蘇媽.蘇媽馬來西亞茶餐室 (已結業)

肉骨茶 豬腳灣食馬來西亞菜當然要食肉骨茶😍首先店員會裝碗湯，熱辣辣，好香濃好入味👍🏻然後調好個醬，蒜蓉，辣椒，黑豉油，頭抽。再食豬腳灣，豬腳好淋好彈牙。食完再添多碗湯飲，好滿足🥰💰HKD$58高佬麵配雞扒雞扒好大塊，外皮好脆。麵份量多，配料有花生同魚仔💰HKD$72椰香咖央多士香脆，醬甜甜地💰HKD$38斑斕椰汁冰 顏色好靚，飲落好香斑斕椰汁味💰HKD$38凍拉茶個人認為熱會更出色💰HKD$29

講起食馬拉西亞菜，我一定會推介蘇媽蘇媽 😍 之前都係去開銅鑼灣同沙田店，今次約左朋友出去尖沙嘴睇嘢，見到有就立即衝左過去 😋 一坐低已經有一碗熱辣辣嘅肉骨茶 😍 仲要係無限 refill 🤤 肉骨茶 fans 表示好興奮 😋肉骨茶·豬腳灣肉骨茶非常足料，肉味同藥材味平衡得好好，唔會好嗆口，飲落非常舒服 🤤 豬腳唔會好肥，夠淋唔會靭，有少少皮口感好好 😋 跟住餐紙嘅小貼士溝好醬汁（蒜蓉、辣椒、黑豉油、生抽），點埋佢個味道香口到不得了 😍 高佬麵配雞扒雞皮嘅皮煎到脆脆地，肉質依然 keep 到 juicy，調味做得好好，就咁食都好香口 😋 公仔麵撈埋雞蛋、花生、魚仔仲有辣醬，辣辣地好香口，口感又有層次，重口味但好美味 🤤馬拉沙爹串（雞牛豬）串燒邊邊有點微焦，肉質彈牙味道好香，個沙爹醬好香花生味，比較濃厚，唔錯 👍🏻椰香咖央多士每次去都一定會叫！香甜嘅咖央配合 creamy 嘅牛油，多士又夠脆，超級正 🤤特飲：桔仔話梅水、檸檬薏米水（凍、少冰少甜）桔仔話梅水酸酸地有少少鹹，好開胃解膩 😋 朋友話檸檬薏米水都好清好 fresh，而且好多薏米好好咬 🤩

平日也人山人海的尖沙咀想揾間冇咁擠迫的小店便再度幫襯蘇媽。之前朋友帶過我來，有飯麵類或咖央多士，屬馬來西亞式的茶餐廳。雖然再度光顧但尤於餐牌實在太豐富，始終仲未有機會試到佢嘅肉骨茶。今次各自只想輕食，所以朋友只叫一碗魚麵。而喜歡濃味的我便叫了船麵，喜歡船麵的原因是它有類似叻沙的湯底但又冇叻沙咁油，湯底味道相對也適中，也有蝦，蜆，魚片和菜。店內枱的空間係細枱，之間距離合理舒服。其待下次再肚餓多啲先試佢嘅肉骨茶！

呢間蘇媽好有特色，外面見到連埋酒吧So Bar，同之前去開旺角、深水埗嗰2間好唔同，想飲酒chill下都可以😏 一坐底職員就即刻比斟碗肉骨茶比我地😌好香濃，飲落有啲暖胃感覺😊 🐽豬腳彎飲過肉骨茶後，再叫個豬腳彎補補先🤣豬腳煮得皮爽肉稔，而且好入味👍 🍜高佬麵配雞扒超級大碟😳😳😳雞扒又大大塊🤭🤭🤭外皮煎得好香脆，但仍可以保持雞扒肉汁，外脆內滑！旁附勁大堆辣醬🌶️、花生同銀魚乾，超惹味！如果唔太食得辣，就唔一次過撈晒啲辣醬，因為辣度都好強勁😂 🌶️🌶️🌶️ 🥪咖央多士
雖然係好邪惡嘅野食😈但係每次黎蘇媽都必點既🤩多士焗得好香脆，配上勁多咖央醬同鮮牛油，好好味！😋😋 🍹冬瓜龍眼茶(凍)
好清甜，可以一解而家嘅暑熱😚 🍹特飲桔仔話梅水酸酸甜甜，好醒胃又解渴 😌

蘇媽係一間成日想再食嘅馬來西亞餐廳，啱口味嘅肉骨茶真係少有😍✿ 椰香咖央多士 ($38)咖央醬有椰子香，仲有陣班蘭味，味道偏甜但夾埋薄片牛油一齊食又中和返～ 同朋友share食就啱晒😙 ️✿ 百吉爹肉骨茶 (豬腳彎) ($58)只要叫肉骨茶系列食品，都可以有得添飲肉骨茶熱湯。肉骨茶味道好容易入口，有陣陣肉鮮甜味，藥材味道都濃郁但唔苦澀👍🏻 豬腳煮得軟淋，肉質唔硬，點少少調配嘅黑豉油，好食🤭✿ 冬瓜龍眼茶 ($35)冬瓜茶清甜解渴，夏天飲好舒服👌🏻✿ 椰汁班蘭冰 ($38)好吸引嘅班蘭綠色，飲落椰汁都幾濃郁，底下仲有西米😙✿ 高佬麵配雞扒 ($72)黑豉油撈麵，味道好香濃～ 再埋辣醬同花生魚仔，好香口惹味😋 雞扒好厚身，黑椒味香噴噴又juicy～

好耐無飲過肉骨茶，忽然興起，第一時間諗起蘇媽 蘇媽一坐低先上一碗熱辣辣既肉骨茶，正呀！平時最鍾意叫一字骨肉骨茶，不過今日驚食唔晒，店員推介呢個豬腳彎 （$58）上嚟個樣真係唔錯，有肉，有筋位，有皮 又唔會太肥！配左黑鼓油頭抽食，吊起個味，好好食重點！記得嚟到，飲多啲湯！因為無限仼添架！另外叫個高佬麵配雞扒 （$72）個麵十分彈牙，好鍾意呢個質感！另外雞扒都好大塊，煎得好香口！最欣賞個雞蛋，整開佢落個麵，蛋香十足仲有個必叫 椰香咖央多士 （$38）烘到兩邊都好脆，除咗咖央醬，仲有牛油，將邪惡升級，點會唔好食 🤤野飲方面都唔錯冬瓜龍眼茶 （$35）清清地又甜甜地椰汁班蘭冰 （$38）入面仲有啲西米，增加口感，味道又唔會話好假

之前去呢間茶室嘅深水涉分店都會食咖央多士因為好香幾好味，喺尖沙咀店較為就腳又大間座位闊落好多，今次試新嘢食份量都幾大又夠重口味Bak Kut Teh ~ Ka Wan (Knee)百吉爹肉骨茶- 豬腳彎 > 點好菜職員會立即遞一碗上肉骨茶，夠熱幾香藥味幾順口不搶味。豬腳彎有幾大件肉厚皮滑、煮得軟腍入味又有骨膠原，淨食呢碗已8成飽Kolo Mee with Chicken Chop高佬麵配雞扒> 雞扒非常大塊煎得香口、高佬麵係有咬口不會太淋太軟煮得幾好，撈黑豉油溫泉蛋真係幾香。特別喜歡酥炸江魚仔好香脆，配搭幾片爽口青瓜降下熱氣Coconut Pandan Drink椰汁班蘭冰> 飲品個班蘭綠色係搶眼咗啲但都幾好飲、甜得嚟有椰子味

突然想食藥膳味肉骨茶，就同朋友去食蘇媽蘇媽，貪佢可以任飲肉骨茶。肉骨茶佢有好多款揀，當然揀返個啖啖肉既一字骨。食落好冧好入味，唔使大力咬都撕到d肉出黎。而且配菜都算好。但冇油炸鬼食招牌砂窩老鼠粉 一上菜好香豬油渣同埋蝦米既味道，撈埋隻蛋就食得。食落好夠味而且每一啖都可以配唔同係配菜食😂😂 可以有唔同既口感同味道最後記得要同店員講加肉骨茶，雖然飲太多會有啲鹹。但好好味又補身👍🏻👍🏻留意返依間鋪得60分鐘用餐時間，好彩我哋食既時間算早但唔見佢有提客走既。🙈

成日經開呢頭都見到呢間馬拉餐廳，門口裝修好吸引到我成日都想試，今日終於有機會。餐廳裏面裝修幾有特色，充滿馬拉風味。每個客人坐低就會倒像你一碗肉骨茶，超濃郁，香料十足，一碗唔夠可以再加湯。豬腳彎肉骨茶有好多軟淋豬腳，好多杞子，真係好補身。高佬麵配雞扒，啲麵撈埋旦汁食十分唔錯👍🏻雞扒無雪味，肉質爽口又滑。咖央多士係必點，超足料。所以成個多士香味口感十足。馬來西亞拉茶絕對無令人失望，超滑溜濃郁。❤️❤️

蘇媽.蘇媽馬來西亞茶餐室 (尖沙咀)尖沙咀加連威老道10號加威中心地下知名既蘇媽.蘇媽馬來西亞茶餐廳，荃灣都有分店，必要食肉骨茶。尖沙咀地舖另一面是酒吧so bar，裝修光猛，坐得舒服。同朋友嗌左個豬手肉骨茶、同雞扒面、兩杯飲品再加個乜食咖吔，人均只是百零蚊，都己經好飽。尖沙咀抵食之選。豬手肉骨茶，豬手有咬口，味道不錯，肉骨茶有淡淡的蒜香味。超特大雞扒炒公仔面，公仔撈面夠香夠味夠分量。另外點左兩杯特色飲品，美錄恐龍同椰汁班欄冰，超大杯，飯品配番個咖吔多士，完美的一餐。性價比超高。

一坐底，職員就即刻比碗肉骨茶先❤️，好地道濃香高佬麵配雞扒 $72雞扒一刀切入去，會聽到雞皮脆卜卜既聲效，勁脆身，完全好似食緊薯片咁，勁香脆可口，雞肉肉質亦幾嫩滑有汁，撈麵本身都好夠味，再加埋上面既蛋醬會好有香氣，仲有花生同魚生可以撈埋食，更有口感椰香咖央多士 $38馬拉菜既必食名物，咖央勁濃厚，食落香氣十足，多士亦焗得好香脆，非常好食😋百吉爹肉骨茶 (豬腳彎）$58豬腳處理得勁乾淨，整體食落好軟腍，中意食豬腳既必食美祿恐龍 $38勁濃郁既美祿，飲落亦唔會好甜椰汁斑蘭冰 $38入面仲有粒粒西米露咁，口感味道都唔錯

很久沒有來喝好喝的肉骨茶 這裡的肉骨茶是無限添飲的 雖然天氣實在很熱，現在香港是30多度 但由於這裡的空調相當足夠 基本上進來十分舒服 可以放心的點肉骨茶 喜歡吃肥叉燒的 推介這裡的叉燒 可以一試 而家的印象，我記得以前我點過一份 但我一個人也是吃不完這樣子的份量 由於有懷念的感覺，所以我也是點了 但因為太肥了是有一點膩 但整體來說可以的 另外其實他旁邊開了一間叫做So bar 走的時候，看到他們的Cocktail 看起來挺不錯 有機會要去試試看

之前都幫襯過呢間星馬菜餐廳 呢晚嚟咗尖沙咀嘅分店👍🏻 蘇媽蘇媽喺馬拉文嘅意思係咩都有咁解 唔怪得呢度嘅食物有咁多選擇😍百吉爹肉骨茶 食星馬菜必定要食肉骨茶啦 肉嘅部分我揀咗豬腳彎🐷 特別鍾意呢度嘅湯 因為飲得到肉湯同藥材味嘅平衡 既有肉湯嘅鮮甜 又有藥材嘅味道 餐廳推介食肉嘅時候要點蒜蓉 辣椒 黑豉油同頭抽 點咗更加吊到肉嘅甜味😉高佬麵配雞扒呢個高佬麵係好有星馬特色🤩 以撈麵嘅形式 加上配料魚仔 花生 雞蛋同自家製辣醬 非常惹味 雞扒有黑椒調味 大大塊好足份量🐥椰香咖央多士餡料搽咗咖央同埋牛油 作為一個小食嚟講幾唔錯🍞 飲品馬來西亞拉茶 店舖推介熱嘅 但係因為夏天實在太熱 所以我嗌咗凍😂 味道都冇變㗎 呢個奶茶真係好有馬來西亞特色 美祿恐龍🍫 朋友好鍾意呢個呀 因為美祿好濃郁 同埋有個小山丘嘅美祿粉喺面 撈埋都好好味呢餐嘅每樣食物都超有星馬特色 食完就好似去咗一轉馬來西亞咁啊😂 呢間餐廳除咗有食星馬菜之外 仲有連住一間酒吧餐廳 有機會下次要試吓😚

今次用餐係近排星期五，平時我都唔會寫食評，但今次真係忍唔住要寫難得可以同屋企人食飯，但就比個用餐體驗影響到個心情先講服務方面，就算星期五去食，侍應比較忙，但都冇不耐煩，而且幾有禮貌一開始唔太滿意自己個座位，同佢地提出要求之後，雖然係繁忙時間，但個經理都好熱情咁帶我地去坐另一邊，呢度比個like佢雖然係手機落單，但係有菜式唔明去問侍應，佢地都會耐心解答跟住講講食物，呢方面就有啲參差。有啲真係好值得推薦，明顯感受到廚房嘅手工，有啲就感覺似花錢買難受。食物我就揀幾款黎講，我就唔一一盡錄。甲必丹豬頸肉飯豬頸肉外脆內嫩，烤得好好而且個汁非常正，值得推薦！薯仔好淋，入口即化，感覺到熬製左好耐，正！棒棒骨肉骨茶肉骨茶好香好香，啲肉夠淋，就算係老人家都食到未食先聞，已經聞到好重中藥味。雖然大多人應該都對藥材味抗拒，但係呢個藥材味係好香好吸引。繼而食肉，肉質鮮嫩，肉骨茶完全滲入去啲肉，食落去感覺到肉骨茶嘅香味。而且輕輕一挑，就可以骨肉分離，非常方便，唔需要直接落手食。美中不足就係鹹左少少，飲多幾啖就會喉嚨乾唦嗲串燒原本對呢個小食嘅期望係非常大，所以都叫左6串黎食，不過期望越大失望越大。咬落已經知道唔係新

大家都話星馬菜，必試蘇媽蘇媽~🤣🤣滿抱期待咁樣走嚟試吓，尖沙咀分店地方闊落，裝修新淨有feel👍🏻👍🏻首先叫咗個肉骨茶配豬腳彎，豬腳彎冇骨又淋😚👍🏻，最重要係佢個肉骨茶湯竟然可以無限refill😧😧😧飲到夠脾🤣另外，佢地嘅椰香咖央多士~咖央同牛油嘅比例啱啱好🥹🥹唔會變左鮮油多感 哈哈💸💸肉骨茶(豬腳彎) $58高佬麵配雞扒 $72椰香咖央多士 $38怡保白咖啡 $29馬來西亞拉茶 $29📍蘇媽蘇媽(尖沙咀)地址：尖沙咀加連威老道10號加威中心地下