蒸廬

營業中

休息中

夜晚附近收工，突然搜尋到呢間點心，真心好耐無可以食到點心了🥲所以諗都無諗就上嚟等位🤣等咗大約15分鐘左右就有位了，呢到舖位較細，不過唔算太迫。呢到選擇唔算太多，不過基本想食嘅都有🤭🤭好開心叫咗好多款。點知，嚟到原來籠籠都好大籠下😱食哂真係好飽好滿足呀😍🥰😂重點推介!!✨️重點推介!!✨️重點推介!!✨️諗唔到喺呢間中餐廳到可以有“法式燉蛋”🥚坦白說，真係好好食呀😍真係好食到唔知點講好！大家一定要嚟試一下😁提提大家，呢到即叫即蒸，要比D耐性等一等🤭🤭

呢間點心店絕對值得推薦，佢個南瓜鳳爪排骨飯份量好多，好足料，兩個人食都飽！小朋友就最鍾意食佢嘅流沙芝麻奶皇包，不過我個人認為比較甜，大小朋友讚不絕口！😙😙😆😆

睇過好多YouTuber拍片講依間小店點心，on list好耐，今日黎換身分證終於試到佢既炖盅湯想試好耐，今次叫左花膠蟲草花炖土雞+猴頭菇菜樹菇瘦肉湯，認真其實兩個味道都差不多，原以為會有明顯的分別但比想像中有出入，不過的確飲得出係原汁原味無味精既，滿清淡，飲完係幾舒服不會太重負擔點心一口氣叫左幾樣：燒賣、蝦餃不能少，再有菜苗蝦餃、牛肉球，魚湯鮮竹卷、煎蘿蔔糕、牛栢葉、鳳爪。牛栢葉鳳爪我唔食，比唔到評價。燒賣大大粒，內質鬆但彈牙有口感，唔會似酒樓飲茶的過分硬身；本人最中意菜苗蝦餃所以蝦餃留番比友人食（友人不愛食翻版蝦餃），因為皮相對正常蝦餃薄身一啲，粒粒有手心咁大粒，菜苗一啲都不欺場掙滿晒成個餃之餘都仲有一粒蝦係入面，正宗皮薄餡靚；另一最中意嘅就係牛肉球，大粒，肉質彈牙但林，老人家無牙都「梅」得爛，林到咁咬落去都仲有彈彈的口感，牛肉蒸到岩岩好，菜苗蝦餃同牛肉球最後仲番兜左各一籠；魚湯鮮竹卷都不錯只係沒有什麼大特色，同埋飲完個炖湯飲個魚湯，就會覺得明顯重口味；蘿蔔糕正常發揮，無咩特別。服務一開始都無咩期望，職員都比較冷漠，所以呢點沒有失望；小店環境係的確細，所以如果唔係想食午市有的菜式，

🔸️蒸廬 🌍 廣東菜📍沙田石門安群街3號京瑞廣場一期2樓225號舖呢間晏晝成日都好多人，之前食過點心一般，今次試左想食好耐既荷葉籠仔飯。不過位置好細，同埋等好耐，呢個飯等左20分鍾有多，趕時間就下次先試喇🗨️ 金銀蒜香海蝦飯 $58午市套餐加$5有汽水黎到有木魚郁郁下好得意，海蝦有四隻，但有三隻都唔新鮮既。個飯就粒粒分明，我鍾意既硬質感，加上多蒜，真係好香。 不過一啲都食唔到荷葉味，只係陪襯黎, 同埋甘香都係靠蒜油香，個飯底都幾多油下。整體黎講試下無壞！仲有啲燉湯，不過唔大興趣，如果你試過正記得話我知～

🍚 鰹魚絲金粟肉餅飯 $48個飯係用蒸籠蒸 啲飯粒粒分明個肉餅都好大舊 味道就不過不失 但略有啲淋而啲菜粒令個飯更加有口感 呢點係有加到分兩個飯之中 小編就比較鍾意食呢個👍🏻🍳 流心蛋牛肉飯 $48呢個啲飯都係咁粒粒分明出到嚟嘅時候隻蛋真係流心嘅 個牛肉就鹹咗少少 但整體來講都幾好食🤍 XO秘醬蒸鳳爪 $26啲鳳爪好入味同淋 而且味道啱啱好 唔會太鹹♨️原籠蔗糖馬拉糕 $26小編同朋友都好鍾意食呢個馬拉糕🤣馬拉糕一啲都唔乾 仲好鬆軟甜度都啱啱好 怕甜嘅朋友都啱食✨蟹子燒賣皇 $30每粒燒賣都大大粒 好足料啲肉同蝦好彈牙😋🥟 鮮蝦菜苗餃 $30水餃皮唔會太厚 煙煙韌韌咁餡料都好豐富 隻蝦都幾大隻小編幾鍾意佢加咗菜苗嘅口感 食落冇咁膩 又唔會搶咗蝦嘅鮮味👍🏻🍵宇治抹茶豆沙餅 $26雖然賣相唔太吸引 但味道都算唔錯豆沙內餡唔會太甜 但就唔太食得出抹茶味同埋食落偏油 如果少啲油會更加好-呢間真係大件夾抵食😋 食物整體嘅水準幾高環境方面 因為地方比較細 所以有啲位都比較窄 同埋佢啲枱唔大 多人嘅話就唔建議嚟食服務方面 侍應都幾有耐性 同埋會主動斟茶下次有機會都應該會再嚟食🤍-味道: 9/10服務:

平時好鍾意食點心 呢間就book mark左好耐！🍞 蒸廬拼美點 $68一個滿足曬咩都想試啲既慾望！有齊曬蝦餃燒賣(˶‾᷄ ⁻̫ ‾᷅˵)而抹茶流汁叉燒包最驚喜！平時都唔鍾意食叉燒包 但呢個個包真係有少少茶味 配埋熱辣辣既餡好正ദ്ദി^._.^)黃店飲茶黎講 呢間係會令我再返去食既！知道呢排荃灣都開左新店 要去食多次～但我第一位依然係另一間. ̫ . 有咩其他好推介歡迎話我知🤪👅味道：3.5/5💰性價比：3.5/5👀回頭率：3/5▫️📍蒸廬 (沙田)沙田石門安群街3號京瑞廣場一期2樓225號舖

🔹石門// 蒸廬🔹Lunch人均約$70🔹▫️蟹籽燒賣王 $29燒賣比起出面其他酒樓係超大份！可以問Staff要特製辣油會更加好味😋 $29好抵食！▪️咖喱土魷蒸豆卜 $33有好少好少嘅辣，土魷好咬口好爽口🤩！豆卜非常入味，成件事嘢偏鹹，但我個人鍾意重口味所以幾好幾好🤪▫️雲石芝麻包 $25本身預期係會好打卡佢講到雲石咁樣，但係出到嚟係少少墨水既感覺喺面🤣🤣但係唔影響佢嘅味道，入面超流沙嘅芝麻！好流嘅甜味，我覺得自己可以食到三個！🙊▪️南瓜鳳爪排骨飯 $48其實我都食過幾款其中呢款鳳爪排骨飯係最好食，我個人唔係好鍾意食南瓜所以就不評論😹鳳爪蒸得好淋，排骨都ok，個重點係佢啲芥蘭會切成一粒一粒好好咬口同埋又唔會蒸得過淋，令到啲菜好有味😻🔹好飽評語飯嚟講唔建議食海蝦嗰款蒸飯，啲蝦係勁鞋😹😹同埋佢啲燉湯我最鍾意就係猴頭菇湯！最入味！湯都好推介，飲落去係冇乜味精感覺，好健康！btw睇返原來黃埔嗰間已經結業，大家去到留意番啦！✨🧠回頭指數：🔟🧏🏻‍♀️打卡港女：6️⃣🌬冷氣溫度：7️⃣🚽廁所評價：⏹🧾性價比呢：9️⃣

難得黎到石門，一於試下呢間點心小店店鋪的座位不多，上午11點多已經開始排滿等候嘅食客。全日套餐 - 蒸盧拼美點 9件 $65點心款式有8款，粉果、蝦餃、叉燒飽、馬蹄糕、燒賣、薑汁糕、豆苗餃佢蝦餃同燒賣粒蝦仁都大粒，完全一次過滿足8個願望！全日套餐 - 花膠蟲草花栗子燉土雞湯 $43燉湯材料充足，味道鮮甜，唔會好有味精嘅感覺，呢個價錢都幾抵飲！黑椒金錢肚 $33呢個係我咁多款覺得最好味嘅，佢金錢肚好冧好入味，食完好想再食，唯份量偏少！鮮竹牛肉球 $21牛肉球咬落去軟棉棉嘅感覺，配上喼汁味道更好！魚湯蟲草花鮮竹卷 $21魚湯蟲草花浸住兩件鮮竹卷，鮮竹卷吸曬湯汁，入面仲有好多彈牙蝦仁！雲石芝麻包 $25呢個芝麻包好推介，芝麻味好香濃，咬落去啖啖芝麻香！

呢間幾抵食，嗌左3碟+1個大拼盤，埋單都系大約170蚊，好多朋友推薦就試下，可惜系舖頭比較細，座位都比較迫。點心拼盤馬拉糕好難得系唔乾既，又唔會好甜，薑汁糕好重薑味，一咬，對面都聞到陣味，好養生，超微糖。菜苗餃同蝦餃既皮做得好煙靭，厚度都岩岩好，濕得黎又唔痴。蝦餃好多蝦，好足料，好好味。紅棗杞子雞粒陳村粉未食過陳村粉，類似腸粉既粉皮，但厚實啲，靭啲既。好多雞肉，紅棗杞子唔會太多，唔會太大陣中藥味 都幾好味

前排晚市堂食仲係10點鍾bye bye, 有晚同老公工事煩忙, around 9點3先食得飯, 打去問幾點last order, 仲做唔做堂食生意, 亞姐係電話猶豫嘿左陣, 話你快d黎啦, 做埋你生意🥺9秒9老公揸車出到去, 9點半坐低, 一入門口滿滿既decoration 有心思嗌左招牌野, 奶黃流心包/ 金銀蒜香海蝦飯/ 點心拼盤 /紅豆沙, 每樣野都好味 above average 呢最有驚喜係流心包, 超多奶黃, 熱辣辣, 而且唔會過甜海蝦飯都有d份量, 飯好足拼盤可以考慮糕點+包數目唔好咁多, 改為多一兩款點心, 會比較滿足

📍蒸廬 石門呢間點心我哋已經幫襯過唔少次(⁎⁍̴̛ᴗ⁍̴̛⁎)次次都有人龍係出面排隊，雖然選擇唔算好多，但係價廉物美，每次都食到好滿足～🍽食物👍🏻鰹魚絲金粟肉餅飯 $45佢哋嘅籠仔飯一向抵食夾大件，之前我哋食開蒜蓉海蝦，都好好味！！今次就試吓肉餅飯。飯粒蒸得好乾身，粒粒分明，肉餅嘅size有成個蒸籠咁大，粟米同絞肉撈埋一齊增加口感，不過我就覺得肉餅嘅質感稍為淋左啲，如果紥實返少少應該更好味。✨鮮蝦菜苗餃 (特)餃皮晶瑩通透，唔會好厚同埋有啲煙韌，啲餡仲要好飽滿，入面有完隻蝦，不過有一粒穿左😂 👍🏻雲石芝麻包 (大)芝麻包嘅餡好似芝麻湯圓咁，有麻蓉同好香芝麻味，但就唔係流心個種，而係比較實心，食晒三個都幾漏下✨蟹籽燒賣皇 (特)燒賣夠晒大粒，上到嚟仲係熱辣辣，入面仲有蝦仁，咬落去啖啖肉好彈牙～✨秘醬蒸鳳爪 (大)鳳爪係我每次飲茶必嗌嘅點心～ 佢哋嘅鳳爪蒸得好淋好入味，輕輕一吮啲骨就會自動解體😂冇牙都食得呀👉🏻魚湯蟲草花鮮竹卷 (中)鮮竹卷入面嘅肉餡唔知點解同肉餅飯個味道同質感都好似😂 味道正常～👍🏻咖哩土魷蒸豆卜 (頂)魷魚彈牙，咖哩汁好香同埋好入味，墊底嘅豆卜索晒咖哩汁，一咬就爆汁，夠晒惹味～

一支公想食點心，絕對有難度，叫兩籠，已經飽，所以蒸廬嘅點心拼盤絕對係獨食人嘅恩物。呢個蒸廬拼美點共九件點心，包括蝦餃，燒賣（兩粒），叉燒包，潮州粉果，鮮蝦菜苗餃，馬蹄糕，馬拉糕同薑汁糕，當中鹹點全部正常水準，較出色係鮮蝦菜苗餃，皮薄餡多好豐富。反而想講下甜點，薑汁糕賣相同口感有啲似紅棗糕，但係就少咗份甜味，多咗少少薑嘅辣味，好食👍；馬蹄糕質地比想像中軟腍，馬蹄肉大大粒，爽口清甜，唔錯；至於馬拉糕就相對失色，黑糖味唔算突出，質感亦唔夠鬆軟。加錢叫多個燉湯，呢個姬松茸茶樹菇燉上肉湯好足料，湯渣食極都有😆，由於蜜棗同圓肉都落得幾重手，所以感覺較為偏甜。

中式點心餐廳南瓜鳳爪排骨飯 $50香香嘅荷葉味，南瓜好淋好甜，仲有菜心同蒜蓉，加埋好香。排骨嫩滑無雪味，鳳爪都好大嚿，整體好夾，唔會過濕，好味！鮮竹牛肉球 中點嫩滑牛肉，唔會太實，唔會一咬就散，啱啱好！蒸蘆拼美點 $55 有最常食既8樣點心，燒賣同蝦餃都有好大隻蝦，粉果皮薄有花生，叉燒包馬拉盞都鬆軟，紅棗糕正常發揮！鮮蝦菜苗餃 特點皮薄大隻蝦！沙田石門安群街3號京瑞廣場一期2樓225號舖星期一至五11:30-21:00星期六至日08:30-21:00

一個蒸籠，8種享受🥳原來2個人飲茶都可以食到過10款點心🥰唔好睇石門地方細細，其實有好多高質黃店架🤩‼️ 推薦度 (5⭐為滿分) 蒸廬拼美點 ⭐⭐⭐⭐鮮竹牛肉球 ⭐⭐⭐⭐鮑菇蟲草綿花雞 ⭐⭐⭐⭐瑤柱風味蘿蔔糕 ⭐⭐⭐⭐🫖蒸廬拼美點 (9件) 必叫‼️‼️ ~$50就可以一次試晒8款經典點心，粒粒都大大件，味道唔錯😋🐮鮮竹牛肉球 大大粒，爽口彈牙~🐔鮑菇蟲草綿花雞 浸住清湯好香好好味~同埋好多菇菇，菇控表示很滿足 (重點誤🥧瑤柱風味蘿蔔糕 真材實料，有粒粒蘿蔔~

交收俾人放飛機😤食番啲好嘢對自己 #石門 見過有好多好野食 等我發掘吓🟡 近期幾愛食點心 仲要唔係酒樓 係要去點心店食 ✨✨✨✨✨✨✨✨✨✨✨✨✨✨✨ 薑蔥牛栢葉(頂點) 有驚喜，係我食過最好食嘅牛栢葉 牛栢葉夠爽口，吸盡所有汁，十分惹味又好食 - 咖哩土魷蒸豆卜(頂點) 個咖哩汁好濃 豆卜吸哂啲汁好正！ 如果加粒魚蛋落去就好嗱🤪 - 雲石芝麻包(大點) 推介👍🏻流心芝麻，甜蜜香濃 好似食緊芝麻糯米糍咁 估唔到會有包點我鍾意食🥰 ❤️❤️❤️❤️❤️❤️❤️❤️❤️❤️❤️❤️❤️ 店鋪：蒸廬 (沙田) 地址：沙田石門安群街3號京瑞廣場一期2樓225號舖