蘭苑饎館

營業中

休息中

#中式糖水#開心果糊 #合桃露老店「蘭苑饎館」　招牌開心果糊 寫明出品不含香料、人造色素，採用天然材料製成 天然喎咁梗係去試吓 綠色嗰碗 我對開心果本身就麻麻哋 真心佢係幾香但係唔係好甜 整體上一般 又唔係好似神級嘅美食反而個合桃露真係好食到不得了保留合桃口感，又唔會多到起渣，入口有香濃合桃味，係比較有水準的 我要補腦 所以就食多啲 😅 #馬豆糕 係我細細個好鍾意食嘅一樣嘢童年回憶啊我都覺得非常之唔錯可以去一間老店試一試 #太子糖水 #太子美食#香港經典 #香港必食 #美食推介 #蘭苑饎館

門口招牌同坐位都係古式古香，連本menu都係充滿懷舊中式既味道。我平時都好中意食開心果味道既雪糕、甜品咁，覺得開心果有口感食落又好味。所以特意黎試佢個顏色好特別既開心果糊，不過同想像中既味道唔同，無想像中咁濃郁既開心果味，比較淡，口感質地同平時食既芝麻糊一樣。味道亦唔甜，清清地，食哂成碗都唔會覺得膩。同西式甜品既開心果味道比較就真係失望，不過一試都無妨既。而男朋友叫左生磨杏仁茶，食落口感就有d粉粉既感覺，都有好香既杏仁味，相比下就比開心果糊甜。三十幾蚊碗中式糖水就少少略貴啦，不過都食得出係真材實料，唔係稀，淡某某個d。

❤️好奇心驅使下去咗呢間小店～💚開心果糕有啲失望，味道較淡，但甜度還好，唔會死甜🥲💛椰汁馬豆糕，清甜，幼滑，好正🥰💚熱開心果糊，味道比較濃郁☺️❤️雲吞係用黑毛🐖肉整，肉質淋滑，特別好食😋

又心思思想去這店，今次是第二次去。餐牌很有懷舊感覺。開心果糊和開心果糕是我的最愛。我很喜歡那種綠。開心果糊選用伊朗開心果，質感夠滑，味道不太甜。開心果糕味道適中，不錯的甜品。家人點的綠豆沙和雪耳燉木瓜也不錯。

今日碌電話嘅時候見到有人食一碗綠色嘅食物🤣見到咁特別嘅顏色我嘅眼球就當然俾佢吸引住啦，點知原來係開心果糊～難得出到嚟太子呢頭，當然要去會一會下呢一碗綠色嘅食物😆-佢嘅質感就好似平時啲小朋友玩嘅鬼口水咁樣🤣🤣顏色唔係咁容易接受到，不過好彩食落去嘅味道唔算話好差，有淡淡的開心果味，不過我自己就覺得相對上甜咗少少🤣如果開心果嘅味道可以濃啲中和返就應該會更加好😊不過呢一個係特別嘅體驗🤣食一次就夠😂

開心果做中式糖水真係第一次聽之前見人介紹依間將近40年既老店又有咁特別既開心果糊已經心郁郁想去採用伊朗岀品開心果糊 餐牌上面個名好強調係伊朗岀品既開心果😂碗開心果如圖示 好綠色 好有趣食落口 個味都係開心果但唔係個種濃濃係口腔爆發既味或者係人造既香精味淡淡 柔和 既開心果味 但又少少甜甜地清清地 好食！黑芝麻糊宜家真材實料又好食既 真係比較少個黑芝麻糊 食到有黑芝麻既小顆粒係香濃既 質地濃稠厚實 雖然甜左少少 但整體係好食買左3個糕點回家吃開心果糕無開心果糊既開心果味咁濃但都係有清清地開心果味唔會係有死甜既味黑芝麻糕係有香濃既黑芝麻味都係食到黑芝麻小顆粒香香甜甜 玫瑰紅莓糕入口有玫瑰花香加上紅莓既酸味酸酸甜甜幾開胃d糕點都食得岀係真材實料顏色上係厚實同係食物本來既顏色感覺唔會話為個糕點要企身而落好多粉，落少少原味材料上色，加好多糖等個賣相好靚，但食落口得甜味

💚蘭苑饎館💚開心果糊 $36伊朗嘅開心果，所以同平時食開嘅開心果味唔太相同，會淡少少。聞落超香開心果味，但食落就真係冇乜，可能伊朗開心果真係淡味啲。雖然顏色望落有啲恐怖，但佢係全天然。甜度適中，睇落好稠，但食落口好順滑，好似比芝麻糊再易入口啲。無糖杏仁糊 $35健康之選。真係完全唔甜，杏仁味好出。仍然食落口好順滑。補腦合桃露 $35合桃味好出，相信係真材實料咁用合桃打出嚟，比其他地方食到嘅更為濃郁。不過呢款就甜咗少少。藍莓糕 $17正常大菜糕。好多藍莓，都足料。但係糕本身嘅藍莓味就稍微弱少少，唔太食到。

我每次去開花墟買花必定去幫襯，有人情味的餐館，食物質素好得👍🏻又健康👍🏻真係值得推介，成日出街食多數都係味道比較濃，間唔中都要平衡返食清淡啲😆😆😆呢一間餐館真係食到屋企嘅味道，雖然好少選擇，對於我來講已經足夠了，基本上佢啲食物我都試過，今次同朋友去叫咗，去濕解毒龜苓膏(唔識解釋總之龜苓膏味道)芝麻糊(好滑好香)開心果糊(我個人口味覺得好味)(我朋友就覺得一般)，淨食菜肉雲吞(啲肉係採用冇激素)，淨食新鮮鯪魚球(好明顯食得出用心製作好新鮮)，牛腩麵(我覺得正常味道)整體十分滿意坐得舒服環境優雅😊😊😊

早兩日見大家估得咁雀躍，多數估抹茶🍵、Wasabi、斑斕椰汁🥥、有啲創意度十足既就估崩大碗糕😂我今日就開估，究竟呢個咁似鬼口水既東西係D咩嚟呢🤣登登登櫈💡💡💡💡💡💡💡開心果糊 $36開心果糕 $19蘭苑係老字號既中式糖水舖，當然我都係因為佢既綠色外型，嚟試一試啦，不過真心講，實在老娘食唔到有開心果味，我會覺得似有椰汁味，清清地唔甜既甜品😬大家想呃like 或喜歡新嘗試，我覺得可以試一次的，唔難食的，只係無開心果味而已😶

朋友多次推介 我今日終於的起心肝去試 位於太子的一間中式懷舊老店 《蘭苑饎館》😙聽個名都覺得佢有返甘上下歷史而店內裝修 主要木色為主 獨具懷舊風格😏 朋友極力推薦《開心果糊》🧐 不嬲唔太喜愛中式糖水嘅我 多番考慮後決定鼓起勇氣試一試🤣雖然平時我都幾鍾意食開心果味雪糕 可能我見識太少 《開心果糊》我聽都未聽過😬心裡很害怕中伏啊🤐 喺我猶豫之製 見到有幾位客人嚟買外賣 都係買《開心果糊》《開心果糕》🤗 再加上望到店內有唔同訪問嘅剪報圖片 令我信心大增🥳 所以立刻點咗《開心果餬》《開心果糕》 最後還加點一碗貴館聲稱選用健營豬 無激素的《 新鮮肉片麵》😋。開心果糊 (HK$36 )我揀咗熱食嘅開心果糊 拎到埋嚟已經聞到好香開心果味 顏色綠到令人有點卻步😅 但口感順滑 質地比較杰身 但絕對唔會好似機器磨出嚟嘅糊甘有沉澱物 🤤甜度恰當 吾係死甜 味道香濃 包你食完返尋味🥳超正👍。開心果糕(HK$ 19)開心果糕聲稱不含香料味精  味道不及開心果餬濃郁 比較淡口😅但質地非常有動感😏搵個匙羹篤下佢 佢會動L動L甘跳舞😬。新鮮肉片麵(HK$48 )新鮮健營豬肉片 質地嫩滑 肉質鮮味🤓新鮮豬肉片 味道果然

✨咁綠嗰碗係咩黎😑❓你地係咪同我一樣係開心果控？呢間係太子曾經獲米芝蓮既［蘭苑饎館］,我bookmark咗勁耐,佢地裝修以中式為主,鋪頭唔算大,而且標榜不含香料色素同味精,早前見經過附近,所以搵搵間鋪去試‼️.💬採用伊朗出品開心果糊 $36💬自磨香滑芝麻糊 $32💬補腦合桃露 $35去到試左三款,大家share黎食,佢地好馳名既係開心果糊,顏色好搶眼好綠,口感順滑,但味道無咩驚喜,有開心果味但覺得唔算好出略偏淡,至於芝麻糊同合桃露,我比較鍾意食合桃露多啲,合桃味香濃,口感較厚,芝麻糊中規中距無咩特別🤓！...📍 蘭苑饎館 (太子)太子西洋菜北街318號集賢樓地舖..

未食之前充滿期待，香港舊式嘅舖頭買少見少，加上網上大量好評，又有米芝連嘅加持，作為開心果控嘅我擺甩各種蛋糕嘅誘惑特登黎試試......用上伊朗開心果，色水亦非常鮮艷，滿心歡喜食咗一啖，淡而無味...... 本身好怕中式糖水會好甜，點知佢唔止無咩開心果味，連甜味都無......盛惠$36，雖然其他亦大力推介開心果糕，但當下已經無曬興致再試佢個開心果糕......太子實在有太多其他更佳嘅甜品選擇，唔會再黎幫襯

作為開心果嘅粉絲🤤一知道香港有個地方可以食開心果糊同開心果糕就狗衝咗去試🏃🏻‍♀️🏃🏻‍♀️除咗甜點之外餐廳都有鹹點供應同時都叫咗兩個粉麵豬手麵同雲吞麵豬手睇相好似好大隻但其實佢係一舊斬開一半麵量唔算多講真真係一般般雲吞個人覺得唔錯佢係雲吞皮水餃餡但唔好期望太高黎到主角開心果糊同開心果糕網上啲人話開心果糕比開心果糕好食但我同朋友都覺得相反兩者都明顯有開心果嘅味道但開心果糕嘅質感我哋就唔太鍾意其實依間餐廳係專賣中式糕點所以佢嘅糕點係中式口味可以想像到佢嘅質感會好似馬蹄糕紅豆糕比較爽身開心果糊比較重開心果味但坦白講食完先發覺我哋係比較鍾意西式甜品嘅開心果可能因為溝咗白朱古力真真正正咁食中式嘅開心果甜品結果係有啲失望唔係話佢唔好食但唔係我哋想像中嘅味道😅溫馨提示如果想食糕記得早少少去我哋去到嘅時候啱啱好剩低最後一個開心果糕而且都有幾多人過嚟買外賣一買就買半打糕點🥸

蘭苑饎館開咗幾十年，最出名莫過於龜苓膏🐢價錢由五十幾蚊到六百幾蚊不等～其實除咗龜苓膏之外，以前(2019年8月前)舖頭仲有賣🥘飯麵🍜、糖水🥣但由於餐廳轉型關係，飯麵就從此暫停供應，只賣龜苓膏🐢同糖水～離遠已經可以望到蘭苑嘅黃色小招牌👆🏻，掛出黎嗰個就由左至右寫😹，但近門口嗰個就由右至左寫😹而一睇呢兩個就知道蘭苑都係有返咁上下歷史嘅舖頭～👇🏻門面都係七、八十年代嘅裝修，兩邊寫住兩大招牌🐢龜苓膏同🥣糖水除咗糖水，亦有賣小糕點👇🏻過年過節仲會賣年糕、粽👍🏻全部都係真材實料～👆🏻餐廳入面掛滿龜苓膏、藥材、糖水嘅介紹同功效👇🏻仲見到攞咗好多年嘅米芝蓮(2012-2020)啊😋👇🏻手寫龜苓膏嘅功效，普通龜同金錢龜嘅功效仲唔同架！👆🏻用鷹咀龜整嘅龜苓膏就平啲，五十幾蚊起～👇🏻而金錢龜整嘅就價錢高啲，最貴去到六百幾蚊～以前嘅粉麵餐牌👇🏻👆🏻蘭苑嘅糖水都好出名，基本嘅芝麻糊、杏仁茶、合桃露等等都有，而最特別嘅就係開心果糊！！！👇🏻糕點亦有桂花糕、紅豆糕、開心果糕等等～呢日黎食下午茶👇🏻咁緊係叫碗開心果糊啦～拎到過黎已經聞到好香開心果，抹茶色嘅開心果糊望落幾特別，香港暫時好似得呢度先有！個糊比較杰身，但食

老字號中式糖水舖買少見少，更有平時少見既開心果糊，採用伊朗出品的開心果，清新清甜，帶有濃郁果仁味，糊狀甜品之中算係幾輕盈既一款；臭草綠豆沙好足料，綠豆煲到起哂沙，臭草味濃，夏天叫碗凍既食就岩哂