蜜滋麻美

營業中

休息中

心思思想想食台式糖水想左幾日 今日終於比我食到 朋友極力推介既蜜滋麻美 佢話呢到既仙草好貼近台灣既味道 所以我地就由大老遠黎到中環食仙草嫩仙草3號 $45紅豆煮得非常軟，一咬就爛，嫩仙草就好嫩滑超級綜合嫩仙草 $48材料超級多，紫薯好甜好滑，有小小似食緊雪糕咁舖頭只設一張枱，手快有手慢冇，糖水好冰凍，最適合夏天食，份量好多，兩個人食一碗都夠食，我同朋友一人一碗食完係飽晒既，可能係因為入面既紫薯同芋頭都比較飽肚啊

身為抹茶控的我係唔會放過任何一樣既抺茶製品 就算係野飲都一樣🍵係中環同朋友經過蜜滋麻美 朋友想買杯珍珠奶茶飲下 咁好喇我又走去睇下有咩岩飲 點知！！！比我發現左抺茶黑糖珍珠鮮奶，我二話不說就向店員落單😋抺茶黑糖珍珠鮮奶🧋$34店員問我需唔需要少甜少冰個啲，我就要求左少冰，野飲既最上層全部都係我最愛既抺茶，係放抺茶粉的，抺茶味道帶有回甘，黑糖味道就甜甜地，夾埋晒一齊飲就剛剛好，唔會太甜都唔會苦，唔係抺茶控既朋友都讚好飲🥰

食完lunch係附近散下步，無意中見到尼間「蜜滋麻美」。雖然已經好飽，但都係抵擋唔到珍奶嘅誘惑，決定買返杯試下。我買左杯綜合嫩鮮草烤奶，裡面真係好足料，吾單止有我最鍾意嘅仙草，仲有珍珠、紅豆、燕麥同埋花生。平時嘅手搖飲品裏面好少會有燕麥同埋花生，但原來加埋一齊飲又幾夾。仙草嫩滑、珍珠Q彈、紅豆軟糯、燕麥營養、花生香脆，真係超級滿足。同事叫左杯黑糖珍珠鮮奶。黑糖珍珠鮮奶到到都有，尼到比較特別嘅係係廚房攞左出嚟之後，店員仲會係你面前灑上黃豆粉，所以飲嘅時候仲會多左一層香味。拎到上手嘅時候，杯底係熱嘅，店員亦好貼心咁提醒我地要攪下先好飲。下次再黎想再試下佢地嘅芋泥同紫薯鮮奶。

在中環中西夾雜的地方發展一間帶有濃厚傳統文化色彩的珍珠奶茶店，寫著堅持手工製作，現場烘焙及蒸煮。.買了兩杯珍奶：花芝（即花生+芝麻）、芝麻黑糖珍珠鮮奶.黑糖珍珠鮮奶上台後，台員在現場撒上燕麥，及加上芝麻及花生碎，賣相十分豐富吸引。加上紅色揮春的 美字，很有傳統風貌！.黑白分明，黑糖夠濃香，珍珠吸收了黑糖的甜香。.值得一讚芝麻炒得很香，加入珍奶味道似是芝麻糊，又帶有點點芝麻/花生粒，口感豐富。味道也很有傳統之美，十分滋潤養顏。

今日放假去左元創方pmq 行街，熱到我差啲中暑，見到有間珍珠奶茶店即刻飛奔入去買野飲，舖頭入面都幾貼心有張圓枱仔比客人創下係到休息下原來依家珍珠奶茶店「蜜滋麻美」有台灣大有來頭，係百年老店黎既！依到吾止有手搖飲品，仲有糖水好多種嫩仙草冰。不過我實在太口渴所以都係叫左野飲，「花芝黑糖珍珠鮮奶」第一次飲，都未係香港其他地方見過，因為每口都有芝麻花生再加上珍珠既口感，有啲食緊芝麻花生湯圓咁，又幾好飲，味道係超級濃郁

呢間台式手搖店係台灣既百年傳承老店，所以都保留左啲傳統感覺，有啲復古feel，我估台灣應該好多分店，可以去返旅行一定要去台灣試下同香港有咩吾同全部都係手工製作，誠意十足，之前去台灣最中意有仙草既野飲，今次點左杯綜合嫩仙草烤奶，入面有好多吾同材料 有嫩仙草、粉圓、蜜紅豆、燕麥、花生，飲落口感好複雜，花生有脆脆既口感，而嫩仙草好滑，價錢合理S $38、L $42個杯印住個「美」字，有啲似揮春，簡簡單單但好靚，亦好有特色

去完中環植眼睫毛經過見到一間台灣嘢飲，依家一直都想試吓，因為佢個店名好特別，叫蜜滋麻美。#抹茶黑糖珍珠鮮奶 💰34 珍珠好彈牙甜度適中，抺茶粉令整杯飲品唔會太甜，岩岩好。杯飲品size都算大，黑糖味好出啊，奶味亦都好重。👍🏻👍🏻👍🏻下次會試下其他既飲品，如果唔想飲鮮奶，呢度都有豆奶選擇。👍🏻👍🏻👍🏻👍🏻👍🏻另外仲有仙草芋圓，種類黎講都幾多！可以外賣回家試吓😼😼😼

台中百年老店，招牌揮春貼喺杯上，非常有特色💫花生芝麻黑糖珍珠$38上面鋪滿花生芝麻碎，加埋黑糖珍珠，煙煙韌韌口感豐富，好似食緊糖不甩咁，第一次品嚐呢個組合，極小地方見到🤩佢除咗可以選擇鮮奶仲可以選擇豆漿，就算對奶有敏感都可以放心放心✨

太耐冇去旅行 今日同朋友嚟過中上環小旅行 經過呢間蜜滋麻美係台灣嘅過江龍飲品店就買番杯飲下啦叫咗杯招牌嘅花之黑糖珍珠鮮奶 上面鋪上滿滿嘅芝麻碎同埋花生碎香味十足 而且仲好有咬口㖭啖啖都有餡料 點少得黑糖珍珠夠入味又煙煙韌韌 配上鮮奶甜而不膩超級綜合嫩仙 係勁大碗嘅仙草凍 入面勁多料建議兩個人先好叫 包括 蜜紅豆 燕麥 紫薯 花生 粉圓 仙草凍非常嫩滑好似滑入喉嚨咁非常消暑 啖啖都有唔同嘅材料 我最鍾意芋頭蓉非常綿密 好似食緊軟雪糕咁

蜜滋麻美係台灣既過江龍，係中環返工既同事成日都大讚呢到啲野飲好好飲，叫我一定要試下，咁岩今日經過又吾趕時間就排隊買返杯嘆下！🥰呢到個門面雖然平平凡凡，但野飲真係靚到嘩一聲點左杯花芝黑糖珍珠鮮奶，係呢到既店長推薦，諗黎諗去都吾知咩係花芝，原來係花生碎加芝麻，花生同芝麻勁香，第一次加落野飲到，意想不到咁夾，亦有小小脆脆既口感，怕甜既我嗌左少甜，鮮奶吾會太甜，所以加埋黑糖珍珠真係岩岩好，一試真係會愛上，強烈建議愛花生芝麻既朋友試下

喺中環放lunch經過一間飲品店，賣相好特別唔係平時嘅芝士奶蓋，而係有芝麻同花生係面🤨 ig 一search 原來係台中百年老店😮💓🧋花芝黑糖珍珠鮮奶 $38🌟人氣no.1 嘅黑糖珍珠鮮奶，除咗打卡一流之外，飲落都好好味！店員會係你面前灑上手炒芝麻同花生🥜份量多到滿瀉😂 珍珠份量都好多最尾飲唔晒🤭綜合嫩仙草烤奶 $42仙草，粉圓，紅豆，燕麥，花生，超級豐富！咁有口感，基本上大半杯都係料🤪 自家製仙草做得唔錯，超滑又唔會太甜💯

天氣太熱，行上PMQ時經過一間台飲店「蜜滋麻美 」。即刻入去買返杯飲品先！見到牆上貼有不少雜誌報道，蜜滋麻美係台灣中部的人氣台飲店。依家香港呢間係第三代傳人，果然厲害。蜜滋麻美嘅招牌係「花芝黑糖珍珠鮮奶」，不過我對花生同芝麻無咩興趣，所以我叫咗一杯「抹茶黑糖珍珠鮮奶」。有別於其他台飲店，抹茶唔係同鮮奶溝埋一齊，而係擺上面層做topping。其間見到其他客人點咗「花芝黑糖珍珠鮮奶」，花芝係頂層堆積到好似小山丘咁，證明呢到嘅奶蓋超豐厚！而我個杯同「花芝黑糖珍珠鮮奶」分別就係變咗抺茶粉作topping。45度角直接飲，會感受到抺茶嘅甘香，奶蓋嘅綿密，鮮奶嘅順滑。然後拌勻用飲管飲，叫咗減甜，都唔會太甜，甜度主要係黑糖珍珠出嚟。

餐廳位於中環，由地鐵站上環到來路程需要八分鐘左右，還算方便快捷。餐廳在台南有過百年的歷史，歷史悠久，絕對是信心之選。花生嫩仙草烤奶，這是我這天點算的飲品，還算不錯，可以挑選不同的甜度，選擇自己喜愛的。但我更能欣賞就是可以挑選不同的大小，更為貼心，看起來店舖很少，但值得推薦的。味道方面，真的不錯，其實擔心的朋友更可選擇冰度，但令我最驚喜的就是他的口感，由人手即叫即製的溫暖，就是餐廳最吸引我的地方了。

【台中過江龍🎉蜜滋麻美】同朋友仔係中環行到好熱🏜見到哩間台式飲品鋪😍😍😍即刻入去食個仙草冰消消暑嘆下先！📍超級綜合嫩仙 $48 🍧仙草冰入邊咩都有　蜜紅豆、燕麥、芋頭、紫薯、花生、粉圓、嫩仙草再加刨冰🧊底。芋頭同紫薯食落軟綿綿，仙草又滑又香，粉圓Q彈，幾款唔同嘅配料加埋口感好豐富❤️因為底層有冰嘅關係減低左甜膩嘅感覺，係一碗透心涼嘅甜品！📍紫薯鮮奶 $38 🍠朋友係紫薯控😂見到紫薯佢即Order～入口係香甜嘅紫薯味同厚醇嘅鮮奶，飲嘅時間會食到紫薯蓉。稍稍攪拌一吓紫薯蓉同鮮奶溝埋會更香濃🤟🏻貪心仔可以追加奶霜、珍珠、燕麥等等...後來發現，原來 #蜜滋麻美 是一間來自台中的人氣過江龍百年老店！係我地哩Ｄ閒日下午來先唔洗排隊～LUCKY!🍀另外走嗰陣先見到，舖頭附近有個公園仔（百子里公園），如果太多人可以考慮吓拎去嗰度食。蜜滋麻美📭 中環鴨巴甸街16A號地下☎️ 92897864

與別不同的珍珠奶茶主打芝麻、花生、仙草芝麻珍珠奶茶：珍珠好Q彈， 不會太甜混埋黑糖珍珠後，甜度剛好，芝麻味非常香仲有新推出既一系列仙草的糖水， 叫咗仙草4號， 有芋頭、花生、燕麥、仙草、珍珠、黑糖冰底。先講芋頭， 芋頭係芋泥，質地甜度OK。我覺得比較特別係燕麥，其實燕麥就比較似薏米，但係將佢變成薏米羹，已經混合甜味，所以混合仙草非常配合， 夏天食好正呀。 另外花生味道都好有台灣feel食完即刻有去左台灣的感覺， 最緊要係性價比都很高