蛇王協

營業中

休息中

呢間位於深水埗鴨寮街170號地下，店舖叫”蛇王協”，呢間店一啲都唔難搵，深水埗地鐵站A2出口，向左手邊行前幾個舖位就會見到，一去到就知道呢間店舖有歷史，因為裝修有七、八十年代感覺，好食的店舖往往都要排隊，今次去到都要排，不過排隊時間是可以接受的，一坐抵當然必定要食蛇羹，有分大、小，大碗HKD80，細碗50，當然要配埋糯米飯及臘腸啦，糯米飯HKD20一碗，加HKD12有一條臘腸，臘腸可以選擇潤腸或普通臘腸，一碗細蛇羹+一碗臘腸糯米飯我已經好飽，好滿足，好好味。另外一提可以買佢地自家製蛇膽陳皮，止咳化痰勁有效，一包細細包，已經要HKD55，但絕對值得，老闆教我用半包焗水飲效果好好的。

天氣終於有點凍了，想食碗蛇羹暖暖身。去深水埗逛街，在網上搜尋看看有沒有賣蛇羹的店，原來都有兩間，這店近我行的位置，所以就選了這間。買了碗蛇羹還想買生炒糯米飯，才下午兩點已賣完了，只好吃蛇羹算了。蛇羹分小碗和大碗，我買了大碗回家和家人分享，外賣蛇羹都附有薄脆和檸檬絲。回家打開碗蓋，看到滿滿一大碗蛇羹內材料豐富，蛇肉有粗有幼，湯羹入口黏稠，鹹度適中，味道佳。放上薄脆和檸檬絲同吃，又另有風味。吃飽全身也溫暖，確是冬天的好食品。

凍冰冰 最好就食下蛇暖下個人 限聚令底下 連年年都可以去個蛇宴都冇埋今日趁有時間就衝入落深水埗食返個蛇暖胃 😋蛇🐍羹足料 都算多蛇絲可能落得多左胡椒粉 食落肚已經好暖胃 🧡🧡重叫左個蛇腩煲仔飯 🍲係用去左骨既飯鏟頭加蓮藕 冬菇煮成第一次 原來呢啲蛇腩超彈口 好好食不過煲仔飯應該唔係由生米煮起 🤕係煮好左再擺落去煲仔度煮下啲飯偏淋 而且冇飯焦 😔美中不足既一樣嘢呢個係 😫😫😫

寒流襲港，天寒地凍，最啱食蛇，我雖非貪食蛇齋餅糭之輩，際此寒風徹骨，寒氣逼人的時候，也想儲存多一點力量，與北大人對抗。在眾多蛇王乜，蛇王物之中，最後選了這間在深水埗區扎根多年，薄有名氣的「蛇王協」吃蛇羹，不過就有點失望。因為晚上六時後不准堂食，才下午五時多，已有不少與有著同樣想法的人前來食蛇，店內好生熱鬧，幸好，仍能立刻找到一席之地。兩夫妻一碗「大蛇羹」（$78）、一碗「細蛇羹」（$48），加多碗「生炒臘味糯米飯」（$20），便是一頓早吃的晚餐。這天的蛇羹口感偏稀不稠，味道是過得去的，但就不夠濃郁，不算出色。材料看似豐富，但瘦肉多而蛇肉少，與在今年夏天已光榮結業的「蛇王二」相比，立刻被比了下去。那碗炒得尚算乾身不太油的「生炒臘味糯米飯」更是令人失望，細碗不是問題，但臘味只得臘肉，而且甚為細碎，份量也少，味道也只是不過不失，同樣不禁讓我懷念起那價錢無疑是貴了一大截，但已成回憶，美味得多的「蛇王二」「臘腸 / 膶腸飯」。這一餐，我的確是感到失望的，下一次，也許我會去之前偶有光顧，在太子開業的「蛇王兄」或是中環名店「蛇王芬」吃蛇羹吧！

蛇呢樣野真係唔係人人接受到，而我細細個就拆蛇肉，仲有乜野怕。 從前經常去國內，大家知啦～ 呢樣食材國內流行到不得之了， 五花百門，各色其式，無去國內後就好少接觸呢樣食材。直到今次陪我家2老同朋友再食，我家2老力推呢間蛇舖，仲話阿嘉0姐會表演玩蛇。好啦，到食果日，老實講，真心係好食。特推唔知乜蛇碌，香口到不得了。重點係一定要落手食。蛇湯碌蛇粗到嚇死寶寶。蛇羹D蛇肉多到以為唔洗錢。糯米飯就軟糯粒粒分明。其他野都好好食，總之試吓啦。

天氣凍成班朋友約埋一齊食蛇，上網搵到呢間d菜式花款較多就揀左呢間食。鋪頭主要都係舊式裝修，同其他蛇鋪差唔多。入面位置唔多，預先打電話book 位會穩陣啲。菜式花款上呢間真係多，而且味道水準都一流。我地幾個人食叫左都唔少款式，除咗最基本既蛇羹同糯米飯之外，我地仲叫左薑蔥灼蛇皮、炸蛇丸、椒鹽蛇碌、蛇雞煲同蛇腩煲煲仔飯。蛇羹好足料，成碗羹入面擺滿曬蛇肉，勁豐富。糯米飯炒得好香，乾身得嚟又唔會油膩。薑蔥蛇皮食落好有肉感，蛇肉口感韌韌地幾得意，同埋唔會用太多調味料蓋過陣蛇味，值得試。炸蛇丸新鮮炸好香口，食到除左蛇味仲有淡淡果皮味，食完一粒又想再食多粒。有朋友覺得椒鹽蛇碌雖然好惹味香口，不過調味料重手咗啲，蓋過咗啲蛇味，食落都唔肉食緊蛇。蛇雞煲一定要食。入面係雞肉蛇肉兩溝，雞煲汁勁惹味，配飯配生菜都勁正，而且都好多肉，一定夠曬飽。蛇腩煲仔飯煮法有啲似福建炒飯咁，係啲白飯底上面鋪滿蛇肉、冬菇、蓮藕同芡汁。個汁甜甜地幾夾蛇肉，飯底煲仔上少少飯焦好唔錯，都係必食之選。整體嚟講呢度食蛇花款多同埋都好味有特色，上菜都快。最後埋單5個人每人食左兩百幾。

在深水埗搵食蛇店最出名有三家記得之前食過馬路邊那間今次想試鴨寮街呢間蛇王協在深水埗很有名老字號黎店內食物款式多，尤其是湯類，得多特色補湯，店員很好禮貌，這是在街坊小店比較少見的可惜的是蛇羹裡的蛇肉頗韌，太有咬口又夾雜不少雞絲，感覺不夠純正。湯底有點碗仔翅feel仲有些小薑絲 個人不太喜歡蛇龜湯有土伏伶有少少藥材味但我還是較愛純蛇湯食完呢餐後感覺口渴，不知是否有味精。食蛇應該有更好選擇，深水埗蛇店都老字號，但感覺不特別出色。

出深水埗鴨寮街買卡，天氣涼涼地，記得上次嚟蛇王協堂食蛇羹，印象不錯。就順便過嚟買三碗蛇羹，一碗糯米飯回家與家人一齊食，回家打開個外賣袋，有比薄脆，冇比檸檬草。把蛇羹轉番落玻璃碗翻熱嚟食，蛇肉得果三條，雞肉較多，家人的情況也相差無幾，味道雖然不錯，但、我想食的是蛇肉啊！真的很失望!!下次都係去南昌街或桂林街果間食好了!!

天氣有點涼，就好想食蛇羹，趁今日放假，走到深水埗去搵食😋朝早11:30一開門就有幾位食客一齊擁進去，嚟到梗係要食碗大嘅蛇羹，好多蛇肉🐍🐍🐍，但都加咗木耳絲、冬菇絲、雞絲同薑落去煮，好食👍🏻除咗蛇羹可以祛風除濕、活血祛瘀、消腫止痛之外，佢都仲有蛇湯架，其實滋補嘅嘢，有病醫病冇病都可以強身健體吓，下次一定要再嚟進補😆😆😆

話說男朋友真係好鍾意食蛇羹 特別係冬天嘅時候 次次經過深水埗都要黎食。.呢排來食都要等上幾分鐘至十分鐘。因為個場真係好full～試過堂食同外賣 都係覺得堂食好d 感覺大碗d 同埋熱辣辣.-大蛇羹 HKD 78-細蛇羹 HKD 48-臘味飯 HKD 20.今次食加咗碗 臘味飯，想要走蔥 但蔥同飯一齊炒 冇得走😅 。但侍應拎過來食 已經好少蔥啦 大概幫我走咗d 糯米飯唔錯 要嚼耐d 不過 臘腸好少。.蛇羹入邊有雞絲 唔全係蛇肉。蛇肉真係好滑 好好味～ 雞絲都唔錯 。.每次食完都會暖笠笠

趁著香港難得幾天比較凍的日子，趕來食個蛇羹。於九龍，出名的蛇王都在深水埗，今日就揀了蛇王協。蛇王協的太史五蛇羹都算不錯，用料多、份量夠，稍為不夠香，建議添一點醋一齊食，而我喜歡它的薄脆和檸檬葉大大盤的放在枱上任添，我一邊食蛇一邊狂加薄脆和檸檬葉也不內疚。另外我也點了一個糯米飯，糯米飯不過不失，唯獨是不夠熱。（不過我是在吃過蛇羹後才吃糯米飯的，所以天冷了飯也較易冷吧？）簡單的一餐，算是在香港短暫的冬天應節一下。

印象中上一次到蛇店食蛇宴,已經係幼稚園時期嘅事。闊別多年,今次有朋友組團,當然重拾兒時回憶。滿座,生意好好。蛇羹比想像中足料。大大條蛇肉,配上薄脆豐富左口感。椒鹽蛇碌,口感似肉排,惹味。有細骨,食時要小心。個蛇湯有烏雞,好足料,味道濃郁。

秋風起，乜野肥大家都知喇，梗係三蛇肥喇呢間蛇舖都算歷史悠久，最近都小裝修過，比之前光猛左。下晝都咁多人幫襯，試過夜晚嚟要排隊添。白板貼滿女蛇王d威水野，包括中英文報紙d訪問，中外名人幫襯d相。BTW,女蛇王後生時真係幾靚女新嘅蛇櫃擺左喺舖頭靠後位置，以前係有蛇喺入面。現場問個店員d櫃筒而家重有冇蛇，佢話夏天就冇，冬天就有，因為冬天會有客嚟食生蛇胆。以前食蛇羹時見過店員即場刮過蛇胆出嚟，個客用酒成粒吞落肚是日都見有伴食蛇羹嘅檸檬葉，但薄脆就唔見影喎，why?食晒補充唔切？蛇羹都保持倒以往水準嘅，熱度夠，用料足，稠濃度亦啱啱好，調味都ok,唔算咸。糯米飯個賣相就麻麻地，係好隨意咁畢落去，攪到碗邊都有d飯，肉酸左d。但食落又OK喎，飯軟梗度適中，用料同調味都唔錯。幾拾年如一日，重係用緊最原始嘅手寫單，街尾蛇王X已改用電子單喇。不過都完全無傷大雅嘅，嚟食野唧，又唔係食張單。一年都會食幾次蛇羹，呢間蛇鋪d野都算維持倒以往嘅水準嘅，而且店員d態度都幾好。

秋風起三蛇肥，放工同事好想食蛇羹，一行三人來到深水埗，地鐵站一出行2分鍾，鴨寮街蛇王恊~好多人幫襯過都話堅料，原本諗住食個蛇羹加糯米飯，因為大家都肚餓，叫下叫下叫咗好多嘢。先來每人一個細蛇羹，其實份量都唔細，蛇羹好足料，加少少檸檬葉，幫助帶出蛇的香味，條條蛇肉又大又粗，好好食。酥炸蛇碌，豉油王脆炸，非常香口，且好有口感，粗骨只啱大人，小朋友可望而不可試。山瑞燉湯，材料豐富，有食客叫個燉湯跟個白飯，咁就一個豐富晚餐。再叫多個羊腩煲配生菜，腐乳醬是必備，配料有筍，枝竹，冬菇等等。

就快到冬天了，每年都會約埋同事一齊去食蛇羹，當然今年都唔例外。於是今年一於去深水埗呢間蛇王協到食蛇羹驅驅寒補補身先。位置相當方便，一出地鐵站，不用一分鐘就到，鋪面簡單但好有特色。蛇羹滿滿一碗，用料十足，除了有大量口感嫩滑結實的蛇肉外，還有爽口的木耳同冬菇絲，仲有肉絲，口感十分豐富，而且湯好濃稠唔稀，味道香濃好食，加入埋脆卜卜的薄脆同胡椒粉就更加好味吸引。而且有大碗、小碗任均選擇。因為我食埋糯米飯所以就選左小碗，而呢度糯米飯既香又好味，同蛇羹一齊食好夾，食完呢餐真係感到溫暖。