蜜滋麻美

營業中

休息中

花芝黑糖珍珠鮮奶 $38本身黑糖珍珠鮮奶已經好邪惡，原來仲有得升級😈新鮮打磨嘅花生/芝麻碎口感好正🥜香氣十足，好似食緊湯圓😂手搖飲品最忌太多糖，叫微糖就啱啱好👍🏻珍珠煮得夠透幾軟熟，可惜差咁啲炭燒嘅餘韻😢不過綿密嘅鮮奶油又補返數😍超級綜合嫩仙 $48來自台中嘅百年老店果然唔同啲！仙草夠曬滑溜，新鮮蒸煮嘅紫心薯同埋芋頭都好綿🍠大碗到可以當正餐🤪身為「茶痴」下次嚟一於試吓頂級手採茶🍵雖然位於中環，但係位置隔涉，人流比較少，唔使排隊！

中環茶飲店開到成行行市無番d特色都站唔住腳呢間就係以花生蓉同芝麻蓉做招徠花生黑糖珍珠鮮奶 ($36 熱飲另加$5)飲落就似珍珠奶茶加花生糊既混合花生碎俾得好足料每一啖都飲到一粒粒另外叫左個仙草3號 ($45)有芋頭 紅豆 燕麥 珍珠 仙草比想像中大碗可以兩個人share一碗芋頭都幾稔紅豆粒粒分明珍珠幾煙韌每樣配料都幾平均舖頭位置唔太就腳要去到PMQ附近地鐵站行上去都要10分鐘建議如果想飲都係叫番delivery

好幾年前喺台中飲過，嗰時已經覺得驚為天人。今日去元創坊，無意間發現原來佢喺香港開咗分店！花芝黑糖珍珠鮮奶 $38攪拌前先飲一口，入口奶香極重，口感順滑，珍珠煙韌有嚼勁，有淡淡的黑糖香，但又唔會過甜。攪拌之後再飲，感覺完全唔同，今次鮮奶同炒香咗嘅花生粉同黑芝麻粉融為一體，好似湯丸嘅味道。嫩仙草4號 $45呢個組合有花生、芋頭、燕麥、粉圓配嫩仙草，嫩仙草滑溜，有淡淡涼茶味，食完即刻覺得自己冇咁熱氣。花生有炒過，口感爽身唔係綿嘅。份量十足，加上又芋頭又粉圓咁，淨係食呢個甜品都夠飽肚！好彩我冇掛住玩電話，如果唔係就走寶啦！打咭位，後尾先知道擺飲品上去會着燈圖文並茂教客人點樣飲，好細心包裝好有特色，有節慶嘅感覺

今日經開中環，同朋友行行下口渴想買杯野飲，見到呢個牌好似好正咁，點知我地見到有抹茶味，我朋友係抹茶控，而我都比抺茶珍珠奶茶吸引！！！我地兩個即刻過去買！！個鋪名好得意🤣🤣抺茶黑糖珍珠鮮奶 $34店員問我要唔要少甜少冰，我講左要少冰，好快就有，野飲最上層全部都係好正嘅抺茶粉，飲左幾啖，感覺抺茶味帶有回甘，黑糖味甜甜地，夾埋一齊飲就岩岩好，唔會太甜又唔會太苦，唔錯！而我位抹茶控嘅朋友都超中意！！！正！

中環有好多間台式飲料店，呢間蜜滋麻美位置離中環既中心點遠左少少，近上環方向，但唔可以遺忘呢間店，佢既黑糖珍珠鮮奶系列係最出名，一定要叫佢呢杯。黑糖珍珠鮮奶仲有分好多味道，最推薦入花生同黑芝麻，兩溝都得。今次同朋友叫左一杯黑芝麻同綠茶，叫去冰或者熱飲係要加多$5，因為佢係用全鮮奶去做。黑糖珍珠係非常滿，幾好咬，唔需要咬得好吃力。最正係佢啖啖鮮奶既味道，同出面溝水或者溝粉好唔一樣，$30幾蚊飲到咁足料性價比好高。

呢間台式飲品店一直都係我既bookmarked list入面,對於平時就好鍾意花生同黑芝麻既我真係好吸引！花芝黑糖珍珠鮮奶黑糖珍珠鮮奶上灑上大量花生及黑芝麻粉,超級澎湃又吸引.底下黑糖珍珠Q韌彈牙,外內都煮得熟透唔會外軟內實.黑糖珍珠香甜帶點焦香,混上鮮奶後味道更香醇細滑.吸入口中每一啖同時帶有花生及黑芝麻香,花生及芝麻既焙香味令整杯黑糖珍珠鮮奶更有層次感.超級綜合嫩仙綜合嫩仙配料相當豪華,有蜜紅豆,燕麥,芋頭,紫薯,花生,粉圓及嫩仙草.一碗既份量足夠2個人share!嫩仙草嫩滑唔會過實,加上少少奶後仙草更滑.整體甜味剛剛好唔會過甜,再配上其他配料帶出唔同口感及香味.花芝黑糖珍珠鮮奶

超適合打卡，延續台中嘅台式飲品店🧋《花芝黑糖珍珠鮮奶》$38最底層係手炒黑糖珍珠配搭鮮奶之後Cream foam上有黑糖粉再加上花生同埋芝麻粉成杯飲品口感非常豐富！同層次感一流 非常適合打卡📸而花生同芝麻都炒得好香☺️增加咗奶嘅香氣但係略嫌鮮奶base唔夠香濃🥲 如果香濃啲會更加突顯到黑糖珍珠嘅黑糖味當日去到見到珍珠應該啱啱炒起無耐，所以質感啱啱好😋大家可以跟住佢個飲用秘訣😳《芝士奶蓋香檳茶王》香檳茶王姐係紅茶茶底清香甘醇叫左無糖，配上芝士奶蓋啱啱好

蜜滋麻美mizimamei 香港原來係首間海外店傳承百年，堅持傳統手工製作 。傳承台灣古早美味係蜜滋麻美嘅理念，店內所有材料都係台灣直送，每日現場手工新鮮蒸煮。確保大家可以飲到傳統的台灣古早味道！ 款式多多，今次bi就試試台中獨有人氣風味蜜滋麻美嘅招牌「花芝黑糖珍珠鮮奶」，特別之處是奶蓋上的每日鮮磨花生、芝麻粒，選用台灣直送的花生芝麻，新鮮打磨味道香濃，與黑糖珍珠意想不到地配合，但呢個係無得少甜嘅。仲會教埋大家點飲，一杯多重口感！

🧋花芝黑糖珍珠鮮奶 $32第一啖飲落口 好特別(❁´ω`❁)係香港無飲過咁既味嘅珍奶因為啲花生碎同芝麻碎令到食落口好似食緊湯圓( ͡° ͜ʖ ͡°)奶味好濃 黑糖味淡咗少少不過我好鍾意飲奶 所以我自己就幾鍾意！同埋如果太多黑糖就太甜啦！加埋啲花生碎同芝麻碎就會甜上加甜所以而家咁樣反而岩岩好*✲ﾟ* 🧋香檳茶王芝士奶蓋 $37奶蓋好好味(*･ω･)ﾉ第一啖飲到奶蓋 無我想像中濃味仲同香檳茶好夾 唔會飲完好似好漏茶味都好夠 消暑解渴！

位於上環有間來自台中百年老店，每日手工烘焙蒸煮，好多人食過都話推薦🤔*花芝黑糖珍珠鮮奶 $38用鮮磨花生、芝麻粒鋪面，外觀已經好吸引🤤奶味香濃🥰 珍珠q彈軟身，黑糖味吾會好甜*超級綜合嫩仙草 $48裹面有蜜紅豆、燕麥、芋頭、紫薯、花生、粉圓、嫩仙草材料好豐富，份量亦比想像中多仙草嫩滑，芋頭泥和紫薯泥超棉滑，成個乒乓波咁大，味道帶有燕麥和紅豆的香甜，配脆口花生口感一流☺️ 暫時呢間的甜品身得我心🤤🤤🤤

台中人氣排隊店「蜜滋麻美」係香港都有分店🤩佢地係來台中最為人熟悉既近百年老店「幸發亭蜜豆冰」 由第三代傳人創立既新品牌將傳統及手搖飲創新結合用嶄新嘅方法呈現老品牌嘅新面貌💯👍🏻全部都係手工製作現場烘焙同蒸煮而且透明杯身紅春聯同時成為左signature 一望就知係佢地既出品🤩🌟花芝黑糖珍珠鮮奶奶蓋上用灑滿由台灣直送 每日鮮磨花生🥜芝麻粒🤩飲落勁香濃💯👍🏻同估唔到同黑糖珍珠會甘夾而且珍珠幾煙韌有咬口 👍🏻整體亦都唔會太甜🧋🌟芝士奶蓋蜜香烏龍茶底好香濃 而且飲落唔會澀口配埋濃滑鹹香嘅芝士奶蓋🧀兩者超級夾 好好飲👍🏻

蜜滋麻美 網址: h地址: 中環鴨巴甸街16A號地下電話: 92897864===================行完pqm有d口渴，中環多coffee shop 但飲到悶，一出pqm行落去見到間賣台灣珍珠奶茶同茶飲。搵左資料原來在台灣是上百年歷史的老店了。$38 花生黑芝麻珍珠鮮奶，大大杯好飽足，面層是多到快掉出來的花生同黑芝麻，啜上一口全是花生及黑芝麻香，底是醇厚的鮮奶，黑糖甜度要了微甜，更能喝出烤過的花生及黑芝麻芳香。$48 超級綜合嫩仙甜品，一大碗有蜜紅豆，燕麥，芋頭，紫薯，花生，粉圓同仙草。仙草好滑，芋頭紫薯好夠粉，甜湯水甜中帶甘，是夏日消暑之選。門口有白色波波可以影下相，雖然只有企位專做外賣，行開中環值得再飲。

行上 PMQ 行到身水身汗，中途見到間台式飲品店就入去望下，嫩仙草好多配料勁吸引，即刻叫碗食下降溫先！蜜滋麻美位於中環鴨巴甸街斜路上，由地鐵站行上來的話都幾大運動費架。水泥牆身簡約裝修，想現場吃的話也有一張小桌子可以短暫立食。其中一面牆就設置了白色珍珠打卡位。飲品除了主打的黑糖珍珠鮮奶，亦有奶茶、現磨手工豆漿、手採茶和手工嫩仙草冰等。招牌飲品賣點是有五個層次，邊攪邊喝每啖都有不同香濃變化。原來是來自台中百年老店新創品牌，產品堅持手工製作，現者烘焙及蒸煮，展現食物原味。超級綜合嫩仙 HK$48蜜紅豆、燕麥、芋頭、紫薯、花生、粉圓、嫩仙草綜合嫩仙草份量都幾大喎！碗底有黑糖刨冰和大塊嫩仙草，上面鋪滿不同材料。芋頭和紫薯泥都煮得柔軟，口味不會超級甜。中間有好彈牙的粉圓(aka 珍珠)，當中神來之筆必定係脆花生，口感頓時生色不少！香港越來越多台灣名牌飲品店，每間都有不同特色和必吃之選，幫襯之前真係要做足功課呢！

前幾日去咗中環行街經過一間台式飲品見佢賣嘅飲品同其他舖頭有啲唔同於是入去睇睇原來呢間係台中百年老店過江龍於是就買兩杯飲下第一杯帶咗佢哋舖頭嘅招牌款式花芝黑糖珍珠鮮奶 （轉紅豆）呢杯嘢飲強調有豐富嘅層次感首先係除咗有紅豆綿密嘅質感之外仲有香滑嘅奶油同埋特濃牛奶不過最有特色嘅係佢哋用上手炒嘅花生同埋芝麻 令到成杯嘢飲嘅層次昇華飲落去除咗有牛奶嘅香味之外仲有新鮮即炒芝麻嘅口感 再配埋花生呢個配搭非常唔錯 香檳茶王另外朋友叫做一杯香檳茶王試下佢哋嘅茶底茶底香濃而帶有甘甜嘅味道 比喺其他嘅台式飲品 呢款茶有新鮮感 食完飯飲返一杯茶的確有消滯嘅感覺 最緊要係搵返台灣嘅味道

-蜜滋麻美 🍵上星期仲係天時暑熱係中環行街果陣尤其是係果條長命斜 特別想飲野見到呢間平時好多人排隊既茶飲但果陣唔算好多人 所以趁呢個機會去飲下~唔入去都唔知原來蜜滋麻美係來自台中仲要係由百年傳承老店「幸發亭」繼承人開既（店入面個牌係咁樣寫的 好似好威威）店鋪比一般茶飲店算大 起碼有個位可以避暑不過就唔係好多高枱畀人打卡/飲下野🍵芝士奶蓋蜜香烏龍 （L/$36)身為茶飲愛好者 茶葉味道都好有講究的！第一樣吸引我既係頂級手採茶 蜜香烏龍 係其中一款茶種 佢有自帶果香味 味道都較為甘醇💕因為本身已經帶有甜味 我就叫左少甜加埋芝士奶蓋 其實都係會有啲太甜建議無糖會更加飲到茶葉既醇郁度☺️🍵 嫩仙草紅豆烤奶 （M/$34)店員介紹一定要攪均先飲用仙草同紅豆份量真係好多~ 口感豐富烤奶亦都有陣陣烘焙過既味道所有材料一齊飲用都唔會互相蓋過對方味道 💕 建議少甜~