蘇媽.蘇媽馬來西亞茶餐室

營業中

休息中

香港人氣馬拉菜淨係咖央多士已經好值得嚟食講起香港嘅馬拉菜，呢間都係數一數二！ 我最鍾意佢地嘅椰香咖央多士！ 最近再去，見到推出新口味～紫菜肉鬆咖央多士鹹甜配搭幾有新意，紫菜肉鬆好香口，多士同樣鬆化，咖央香甜，我同朋友都好鍾意！推介色彩鮮艷的辣死你嗎配仁噹牛肉 $68，牛肉軟腍惹味，唔算好辣，綠色的椰漿飯帶有陣陣椰香及班蘭味，拌醬汁超正！ 還有人氣檳城福建蝦麵 $66，非常足料，有蝦、豬肉、魚片、雞蛋等，湯底濃郁鮮味，我將油麵轉左槮槮，粉麵吸收湯汁，特別好味記得要點埋拉正起哂泡嘅Teh Tarik 拉茶，又香又順滑！

今日去到上海街蘇媽食午餐，店內古色古香，夠大，晏就都多人，感覺不錯馬拉沙嗲串燒-沙嗲串燒兒時回憶，沙嗲醬完全合格，花生味夠濃，不太偏甜，有3串，雞串唔乾身有汁，牛帶香，豬有口感檳城亞參叻沙-衫初試食叻沙不錯，不多椰香味，反而酸酸辣辣同好鮮味，入面有青瓜，生菜絲，紫洋蔥，魚蓉，波羅，簿荷葉，整體飽肚感滿足馬來西亞拉茶-用糖同煉奶沖成奶茶，點了少甜，種奶味，口感香滑怡保白咖啡-咖啡味香，但偏甜，可點選小甜整體來講仲有肉骨茶，央多等好多美食未食，可留待下次🥰

一個獨自外出飯的晚上，想起好一段日子沒來過這間喜歡的馬來餐廳，便決定來吃個豐富的晚餐。餐廳環境依舊，仍然充滿趣味和特色，不過也許自從疫情後，大部分食肆的生意都沒有疫情前那麼好吧，餐廳的客人就沒有以前那麼多了。點了三樣喜歡的東西做晚餐。少甜版的「桔仔話梅水」（$30）酸甜度適中，不太甜，也不太酸，解渴生津，令人胃口大開。「三層肉肉骨茶」（$88）材料不算太多，除了大量的肥瘦夾雜的三層肉外，主要就只得十分索湯的豆卜和金菇，但這肉牙茶的靈魂肉骨茶湯著實好，藥材味濃郁澎湃，香氣撲鼻，湯味怡神，把湯喝下肚子裡，渾身舒泰，更可喜的是茶湯可以不夠再添，而我在添湯之後再把湯喝光，就真是喝湯也喝飽了，更何況還有大量的三層肉，蘸以頭抽豉油和黑醬油，下點生蒜，也不錯呢！愈來愈少吃甜品，不過這裡的「海南鴛鴦燒麵包」（$48）是我一直掛念的美食，這晚難得來到，怎能不吃！這早已一分為二的美味甜點，朱古力麵包烘得脆而不硬，口感甚佳，上下兩層烘麵包中間的鮮牛油和加央醬，一黃一綠，色澤分明，但同樣好味，柔軟滑膩的口感，而烘麵包截然不同，但又相輔相成，能成為我念念不忘的美食，自有它的道理。一大碗藥材味澎湃的三層肉肉骨茶，

去旺角上海街618做一陣文青，行完商場就落樓下嘅蘇媽蘇媽食個豐富lunch🤤高佬麵配雞扒之前聽YouTuber介紹過，口味鹹鹹辣辣的確幾特別。麵條有嚼勁，唔會煮得太腍，配搭魚仔、花生、辣醬等配料撈埋一齊。可能撈埋溫泉蛋嘅關係，賣相睇落去好有食水，但味道冇想像中咁濃咁膩，特色野都可以一試！蜜糖雞翼蜜糖味突出，但又唔會過分甜膩，整體取得平衡！馬來西亞拉茶同港式奶茶唔同，拉茶有種獨特嘅香料風味，我相當鍾意！

要數元祖級嘅馬拉野，蘇媽蘇媽都算係始祖由深水埗嘅本店食到旺角的分店，水準依然都keep 到旺角嘅分店古色古香，店舖亦都夠大，晏晝時間唔好等位椰香咖央多士$42食馬拉嘢必食咖央多士，同平時出邊嘅咖央多士唔同，牛油係溶咗入啲咖央度咖央厚度比起牛油更厚身，所以椰香味特別重魚仔蘿蔔糕$52蘿蔔糕香煎醬另上，個蘿蔔糕皮脆脆哋，裏面keep到好鬆化，不過個醬冇咩味分檳城福建蝦麵$68個面底可以自選，所以揀咗滲滲，即係米粉油面一齊食湯底係濃郁嘅蝦湯，橙色湯底好鮮甜，配料都有齊魚蛋、大蝦、通菜、雞蛋等等，都幾好食

原來旺角都有「蘇媽·蘇媽」分店！年多前到訪過他們的荃灣店，今晚再訪，發現餐廳menu大更新，多了不少新品。以蝦熬煮而成的湯頭混合了特制的特辣參巴醬，帶點微辣，蝦醬味道會更明顯，更重鮮香味。麵底配了油麵+米粉的滲滲，2款麵條都好索湯。碗內有蝦2隻、魚片、豬腩肉、雞蛋半隻、通菜和芽菜，非常豐富。咖央多士食得多，但配搭紫菜肉鬆還是第一次試！麵包烘至香脆，中間咖央醬質感順滑，充滿斑蘭椰香味。加入紫菜肉鬆後，多了一份鹹香。而且整體還減低了甜膩感，更討喜。串燒3串，豬、牛、雞肉自行組合。筆者選擇了豬和雞肉，2者都被烤得頗為香口，入口juicy。沙嗲醬另上，花生香味濃郁。串燒蘸上後，十分惹味。第一次品嚐馬拉特式甜品！上枱已經感受到香濃的班蘭椰子味。綠色外皮質感軟腍，包裹著椰絲內餡。唇齒之間頓時被班蘭椰子的獨有香味圍繞著。

1.$148肉骨茶味道嘛嘛地，個煲好細，四個骨一半都係肥肉，唔知係道食乜。2.$68叻沙面兩隻蝦兩片薄叉燒，加埋半個蛋，叉燒又一半肥肉並且係凍豬肉有股怪味，蝦係凍蝦頭尾發黑唔新鮮，一啖入去硬是覺得有放佐好耐嘅味，叻沙湯底味道中規中矩，但材料真係好差。3.$28拉茶沖粉都未溶，粉浮拉茶面上，點凍又唔凍，有冰但成個飲品係常溫來嘅。拉茶點會係有沖粉呢？我真系唔明。4.唯一okay嘅係椰香斑斕治。I say no. 唔好再黎。

同朋友出街食飯⋯ 突然間好想食咖映多 醒起近上海街，有間蘇媽媽有得食 去到地方寬敞，服務員態度好好👍 推介我們試下紫菜肉鬆咖映多，新產品我哋兩個好喜歡食招牌砂鍋老鼠粉再佬麵配雞扒飲品叫白咖啡同私飲恐龍下蛋。 🤍紫菜肉鬆咖映多 我自己都好喜歡食紫菜同肉鬆，估唔到紫菜肉鬆加埋落咖映多味道好好咖映多醬好甜，反而中和返個甜度🤍招牌砂鍋老鼠粉完全無令我們失望，不過呢一定要趁熱食涼左無甘好食，好喜歡食銀針粉 🤍高佬面配雞扒 我個人就覺得個醬唔好夠🥹 雞扒大塊.都夠淋🤍白咖啡味道夠濃，完全有馬來西亞飲嘅感覺🤍恐龍下蛋 好特別，有波波感覺似雪糕，食落去cream 配咖啡好好👍

今日專程過嚟旺角這間（蘇媽、蘇媽馬來西亞餐廳）食碗肉骨茶，餐廳裝修好特別，有多處打卡位，食物亦有好多選擇。肉骨茶(三層肉)和白飯:- 肉骨茶是馬來西亞和新加坡的一道非常著名的菜肴,湯頭香濃美味,肉質也很嫩滑,三層肉肥瘦適中，咬落油脂滲出，好好食，搭配白飯一流。檳城亞參叻沙:- 亞參叻沙是檳城的著名特色,使用米線為主料,加入魚肉及大量蔬菜等配料,並淋上醬汁。口味麻辣鮮香，很有特色。馬來西亞拉茶:- 拉茶口感濃郁香甜， 這是一款有特色的當地飲品,可以搭配其他馬來菜一起品嘗。桔仔話梅水:- 是一款清涼爽口的飲料。桔仔與話梅結合,味道甜酸適中。作為開胃飲品或消暑飲料,是不錯的選擇。

近日，行經旺角發現有一間無論外觀或者內裏裝修都好似馬來西亞菜🤩，當然要品嘗一是否好似馬來西亞風味先～（5⭐️最高）馬來西亞拉茶（熱）（5⭐️）入口係有一種特別嘅馬來西亞茶香😄，奶夠滑，而且有一種好特別的泡泡在面🥰辣死你嗎配咖哩雞扒（5⭐️）利用斑斕葉做飯，面上加入椰香👍🏻底部有咖喱。汁旁邊就配有魚仔、花生🥜、青瓜🥒真及蝦片。真是有馬來西亞嘅風味🩷～檳城福建蝦麵（5⭐️）我哋揀選了米通粉😉，入口幼嫩、而且好滑。當中有五花腩片、鮮蝦、蛋等。而且用了特別的馬來西亞醬料😋，真係同馬來西亞所食的是一樣噢😍～

餐廳：蘇媽.蘇媽馬來西亞茶餐室 🍽️地址：旺角上海街618號地下G01號舖 📍電話：23893829 ☎️蘇媽馬來西亞茶餐室嘅下午茶餐真係好正呀！首先，我試咗佢哋嘅薄餅配咖喱（$48），真係好好味㗎！咖喱嘅香味飄散，真係令人食到上癮。薄餅脆口配埋咖喱，味道更加出色。真係一道抵食又滿足嘅菜式！🍛😋我仲叫咗凍冬瓜龍眼茶，真係一個清涼又解渴嘅選擇。冬瓜茶帶有淡淡嘅甜味，加上龍眼嘅鮮香，真係好開胃又消暑。同埋，我試咗佢哋嘅飄香榴槤西多士（$56），絕對係榴槤迷嘅最愛！西多士煎得香脆，每一口都有濃郁嘅榴槤香氣，實在太誘人啦！同時，我仲叫咗熱馬來西亞拉茶，茶香濃郁，好滋味。真係一對絕配！🍞🥭☕️😍總括而言，蘇媽馬來西亞茶餐室嘅食物質素真係好高，價錢亦都相宜。環境舒適，服務態度友善。下次再嚟旺角，我一定會再去食返呢度！推薦大家都嚟試下啦！👍👍👍

點了個砂煲老鼠粉，整其普通，自己在家煮，都好食過在這間餐廳吃這個老鼠粉，仲要$88，完全不值這個價錢！食食下，仲要有雞蛋殼，質素極差，萬一看不到，卡到喉嚨，怎麼辦？這是最低層次的失誤～

個個都話如果鍾意食馬拉嘢🇲🇾一定要試下蘇媽蘇媽，呢日終於試到啦😍高佬麵配雞扒 $68其實即係超級邪惡之物 - 撈即食麵😳公仔麵煮得好彈牙，側邊配以辣醬🌶️花生🥜魚仔🐟同流心蛋🍳少少辣味撈埋一齊食好惹味，雞扒好大塊，外皮煎得好脆，脆到好似平時食燒雞皮咁，入面肉質依然好juicy同嫩滑，望落好似冇咩特別，食落就知唔簡單😍馬拉黑叉燒 $88港式同日式叉燒就成日食，等我試埋馬拉叉燒啦🤤叉燒都有好多舊，燒到濃邊，而因為整叉燒嘅部位係腩肉，所以入面好淋～一層肥一層肉，少少肥肉一咬就係口度溶化，好正🥹佢每一舊都切到薄身，所以一啲都唔會膩🤩椰香咖哋多士 $38食完鹹嘢，梗係到甜品環節啦🤓多士烘到脆卜卜，濃濃嘅咖哋夾心，外脆內軟，好重椰香味又唔會好甜，好快就俾我哋清哂4舊🤭抹茶榴槤糯米糍 $48出面嘅糯米皮有淡淡嘅抹茶味，入面嘅榴槤蓉好足料，一解我想食榴槤之苦呀🥹而且佢唔會太臭，就算隔籬枱客人唔鍾意食榴槤，都唔怕臭親佢哋🤣🤣❤️.咁啱去食個日身體唔係狀態，所以冇試到佢哋最出名嘅肉骨茶，下次一定要再嚟試🤤

老鼠粉加入大量香料和調味料，創造出層次豐富的口感。斑斕多士經過烘烤後呈現出酥脆的質感，非常甜膩和香脆。咖喱雞扒飯則是一道充滿香料香氣的主菜，其特色在於濃郁的咖喱醬和鮮嫩的雞肉。咖喱汁香辣適中，帶有豐富的椰奶和香料味，而雞扒則煮到恰到好處，肉質柔嫩多汁。與白飯一同食用時，咖喱的香濃和雞肉的滑嫩形成完美的搭配。綜合評價，這些菜肴不僅展現了馬來西亞豐富的飲食文化，也滿足了不同食客對於味覺的追求。老鼠粉的獨特質地、斑斕多士的甜香和咖喱雞扒飯的濃郁口感，共同構成了一頓豐盛的美食體驗。

長假期結束又無去旅行 要食下馬來西亞菜止下旅行癮 今次食《蘇媽蘇媽馬來西亞餐室》 開業時網上討論熱度好高 招牌砂鍋老鼠粉 $88 上菜時仲出緊煙 店員仲有貼心提示小心熱有魚仔、蝦米、肉碎、豬油渣、蔥、炸蒜、乾蔥同蛋 見到有咁多食材都知呢個老鼠粉唔簡單佢豬油渣香味好出好正😽皇帝骨肉骨茶 $148 近期蘇媽蘇媽新品！ 皇帝骨肉質唔會煮到好老、又有百肉香味！👍🏻 仲要加埋生蒜辣椒豉油同埋黑豉油令到個肉味更加出色 同埋佢既湯係任加的 ！ 但要留意係肉骨茶唔配白飯 要飯就記得另外加啦椰香咖央多士 $38 食馬拉菜必食 ！ 牛油🧈加埋咖央簡直係完美既組合😍佢既咖央好香椰香味 但我覺得佢既牛油唔夠多 如果可以有多牛油就好啦 😙冬瓜龍眼茶 $35 呢度既冬瓜茶唔算好甜 食食下飲淡又幾清新 飲完又可以繼續食 相比起無咁推介既係串燒 佢既串燒肉質唔嫰 加埋沙嗲醬唔夠出味 呢個有待改善