蚊蚊豬老火鍋

營業中

休息中

難得疫情放緩，終於可以同朋友聚舊。今次就揀左平靚正既火鍋。只須228就可以食齊四川烤魚、安格斯牛肉、刺身，仲有小食、火鍋配料任食，岩晒我地尼班大食既男士。原本望到四川烤魚既外表，放滿辣椒，以為會辣到食唔到，但食落唔會太辣，仲好過癮，魚不會太腥，也不會太冧，有興趣可以一戰。個人認為火鍋配料最驚艷既係鵝腸、芥末貢丸。鵝腸洗得非常乾淨，亦非常新鮮，咬落很爽口，食到唔停口。芥末貢丸食落好清新，食左好多油膩野後，食番粒可以中和油膩，雖然唔小心太大啖比佢搶到喉，但都非常推介！

每次經過都比尼間餐廳既裝修吸引住，餐廳既牌匾、裝修、設計都係以中式風格為主。餐廳在燈光上花了不少心思，不會太光，也不會太暗，營造了令人非常舒適的感覺。今次和朋友點了安格斯牛肉火鍋，一異火鍋放題店舖比我既印象，材料都不太新鮮。但這餐廳的肉類、火鍋配料非常新鮮，特別是安格斯牛肉，他肉及脂肪分布非常均勻，即使不小心烹調時間過長，仍非常有嚼勁。另外，湯底非常真材實料，我今次叫了蟲草花雞湯底，每一淡也有雞、蟲草花。可以飲得出湯底熬制了很久，很有媽媽煲的老火湯味道。除了一般火鍋配料，仲有刺身、前菜、飲品任食！

烤魚超大條，魚頭都大過我隻手，絕對足料，魚皮炸到金黃酥脆，湯料夠辣夠入味，雖然２人只食到單邊魚，都已經就飽，何況呢度係$２２８一位任食火鍋料，仲可以叫刺身同肥牛。甜蝦墨魚都好鮮甜，唔會話高級，但勝在可以任叫！餐包既一碟安格斯肥牛，肥瘦適中，又厚切，好香濃既牛味，厚得黎淥完都唔會過老，一咬就斷，唔洗點咀嚼，２個女仔差D食唔晒，好努力先可以食得完。配菜覺得切叫窩筍，因為唔怕吸油，好清爽消膩，牛筋同金錢肚都預先滷過處理，仲食到少許花椒八角既香味，淥完Ｄ牛筋變到好軟林，好易入口！

太子行街發現超級抵食！$228 放題勁豐富！先要選擇萬州烤魚或麻辣雞煲兩樣都好想食 心大心細啊經店員熱情推薦下今次就先試吓雞煲先雞煲勁多芫荽 正！中麻辣香味勁度十足 夠惹味半隻雞肉份量都好多隨後店員就拎嚟一板安格斯牛肉牛肉紋路好靚 超高質兩個人食呢個份量嘅牛肉已經好夠飽！任食食物仲好多選擇！刺身類就有6款提供 質素都好好牛肉類有8款 試咗牛胸爽👍🏻 牛黃喉👍🏻蔬菜類都有成24款 啱晒我哋鍾意食多啲菜嘅人 全部都切得好整齊好靚仲有黑豚腩片、脆肉鯇、鵝腸、鴨血同薯粉所有火鍋配料都夠高質！小食類有8款試咗拍蒜青瓜、川汁皮蛋都唔錯最正係黃金饅頭 我竟然不知不覺間獨食晒一碟🤣任食我真係食得多 蚊蚊豬絕對性價比極高！包埋任飲啤酒青島純生睇相係咪唔覺得似只有兩個人食呢😂因配料份量都實在俾得有點多 （店家很大方😂）可以提提店員減少份量 以免造成浪費啊店員服務態度都好慇懃 絕對值得再嚟！

好久沒吃過烤魚了 朋友找到這家有烤魚又可以火鍋的店超划算 才228已經可以任吃烤魚/雞煲 再加多款小食刺身火鍋料我們選了烤魚 可以選擇辣度 小辣對我們來說剛好二人份量的烤魚也比盤子還要大魚皮本身已經烤得香脆上桌再煮個三分鐘已經很入味這款魚骨不多 魚肉都鮮嫩小食也有幾款 青瓜雲耳配上蒜蓉辣汁很惹味刺身都是普通貨色 甜蝦尚算鮮甜但實在太小重點來了 228任吃的安格斯牛肉看看油花多美 沒想到這個價錢也可以吃到這種質素的牛肉店員說吃完可以再加點 簡單的再點了牛根和一些蔬菜食物質素好 唯一問題是烤魚太大條吃完烤魚和一盤牛肉已經飽了好多想吃的火鍋料都吃不下

朋友推介左我去食烤魚，搵左日就同朋友黎食，我本身都好鐘意食烤魚，今次仲要係可以任飲任食，未去已經好期待入到去餐廳環境整潔，服務態度良好，除左有火鍋，還有刺身同小食我望了餐牌，價錢都是$228就有烤魚火鍋放題，不單止可以任飲任食，配料選擇種類多，仲可以食到安格斯牛肉(牛肉味道濃)，非常抵食刺身三文魚(肥美)，八爪魚(有嚼口)，仿鮑片，甜蝦(鮮甜)，墨魚(爽口)小食:拍蒜青瓜食落好開胃螺肉，芝麻八爪魚係我必點前菜小食炸黃金饅頭炸得剛剛好，好香口鴨血(結實，唔會有腥味),鮮鵝腸(一落鍋就食得，唔好放太來呀)陳皮魚蛋(細細粒又彈牙),魚皮餃(餡料充足)菜類就叫左，唐生菜，金菇菜，粟米，蘿蔔，吸收哂湯汁，好入味最後食埋順滑紅薯粉，就特別滿足

話說小編自己平時真係好鐘意打邊爐！一大班人幾埋出嚟食嘢真係好開心🥳今次就聽朋友介紹去咗呢間位於太子既火鍋店打邊爐，位置唔太多，大家記得預先book位啦🤍今次就試咗佢哋個套餐😀$228四川烤魚+安格斯牛肉+刺身，仲有多款火鍋配料同小食任食烤魚大大條有經過油炸，啖啖肉肉質都唔會太鞋😊今次揀咗少辣味道剛剛好剌身方面有魷魚、三文魚、鮑片、八爪魚🐙味道都幾唔錯，食落夠新鮮😉安格斯牛肉好好食😋入口質感軟滑有雪花 小編覺得嚟到一定要試吓，另外配料方面都有好多選擇，牛柏葉、各種丸類應有盡有小食方面有螺肉、手拍青瓜、炸饅頭等等，大家嚟到一定要試吓炸饅頭，配煉奶一齊食好滿足😉

呢間真係cp值超高正到食完要即刻寫番個食評先228 有勁大條烤魚 再任食安格斯牛仲有其他小食 火鍋料 刺身都係任食仲要好高質 唔係俾cheap野口水皮蛋好正呀 個汁調得好啱味拍青瓜 蒜香雲耳平時去米線店叫個小食都要廿幾蚊啦呢度任食 勁大條烤魚 嚟到都嚇親平時出去散叫嘅魚都冇咁大條呢個係228嘅牛肉 點會諗到228啲牛可以咁高質先出面打邊爐 呢種油花嘅牛一碟都起碼298啦食完烤魚可以揀用番原鍋加湯或者換湯底因為想食啲菜 所以換個湯底冇咁油野菌湯底又係好足料呢啲菇類唔夠食一樣可以畫紙仔再加食完條魚同碟牛已經好飽 食番啲菜清清先加28蚊可以任飲一罐都15蚊 梗係任飲最抵啦呢間真係正 已經約朋友再去過

我幾時都想打邊爐但如果打邊爐之餘 又可以食下刺身又唔錯喎朋友帶咗我去太子嘅蚊蚊豬老火煱 今次黎到揀咗2小時火煱放題 $228可以先揀烤魚或雞煲或邊爐湯底湯底有好多選擇 呢個價錢都好抵食 愛辣嘅我梗係先食麻辣雞煲今次點中辣 吾算太辣愛辣嘅朋友絕對可以試試大辣一入座會先上一大碟安格斯肥牛肥瘦適中 肉質鮮嫩 店舖其實還有多種火煱配料選擇估唔到店舖好慷慨 每樣配料都大大碟所以真係超級飽肚除咗火煱 都有刺身跟小食放題刺身一定要試有6種不同刺身選擇 感覺都新鮮 而小食也比想像中大份點了拍蒜青瓜、川汁皮蛋及黃金饅頭 拍蒜青瓜酸酸甜甜 非常開胃川汁皮蛋則頗滑黃金饅頭更是即叫即炸感覺都是用心製作

蚊蚊豬個名好得意，呢間蚊蚊豬老火鍋位於太子，呢度食四川火鍋。2個鐘放題，先揀個鍋底要萬州烤魚定麻辣雞煲，我地揀左烤魚，再跟一大碟安格斯肥牛。烤魚大大條，嫩滑又入味。碟安格斯肥牛，超高質，同朋友係度讚不絕口。任食部份，仲有刺身食添。另外， 仲有好多配料打邊爐，叫左雞雜、鵝腸、脆魚鯇同兩款菜。雞雜出面真少有，有雞心、雞肝、雞腎。其實仲有好多配料叫，但食哂我地我地叫既野之外已經飽都上心口。今次朋友係帶我黎食好野，如果唔係都好少行黎呢頭試唔到呢間超值火鍋放題。

好耐冇食烤魚，朋友介紹我去太子汝州街嘅蚊蚊豬老火鍋，價錢抵食，食到飽飽😋未六點已經到，餐廳內已有唔少客，生意好好，食緊嘅時候都有不斷有人入嚟。$228  位食到安格斯牛肉，烤魚，仲要任食刺身同小食及火鍋料， cp值極高。烤魚幾滑，大大條。安格斯牛肉好高質，口感嫩滑，牛肉味濃郁。刺身款式都算多，有墨魚，甜蝦，三文魚，馬刀貝等等，好新鮮。小食我哋叫咗子薑皮蛋，火鍋料試咗雞雜，鵝腸，脆鯇魚腩，佢哋嘅份量比較多，所以叫一轉都已經飽飽。🤗🤗店員服務好，十分友善，可以再嚟✔️

呢間好近太子地鐵站，所以行過見到$228就有雞煲/烤魚+火鍋食，覺得好抵食就同朋友試吓。見到好多枱都嗌咗烤魚，個份量都好大條，同埋外表都好吸引。但係比較想試吓佢嘅雞煲會係點，所以就try try佢。辣度分為幾種，我哋就嗌咗微辣。微辣對於唔太食得辣嘅人嚟講好友好，唔會太辣之餘又有麻嘅感覺～雞件俾得好多，同好多肉，我哋兩個女仔食完雞煲都已經有七成飽😅食到咁上下就可以叫店員加高湯，準備打邊爐！係等配菜嚟幾間，就叫咗啲刺身食住先。估唔到啲刺身好高質！！我哋叫咗馬刀魚，同埋甜蝦都好新鮮同爽口另外呢個228嘅價錢係包埋安格斯牛肉！真係唔係嗰啲cheap cheap肥牛，食得出好有牛味，正呀仲嗌咗好多唔同嘅配菜，配菜都係可以任食！不過我哋實在係太飽，所以冇話好多野。咁嘅價錢咁嘅質素真係超值！一定會再去食！

《蚊蚊豬老火鍋》最近去咗間超抵食既$𝟸𝟸𝟾 𝟸小時任食放題餐廳！$𝟸𝟸𝟾 係包「烤魚」/「雞煲」/「火鍋湯底」～ 而價錢係根據牛肉定價，安格斯肥牛（$𝟸𝟸𝟾)/嚴選牛小排($𝟸𝟾𝟾)🐮 有好多火鍋配料任食！佢最特別係刺身都係任食！+$𝟸𝟾 有得任飲～🐓重慶麻辣雞煲烤魚同雞煲二選一都諗咗陣！因為見到條烤魚都好鬼大條好正咁！但朋友話想食雞煲咁就叫咗啦！佢有得揀微辣/小辣/中辣/大辣～ 唔食得辣既我緊係揀微辣～ 嚟到係好香既～ 啲雞份量唔少，幾入味，麻辣有啲重～ 要飲凍野先得～ 略嫌雞未算好嫩滑～ 🍲五指毛桃雞窩佢總共有𝟾款火鍋湯底，我哋見到呢款湯底好少有所以就點解呢款！呢個湯底真係好足料！有好多雞件喺入面～ 仲有啲藥膳食材！同埋個湯係勁甜！好鬼正～ 真係大愛！🐮安格斯肥牛份量都算係咁，其實食完雞煲已經有啲飽🙈 我自己幾鍾意呢個牛，肥瘦均勻，好香牛味！放入湯滾兩滾就食得😋 🥢火鍋配料s佢有成接近𝟽𝟶款配料任揀任食！淨係蔬菜類都有廿幾款！比較特別係佢有牛胸爽同牛黃喉揀～ 我地都有點，食落爽爽的有油份～ 仲點咗鴨血同炸魚皮，兩者屬正常發揮～🐟刺身刺身分別有三文魚、八爪魚、甜蝦、仿鮑片、馬刀貝同墨

一次過滿足兩個願望$228四川烤魚+安格斯牛+刺身+多款火鍋配料，小食任食！係等烤魚期間先食刺身同小食刺身好新鮮～ 係玻璃到見到佢放刺身嘅位置，乾淨企理…所以都食得安心條魚好大條！ 我哋係四個人食…唔知兩個人食係咪都咁大條㗎呢😂有得因應自己嘅喜好揀辣度…烤魚肉質唔會‘鞋’ ！條魚應該炸過… 佢既魚皮好好味 ！ 食完烤魚再打邊爐！左手邊嗰一碟係安格斯牛肉～ 好juicy ! 好有牛香味 ！ 可以加追！ 絕對值回票價！脆肉鯇都係爽口的！ 食到牛既唔同部位 都係一個賣點！ 同出面普通打邊爐唔同～ 魚旁的是牛喉 質感係好脆

有日行過呢間舖見佢有邊爐放題除咗雞煲，仲可以揀烤魚，好吸引！$228加醬料加1，另加$28任飲我哋2個人就飲咗幾支啤酒🍻抵~坐低都係例牌自助混醬😆放題仲包括前菜同剌身任食酸薑皮蛋，雲耳都正常嘢刺身都幾好，三文魚同墨魚🦑較好食另外仲嗌咗炸饅頭，點煉奶一流👍🏻烤魚小辣魚幾大條，係烤過嘅，皮脆肉嫩加上辣汁同配菜滾住食真係好正安格斯牛雖然只係一碟，不過份量都唔少質素唔錯，牛味足又唔會鞋！任食嘅打邊爐配料幾特別黃喉，牛胸爽，鵝腸，雞什好多平時少有嘅配菜，值得一試！2個鐘任食30分鐘前last order不過呢度全部嘢食份量都足飽到郁唔到呀😂👍🏻