂有啲似淡香嘅蜂蜜茉莉或綠茶味，帶有些微烏龍茶嘅甘香今次就試咗「黑糖珍珠鮮奶系列」同埋「頂級手採茶」下次仲可以試下其他系列，包括「傳統手工嫩鮮草冰」，以及「現磨手工豆漿系列」。

在PMQ附近工作完畢，一行三人行番去中環，正所謂三個女人一個墟，一路行一路傾，傾到口都乾，同行朋友突然指住對面馬路話想入去買杯珍珠奶茶，於是為食的水晶又跟埋入去買埋一份，呢間珍珠奶茶店用咗傳統中國新年個福到果種風格來做招紙，都幾得意，亦因為呢個原因，令吃貨水晶晶乖乖咁奉上銀両，一齊買番杯來飲，不過今次冇叫到香港人大愛的珍珠奶茶，而係因為我最愛的芋泥而叫杯手製芋泥豆漿💜💜💜呢個純手工豆漿系列聽落好似好健康咁，當然水晶都是因為怕肥而唔揀鮮奶啦🤭🤭🤭本身個芋泥唔算好甜，但咬落都會有啲口感，都幾香，行鴨巴甸街行到成身汗的時候正好可以一試

🌈慕名而來尋找台中的味道❤️🧋黑糖珍珠鮮奶就飲得多啦！加咗花生同黑芝麻又會係點嘅味道呢🤩呢間小店聽聞在台灣好出名，今日專程黎到，試咗店長推薦既👇🏻🧋花芝黑糖珍珠鮮奶@$38店員會喺你面前加上大量炒花生同黑芝麻😍成杯野飲好吸睛👍🏻呢度有塊牌教人由底至面逐層攪拌飲用，嚐出不同層次的香濃變化🌱珍珠煙韌，甜度適中，香脆嘅花生同芝麻令口感層次更加豐富😎🧋超級綜合嫩仙草@$48配料非常多，有紅豆、燕麥、芋頭、紫薯、花生、粉圓、嫩仙草！仙草好滑，中意有芋頭同紫薯，😍成碗份量十足，一個人一定食唔晒😅超飽肚！呢間小店就開響元創方附近，黎開呢邊都不妨試一試🌈☀️

【花生芝麻湯圓in 奶茶 多多花生碎都okay🤩】係為左佢個花生芝麻碎，好開心有花生芝麻湯圓嘅饀但唔洗食湯圓皮，淨係呢樣都夠晒吸引小編去飲🤤🤤✨花芝黑糖珍珠鮮奶 $38珍珠一般，但花生芝麻碎大加分😍😍一定要試，想佢落多啲tim 🥲 超香濃花生芝麻碎 有啲似胚芽奶茶嘅口感😍

作為珍珠奶茶粉絲🧋梗係要去試一試蜜滋麻美喇❤️今日同大少去開中環就一人一杯唔洗爭😎🌟花生黑糖珍珠鮮奶🧋呢杯係大少指明Order花生碎原來同珍珠奶茶係咁夾😊每一啖除咗有煙煙韌韌嘅珍珠之外花生碎都加左唔同嘅口感特別得嚟好好味😋🌟花生嫩仙草烤奶🧋涼粉滑捋捋唔同嘅質感拼埋煙韌嘅珍珠當然仲要加埋招牌花生碎成個口感好享受😊經過嘅朋友記住唔好錯過😎