蛇王協

營業中

休息中

冬天我最喜歡食既三補： 羊腩煲、蛇羹、糯米飯，今日我就可以食到兩樣喇。正之前都食過這間蛇羹不過都是拎走外賣返屋企食，今日我就唔拎走坐低係鋪頭直接食新鮮熱辣既蛇羹加糯米飯一場嚟到梗係叫個大蛇羹慢慢嘆啦！大蛇羹 $78大大碗送上未食眼睛已食先，哈哈！可以加至愛薄脆同埋檸檬葉絲一齊食，好豐富好滿足呀！食完蛇肉可以行氣活血係冬天之補。糯米飯 $18粒粒炒得乾身唔油膩另外見到餐牌有個蛇龜湯不如試埋叫個細蛇龜湯 $22 原來此湯是煲超過12個鐘，功效是解毒清熱祛濕等等

聽說蛇羹行氣活血對復原有幫助，趁家人陪著到了旺角，順便過深水埗蛇王協，整返碗蛇羹食吓啦。去到剛好見到老闆娘把蛇放在客人頸上拍照，原來客人想接觸吓活蛇，係可以要求老闆幫忙的，記得以前在深水埗可以睇到劏蛇取膽嘅場面，但係而家連有活蛇嘅蛇羹店都好少。因為啱啱响旺角食完午餐，所以都係買外賣返屋企自至食。外賣有薄脆同埋檸檬葉絲附送食嘅時候可以加啲落去，可以增以添香味同口感。蛇羹足料，據說裡面有幾種蛇肉，拆蛇肉都幾花功夫架。蛇肉口感有啲似雞肉，但係紋理同長度唔同，唔會同雞肉撈亂嘅，裡面有好多滑滑蛇肉同木耳絲，鮮味好味落埋檸檬葉更香。

因為舊年喺蛇王協食蛇宴覺得好味，而且菜式特別所以今年推介朋友一齊再食，點知竟然中伏，話明7時半開席但八點先有得食，太史五蛇羹雖然料多但味道一般。龍飛鳳舞炒蛇片鴕鳥肉，唔夠熱而且汁好稠。金龍獻瑞，比舊年細粒咗而且又係唔夠熱。椒鹽蛇碌，又咸又韌 。蛇汁時蔬，明顯係白灼生菜仲過咗火有部份菜灼到變咗啡色。秘製蚊蛇腩，又係唔夠熱而且汁太稠 。古法白切雞，無雞味而且雞肉仲韌到咬唔開。生扣野生大山瑞，汁稠賣相及味道都差。巨型老蛇蟲草花燉烏雞，夠熱不過味道一般。滋味生炒糯米飯，同舊年比簡直係差天共地，濕，我地大家都覺得好明顯係蒸熟之後落鑊兜兩兜。因為今次所有菜式都比舊年差所以無影相！

蛇羹是以多種蛇肉絲為主要材料的羹，其他材料以雞肉、豬肉、蛇骨、冬菇絲、薑絲、花椒八角等肴制而成。蛇羹屬於比較高熱量的食物，天氣凍就可以行氣活血，有暖身的效果。今天11時左右去到深水埗等「蛇王協」開門，原來他們是11:30才開始營業。等了一陣，已有好多食客到達，大家也是來品嚐這兒的美味蛇羹。今天外賣了兩個大蛇羹及一個生炒糯米飯加潤腸，大蛇羹每碗$78，小的$48.00，材料非常豐富，由湯底到拆蛇肉都是功夫，每到冬天我都會幫襯幾次，滿足一下這個食慾。進食時可以加一些檸檬葉幼絲及薄脆 增加香味和口感。吃到一半才想到忘記了拍照，滿滿的一碗已消耗了一半😂。順帶一提 生炒糯米飯都很出色，糯米飯粒粒分明，潤腸亦非常香濃，好味。

感謝Open Rice這個平台，讓我可以記錄低食過的美食。一家人做冬食飯，爸爸選擇了深水埗的「蛇王協」，食個全蛇宴。之前食過一次，一直回味無窮。第一道菜，是滿滿的蛇羹，我一向都很喜歡食蛇羹，加入香草葉和香脆的炸物，簡直是絕配，原來套餐有兩窩蛇羹，可以食過夠。炒蛇片和鴕鳥肉 - 平時很少機會食到鴕鳥肉，所以感覺特別矜貴。金龍獻珠 - 是炸蛇丸，蛇丸肉質彈牙和非常香口。椒鹽蛇碌 - 蛇碌炸到金黃色，香脆好食秘製炆蛇腩 - 很喜歡這個汁，味道調得剛好，鮑魚片、蛇腩、蓮藕都很好吃白切雞 - 雞肉非常嫩滑，和一般酒樓相比，這個雞實在太好吃了。蒸鱷魚尾膠 - 這個份量不太多，女士們都搶著吃膠的位置，可以補充骨膠原蟲草花老蛇燉烏雞 - 這個湯放上來時大家都搶著影相，實在太令人震驚，因有很大條蛇碌在湯內蛇汁時蔬 - 見到雖然是普通的生菜，但不知怎的總覺得特別鮮甜， 一碟菜很快就被搶曬。糯米飯 - 難以形容的好吃 如果不抗拒食蛇的朋友，這個套餐值得一試唯一要改善的，是坐得太擠迫了

秋天起，三蛇肥，呢幾日天氣突然急降，一經過深水埗就諗起想食蛇，亦自不然會去蛇王協食，原因只有一個：足料。講真食蛇羹緊係想食到多啲蛇肉，蛇肉多碗羹自然味道鮮同濃，蛇王協絕對滿足到我要求，再加多碗即炒糯米飯，食完即刻個身都暖晒，內力都增加百分之五。唯一係價錢亦都一直加....

The annual Hong Kong / Macau food journey continued. Today’s afternoon tea is...SNAKE STEW. Sounds scary but damn if it isn’t bloody delicious. No frill shop front with a giant chest of drawer full of snakes sitting in the middle, photos of boss lady (“the snake queen”) with celebs and her handling giant snakes plastered all over the wall. Got there at 2pm and the place is packed. Ordered the large snake stew and it was packed full of big chucks snake meat. The stock base was flavoursome. Boss l

秋風起 三蛇肥，未入秋已急不及待食蛇羹，其實四季都適合食蛇，因為蛇肉係有行氣活血作用，所以每次食完蛇羹，都會感覺到體內有一股暖流，不過夏天食一定會熱上加熱😆。今次家姐帶咗我嚟鴨寮街蛇王協，佢話呢間最好味最足料，我哋每人叫咗一碗大蛇（$75），再share糯米飯（$17），作為一個lunch係非常夠飽，一碗大蛇等於兩碗細蛇，既然咁遠嚟到，梗係有大食大啦😂。蛇羹超足料超多蛇肉，條條都又粗又長🤤，據聞呢度有幾款蛇响裡面，蛇肉口感似雞肉，好滑一d都唔鞋口，美味呀👍🏻👍🏻👍🏻；而糯米飯我就唔推介，因為飯唔香又有d硬，料少又細碗，兩人share 一碗都嫌多。後記：當日見到有疑似導賞團參觀，仲可以放蛇在手，呢個體驗好特別，大家唔駛驚，我聽到話條蛇好純、無牙、無毒架😁

食左2/3間深水埗嘅蛇羹，覺得蛇王協最足料！足料嘅意思係多大大條蛇肉，而唔係成碗都係得雞肉，冬菇，否則會變成好似食緊碗仔翅咁！大碗就$75，兩份食當下午茶，都夠嘅。我最鐘意係加好多檸檬葉一起食，有一陣清新嘅香味，又可以減淡蛇果種味。其實本人係怕蛇嘅，所以基本上我都係叫友人外賣俾我食。蛇係好滋補，冬天食更好，好似羊肉咁，不過有人怕羊果陣味，咁或者蛇會係你嘅選擇？

見到幾個負評，有啲意外，因為我想食呢間好耐，今次食到覺得好滿足！老實講座位就的確唔舒適，有啲係正常圓枱，但係有啲枱係好舊既辦公枱！不過只係快食一碗蛇羹，又唔太介意。叫了一碗「大蛇」$75，好足料，比一般蛇店多蛇肉，食得出蛇味。又叫了臘味糯米飯一碗$17，唔太大碗，一個人份量剛剛好。天氣超級凍，食完個人暖晒好滿足！下次一定會返來再食

「秋風起，三蛇肥」又係食蛇羹既時候黎喇，今日係深水埗經開食蛇羹既鋪頭，見到咁多人係度排隊，我真係忍唔住要排埋一份去幫襯下，以我所知深水埗都有好幾間蛇羹鋪頭，今次我就幫襯左呢一間。見好多人係門口排隊等開餐應該無死錯人掛，不過好彩我係外賣，所以唔洗點排就可以好快咁買走。叫左個大蛇羹盛惠 75 蚊，估唔到依家食個蛇羹都幾高消費。買完之後就嗱嗱林揸車返屋企開餐喇。大蛇羹其實都唔係話好大碗，蛇肉份量都可以接受，不過味道就真係偏淡左少少。

第一次食蛇羹，叫咗個細蛇羹嚟試下，真係唔鍾意食呀⋯⋯蛇肉多係多，但全部仲hi過雞胸肉好多，有啲腥，好彩拎咗包檸檬草先好味啲。個羹稍為水咗啲，唔夠結。蛇肉唔好食仲要咁多真係超級飽。

地點：地鐵站行幾十步就到很方便環境： 夠光猛，地方唔算太窄，食蛇都係要係舊區食先得，所以都唔求坐得舒服，高檔裝修服務： 招呼有禮，唔錯食物：蛇宴圍菜，我最中意個1) 過山烏蛤乸燉烏雞，湯濃味甜藥材味香啱曬我最愛濃味既人，2) 主角蛇羹，料足可惜湯頭味淡，不過不失，3) 蛇丸食唔出有蛇肉，食落好似一舊粉團，4) 椒鹽蛇碌，比較乾身，椒鹽味唔夠，5) 秘製蛇腩，不過不失，個人覺得鹹小小， 6)龍飛鳳舞(蛇肉炒駝鳥肉) 正常中菜水準，7) 古法白切雞，好有雞味，肉嫩唔鞋，正，8) 生扣大山瑞，第一次食，皮厚膠質，好似食龍躉皮一樣，有口感， 9) 最後蛇羹更係要配糯米飯，可惜飯唔夠粘性，麻麻總結：食蛇宴主角竟然唔係蛇羹糯米飯，我覺得燉湯同白切雞先係主角一流， 其他餸菜一般般， 價錢相宜，要先預訂，有時食蛇宴總好過成日食中菜圍菜， 家庭聚會都幾好

呢排都keep住十幾度以下⋯同朋友去左佢介紹既一間蛇羹鋪～地址唔難搵，一出地鐵站行兩步就搵到了！其實我一直都好想去試，奈何住得遠、夏天又唔適合食蛇既時候之下，百樣理由之下終於的起心肝過黎享受我期待以久既蛇羹了🤤 鋪頭貼左好多唔同既燉湯，不過見到都怕怕😛正正常常食返碗蛇羹算啦～蛇羹好足料😱😱😱之前細個食蛇羹為左脆脆，人大左食係為暖胃😋朋友果然冇介紹錯！蛇絲落得足，我地都好滿足呀～至於糯米飯🍚我覺得麻麻地～炒得唔夠香，臘味唔夠多😗可以唔使試都得。

高高興興的與朋友一起去吃蛇宴，見餐牌標榜蛇宴菜色吸引！早一個月訂枱，到這天去吃，見門㚈大排長龍，心想一定好正！可惜兩回事，12人迫在大廳，坐圎櫈迫到不能轉身，大衣背包亦無地方安置，員工亦不理會你，上菜先來一窩暖水温度的蛇羮。吃完第一窩立刻告知員工，第二窩超熱，味道差天共地！再上其他菜式，超細份量，每人一兩下便吃清，蛇不是用新鮮蛇，入口便知急凍貨式，招牌蛇碌，完全不是蛇碌，係一塊塊碎上的蛇件，又細碟超失望，蛤蚧烏雞湯就一流，整個蛇宴最好的一道菜式。3960元一圍不論環境菜式招呼，最多值2000元比多佢，貨不對辦！以後也不來吃這家蛇宴！