今日去左銅鑼灣行街，順便去朋友介紹嘅一間新式酒吧，依間酒吧真係好特別，融入了潮式菜的風味。餐廳服務員仲同我地介紹佢哋的白鹵水係自家用海鮮特別釀製，鮮味十足且配上鵝片十分匹配。 我地叫左一份獅頭鵝三併，有鵝頭，鵝頸同鵝片。因為鵝肉新鮮又醃得入晒味，即使唔點鹵水汁都十分好味。鵝頸有肉，唔會得塊皮，一定係一隻肥鵝😂。 另外，我哋仲有叫到招牌白滷水海鮮拼盤，入面有墨魚片，鮑魚，章魚，蝦，最好味的是墨魚同鮑魚，食到停唔到口。😋 果然係有米芝蓮大廚主理的質素，值得再去食多餐！

今日去咗朋友介紹的一間烤魚餐廳食飯。之前一直都好想食烤魚，可惜因為疫情關係一直冇機會食。結果，我同我朋友只係去左一次，真係會令你食上癮。因為烤魚烤得好香，魚烤得非常脆口，好似食緊炸魚皮咁。條烤魚亦好大條，兩個人食完真係可以唔使打邊爐😂😂。咁嘅既然係任食，又冇理由唔食多少少😉！ 我揀左安格斯牛肉，淋身有牛味，好味！任叫嘅美國肥牛都一樣好食！至於其他配料都係一般出面都食到嘅嘢食，OK嘅。 不過喜出望外的是竟然有魚生食，雖然在烤魚火鍋店食，但完全冇因為在火鍋店食，而處理魚生處理得唔新鮮。魚生係新鮮兼好食嘅😋。 食完之後，我同我朋友都話值得再去食多次，試埋餐廳個雞煲，我哋估一定同樣咁好食！😁😋😋😋

今日來觀塘行街，行到攰攰地，搵吓附近有咩好食，咁啱見到這間餐廳，就想去食飯。冇諗到一想到餐廳，見到咁多貓咪，佢哋會周圍行，如果雙手消毒，仲可以摸佢哋。 我哋叫咗一份二人餐，餐湯及沙律好唔錯！🤓 額外加咗一份炸薯角，魚寶等，配上沙律醬好夾。 另外叫咗一份煙三文魚溫泉蛋卡邦尼意粉，配搭得好味，意粉醬夠濃，正！ 主菜係食豬肋骨，放上來的時候已經切好了，值得比個Like! 燒烤醬夠哂入味😋 飲品係菠蘿乳酸梳打，喜歡🙂，如果再大杯啲就更好了！

今日過左去將軍澳探朋友，發現原來將軍澳有幾多海旁餐廳，但如果要食日式料理就只有花樂這一間。 這間餐廳裝修得好有情調，啱晒我情侶拍拖食飯😀！ 我叫左雪魚干，安康魚肝及胡麻菠菜油揚沙律作為前菜。 雪魚干香脆好味，配清酒一流。👍🏼 安康魚肝好特別，好似食緊鵝肝咁，雖然有少少腥，但值得試吓！😛 胡麻菠菜油揚沙律份量及味道調配得啱啱好😆！好有油麻味，好香，好正！🎉 再來叫了一份壽司盛10貫，最好食係中拖及海膽壽司😋，擺得靚靚又有心思，新鮮好味！睇得又食得🥳 最後我哋叫埋燒物食下，分別係燒雞皮及燒腐皮免治雞！ 燒雞皮採用西式燒法，將大部份油脂燒乾及燒走，食落去香脆且不油膩！將平凡的食材煮得不平凡！強烈推薦！🥰 燒腐皮免治雞有層次，雞肉混入軟骨，味道一絕！😋

筲箕灣食好西系列～ 形薈係新落成既商場，當然係黎行下✌🏻鍾意食日本菜既我見到九井開左，當然即刻入去食😆😆😆 店舖乾淨衛生👍🏻👍🏻地方大又坐得舒服👍🏻👍🏻👍🏻 門面仲設有小賣部同盒裝壽司外賣，好方便體貼既設計👍🏻👍🏻👍🏻 首先揀咗軟殼蟹芝士卷，軟殼蟹仲好脆再配濃郁既芝士，好味道😋😋😋 然後再選擇左最愛既鰻魚壽司同三文魚壽司🍣仲有火炙三文魚腩🍣火炙帶子🍣赤蝦壽司🍣等等其他幾款壽司🍣全部壽司都好新鮮，份量足👍🏻👍🏻👍🏻 火炙鰻魚壽司，厚切鰻魚再配埋香甜鰻魚汁加火炙芝士，一流👍🏻👍🏻👍🏻 赤蝦大大件好滿足😋😋😋三文魚腩油脂豐富，入口即溶😝 軍艦即叫即整，紫菜脆口👍🏻 另外仲可以配埋任飲飲品bar同埋任食沙律🥗飲品方面有熱有凍，有各款汽水+咖啡☕️仲有特飲🍹好出色👍🏻👍🏻👍🏻 總括：價錢合理，壽司好食，性價別高，一定再黎食過😆😆😆

經朋友強力推介，我同我太太特別來到這間尖沙咀的酒吧！這間酒吧是在地庫，入到去漆黑中有少量燈光點綴，氣氛很好，適合情侶到這拍拖食飯。佢哋好早已經開市，我哋下午兩點去到仲有西餐食，係非一般的Cafe店，因為有得叫Cocktail🥰👍🏼 近排仲有新餐牌，我哋叫左一份香煎帶子意大利飯及燒西班牙黑毛豬鞍。 帶子意大利飯的帶子新鮮大粒，意大利但做得有水準。 燒西班牙黑毛豬鞍，強力推介，Juicy又淋，味道絕頂！ 這兩份set, 都會配上沙律，南瓜忌廉湯及飲品！全部都有水準！ 我哋另外叫了一杯Cocktail, 好特別，浸住蘋果木的威士忌，打開散發煙草香！色香味俱全！ 最後亦叫了兩份甜品，分別係焦糖布甸及藍莓芝士杯！好味道！😆

今日行開銅鑼灣時代廣場，發現附近原來有一間幾多好評的火鍋店。 我就和我太太一起入去食火鍋，首先餐廳會提供麻辣雲耳，麻氣又好味！作為開胃菜啱晒！ 我哋叫咗招牌鮮椰青雞鍋，餐廳有專人為你用牛油炒香雞件，再加入白酒炒旺個鍋，之後加入新鮮椰青水及椰香味特濃的秘製湯底！煮熱後就可以食，非常好味道😋！ 雞件炒過，香滑無比，椰青湯底，鮮甜好味！ 我哋亦叫了牛肉拼盤，每一款牛都好特別，各有特色！ 桂花蚝新鮮好味！西洋菜同樣新鮮！ 黑松露蟹餃好有黑松露香味！特別！ 雲吞蝦肉大粒！全部值得一試！😌

聽朋友介紹香港開咗鼎王麻辣鍋，係台灣嗰邊黎左香港開店。最後，我去左康城個間。入到餐廳，地方好乾淨，職員服務好又有禮貌。 我叫左鴛鴦鍋，分別係酸菜白肉鍋及麻辣鍋。酸菜白肉鍋，在第一次上來的時候是包含豚肉片，之後可以無限添加酸菜。至於麻辣鍋也可以無限添加鴨血或豆腐。好味正宗，好似去左台灣咁😂😂 火鍋的辣到及酸度也可以因應客人的要求去選擇！好貼心！ 酸菜白肉鍋，酸菜好味道！麻辣鍋，鴨血好正！不停加添！🥰 火鍋配料叫了牛拼盤，分別是否五款不同的牛肉，各有特色，款款都咁好味👍🏼👍🏼 老油條可以取代響鈴，口感更強，點上麻辣鍋的湯底，外脆內軟，味道濃郁，必叫之選！ 滷大腸頭，好淋身又入味，絕佳的小食！ 一品蟹滑膏，有蟹味，內有蟹膏，但我個人更喜歡墨魚滑😂！但係好特別，值得一試！

今日同朋友去咗一家新嘅火鍋雞煲餐廳食晚飯！入去覺得個環境都好乾淨，坐得好舒服！ 首先我哋食咗雞煲先，仲可以揀辣度，小辣啱啱好，好惹味！佢哋仲有提供鴛鴦鴨煲同豬手煲可以再叫，直至食到唔想食為止！ 咁我哋之後再叫多份鴛鴦鴨煲！分別係鴨及臘鴨，上黎會有職員開火燒一燒。好特別！味道同樣惹味！ 最後我哋揀左泰皇冬陰功湯底打邊爐！值得推介嘅係美國肥牛，海蝦同蜆，新鮮又好味！ 如果再想食啲高級啲嘅食物，可以加錢另外叫。至於青菜或丸等，可以去自助吧拎。飲品同雪糕都好多選擇！ 我仲食左一支奇異果雪條，好特別！正呀！ 以$198/位加一來講，在旺角食到依個質素嘅打邊爐，簡直抵到爆！ 臨走仲送咗一張coupon同酒精搓手液俾我哋，Coupon可以下次去尖沙咀新店用！🥰🥰

今日同老婆去旺角行街，去左尚膳這間火鍋店食打邊爐，估唔到兩點咁早已經有得打邊爐。依間火鍋店的湯底一啲都唔普通，有藥膳美人湯，天麻魚雲湯，椰子雞湯等，好多有特色又足料嘅湯底，每一款湯底都好想試！
最後我哋揀咗椰子走地雞湯，椰子湯真係同雞好夾，好鮮甜，真心推薦要飲佢哋嘅湯底。雞係選用湛江走地雞，一啲都唔肥，連皮食都冇問題！餐廳好細心，特別為這湯底提供額外配料，有青檸，砂姜及鹽，可以用來點雞食！
基本配料我唔特別去介紹啦，因為一定有你啱嘅配料！
如果嚟到覺得又肚餓，餐廳有提供三款小食，都好好味！😋
首先我哋食咗竹笙先，竹笙大大條，係老闆娘特登去海味店買，揀過靚嘅先會買返嚟！因為太大條嘅關係，餐廳職員主動幫我地剪細啲，服務一流！
跟住我哋再食手打墨魚滑，手打四色丸，同普通出面嘅火鍋店好唔同，墨魚滑超彈牙，有墨魚味及墨魚粒，口感很好！四色丸一樣比出面彈牙好多，味道特別，冇得彈！
我哋仲食左桂花蚌，新鮮，好味道！雜菜籃，有菇有菜有粟米，啱晒唔想煩又想食得多款式嘅我😋！
最後一定要推介本地手切肥牛俾大家，油脂分泌平均，切法有誠意，係雙飛牛👍🏼！短短滾半分鐘就食得，淋身又有牛味，好味到爆燈！必食！🎊
如果大家like佢哋社交平台，仲有一杯杞子圓肉菊花蜜或洛神花茶送！正呀喂🥰！
食完仲免費送多一份生果俾我哋食！服務一流，下次會叫埋朋友一齊過嚟食😋