蘇山雞飯

營業中

休息中

今次推介大家呢間餐廳馬拉菜主打係海南雞飯海南雞飯當然必食推介油飯唔似坊間咁嘅顏色但無影響味道依然好食肉眼睇到啫喱就知幾滑餐湯好濃落左雞雜落去個人幾鍾意因為我會食咖喱牛筋腩乾撈老鼠粉坊間通常放湯好少乾撈呢個真係少見所以想試都幾足料大碗牛筋軟腍牛腩都易咬開咖哩香濃係面頭個桔仔唔知做咩直至食到舊掂到嘅牛腩就知原來係用嚟提鮮😂小食分別揀左拼盤通菜優惠價嚟講拼盤幾抵食一盤四樣野每樣有兩件雖然覺熱氣但好食就得通菜都算大碟炒得惹味見到好多檯都有叫抵食呢排咁熱飲品揀左新野開心果椰子奶昔正到爆一杯有齊最喜愛嘅材料飲落椰子味好出唔係滑因為有開心果嘅顆粒感滲出淡淡嘅果仁香大愛砂拉越菠蘿冰打卡感強原個菠蘿打冰直接上檯酸酸甜甜又夠冰凍爽爆—————————————————————🔸 娘惹咖喱牛筋腩乾撈老鼠粉 $149 特色小食拼盤 開心果椰子奶昔🔸 招牌海南雞飯 $154 參巴辣蝦醬通菜 冰爽砂拉越菠蘿冰

由於謙謙太掛住 Sean 所以我地又約見面了，搵地方食野可以比佢兩個聚下，我地媽媽們又吹下水，估唔到5點半多來到蘇山雞飯仲趕得切叫下午茶喎！下午茶有d 餐抵d 緊係拿拿趕落單啦！下午茶4份⬇️⬇️⬇️✡️ 星洲喇沙摻摻 +凍恐龍美祿✡️ 地道白咖哩魚餅扎肉老鼠粉 + 乳酸碟豆花梳打✡️ 招牌海南雞飯配油飯+雞什冬瓜湯 2份 + 桔仔菠蘿梳打水 + 凍香矛薄荷特飲下午茶餐抵食到暈，份量冇減，用料十足加特飲都係加12蚊，我地呢d鍾意食早飯的人啱哂。海南雞好滑溜，沾黑醬油和葱油絕對可以食哂碗油飯。 喇沙湯底夠哂濃郁，配上摻摻好夾。而我碗老鼠粉個白咖哩係好香椰奶味的一口連湯連粉食超正。四杯飲品除左打卡靚，每杯都各有特色，亦唔會過甜抵讚。小食方面我地點左呢到必食的鮮油咖央多士，一層厚切鮮油超邪惡呀！ 小食拼盤啱哂小朋友，而我最喜歡就係食呢到個串燒，牛肉串燒得剛剛好夠腍又有肉汁沾佢d 沙嗲醬個花生超香， 最後個惹味馬拉盞椰菜苗添。

今日約咗朋友拎嘢 大家都未食飯所以去咗 呢間餐廳 食下午茶, 諗住佢下午茶海南雞飯細細粉, 朋友點咗老鼠粉, 點知一嚟好似常餐咁大份, 我哋點咗串燒, 小食拼盤, 仲有呢度嘅招牌 之一嘅 鮮牛油 咖央 多士, 你睇下 呢塊厚切嘅牛油 ,真係飽到晚飯都唔使食, 下午茶套餐加12蚊 仲有 靚靚大大杯嘅特飲, 忍唔住真係 嚟個特飲大特寫, 海南雞啲飯 真係好食到停唔到口,好香, 仲有我哋 叫咗雞雜湯跟套餐, 啲湯 雞味香濃 仲有雞腎同雞潤食, 仲有肉骨茶畀你揀, 四個人 坐得舒服, 食得勁飽, 每人百五蚊都唔使, 推介推介

肥妹之前同朋友都食過蘇山雞飯見推出新菜式，特別原個菠蘿菠蘿冰瞬間心心眼約朋友嚟食❤️店內環境闊落，座位亦舒適採用深色木系傢俬且燈光光猛✾ 火焰醬香椰子雞窩（半隻）跟油飯 $168一上枱店員就會淋上醬香型茅台酒隨即點火，酒香四溢！茅台酒亦浸入椰子雞中湯底喺純椰青水，完全冇加一滴水入口相當清甜且散發淡淡酒香同朋友密密飲湯，而走地雞份量都唔少肉質緊緻富肉香，搭配油香乾爽油飯✾ 醬油拼盤（加配） $39雞腳｜豬手｜雞蛋睇啲色水就知夠入味，帶濃濃醬油香但唔會好鹹最喜歡豬手夠軟腍，豬皮QQ彈彈充滿骨膠原✾ 冰爽砂拉越菠蘿冰 $48原個菠蘿超搶眼，充滿夏日風情入口冰爽消暑，滿滿酸甜菠蘿果味✾ 開心果椰子奶昔 $32最近好Hit 開心果搭配椰子，你試過未？嫩綠幼昔入口幼滑濃醇，甜而不膩濃濃椰子清香中帶點開心果堅果味

咖央油條你食過未⁉️而家出左夏日Summer系列菠蘿冰、開心果椰子沙冰同埋咖央油條🔅叫咗兩份下午茶餐再加其他嘢食～#冰爽砂拉越菠蘿冰 🍍🍍🍍❣️用原個菠蘿整既沙冰🍧超級新鮮‼️清爽‼️濃濃菠蘿味，冰感唔重😉好滑～仲有啲菠蘿肉🍍好Freshhhhhhhh 🤩HKD48#雞翼 🐥唔好睇佢以為得三隻雞翼好似好少，其實係三隻雞全翼😚醃得入味～HKD42 下午茶#蜂蜜桔仔水 🍋‍🟩Free 跟餐#海南雞飯配雞雜冬瓜湯 🐤🍚海南雞去咗骨，雞髀位好滑，雞胸位啖啖肉唔柴😌油飯香，飯粒分明唔會太淋☺️HKD62 下午茶#檸檬薏米水 🍋Free 跟餐#海南豬扒咖喱配烤餅 🥘🫓海南咖喱帶少少椰香😗配酥脆嘅薄餅一流🤪略嫌啲咖喱汁唔夠多🤣HKD88#脆炸鳳尾蝦春卷 🫔香脆夠熱～叫主食可以半價加小食😉HKD20 （半價後）#咖央油條配薄荷朱古力雪糕 🍨咖央多士就食過🙈咖央油條真係第一次🤪油條微熱外脆，咖央醬搽咗喺中間，唔會太甜😌仲有啲朱古力醬同薄荷雪糕，整體幾特別唔會奇怪😀HKD38免加一服務費蘇山雞飯#fafafoodie_長沙灣

鮮油㗎央多超邪惡，厚切鮮油毫不吝嗇，香脆即烘多士 㗎央醬，牛油會溶快啲食招牌海南雞配油飯，冬瓜雞雜湯清甜，有雞雜有誠意好滑好正，雞皮比喺一般深色，食落好似已經調左味咁，可以唔使點醬都已經好有味道，三隻醬包括酸辣，薑蓉，甜醬油，三款都好好味。油麵溝米粉 喇沙挫摻摻，足料，蝦，青口，白魚蛋全部都每樣有2件新加坡潮式肉骨茶做法以胡椒味行先 即使係咁湯底亦做得比較清淡易入口 食唔慣重口味嘅都一定一試難忘🤩煲湯時仲加入豆卜 吸盡肉骨茶精華 一咬噴湯 胡椒味持續喺口腔徘徊青檸菠蘿梳打，呢杯野飲超岩夏天飲！甜甜地又有氣，簡直透心涼呀❤️個賣相仲好夏日😀椰青，清新香甜超解渴，連椰青肉都食得一乾二淨😋椰肉係超多好嘅功效架！大家平時飲都唔好曬左佢呀～

位於長沙灣的這家新加坡🇸🇬特色餐廳,在裝潢上完全融合了東南亞🔥市集的風情。走進餐廳,宛如穿越到新加坡地道的市集現場,彷彿置身其中,感受到濃濃的異國氛圍。🥳餐廳的招牌菜當然非新加坡海南雞飯🐔莫屬。這道菜可謂是新加坡美食的代表作👍之一。在這裡品嚐到的海南雞飯,無一例外都讓人大為驚艷。🥳雞肉鮮嫩多汁,雞皮爽滑可口,整個雞肉入口即化,令人難忘。配合香甜可口的滷水,以及恰到好處的火候所烹調的滷水雞爪,口感軟糯滑嫩,香氣四溢,簡直是人間美味。🎊值得一提的是,餐廳的下午茶更是別有洞天。👍除了正餐菜品,這裡的各式小吃和甜品也同樣是不容錯過的亮點。無論是馬來風味的糕點,還是精心製作的咖啡飲品,都讓人流連忘返。🤤在這裡,無論是獨自享受還是與親朋好友小聚,都能感受到濃濃的東南亞風情。🥳👍無論是海南雞飯還是下午茶,都能讓人仿佛置身於新加坡的街頭市集,領略異國風情。🥳對於喜歡探索異國美食的食客來說,這裡無疑是一個必去的打卡點。👍

雞肥肉嫩海南雞，特飲冇得頂！呢期愛上食海南雞飯，周圍搜刮下有咩海南雞飯好食，今次試吓呢間蘇山雞飯嘅海南雞飯實力如何。 ⭐️海南雞飯首先油飯有蔥頭落去，香味十足米飯粒粒分開軟硬適中。雞肉鮮嫩肥美，搭咗雞上髀同埋少少雞胸，雞胸肉都唔會乾爭爭👍🏻😋。餐湯係冬瓜湯，湯底用雞的內臟熬製鮮雞味濃郁，而且不油膩， 消暑開胃！⭐️地道白咖哩老鼠粉白咖哩湯唔會"漏"，但味道夠。老鼠粉口感幾有少少似銀針粉嘅感覺。扎肉啲肉夠實，算有驚喜、魷魚就爽口。⭐️砂拉越菠蘿冰👍🏻呢個真係夏天必點！原個菠蘿同冰打碎，超解渴！食完成餐飯都仲未飲到底😆，真係唔食飯入嚟淨飲都要試吓佢💪🏻⭐️開心果椰子奶昔👍🏻飲落第一啖已經覺得爽。佢奶嘅質感唔算話好重但係有少少奶香，而且飲落有啲啲薄荷感覺，天氣咁熱飲落居然完全唔膩。自己本身都仲意椰香味，估唔到mix咗開心果兩個味道咁夾，讚！♦️小食拼盤（個炸蝦餅幾辣幾彈牙）♦️炒通菜（跟餐+20幾蚊，都幾大碟）Ps.特飲如果可以外賣都唔錯👍🏻😆

今日幫襯長沙灣呢間店重新裝修之後地方寬敞坐得好舒服。🌟海南椰子雞鍋（半隻）加油飯呢個椰子雞鍋主打純椰汁不加一滴水整嘅椰子雞煲，煮出嚟嘅效果果然係特別香甜。店家仲好貼心咁提供咗一隻去人嘅湯殼，令大家飲嘅時候冇咁多油。🌟龍蝦喇沙摻摻一人份量星洲喇沙湯底夠濃郁，有油麵同埋米粉喺入面，食落口有硬有軟好特別。最好係龍蝦有半隻，連埋個湯底一齊食夠曬鮮味。🌟跟餐叫多個沙嗲串燒雞肉同牛肉燒得好香，連埋沙爹汁咬落去又有淡淡嘅甜味。🌟砂拉悅菠蘿冰原隻新鮮菠蘿搞碎上枱，喺呢個要炎炎夏日飲返杯菠蘿特飲特別清爽，真係冰涼降溫。🌟開心果椰子奶昔見到薄荷綠色嘅飲品已經覺得清涼降溫，入口仲有淡淡嘅椰子味同清香嘅班蘭味，呢杯飲品極力推薦。

睇社交平台碌到呢間隱世小店，見到嘢飲賣相不錯，就約左男友去食招牌海南雞飯 加肉骨茶 $95男友讚海南雞飯幾好，油飯之餘，雞都好嫩滑；另外肉骨茶都好入味，仲加左胡椒，刺激味蕾Susan豬手飯 $83豬手好軟嫩，浸滿滷水汁，夠晒惹味！鍾意飯入面加左好多粒炒花生，同豬手好夾，配飯一流！冰爽菠蘿冰 $48造型好靚，有一片大菠蘿同一把遮仔，大大個菠蘿裏面，係鮮榨的菠蘿沙冰，非常清新解渴椰青 $35成日食泰國野，啲椰青都賣晒，再唔係畀罐裝，而呢度就有好多存貨（我坐雪櫃對面，所以睇到）。果然真椰青水就是不一樣，特別清甜，飲完仲可以食下啲椰子肉，正！咖央油條配薄荷朱古力雪糕 $38男友食完，大讚：熱得黎又有啲凍，凍得黎又有啲脆，脆得黎又有啲軟，軟得黎又幾好食！我地都覺得甜品好驚喜，油條脆得嚟唔油，配雪糕真係多重口感，係會想下次再食嘅！

蘇山雞飯幾次經過呢間餐廳都見幾受歡迎，今日就到我試吓啦。⭕️海南雞🐓隻雞岩岩有雞翼位，骨肉相近，好食冇走雞。整體係講，隻雞係幾嫩滑，不過就冇乜雞味。主要靠呢三款醬汁增加味道，很好醬汁都幾惹味，連埋飯一齊食，都係幾開胃嘅。⭕️油飯🍚油飯都算幾香，有淡淡嘅椰子味。唯一，但亦係最大嘅敗筆係個飯太腍太腍，改善呢點會好好多。⭕️肉骨茶肉骨茶係近新加坡嗰種口味，即係重胡椒味。不過可能因為我哋太夜食，已經9:30，鋪頭快打烊。可能個肉骨茶已經煲了好耐好耐（？），碗肉骨茶係勁辣勁辣勁辣，超級無敵重胡椒味*100000，重到放一啖入口已經唔想再飲第二啖。結果我哋只係飲咗三份一碗，就放棄。

蘇山雞飯是區內人氣餐廳，主打新加坡菜，幾乎每晚都座無虛席。裝修帶點懷舊風格，採用黑白色地磚、木製餐檯椅等，而餐具牙籤則好貼心放於枱面，自助形式下單用上QR Code 一目了然。火焰醬香椰子雞鍋：椰子雞鍋是廣東特色菜,講究煮出椰香四溢的口感。而將高檔茅台酒加入,則是充分運用四川地區的酒文化,讓酒香和椰香共冶一爐。茅台作為中國最高檔的白酒,富含複雜的香氣和口感。加入椰子雞鍋中後,讓整個菜品更加醇厚濃郁,同時增添一股醒神提味的效果。搭配選用優質的雞肉和新鮮椰子肉,再輔以薑蒜等香料，煮出一道既滋養健康,又富有層次感的特色椰子雞鍋。店員倒入適量的茅台酒,讓酒香與肉香相融，整體酒香四溢,濃郁醇厚,回甘持久。椰香融合酒香,蒸餾出獨特的複雜香氣。雞肉肉質鮮嫩多汁,入口濃郁滑順，份量不少，有半隻雞份量起碼。星洲叻沙摻摻：湯底以蝦殼、魚骨慢火熬煮而成的湯底，加入叻沙湯料包(香菜、香茅、月桂葉等)調味，辣鮮甜的湯汁,是叻沙的靈魂。話明係摻摻姐係米粉加春雞蛋麵雙拼，麵條有Q彈的口感,能很好吸附湯汁。加入檸檬汁、魚露、辣椒醬等調味料，提升層次。開心果椰子奶昔：清新可口!開心果的香脆口感營養價值極高的堅果,富含優

手藝絕對值得一嚐!首先係佢嘅白切雞,雞肉肥肥嫩嫩,個汁香甜入味,一啖入口覺得醇醇香香。呢度嘅油飯就仲正,米粒粒分明,又吸收咗雞油嘅鮮美滋味,好滋補啊!配合兩餐菜色,一齊享用就完全符合廣東人嘅心口味。另外佢供應嘅冬瓜湯,湯頭清香淡雅,冬瓜塊軟滑爽口,而且湯入口有種清涼感,實在滿足咗夏日飲食需求。話曬呢間食肆唔係咁高檔,但係價錢公道,性價比非常之高。我相信喺呢區域裡已屬翹楚。唔論你嚟食午餐抑或晚餐,呢度都一定要一試先。

🍴海南雞飯配肉骨茶：肉骨茶好重胡椒香但唔太辣，海南雞皮又薄又爽，雞油飯都好惹味👍🏻🍴星洲喇沙滲滲：建議試粿條，又闊又彈牙。湯底唔算濃，但有青口、蝦🦐等等，材料豐富。🍴咖央多士：✨推介✨咖央好香蛋味 👍🏻，趁新鮮食。🍴椰子🥥雪糕斑蘭奶茶：✨推介✨好香椰子味而且好滑。🍴滷水拼盤（豬手、雞腳、蛋）：豬手入味，豬皮炆得剛好，滷蛋都炆得剛好，唔會好老。 味道 : 🔅🔅🔅新鮮 : 🔅🔅🔅分量：🔅🔅🔅🔅衛生：🔅🔅🔅🔅服務：🔅🔅🔅🔅（5🔅為滿分）

我今日去長沙灣辦事，順道去位於長沙灣元州街411號義華大樓地舖的＜蘇山雞飯＞食馳名的雞飯，環境舒適，坐得舒服。我點左個 火焰醬香海南椰子雞鍋（半隻）＋油飯$168，好友點左個 海南雞飯＋雞雜冬瓜湯（茶餐）$62，餐飲係蜂蜜桔仔水（跟餐）；另外點左個 冰爽砂拉越菠蘿冰，甜品係咖央油條配朱古力薄荷雪糕 $38。火焰醬香海南椰子雞鍋係好有特色的，湯底係純椰青水，店員用一杯仔的茅台酒倒在煲蓋面，用火燒起來，火熄後，雞鍋還在滾中；店員教你滾左之後，先飲湯（好清甜），後食雞；雞肉嫩滑清香，椰子肉好食；冰爽砂拉越菠蘿冰係成個菠蘿上檯，菠蘿肉已打成沙冰，還伴著一片新鮮菠蘿肉，好好味👍；咖央油條好鬆化又不油膩，配朱古力薄荷雪糕好食！