蒸廬

營業中

休息中

睇親京端廣場嘅youtube片，唔少人都會介紹呢間點心舖，唔知係咪因為咁，無論幾點，門口都依然有人等緊位😮 好彩我地星期六嚟食晏都唔算等好耐，大概等左3個零字就入得。紫金流沙包 $32MENU紙上面無佢，不過店內黑板寫住推介。雖然一盤得兩個包，但SIZE有拳頭咁大，一隻包兩個人share就啱啱好。內餡名乎其實嘅咁流沙，質地較稀，所以要小心食、慢慢食，否則會噴汁😏；略嫌內餡甜度高左D。鮮蝦腐皮卷 $34新鮮炸出嚟，好辣口，食到蝦嘅存在，但油膩。蝦餃皇 $34餃皮偏厚，但勝在蝦仁彈牙又有汁。金錢肚 $34金錢肚大大塊，炆到軟淋淋，好內味，必食邪惡點心!!🤤鳳爪 $26目測幾大隻，但自己唔食鳳爪，唔知味道如何。牛柏葉 $34牛柏葉爽口，而且幾入到薑味，好味!咖哩土魷蒸豆卜 $34上枱果陣賣相真係麻麻，白色豆卜、個汁又水旺旺，似咖哩淋豆卜多過一齊蒸…🤔但原來咖哩沉左底，撈左之後，個汁即刻變杰身；豆卜素左甜甜地帶點辣嘅咖哩汁而變得好味；土魷就正常。茶芥每位$5，無加一，可以信用卡、alipay、八達通付款。整體食物質素幾高，熱度又夠，可以再食。

之前週末食過lunch hour，只可以用「門庭若市」去形容，拎咗等位飛後，閒閒地都要等返1個鐘以上先有機會入座 😵😵今次係平日的晚上，約六點左右入座，終於不用等位!晚上用手機掃完APP，發覺好多點心都out of stock，可能呢個就係缺點!晚市主力focus係燉湯、荷葉飯及甜品...流心蛋牛肉飯份量至少足夠2-3人享用，即叫即蒸。䓤花、牛肉餅及流心蛋三劍俠十分合拍，淋上甜鼓油，令人不自覺食完一碗又一碗 👍👍

屋企人話仲想試就去啦去到啲茶一樣稀🥲要叫職員加茶葉加左好好多😮‍💨之後啲點心到燒賣大粒但好咸🙄咸到好似食鹽咁菜苗餃、牛肉球都係 咸….係鹽大減價定廚師輸左馬發脾氣🥶🥶最恐怖係連咖哩都係死咸😢😢😢每食一啖野 基本上都係飲一啖茶…最正常係個黑金流沙包同個紅豆沙叉燒包屋企今話冇咁咸但好黏🙄🙄唔知點做到就咁樣$213….. 🤦‍♀️🤦‍♀️🤦‍♀️🤦‍♀️🤦‍♀️良心餐廳…. 真係要搞返好啲品質

難得去到石門緊去食呢間😌😌黃埔執咗之後，一路都諗住佢個奶皇包🥲果然咁耐之後都冇令我失望，啲奶黃好似湯咁流出嚟💖💖💖可以話係全香港最好味嘅奶皇包叫咗六樣嘢三個人先係$184 超級抵💖

一場去到石門幫襯下小店叫左個普洱… 勁少茶葉又冇咩味🥲環境幾乾淨企理👍🏻用qr code 落單但一大早就好多野都話賣曬🥲黑金流沙包幾好食又軟 內餡好多又滑👍🏻❤️菜苗餃皮薄多菜 ❤️👍🏻係啲蝦咸左啲最無奈係有個著紅衫既女職員大大聲叫一枱上左年紀既客去美心話有折🙄成場人呆左…然後佢仲全程勁大聲自high包括幫人計人均消費但計唔準🥲請佢加水會卸俾其他同事而自己就企係收銀隔離聽人落單（唔係佢㩒機 佢嘛係聽）定其實佢係老闆🙄🙄但老闆道理上唔會叫人去第2間下嘛？🙈🙈 好古怪🙏

今日得我Daddy兩個人食飯我哋兩個都鍾意飲茶所以就行嚟食蒸廬 歎返一盅兩件8點左右嚟到 要等9張飛先到我哋但入座時就有個唔太好嘅印象因為明明有枱人客已經走咗5分鐘而有位男侍應又係得閒嘅但就顧住傾偈 見到我哋喺度等緊都遲遲唔執枱感覺就唔太好😅⋯⋯餐廳係scan QR code自助落單 上菜速度幾快始終得兩個人食 所以淨係嗌咗南瓜鳳爪排骨荷葉飯同九件點心拼盆可惜被告知南瓜鳳爪排骨荷葉飯賣晒所以就轉咗芋絲臘腸排骨荷葉飯個荷葉飯好大個 一上碟仲好香噴噴本身冇食過芋頭拼排骨 以為會麻麻哋點知個芋絲食落有驚喜🤩！好香 但香得嚟又唔會搶咗本身個荷葉香而且個味同排骨好夾 排骨亦唔會好似出面某啲餐廳咁一陣豬除飯粒粒分明 軟硬適中好入味至於個點心拼盆有兩粒燒賣，蝦餃、粉果、菜苗蝦肉餃、馬拉糕、叉燒包、馬蹄糕、薑汁糕各一燒賣大大粒！稍嫌蝦肉唔夠彈牙但反而菜苗蝦肉餃個蝦肉又幾彈牙喎🤣而且個皮又夠薄馬蹄糕超大嚿 兩個人share都仲得馬蹄亦夠爽口薑汁糕薑味濃 又唔會太甜👍其他點心就不過不失～埋單$128 包括茶芥$5/位晚餐嚟計$64位 算係幾抵食但本人真係好重視服務態度上菜時就咁放低 叫加茶又黑面明白9點收

環境都算寬敞，點心上菜都很快，長期都大排長龍蟹籽燒賣王 超大粒，必試！紅棗雞肉陳村粉今日有點太濕，如果乾身點會好食啲，用荷葉飯包住陳村粉，更有一種香味香煎腸粉香口又美味，比蒸腸粉更好味

去開石門探朋友，順便去蒸廬試一試，發覺都好多人， 拎飛等咗30分鐘，附近京瑞廣場1期二期，可以行下打發下時間，入到去用QRcode 落單。點心好似牛肉、排骨等等，味道其實就無咩特別，但勝在價錢親民都即叫即蒸，所以落完單都要等一等。呢間餐廳可以再嚟多次！

陪呀媽係石門睇完醫生，岩岩係下午茶時間，說到石門最出名就會諗起e間點心小店，平日過左lunch time 會少人好多，我地唔駛排隊就直入了～蒸廬拼美點 （9件） $60好岩兩個人share食！主角燒賣剛好一人一粒，另外有蝦餃、菜苗餃、粉果、叉燒包、馬蹄糕、薑汁糕、馬拉糕；個人最欣賞燒賣、叉燒包同馬蹄糕，如果可以比人自選9款點心就完美啦～紅棗杞子雞粒陳村粉 $50紅棗味好濃郁，好似藥膳，雞粒都幾嫩，陳村粉比腸粉皮厚啲，冇預期口感咁滑，下次會想試蒸飯多啲法式咖啡焦糖燉蛋 $30E個有驚喜！相當creamy，奶味同咖啡味並重，面層嘅焦糖如果做薄啲就更好總結：小店CP值幾高，價錢唔貴，適合1-4位來食，如果有齊4個人就可以試哂佢其他點心啦～地址：沙田石門安群街3號京瑞廣場一期2樓225號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️

下午同朋友去開石門，諗住搵野食就見到間食點心既「蒸蘆」就入去一試。因假日都需取票，等左一陣就入得。叫左4款點心，兩個人食都好-黑金虎抓流沙包，個包好大好脹一咬落去啲流心即刻出晒黎，建議要細細啖咬唔係會燙嘴😆😆-黑椒金錢肚，好入味夠淋身唔會太硬👍🏻-蟲草花湯鮮竹卷，湯好飲加埋鮮竹卷食好入味唔寡😌😌-點心拼盤，有9件點心（2件燒賣，1件蝦餃，1件粉果，1件菜苗餃，1件薑汁紅棗糕，1件馬蹄糕，1件叉燒包，1件馬拉糕）每件都幾好食，如果想試少少唔同種類點心，拼盤唔錯選擇

一向有幫襯開大約4年了，食品質素依舊一流，點心及唔通依然保持水準，但近幾次幫襯時發現有一位員工態度欠佳，整晚大聲說話，聲浪完全覆蓋整間小店，內容包括其家事及客人是非，完全影響食客進食心情

😎 小編依晚放工後好神心專程入石門打卡，當然喺附近食埋飯先走啦！🍽 全日套餐 - 南瓜鳳爪排骨飯 😋😋😋😋依個荷葉蒸飯真係份量十足！個籠大過小編塊面 😲 排骨肉與蒸煮得非常嫩滑，近乎一咬離骨。鳳爪幾爽同入味！仲舖上菜頭同南瓜🎃，比一般蒸飯多咗蔬菜纖維。飯🍚蒸得啱啱好，唔會太軟太濕。整體調味偏向清淡，但會另附一小碟帶甜嘅豉油。小編覺得唔錯！👍🏻🍽 全日套餐 - 晶瑩蝦餃皇 (兩件) 😋😋😋😋😋套餐可加錢配一籠點心，兩隻蝦餃比一般大一倍，晶瑩剔透嘅蝦餃皮包住好大好飽滿嘅鮮蝦🦐同肥豬肉🐽餡。食落啖啖肉，好滿足！晚餐 💵💵 約港幣$70/人💁🏻‍♀ 全日套餐亦包一罐汽水，一個女仔食真係會食唔晒！小編建議唔想浪費而又想試多啲嘢食嘅朋友仔，可以叫一個全日套餐，再額外叫幾款點心食！另外，依間小店都幾受歡迎，都要等下位㗎！😉🙆🏻‍♀️ 最後，喜歡嘅話，歡迎follow @foodirectory.hk！

為了唔想食lunch 要等位， 所以提早11：45去食飯， 一去到有位，職員都有禮貌， 好快就有茶到。見天氣涼返， 咪叫全日套餐1. ‘’紅棗杞子雞粒陳村粉$56 +燉湯-印度椰子合桃果燉上肉$42‘’2. ‘蒸廬’拼美點（9件） $68 +燉湯-黨蔘天麻川弓燉魚頭湯$52‘’飯同點心ok. 正常， 唔差， 但啲燉湯好似加水加水再加水再煲一樣（細個太多人飲湯， 媽子會加水再煲， 所以飲落咪知似加水囉）， 上枱係見到啲燉湯足料， 但啲味道真心淡淡淡淡水， 早啲唔加錢飲汽水好過

呢間食咗都有三次以上次次都會叫《紅棗杞子，蒸陳村粉》唔係講笑，清清地得來有幾好味而且紅棗杞子都係養生食品，佢仲有好多件雞分量算多，我自己就食唔晒🤣本身想食限量金錢肚，但係已經售罄🥹🥹🥹唯有試吓，佢個《薑蔥牛柏葉》都係即叫即蒸，唔會好油膩再叫咗《潮州粉果-》都係好好味$18-有三件大大粒佢嘅皮，好滑最後值得一讚嘅係《抹茶紅豆煎餅》$26/3 好似係一餐圓滿嘅。最鍾意佢熱辣辣咁樣上枱💕💁🏼‍♀️雖然次次都要等幾個字，不過都值得等嘅

鋪頭樓面較細，繁忙時間通常都要等待至少30分鐘🤨，即叫即蒸要點代價啦～不過好彩商場入邊都幾多野行，可以一路行一路等位👌點心拼盤9件基本上全部點心都高汁，燒賣夠大粒，咬落亦彈牙✅馬拉糕又鬆軟非常，1個價錢可以滿足多個願望😆😆宇治抹茶豆沙餅有點太多油，抹茶味欠奉，可以將quota留返比其它選擇🙏今次試咗拼盤及豆沙餅，其實佢出名的應該係盅湯、點心及腸粉，會再搵機會試埋佢！