蘭苑饎館

營業中

休息中

🟠迷你開心果糕（$22）開心果糕入口無想像中咁濃味，頭一二啖好少既開心果味，之後咬多幾啖，開心果既味開始幾出，個人覺得真係有種食開心果既感覺😽🟡迷你香滑芝麻糕（$17）呢個芝麻糕好香芝麻味，而且口感滑，個人幾中意😋🟢藍莓糕（$19）呢個藍莓糕入口同我想像好唔同，唔知點解有種好酸既感覺，而且唔係好似藍莓，感覺好似提子乾咁，食左一半，同朋友都放棄左🙈🔵開心果糊（$44）碗開心果糊好濃，以為會勁重開心果味，點知食落又唔係喎。反而個味道仲清過開心果糕，只係好少既開心果味，不過同想像既味道唔同，有少失望左🙈但個糊既質地好滑好綿👍🏻👍🏻環境方面：裝修比較舊派既餐廳，不過氣氛都舒服，同埋枱大櫈大，都幾舒服☺️地址：太子西洋菜北街318號集賢樓地鋪

一向都鍾意開心果嘅我對「蘭苑饎館」一名早已毫不陌生皆因這家老字號嘅開心果糊在網上人氣旺盛是日咁啱嚟太子 當然唔會錯過品嘗開心糊嘅機會一入店鋪 彷佛乘坐了時光機回到幾十年前裝修非常懷舊 但物品卻擺放得整齊有序 亦一點也不骯髒餐牌更用實木錶起 十分墜手開心果糊（$38）餐牌寫明此糊採用伊朗出品嘅開心果所製成顏色碧綠 有人話 咁綠味道一定好濃啦！事實上不然 味道幾清淡 夠晒天然 亦證明冇加好多糖去調味食完之後仲有啲唔夠喉🤣想再來一碗🤤🤤見到呢度除咗供應多款糖水之外仲有麵食 下次可以嚟食晏😆

今日特登去太子買來傳說中嘅開心果糕孝敬老媽子，入到去都唔多人，堂食外賣都有，等左陣阿姐過黎問買咩，因為第一次買所以樣樣都試下啦，買左開心果，紅豆，芝麻同桂花各一個，諗住食完飯做飯行甜品，四個糕都試完，其實全部都唔重味，好軟，糕唔滑，鞋口同粗，整體真係食過就算了。

太失望😞每次去開太子，都會到些品嘗甜品因水準比其他好！明白過年期間價錢有所提高，但甜品質量及份量都差很遠，川貝燉木瓜（$96-分量只有一半，$44開心果糊-很淡及粉）….. 無下次😑

終於試到出名嘅開心果糊，呢間老店開左成50年，糖水嘅造法比較古老，帶住懷舊嘅感覺同味道。問過做法：首先，佢哋用咗伊朗開心果，顏色係比較深綠，試咗一粒，味道天然溫和，帶少少甘味，唔似平時食嘅開心果咁濃味。🤩另外加入咗鮮磨米粉去煲，質地濃稠，但保持爽口唔膩；亦令到個糊變成鮮綠色。優點係可以食曬成碗都唔覺得好濟；缺點係開心果味冇咁強烈。😌但依然欣賞老派嘅做法！除咗開心果糊，芝麻糊同佢哋嘅菠蘿糕都幾好食！

人在花墟逛完，行到攰攰地想打道回府，順路去買碗糖水返歸嘆蘭苑饎館系最順路嘅一間，一向也喜歡佢地出品嘅糕點可惜臨近新年只賣大盒糕點，冇得買所以只外賣碗合桃糊$42 +$1 外賣$43 碗真心貴返到屋企打開碗糖水都幾嬲，八分滿，好似比人食左幾啖咁，大拿拿仲貴過一盒兩餸飯，成本有幾多.......都唔系咁搵人笨吖。味道ok 合桃味香；蓮子鬆化口感過份稠，直情系一pat pat 咁，食落好溜。做過一次老襯，嬲到直接black list 佢!

約左朋友行街，等朋友中途見到呢間富有中國特色裝潢既糖水店，喺門口睇menu，見到喺外面好少有既開心果糊，好鍾意食開心果既我即刻衝左入去呢間店舖已開業接近40年，曾經連續多年獲得米芝蓮車胎人美食推介，係一間老字號糖水店採用伊朗出品開心果糊 x 芝麻糊 $38開心果糊👉質地好濃厚，口感幼滑👉完全無開心果粒粒，好有開心果味👉唔太甜，甜度適中👉完全係心機之作芝麻糊👉濃濃芝麻味，但無蓋過開心果味👉口感一樣咁幼滑，質地都係咁濃厚👉都係心機之作#foodie #foodiehk #hkfoodie #hkfood #hk #princeedward #太子美食 #太子 #甜品 #甜點 #甜食 #糖水 #糖水舖 #中式糖水 #dessert #desserts #desserttime #pistchionuts #nuts #開心果 #開心果控 #開心果味 #開心果糊 #sesame #芝麻 #芝麻糊 #黑芝麻 #黑芝麻糊 #兩溝 #老字號

自從疫情停日晚市之後，呢間老字號小店就只賣糖水，琴日經過突然發現佢有賣麵食。之前一路都只係食蒸餸，未試過佢麵食，一試下不得了，雲吞係菜肉雲吞，細細粒皮夠薄仲包得好靚，菜同肉既比例岩岩好，個味道能夠平衡，食多幾粒都唔滯，麵夠爽口無梘水味，湯底唔渴仲要有蝦子味，一試認真驚人。蛋白杏仁茶同芝麻糊做甜品，明顯足料，夠厚身仲有超香濃杏仁味，係我暫時食過最滿意既中式糖水。芝麻糊甜度唔夠，食完個喉嚨都唔會唔舒服，仲食到粒粒口感，咁足料既糖水其實真係唔易搵，值得推介，三碗野埋單都只係一百二十幾，正！

Hi 👋🏻 大家好～我係食物小黑洞，我嘅正職係食盡全世界嘅餐廳，讓食物帶給你一些正能量😋我成日都好想試吓呢間全港唯一嘅嘅開心果糊，可惜～嚟幾次佢都無開，今日行過見佢開，幾飽都要買返嚟食下啦😋1. 開心果糊望落去好似鬼口水咁🤣😂質地好濃厚棉蜜，非常順滑，完全無開心果粒粒，都算幾有開心果味，唔太甜，甜適適中，餐廳表明係用伊朗開心果的。但⋯⋯好奇怪🤔，佢有一種好獨特的感覺，佢唔可以話好好食，會食唔停～但佢呢種獨特嘅味道，你會不自覺地食完佢😂🤣但絕對唔係好食到停到口，你哋試下，就會明白價錢：$38好味程度：😋😋/5個滿分價錢抵食度：💰💰/5個滿分整體感覺：❤️❤️/5個滿分推介程度：👍🏻👍🏻👍🏻/5個滿分——————————————————————2. 開心果糕好爽口，味道一啲都唔甜，唔算好重開心果味，size尚算一般，唔算太細個，其實都真係幾普通～唔試都無乜問題價錢：$21好味程度：😋/5個滿分價錢抵食度：💰/5個滿分整體感覺：❤️/5個滿分推介程度：👍🏻/5個滿分——————————————————————餐廳整體感覺：餐廳裝修比較古典懷舊，如果真係想嚟試下，食下嘢，我都建議坐低食，可以食埋個環

蘭苑饎館係香港老字號既糖水店，開業已接近40年，主打中式糖水，更曾經連續多年獲得米芝蓮車胎人美食推介！出名祖傳秘方調製的養生龜苓膠外，仲有開心果糕及開心果糊。開心果糕$20翠綠既開心果糕食落爽滑唔膩，仲有開心果既甜味，糕點預先切好四件細細件，方便進食☺️香滑芝麻糕$16芝麻糕既芝麻味香濃，Q彈又夠滑身，夏天熱辣辣，食下凍冰冰既糕點真係好舒爽😊採用伊朗出品開心果糊$38（熱）必食推薦👍🏻唔好睇呢碗綠油油杰撻撻既糊狀物外表咁古怪，食落你就知好高質。口感幼滑，每啖都食到濃濃既開心果香味，甜味岩岩好😋原來店主特意選用日本製造既伊朗開心果蓉，經仔細研磨後烹成糊狀，真係心機之作。小店裝修同餐牌設計都富有傳統中國特色既味道，以木系為主，感覺古樸，充滿年代感。好味：4/5環境：3.5/5客服：3.5/5

開心果好難食  芝麻糊質感超差。開心果糕食左一啖就無食。雖然話唔好浪費食物，但食左落肚唔代表唔浪費。最後都係丟左入垃圾桶。開心果糊好奇怪 都入到口既。質感超差，仲衰過開粉既芝麻糊質感。開心糊全家拎晒頭。而個開心果糕真係超超超超級唔掂。開心果糕我連我屋企乜都食既三歲小朋友 都唔想食。真係唔會再食 中晒伏。 以為係開心果問題，點知芝麻糊質感似開粉。仲見到米芝蓮，真係唔會再食 中晒伏。 米芝蓮真係太太太過份了。甘我屋企開粉既都米芝連啦。痴線。

初嚐有40年老字號嘅苑饎館，平時食開中式甜品來來去去都係芝麻糊、蕃薯糖水等，今次首次食用開心果製嘅開心果糊同開心果糕，亦都點咗補腦合桃露。開心果糊$38滿滿開心果味，甜度適中，開心果亦磨得細緻，順滑，食落有驚喜。補腦合桃露$37合桃香，順滑，本身好怕有古怪嘅合桃味，食完對合桃露改觀。開心果糕$20對比開心果糊會甜一點，食糕食糊並唔衝突，可以兩樣都試。除左甜品之外亦都有自家製龜苓膠提供，而且店舖貼上龜苓膠嘅好處，期待下次去試。

🍳蘭苑饎館一直都唔知咩係開心果, 今次約埋個鐘意食開心果嘅 frd 去試下到底開心果係咩味！⭐開心果糕 ($20)首先我哋叫左個開心果糕, 我覺得呢個都唔錯嘅, 佢係一個凍糕, 就食落去會食到好濃嘅開心果味, 但係又唔會話覺得太過強勁咁, 都算係一個幾特別嘅食物。⭐開心果糊 ($41)至於呢個開心果糊, 我就非常之唔推薦la, 佢basically 係冇開心果味, 而且佢食落嘅口感好似係bb嘅輔食㗎, 所以覺得有少少奇怪。如果大家想試下食啲開心果嘅食物呢, 建議大家淨係叫開心果糕就已經足夠喇Address:#food #foodie #foodhk #foodiehk #旺角 #美食 #旺角美食  #太子 #太子美食 #荃灣 #荃灣美食 #hkrestaurant #hongkong #foodlover #香港

應該係全港唯一一間賣開心果糊嘅餐廳 不過唔肯定荃灣分店有冇得賣（Openrice唔多見有）————————————————————————🐕開心果糊（$41）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯聽聞佢選用伊朗嘅開心果先可以整到咁綠我揀咗涷食食落涼浸浸咁 冇乜味 唔算好甜如果認真努力㗳清楚 隱隱約約都有少少開心果味嘅⋯但佢冇咗開心果烘烤後獨有嘅香成件事變得好淡好寡加上佢成碗鼻涕咁 杰撻撻 認真唔討好感覺就係好多粉溝水咁食一兩啖就夠啦⋯🙏🏻🙏🏻🙏🏻如果真係要試 可能熱食會更易接受————————————————————————🐕開心果糕（$20）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯糕質地同平時啲紅豆椰汁糕差唔多食落甜甜地 開心果味都係偏淡至少我可以本住唔好浪費食物嘅心態食埋佢🙏🏻下次出去食翻紅豆糕好似開心啲⋯————————————————————————

近排見到IG介紹香港懷舊甜品，咁啱介紹開心果糊，一於決定去試試。其實我咁大個仔第一次食開心果糊，食落微甜，口感軟滑。食下食下，唔知點解，口入面仲會有種威化餅嘅味，好似食緊童年回憶嘅感覺。大致上我覺得真係唔錯，值得一試。 下次嚟再試吓佢地其他開心果甜品 😋