蛇王協

營業中

休息中

趁著香港難得幾天比較凍的日子，趕來食個蛇羹。於九龍，出名的蛇王都在深水埗，今日就揀了蛇王協。蛇王協的太史五蛇羹都算不錯，用料多、份量夠，稍為不夠香，建議添一點醋一齊食，而我喜歡它的薄脆和檸檬葉大大盤的放在枱上任添，我一邊食蛇一邊狂加薄脆和檸檬葉也不內疚。另外我也點了一個糯米飯，糯米飯不過不失，唯獨是不夠熱。（不過我是在吃過蛇羹後才吃糯米飯的，所以天冷了飯也較易冷吧？）簡單的一餐，算是在香港短暫的冬天應節一下。

印象中上一次到蛇店食蛇宴,已經係幼稚園時期嘅事。闊別多年,今次有朋友組團,當然重拾兒時回憶。滿座,生意好好。蛇羹比想像中足料。大大條蛇肉,配上薄脆豐富左口感。椒鹽蛇碌,口感似肉排,惹味。有細骨,食時要小心。個蛇湯有烏雞,好足料,味道濃郁。

秋風起，乜野肥大家都知喇，梗係三蛇肥喇呢間蛇舖都算歷史悠久，最近都小裝修過，比之前光猛左。下晝都咁多人幫襯，試過夜晚嚟要排隊添。白板貼滿女蛇王d威水野，包括中英文報紙d訪問，中外名人幫襯d相。BTW,女蛇王後生時真係幾靚女新嘅蛇櫃擺左喺舖頭靠後位置，以前係有蛇喺入面。現場問個店員d櫃筒而家重有冇蛇，佢話夏天就冇，冬天就有，因為冬天會有客嚟食生蛇胆。以前食蛇羹時見過店員即場刮過蛇胆出嚟，個客用酒成粒吞落肚是日都見有伴食蛇羹嘅檸檬葉，但薄脆就唔見影喎，why?食晒補充唔切？蛇羹都保持倒以往水準嘅，熱度夠，用料足，稠濃度亦啱啱好，調味都ok,唔算咸。糯米飯個賣相就麻麻地，係好隨意咁畢落去，攪到碗邊都有d飯，肉酸左d。但食落又OK喎，飯軟梗度適中，用料同調味都唔錯。幾拾年如一日，重係用緊最原始嘅手寫單，街尾蛇王X已改用電子單喇。不過都完全無傷大雅嘅，嚟食野唧，又唔係食張單。一年都會食幾次蛇羹，呢間蛇鋪d野都算維持倒以往嘅水準嘅，而且店員d態度都幾好。

秋風起三蛇肥，放工同事好想食蛇羹，一行三人來到深水埗，地鐵站一出行2分鍾，鴨寮街蛇王恊~好多人幫襯過都話堅料，原本諗住食個蛇羹加糯米飯，因為大家都肚餓，叫下叫下叫咗好多嘢。先來每人一個細蛇羹，其實份量都唔細，蛇羹好足料，加少少檸檬葉，幫助帶出蛇的香味，條條蛇肉又大又粗，好好食。酥炸蛇碌，豉油王脆炸，非常香口，且好有口感，粗骨只啱大人，小朋友可望而不可試。山瑞燉湯，材料豐富，有食客叫個燉湯跟個白飯，咁就一個豐富晚餐。再叫多個羊腩煲配生菜，腐乳醬是必備，配料有筍，枝竹，冬菇等等。

就快到冬天了，每年都會約埋同事一齊去食蛇羹，當然今年都唔例外。於是今年一於去深水埗呢間蛇王協到食蛇羹驅驅寒補補身先。位置相當方便，一出地鐵站，不用一分鐘就到，鋪面簡單但好有特色。蛇羹滿滿一碗，用料十足，除了有大量口感嫩滑結實的蛇肉外，還有爽口的木耳同冬菇絲，仲有肉絲，口感十分豐富，而且湯好濃稠唔稀，味道香濃好食，加入埋脆卜卜的薄脆同胡椒粉就更加好味吸引。而且有大碗、小碗任均選擇。因為我食埋糯米飯所以就選左小碗，而呢度糯米飯既香又好味，同蛇羹一齊食好夾，食完呢餐真係感到溫暖。

成日都同朋友經過深水埗呢到㗎啦，但係成日都唔敢去試，我哋全部都未食過蛇羹，突然間有日經過就話不如大家去試吓囉！咁就入左去試下香港本地既名物， 蛇羹！蛇羹係好滋補嘅食物，食完之後即刻成個身都暖晒，Feel到啲血氣好似係身體入邊運行緊咁樣，哈哈。雖然蛇羹如果未食過係會有啲得人驚，但係其實佢個味道係好似食碗仔翅咁樣架，唔會覺得有好大陣蛇味，仲可以加啲醋同胡椒粉咁樣食，仲有脆片，加左口感層次更豐富！我覺得如果遊客嘅話真係可以過嚟嘗試吓。邊食邊見到啲遊客唔怕死咁樣，喺度同嘉玲姐玩蛇，成個氣氛好歡樂～

香港賣少見少，捉蛇的師傅也少了，難得來到舊區味重的深水埗，看到歷史悠久的蛇王協，忍不住口都要吃一碗蛇羹先。蛇羹材料很豐富，滿滿有很多蛇肉，湯很濃，爽爽的木耳，冬菇絲，一絲不苟風味十足!枱上有薄脆和檸檬葉，但沒有菊花……比較意想不到，店內很多人搭枱，很多人夏天都來吃♡細碗已經很飽肚，現在$48一碗，大碗$78 實在不便宜!不過蛇羹有補身驅寒效用，男女都適合，秋冬還是最好的養生食物呢!現在年輕人很少會吃蛇吧？

提提大家，今天看到地面的店在整修裝潢，聽旁邊店的人說才知道要上一樓。今天是我第二次吃蛇王協，環境，服務，衛生我都是給一星，因為真的沒有什麼高分數可以給。環境是骯髒，有幾隻大型的飛行蟲。服務方面是只有我們一桌人，員工們都很輕鬆，給一星原因是沒有茶水服務，而且桌子骯髒得不得了。但是也想再吃是因為試過其他的蛇店，沒有這一家多蛇菜的款式。而且味道不錯，今天叫了五味，一是蛇羹，二是蓮藕冬菇煲仔蛇腩飯，三是椒鹽蛇碌，四是臘味糯米飯，五是薑蔥灼蛇。蛇羹非常多的蛇肉，味道也很好。蓮藕冬菇煲仔蛇腩飯的蛇肉是最好吃的，很嫩滑很香。椒鹽蛇碌味道比較重，但是我們都很喜歡，吃起來有點像豬排。臘味糯米飯味道是不錯，料頭也足夠。最後的薑蔥灼蛇我們有點失望，吃起來沒有用心做的感覺，只有味精湯灼的感覺，因為吃完這個很口渴，而且這個菜的工序比其他的感覺都要簡單，說這麼多是因為這個最貴，要180，但是比起前四個菜，這個的色香味都完全不值這個價格。但是整體來說，我們對食物是非常滿意的，所以也會再去吃。最後提醒一下，蛇肉很多尖骨，吃的時候要格外小心!

早排見好似好耐冇食蛇行過深水埗見到呢間蛇王協忍唔住就入咗去睇下我叫咗一個蛇羹食蛇羹足料好味場內環境都好乾淨秋風起嗰時可以再嚟呢度食另外呢度都有食蛇羹必備嘅糯米飯但係今次我實在太飽最尾都係冇試到

家庭聚會總喜歡到酒樓晚宴，但吃得多覺得太悶，突然表姐提議去吃蛇宴，夠滋補而且又特別，所以早早訂好位子。古色古香的蛇王協，門口已經看到一個個裝蛇的櫃子，還有一個籠子養着蛇，十分吸引。蛇宴被安排在樓上雅座，比門市更加清靜，大枱還可以包廂，好適合家庭聚會呢。今天蛇宴的餐單。好多道菜，而我們今天只吃半席份量。蛇膽酒套餐內附送自製的蛇膽酒，老闆娘說是真材實料，因為蛇膽酒原本是綠色的，蛋白質氧化會變成茶色，這是我第一次飲蛇膽酒，味道香濃，有助清熱。套餐內還有汽水及啤酒奉送，絕不吝嗇。太史五蛇羹好豐富的五蛇羹，每一啖都嚐到蛇肉的味道，加上檸檬葉、白菊花及炸薄脆，令到蛇羹更有口感，濃稠程度可見非常足料。龍飛鳳舞炒蛇片跟鴕鳥肉，炒得好惹味，而且鴕鳥肉腍身很好吃，蛇片有嚼感，配有西芹伴碟香濃。金龍獻豬蛇肉混合蝦膠炸成的，中間吃到甜甜的蛇肉。椒鹽蛇碌炸得好香口，帶點微辣，用來配酒吃不錯秘製炆蛇腩內有蛇腩，鮑片，冬菇及蓮藕，醬汁味道像鮑魚汁，蓮藕腍身，蛇腩好嫩。古法白切雞每日新鮮由街市運來的白切雞，口感嫩滑，雞味香濃。巨型老蛇蟲草花燉烏雞十分足料，可以看到巨型的蛇碌，燉湯味道香濃，內有淮山杞子，感覺好滋補。生

巳經很多年未食過蛇宴。記得當年尚小跟大人一起去食過，但印象巳很模糊。而且身邊的一部份朋友一聽見食蛇，就覺得我係異類所以咁多年来，都是獨自去"偷歡"食蛇羹剛巧今年，其中一個朋友勁力推介蛇王協的蛇宴。於是的起心乾相约一班 "志同道合"的好朋友齊齊去嘆我的童年回憶:平日，上樓食，也坐冇虛席。眼見也有6~7席。十二人一席$3960，可訂半席，前三天預約訂金1000[半席份量太史蛇羹~回憶中的白菊花，只在蛇宴才能再遇。而檸檬葉，炸薄脆就更不能缺少。一大窩。但很傑撻撻,真係料多過羹。椒鹽蛇球:龍飛鳳舞~炒蛇片,鴕鳥肉椒鹽蛇骨~[生菜包蛇鬆~[[淮杞烏雞八對蛤蚧燉湯~非常足料，有松草花，淮山杞子等藥材，非常補身，而且湯味超濃。[生炒糯米飯~沒有臘腸，臘肉，清清哋嘅齋炒糯米飯，用蔥同花生配搭。反而感覺冇咁漏，及飽飽滯滯。[另加:羊腩煲~再跟一碟西生菜，味道一般般。[另再加:一隻雞~冇咩肉，略瘦，但雞有雞味。[食後感: 半席蛇宴，其實有8人的份量，非常抵食。但味精超勁。回家後口喝到不得了，而且睡醒後勁攰。強烈味精"後為症"出現。整體餸菜的味道及外觀也很住家feel。若一年食一次，也未尚可。

蛇羹湯底完全淡而冇味, 雞胸肉多過蛇肉, 最慘係又嚡又唔熱, 食完口淡淡, 唔覺暖身, 仲要比成$78蚊; 深水埗大把好嘢食唔駛食佢, 真係請都冇興趣！從未食過咁差的一間蛇羹, 真係冇下次！

朋友的定期聚餐，都有不同的嘗試，這次有人提出蛇宴，我也充滿懷疑。晚上大家在深水埗集合，穿過鴨寮街，來到蛇王協。鋪內是一貫蛇店的印象，有蛇有籠，食客都在吃蛇羹，心想這裡有足夠地方給我們吃蛇宴嗎？原來由旁邊樓梯上去還有一個好大的空間，足夠數席蛇宴。蛇宴要預訂，朋友早就安排好了。蛇膽酒自家製的蛇膽酒清熱解毒，化痰止咳，套餐奉送，還有汽水啤酒，絕不吝嗇。太史五蛇羹蛇羹落足料，而且份量十足，除了蛇肉，還配上木耳、瘦肉、雞絲。湯羹比較濃稠，味道比較濃，加上薄脆，食到停唔到口。龍飛鳳舞(炒蛇片，鴕鳥肉)，少油，蛇片稍有嚼勁，鴕鳥肉比想像中香腍，兩者口感稍有對比，配上清新的西芹去炒。金龍獻豬香口彈牙，中間啖啖蛇肉。椒鹽蛇碌似椒鹽排骨，入口香脆有質感，非常惹味。秘製炆蛇腩蛇腩，鮑片，冬菇，蓮藕，非常豐富。蓮藕炆得夠腍，蛇腩又軟又滑，亦好入味。古法白切雞新鮮的白切雞口感嫩滑，香港真的買少見少。巨型老蛇蟲草花燉烏雞湯中有巨型的蛇碌，烏雞和蟲草花帶出鮮甜的味道，滋補暖胃。生扣野生大生瑞蛇汁時菜時菜配蛇汁，有新鮮感。生炒糯米飯食蛇羹的好伙伴，生炒糯米飯口感豐富，不太油膩，耐飽又暖胃。想不到平常吃聚餐的價錢，原來

「秋風起，三蛇肥。」然而現今這世代，要吃肥美飽足的蛇宴，又豈止是秋天的專屬味道。由聖誕約到過年，過年約到春分，好不容易約齊一班嗜吃之友，來一趟蛇宴。位於深水埗的蛇王協，由有「蛇后」之稱的周嘉玲打理，一席的價格為$4000元。年青一代也許對蛇的認識不深，不知大家有否留意一百毛的網絡短片，主持東方昇有一集到蛇店弄蛇，正正就是這家名店。六個人用半席，早於一星期前已預訂，而當日亦全院滿座。每枱也奉送三蛇膽酒，以蛇骨、蛇膽熬製，最特別之處在於新鮮蛇膽酒呈墨綠色，若屬真材實料，多放半年會變為茶色。蛇膽酒以外，啤酒、汽水、中國茶一應俱全。先上太史五蛇羹，份量之多已令一眾人驚喜非常，每人分得整整三至四碗。蛇羹材料亦是非常豐富，加上薄脆和檸檬草，滋補而味美，十分飽足。 龍飛鳳舞，即炒蛇片和鴕鳥肉，鴕鳥肉入味，肉質鮮嫩。金龍獻珠，由蛇肉混合蝦膠再炸過，炸蛇丸口感獨特，配上沙律醬更惹味可口。椒鹽蛇碌，將蛇肉去皮，連骨煎炸，幼骨頗多，肉食較少，卻辣得很滋味，配上啤酒一流。秘製炆蛇腩，味道像平常新年會吃到的鮑汁燴冬菇，用上蛇腩，嫩滑暖胃。古法白切雞，白切雞每日新鮮由街市運到，吃得出其嫩滑新鮮。唯燉煮過時，口感較

早前朋友食過一間以蛇作菜式嘅餐廳，當中朋友食完覺得相當抵食而且水準亦很高，所以今次同成班朋友就試埋佢嘅蛇宴。今次呢個蛇宴真係相當抵食，每席奉送汽水、啤酒、蛇膽汁酒，而佢個蛇汁飲完身個身暖哂相當足料。太史五蛇羹一向都相當鍾意食蛇羹，而今次呢個蛇羹真係超足料，有好多蛇肉，加入檸檬葉和香脆的炸物，簡直是絕配。炒蛇片和鴕鳥肉鴕鳥肉相當軟淋，蛇片則淡淡肉，不錯。金龍獻珠(炸蛇丸)蛇丸肉質彈牙和非常香口，加埋沙律醬一齊食好幸福呀。椒鹽蛇碌推介菜式，蛇碌炸到金黃色，香脆好味。而且佢嘅蛇肉亦唔會好乾，送酒一流。秘製炆蛇腩個底味味道調得剛好，個人對於佢個蛇腩都好有興趣，質感淋淋地帶爽口。而佢嘅蓮藕都很好吃非常入味。古法白切雞食得出係新鮮雞，雞肉非常淋滑，每一啖都好有雞味，真係酒樓都難食到呢個質素了。蛇汁時蔬見到雖然是普通的生菜，但原來表面仲加了蛇汁，真係別有一番風味。生炒糯米飯食埋呢個糯米飯真係好滿足，最重要佢飯粒分明，食完好溫暖。整體佢個價錢同食物質素來計真係超級抵，佢呢個蛇宴其實仲有好幾個菜式的，所以呢間蛇館真係值得去食。