蘇媽.蘇媽馬來西亞茶餐室

營業中

休息中

今日食既呢間位於旺角的新加坡菜店, 好耐之前已經聽過佢個名當時仲hit到要排隊食檳城白咖哩海鮮麵滿滿的材料包括有魚蛋, 蜆, 豆卜, 蝦, 春卷等等, 白咖哩同平時一般吃既咖哩有少少不一樣, 呢個係比較甜一點, 因為店家加了一丟丟的辣醬, 所以有幾分辣既味道, 但未至於超級辣既感覺, 海鮮味亦都十足, 而且超級足料一定要飲的肉骨茶呢度既肉骨茶有超多唔同既料可以配搭, 而且最重要係可以無限任飲, 當然一個人都唔飲得幾多, 但係就可以keep住飲暖暖的湯, 味道很好, 點埋佢教既醬油調法, 整個味道都上升了一個層次

點了一份玻璃魷魚通菜、百吉爹肉骨茶（大雜錦）及咖央多。 那份咖央多士，不及以前那麼好吃，有種說不出的感覺。反正中間綠色餡料不是太甜，上檯時已經沒有溫度。玻璃通菜魷魚很乾身。肉骨茶也沒有像以前那麼濃味。 質素下降了～ 檸檬薏米水內的薏米很硬⋯ 沒有咬口，很生⋯⋯

馬來魚仔醬雞扒熱撈 ➰ $76魚仔醬非常之濃郁，加上好多炸乾蔥，味道好似蝦醬炒通菜的醬，麵條本身好有彈性，配合呢一個濃郁嘅海鮮魚仔醬，好馬來西亞風味。但如果唔太接受蝦醬味既人要注意雞排外脆內軟，黑椒係脆脆的外皮上作為調味同熱撈面非常之配合。檸檬薏米水略嫌薏米未夠腍，仲有生生硬硬口感，甜度適中。〰️〰️〰️〰️〰️〰️〰️〰️〰️〰️〰️〰️〰️〰️〰️〰️辣死你嗎配仁噹牛肉 ➰ $73又辣唔死我既。但不得不讚d辣醬係好惹味，放埋一邊可以自己點，同本身滷牛肉好夾。牛筋炆得好腍。飯好特別全綠色，係斑斕味。仲配有魚仔乾同花生乾。多重豐富層次分明既口感。熱桔仔話梅水正常水平，生津解渴〰️〰️〰️〰️〰️〰️〰️〰️〰️〰️〰️〰️〰️〰️〰️〰️店舖食馬來西亞食物，但裝修風格係懷舊風格，牆上有幾幅模仿馬拉街頭嘅壁畫。地板係舊式馬賽克。展示櫃入面有好多兒時玩具玩具，勾起人童年嘅回憶。

蘇媽向來的食材皆由馬來西亞直接入口，令其口味獨特，風味絕佳，見咁耐無來到，出開旺角，當然唔可以錯過！馬來西亞拉茶（熱）面層有輕盈泡泡，拉茶絲滑，入口醇厚回甘。怡保白咖啡（凍）入口清爽冰涼，不會太過苦澀，啡香馥郁。馬拉沙嗲串燒/3串 (豬牛雞)3款串燒都做到嫩滑入味，咬勁適中,不會過於乾柴，輕點沙嗲醬汁，更顯滋味。椰香咖央多士多士烘得金黃鬆脆，夾住咖央醬，外脆內軟，椰味香甜可口。砂煲老鼠粉來到時已聞到香噴噴的味道，當中更有多款配料，再混合滑蛋，互相輝映，令老鼠粉口感更Q彈，有嚼勁，鮮美滋味，層次豐富。抹茶榴槤糯米磁糯米磁糯有黏性，搭配香濃的榴槤內餡，口感綿密滑順，真的啖啖濃郁，甘甜可口。

馬拉沙嗲串燒/3串 ($48)揀咗雞牛豬各一串，每款都肉嫩juicy，點埋沙嗲醬就更香口惹味。椰香咖央多士 ($42)多士鬆軟微脆，唔會乾爭爭，入口有陣陣椰香。砂煲老鼠粉 ($88)老鼠粉即銀針粉，入味彈牙，配料豐富，有豬肉碎、蝦米、魚乾、葱花同流心蛋，撈勻食鹹香惹味！抹茶榴槤糯米糍 ($52)糯米糍皮厚度適中，口感柔軼煙韌，入面榴槤餡味道香濃。怡保白咖啡(凍）($28)咖啡味濃郁香醇，唔苦澀，口感滑順，風味十足。

去到旺角 一個人唔想食茶餐廳 我就諗起蘇媽蘇媽， 呢度有正宗馬拉菜。首先我叫咗個砂鍋老鼠粉， 正宗砂鍋元鍋上， 好有鑊氣。老鼠粉配上 生打雞蛋， 再配合秘製肉 攪勻佢。 非常 惹味醒胃。 仲有佢哋秘製大量 麻辣醬 好鬼惹味。之後我就叫咗一杯 小甜小冰的馬來西亞拉茶， 拉茶好滑漏 入口清純。 非常之解渴。最後我就叫咗 一碟檳城香炸滷肉， 全手工製作的檳城 香炸滷肉 一碟共有三 條， 每條都炸到脆卜 食落油唔覺好油， 真心製作腩肉 唔太肥膩 入口即溶。 香脆 彈牙送 酒水之選。

小編本身就好鍾意食星馬泰嘅菜式🤣 尤其是係蘇媽蘇媽🫶🏻 小編已經覆桌非常之多次😂最近佢哋推出咗啲新款嘅嘢食😻 跟住小編咁啱行街見到🤣 緊係要直衝😆.🐷招牌砂煲老鼠粉首先係呢一個老鼠粉 小編真係每一次去食馬來西亞菜都會叫一鍋🤣 一打開撈勻佢嘅時候就已經聞到好香嘅魚乾味😆 仲有好香蛋味 記住一打開個煲就快啲撈勻佢 條條粉 啖啖都食到蛋香味🥚 老鼠粉嘅質感亦都好彈牙 而且好入味🫶🏻 份量亦都超級多 有時肚餓起上嚟 小編可以食得晒 🤣🤣（前提沒食lunch） 有時冇咁好胃口真係未必食得晒咁大個老鼠粉😂.🐷紫菜肉鬆咖央多士就咁食咖央多士本身已經好滋味 估唔到佢最近出咗紫菜肉鬆版本 香脆嘅麵包加埋香滑嘅咖央醬同埋牛油本身已經好正🤣 再加埋紫菜肉鬆 令到成個口感更上一層樓🤣 .🐷檳城福建蝦麵碗麵嘅份量都唔少 不過係有啲啲咁辣 唔多架！油面嘅口感唔錯 唔會太淋 湯底亦都唔會令人覺得好油膩啲餸嘅份量都ok的.🐷斑斕椰絲卷食咁多嘢 梗係要搭返一個小甜品🍧 咁樣先係perfect ending 😌斑斕椰絲卷嘅外皮少少脆脆地咁樣🤣同埋亦都有啲斑斕香味裏面椰絲卷又多又香🤣.🐷檸檬薏米水 熱香港天氣又濕又熱真係要

蘇媽.蘇媽馬來西亞茶餐室 旺角上海街店高佬麵配雞扒係正宗嘅馬來西亞風味! 撈麵好掛汁好入味, 加埋香烤嘅雞扒, 旁邊仲有秘製嘅辣汁等你自由加配💯 份量仲要好足, 雞扒厚身有成一塊半🥰肉骨茶三層肉肉骨茶係佢哋嘅主打, 裏面有好多款選擇, 特別有幾款(例如一字骨)就係比家庭三至四個人一齊食, 今次揀咗三層肉, 即係豬腩肉, 肉身腍, 肉同脂肪嘅比例啱啱好, 因為本身個藥膳湯偏濃味, great match! 肉鬆咖央試咗佢哋季節性嘅肉鬆咖央, 估唔到肉鬆嘅鹹香加埋咖央嘅甜味係咁正 🧡 呢個必試同埋應該加入Regular Menu!

一入到門口就已經見到好多人叫呢個馬來西亞咖喱飯一入口非常之香濃嘅咖喱味 牛肉入口即溶 椰香味濃郁 係食過返尋味嘅選擇另外叫咗一個肉骨茶 肉骨茶係任添嘅 雖然價錢貴咗 但係任添嘅話就抵到爛

辣死你嗎配仁當牛肉（$72）辣死你嗎原來唔係指佢有幾辣，原來係因為馬來西亞話Nasi Lemak係椰漿飯咁解，綠色的椰漿飯，一上枱就聞到濃濃的椰漿味，食落甜甜地，配上少少辣辣地的咖喱牛肉，牛肉煮得軟淋，咖喱入味，飯入面配有酥脆魚仔同花生，加埋一齊食，令個飯有多重口感同味道，惹味。檳城福建蝦麵（$68）蝦麵湯底濃郁，我配滲滲，油麵加米粉底，吸汁掛湯，配菜方面，2隻鮮蝦，新鮮大隻，2舊豬腩肉，肥瘦均勻，通菜係預先炒過，咸咸辣辣，同麵底好夾。

光顧了數次的蘇媽．蘇媽，每次都係叫埋同一款野食，連飲品都係，真係百食不厭😋✨百吉爹肉骨茶（豬腳彎）$88肉骨茶味濃肉嫩，今次又係叫左豬腳彎，就係鐘意佢哋與別不同既豬腳彎，因為其他地方既肉骨茶多數都係排骨/豬腩肉為主，係呢度以豬腳彎做配搭🤤同埋佢哋既肉骨茶湯係無限量供應，唔夠喉可以再添湯(大前提要飲得曬先好添，不要浪費)✨馬來西亞拉茶（熱）$24拉茶口感香濃滑溜，特別要求了不加糖，都已經好足夠，保留有獨特既味道👍🏻✨高佬麵配豬軟骨 $68高佬麵又係必點的，撈麵既口感，豬軟骨好大塊，足以夠二人份量一齊share食🤤而且肉質好軟腍👍🏻✨印度薄餅 $38今次第一次order，估唔到係咁香脆可口，唔似一般經典薄餅煙韌為主，呢度既薄餅係外脆卜卜，內裡就口感煙韌，襯熱辣辣食，味道很不錯😌

香港人氣馬拉菜淨係咖央多士已經好值得嚟食講起香港嘅馬拉菜，呢間都係數一數二！ 我最鍾意佢地嘅椰香咖央多士！ 最近再去，見到推出新口味～紫菜肉鬆咖央多士鹹甜配搭幾有新意，紫菜肉鬆好香口，多士同樣鬆化，咖央香甜，我同朋友都好鍾意！推介色彩鮮艷的辣死你嗎配仁噹牛肉 $68，牛肉軟腍惹味，唔算好辣，綠色的椰漿飯帶有陣陣椰香及班蘭味，拌醬汁超正！ 還有人氣檳城福建蝦麵 $66，非常足料，有蝦、豬肉、魚片、雞蛋等，湯底濃郁鮮味，我將油麵轉左槮槮，粉麵吸收湯汁，特別好味記得要點埋拉正起哂泡嘅Teh Tarik 拉茶，又香又順滑！

今日去到上海街蘇媽食午餐，店內古色古香，夠大，晏就都多人，感覺不錯馬拉沙嗲串燒-沙嗲串燒兒時回憶，沙嗲醬完全合格，花生味夠濃，不太偏甜，有3串，雞串唔乾身有汁，牛帶香，豬有口感檳城亞參叻沙-衫初試食叻沙不錯，不多椰香味，反而酸酸辣辣同好鮮味，入面有青瓜，生菜絲，紫洋蔥，魚蓉，波羅，簿荷葉，整體飽肚感滿足馬來西亞拉茶-用糖同煉奶沖成奶茶，點了少甜，種奶味，口感香滑怡保白咖啡-咖啡味香，但偏甜，可點選小甜整體來講仲有肉骨茶，央多等好多美食未食，可留待下次🥰

一個獨自外出飯的晚上，想起好一段日子沒來過這間喜歡的馬來餐廳，便決定來吃個豐富的晚餐。餐廳環境依舊，仍然充滿趣味和特色，不過也許自從疫情後，大部分食肆的生意都沒有疫情前那麼好吧，餐廳的客人就沒有以前那麼多了。點了三樣喜歡的東西做晚餐。少甜版的「桔仔話梅水」（$30）酸甜度適中，不太甜，也不太酸，解渴生津，令人胃口大開。「三層肉肉骨茶」（$88）材料不算太多，除了大量的肥瘦夾雜的三層肉外，主要就只得十分索湯的豆卜和金菇，但這肉牙茶的靈魂肉骨茶湯著實好，藥材味濃郁澎湃，香氣撲鼻，湯味怡神，把湯喝下肚子裡，渾身舒泰，更可喜的是茶湯可以不夠再添，而我在添湯之後再把湯喝光，就真是喝湯也喝飽了，更何況還有大量的三層肉，蘸以頭抽豉油和黑醬油，下點生蒜，也不錯呢！愈來愈少吃甜品，不過這裡的「海南鴛鴦燒麵包」（$48）是我一直掛念的美食，這晚難得來到，怎能不吃！這早已一分為二的美味甜點，朱古力麵包烘得脆而不硬，口感甚佳，上下兩層烘麵包中間的鮮牛油和加央醬，一黃一綠，色澤分明，但同樣好味，柔軟滑膩的口感，而烘麵包截然不同，但又相輔相成，能成為我念念不忘的美食，自有它的道理。一大碗藥材味澎湃的三層肉肉骨茶，

去旺角上海街618做一陣文青，行完商場就落樓下嘅蘇媽蘇媽食個豐富lunch🤤高佬麵配雞扒之前聽YouTuber介紹過，口味鹹鹹辣辣的確幾特別。麵條有嚼勁，唔會煮得太腍，配搭魚仔、花生、辣醬等配料撈埋一齊。可能撈埋溫泉蛋嘅關係，賣相睇落去好有食水，但味道冇想像中咁濃咁膩，特色野都可以一試！蜜糖雞翼蜜糖味突出，但又唔會過分甜膩，整體取得平衡！馬來西亞拉茶同港式奶茶唔同，拉茶有種獨特嘅香料風味，我相當鍾意！