影片
更多
2023-03-28
628 瀏覽
今日去睇骨醫，見到呢間標榜龜苓膠、膏 & 龜板等嘅涼茶 + 糖水舖嘅店，老實講之前未聽過亦冇留意佢嘅存在，不過我幾鍾意呢類懷舊feel裝修，所以就單拖入去試食。桑寄生蛋茶唔知點解細個好驚呢個涼茶款糖水，依家大個咗又會like喎桑寄生茶個濃/甜度適中鷄蛋夠入味，最重要佢唔會中藥味比重太大，係真係好味想食嘅糖水嚟。牛腩雲吞麵真係好有驚喜本人都一段時間冇食雲吞麵，因為而家啲舖頭實在太求其，坊間好多雲吞餡只係一堆肥肉混合物咁老實說呢度雲吞麵一放上枱我已經心心眼😍感覺好精緻，唔似平價食物，牛腩嘅顏色都好靚，湯色亦都夠濃但好清，意思係冇多餘嘅飄零，雲吞唔算大，兩樣餸都擺放整齊，令我好想慢慢試清楚味道。果然冇令我失望，第一啖咬落去白菜仔味係好突出好香好甜，望一望啲餡好清楚有一小段菜框一小塊菜葉和碎肉，菜味咁香主要係包雲吞嘅時候無將菜整到爛晒，有啲水餃多菜少肉我都like，不過佢咁整反而食落清清楚楚每樣食材嘅味道，講真呢個味道係非常有驚喜的，我估我今日好好運，因為每隻都係咁嘅情況，所以食得好開心決定寫食評👍🏻開心果糊因為第一次幫襯，所以坐低我已經上OpenRice睇吓有乜嘢出名，見好多人都嗌開心果糊，
桑寄生蛋茶
桑寄生蛋茶
$28
52 瀏覽
1 讚好
0 留言
唔知點解細個好驚呢個涼茶款糖水，依家大個咗又會like喎桑寄生茶個濃/甜度適中鷄蛋夠入味，最重要佢唔會中藥味比重太大，係真係好味想食嘅糖水嚟。
牛腩雲吞麵
牛腩雲吞麵
$73
60 瀏覽
0 讚好
0 留言
真係好有驚喜本人都一段時間冇食雲吞麵，因為而家啲舖頭實在太求其，坊間好多雲吞餡只係一堆肥肉混合物咁
老實說呢度雲吞麵一放上枱我已經心心眼😍感覺好精緻，唔似平價食物，牛腩嘅顏色都好靚，湯色亦都夠濃但好清，意思係冇多餘嘅飄零，雲吞唔算大，兩樣餸都擺放整齊，令我好想慢慢試清楚味道。果然冇令我失望，第一啖咬落去白菜仔味係好突出好香好甜，望一望啲餡好清楚有一小段菜框一小塊菜葉和碎肉，菜味咁香主要係包雲吞嘅時候無將菜整到爛晒，有啲水餃多菜少肉我都like，不過佢咁整反而食落清清楚楚每樣食材嘅味道，講真呢個味道係非常有驚喜的，我估我今日好好運，因為每隻都係咁嘅情況，所以食得好開心決定寫食評👍🏻
開心果糊
開心果糊
$44
32 瀏覽
1 讚好
0 留言
因為第一次幫襯，所以坐低我已經上OpenRice睇吓有乜嘢出名，見好多人都嗌開心果糊，咁我又想試吓，落order時間都有少少唔好意思咁大食😅呢碗咁鮮艷嘅糖水，顏色我就唔係咁識欣賞，都有輕微嘅開心果味道，但我覺得開心果唔係好夾呢種甜味，所以呢款我就唔特別推介了。
招牌嘅🐢🐢我一樣都無試到～下次我會試佢哋自家製嘅裹蒸糭。
張貼
