放完長假冇得去日本玩，掛住日本嘅食物，見倒呢間日本餐廳最近做緊優惠，約咗朋友星期五晚食下廚師發辦🥹 Omakasae dinner set ($1580)🤩 🔸水雲菜+日本南瓜 水雲菜酸酸地，而日本南瓜cut到花花狀，質感綿滑，作為第一道菜幾開胃😛 🔸鱈魚白子 加咗啲酸汁同蘿蔔蓉，冇任何腥味，滑滑地嘅質感加埋酸酸地嘅調味好特別🤣 🔸鰤魚 上面加咗芥辣，食落肉質有咬口而且魚油十足☺️ 🔸池魚碎 醬汁用咗醋同麵豉，少少嘅醋令池魚嘅鮮味更加出😉 🔸🦪生蠔 上面加咗moose，海水味超重，質感偏爽口一啲但依然好飽滿，大大隻食落滿足🉑 🔸粒貝 調味加咗豉油、柚子汁同梳打水，第一次見梳打水同刺身呢個配搭，出奇地幾夾🤣 粒貝本身口感爽脆，加埋梳打水更加之清新~ 🔸深海池魚 有啲木魚花上面，師傳用火槍燒過池魚，食落更加香同食倒魚油味🤩，食完可以食埋紅色嗰粒龍珠果清一清口腔再食下一道菜 🔸鮟鱇魚肝 面頭有啲大蔥、士多啤梨同洋蔥碎，加埋米漿同鹽打埋一齊，而個底係一個好薄同脆身嘅撻，食得出係好有心思設計嘅一道菜🥰 🔸磯煮鮑魚 鮑魚配咗鮑魚肝醬，口感厚實有咬口，同埋好貼心咁切開咗兩半～ 🔸金雕立頓燒 係餐廳研發咗一段時間嘅份子料埋，食咗魚肉先再食南瓜球，魚肉好滑，上面有啲鱗片好似炸過咁脆，加埋一齊食口感幾得意😎 🔸🍣壽司 赤貝食落爽彈，上面掃咗層柚子醬，好開胃🤤 北海道銀鱈魚上面加咗黑松露😋 海膽入口甘甜同creamy😙 🔸卷物 炸海苔夾住兩塊拖羅，一塊係刺身，另一塊就用火槍炙燒過，中間加咗塊炸咗嘅紫蘇葉，調味就咁簡單加咗胡椒同蔥，一啖食落去拖羅嘅魚油泌哂出嚟🥹同時亦食到刺身嘅鮮味，食落大滿足 🔸🐠魚湯 魚湯煲到奶白色，湯入面有菇同菜，飲落清甜，魚味濃郁 🔸🍰千層蛋糕 食落重咖啡味，唔會好甜，中間嘅cream都好滑😊 作為成餐飯嘅結尾啱啱好唔會好膩～ 🔸清酒 去到先知原來而家晚市二人同行，會送清酒一枝🍶☺️ 清酒味道清甜，好易入口，幾啱女仔飲😆 - 呢間餐廳環境清幽，裝修都好有日本嘅感覺，而且而家嘅優惠價錢食倒新鮮嘅食材，性價比好高，絕對值得一試👍🏻🤣

一到冬天就會想食吉列牛🤣 今次喺油麻地站附近搵倒間餐廳，可以食吉列牛之餘，仲有其他丼飯同火鍋，見好多選擇就入去試下🫶🏻 🐮御燒特級牛小排 牛小排嘅質素好高，雖然每塊唔算好厚，但雪花紋理清晰，咬落去口感好淋同嫩滑，而且肉汁豐富，油脂好似融入口入面咁🤤 隔離個甜甜地嘅醬汁可以中和牛嘅油膩，更加易入口同好送飯～ 🥩御燒極上級黑松露吉列牛 吉列牛個外皮加咗黑松露，令黑松露嘅濃郁香氣同獨特風味巧妙咁融入落牛肉度，令味道更加豐富而濃郁🫶🏻 上菜嗰陣吉列牛大概炸到三成熟，稍微放上石板上燒一燒，就可以做倒外脆內嫩嘅效果🥺 🌟升級套餐 (味素飯、糖心蛋，麵豉湯) 味素嘅份量好足！多到可以撈倒每一粒飯都佈滿味素🥳 糖心蛋流心效果啱啱好，麵豉湯就正常發揮👍🏻 🐓 雞卷肉(原味) 雞卷肉係用雞皮包住雞皮，上菜嘅時候啱啱燒好，熱辣辣，雞皮好脆，而咬落去彈牙同充滿肉汁，有啲似台灣嘅街頭小食🤤 呢間日本野食出色，可以同朋友嗌唔同嘢食，就可以一次滿足幾個願望🥳 值得一提嘅係員工服務態度好好，一見倒石板唔熱熱就會過嚟幫手加燃料，推薦大家試下🫶🏻

呢排完sem，約埋朋友一齊去cafe嘆咖啡，打下卡☕️ 🥞 All Day Breakfast 份量好大，食物種類都好多🤩。Croffle好脆，蘑菇炒得好香，有黑椒味，沙律菜都好新鮮🥗 🍝明太子忌廉意粉 意粉好creamy，比較多醬但係唔會漏，好多明太子，仲有陣白酒味，好開胃😋 🧇玫瑰宇治抹茶紅豆牛角包窩夫 呢個甜品，店員會係上菜個陣先淋抹茶上牛角包窩夫到，令到窩夫依然好脆😚抹茶味濃🍵仲有陣陣嘅玫瑰味添🌹 🍵Matcha Latte 抹茶味濃，口感絲滑，咖啡師仲拉左個好靚嘅聖誕老人拉花🎅🏻味道同用黎打卡都一流👍 ☕️手沖咖啡 - Colombia Cauca El Paraiso 咖啡師詳細解釋唔同咖啡豆嘅味道，我地揀嘅呢隻味道好易入口，小編同朋友都覺得呢隻咖啡豆好貼合我地嘅口味🤤 呢間cafe裝修好靚，咖啡師好專業，如果想同朋友黎打下卡，飲下咖啡都好啱～ 不過舖位較小，如果太多人黎就未必適合啦～ 味道: 9/10 服務: 9/10 環境: 8/10 回頭率: 8/10 總評: 8.5/10

近排開始轉涼，有啲掛住去韓國旅行，今日約住朋友去食韓燒過下口癮先🥹 🌈大君御膳 呢個set雖然價錢最平，但已經包哂牛肉、豬肉、雞肉、海鮮、沙律同各款熟食料理😙 🐂牛肉：T骨牛扒、調味牛舌、西冷 T骨牛排口感好軟熟，相比之下西冷會更加有咬口，調味牛舌雖然薄薄地，但係食落好有口感，而且冇咁油膩，可以嗌多啲～ 🐓雞肉：調味雞翼，香草雞柳 雞翼嘅調味唔會太鹹，醃得啱啱好，而且平時燒雞翼最怕就係燒燶咗個面，但入面啲肉仲未熟😫 但呢個個爐幾好！燒嘅時候冇呢個問題~ 香草雞柳味道不過不失～ 🐖豬肉：五花肉、調味五花肉、豬頸肉 五花肉燒完之後啲有油泌晒出嚟，邪惡但係食落去嘅時候入口即溶😋 調味五花肉味道辣辣地，相比冇調味嘅會冇咁膩，而豬頸肉都好淋😛 🦑海鮮：魷魚、扇貝 魷魚燒完之後表層同埋個邊會脆脆地，咬落去口感就好彈牙😙 扇貝食落有鮮味、有咬口，燒完之後都唔會好乾，保留左好多汁 🥬蔬菜：唐生菜、茄子、杏鮑菇 另外仲嗌咗啲蔬菜，生菜可以用嚟包住啲燒肉，加埋泡菜一齊食😚 🍚熟食料理：石頭鍋飯、辛拉麵 最後小編仲同朋友嗌多咗兩個主菜，石頭鍋飯配料好多款式，有芽菜、冬菇、菠菜等等，而辛拉麵一啲都唔求其，入面竟然有隻蛋🥰 🥤嘢飲方面，除咗有基本烏龍茶、果汁之外，呢度嘅啤酒都係任飲㗎😋 整體嚟講，呢間韓燒餐廳味道唔錯，而且一入去嘅時候，見到啲裝修同埋擺設都好似去咗韓國咁🤣 而且啲店員都會主動幫手換鐵板😙 幾適合一大班朋友嚟聚會🎉 - 味道: 7.5/10 服務: 8/10 環境: 7.5/10 回頭率: 8/10 總評: 7.5/10

尖沙咀厚福街出名好多嘢食，平時去嗰頭覓食都係喺地下搵，今次特登上咗呢間樓上西餐廳，諗住試吓新嘢🤣 🍖慢煮美國羊脾扒配燒原蒜伴青醬 餐廳推薦羊脾扒烹調到4-5成熟，切開啲肉汁即刻流出嚟😚 慢煮嘅方法令到羊脾肉好嫩滑同更加入味🤩 點青醬一齊食會中和翻羊脾扒嘅油膩感😊燒過嘅原隻蒜頭食落係甜甜地，伴碟仲有啲烤過嘅薯仔、粟米、雞髀菇等等，粟米好甜🤩 🍤🍄🦀 北海道帶子蘑菇伴蟹膏意大利飯 (+配晚市套餐) 意大利飯蟹膏味幾出，質感偏硬啲，食落有咬口，忌廉醬汁濃稠，包住晒每一粒飯😙 帶子有三大粒，鮮甜彈牙，入面仲有啲蘑菇同三色椒，同意大利飯一齊食，口感更加豐富🥰 🐚🧈法式香草牛油焗田螺 田螺新鮮彈牙，肉質軟滑，加埋牛油同香草，烤焗出嚟嘅味道好滋味 🫣田螺下面仲有啲薯蓉，非常之滑，邊邊位焗到脆卜卜，而且田螺嘅醬汁留晒落個薯蓉，令薯蓉更加之香🤩 晚市套餐：前菜、餐廳+飲品 是日餐湯係南瓜忌廉湯，飲落好creamy，南瓜味都好重🥰 餐包有三款，小編最鍾意牛角包😆 前菜嗌咗檸汁醃蝦伴牛油果，上菜先知道原來係他他嚟，蝦新鮮彈牙，未到食落去酸酸地，好開胃～另外套餐都配一杯飲品～ - 今次試呢間餐廳有驚喜，位置喺厚福街好方便，所以去嗰日係平日夜晚都坐滿哂人 - 味道: 8.5/10 服務: 9/10 環境: 8/10 回頭率: 8/10 總評: 8.5/10 - 📍 Amitie Kitchen (尖沙咀) 尖沙咀厚福街8號H8 9樓

呢間餐廳喺觀塘，主打台灣便當同小食，前一晚睇ig見到個流心嘅蛋餅，前嗰排去完台灣兩轉嘅小編第二日都忍唔住即刻去試下🥹 🍱🍖 蜜汁排骨便當 蜜汁排骨係必嗌🥹 排骨嘅份量好多😳😳 外酥內嫩，蜜汁嘅甜味啱啱好😚 飯入面嘅配菜都超多樣，最特別係有鵪鶉蛋，配料有唔同嘅口感，撈埋啲飯食好夾🤫 🥛脆炸鮮奶卷 x 古早芋泥二文治 炸鮮奶卷外層好脆，裏面有超濃郁嘅鮮奶味🥰芋泥二文治將芋泥夾咗喺兩塊餅乾中間再拎去炸，面頭仲有啲糖🫣 芋泥好綿密，有香甜嘅芋頭味道，加埋脆脆嘅夾心餅，呢個配搭好新鮮，值得一試😆 🍳🧀 熔岩蛋之巒 呢個係拉絲芝士火腿蛋餅～ 火腿蛋餅嘅外層好酥脆，裹面仲有融化緊嘅芝士，而且芝士份量好多，好似湧出嚟咁，食落每一啖都超濃郁😙 面頭仲有啲千島醬，令成個蛋餅冇咁膩😛 🐓蘇子青瓜手撕雞 手撕雞好嫩滑，上面有啲麻醬，底下嘅青瓜好爽口，夾埋一齊食好開胃😙 呢份雖然係細份，但份量已經好多，好抵食👍🏻 🍢牛肉汁煮風琴豆腐 風琴豆腐搭咗牛肉汁，牛肉汁味道濃郁，豆腐會索晒啲汁，食落好惹味😚 🥥🍹爆珠馬蹄椰子水 呢杯飲料唔只解渴，仲有啲小驚喜😛椰子水飲落好清爽，入面仲有有爽脆的馬蹄和爆珠，每一啖都好清新，口感好豐富～ 🥛🍠 全手作芋頭鮮奶 鮮奶好滑，底部有芋泥，芋頭味濃郁，口感綿密細膩🥳 撈勻之後飲落每一啖都有芋頭風味 呢間台灣菜嘅野食全部好出色，而且份量好多，好適合朋友聚會一齊share食，咁就可以嗌多幾樣嘢食🥳 - 味道: 9/10 服務: 9/10 環境: 8.5/10 回頭率: 9/10 總評: 9/10 - 📍 壹.01 (觀塘) 觀塘駿業街56號中海日升中心2樓D號舖

朋友話今餐想食豐富啲，想食牛扒，就搵咗間有得食埋生蠔嘅餐廳🤣 我地叫咗個商業二人套餐($768)🤩 前菜：🥣 是日餐湯+ 🥗 雜菜沙律 是日餐湯係南瓜湯，飲落有好濃郁嘅南瓜味，而且好creamy😛 沙律擺盤精美，生菜、青瓜同蕃茄清脆嘅口感，加埋酸酸甜甜嘅醬汁，做前菜好開胃～ 🐟 刺身拼盤 拼盤有三款刺身，包括三文魚、蝦同象拔蚌，每一片刺身都好新鮮，象拔蚌好有咬口，口感豐富😍 🦪🌊生蠔4隻 生蠔有兩款，美國生蠔海水味會重啲，令人款會creamy啲，但兩款都一樣好肥美同好鮮甜🥹 🍞鵝肝多士 鵝肝多士外脆內軟，金黃色嘅鵝肝煎得啱啱好☺️ 一啖咬落去，鵝肝嘅油咇出嚟滲落個口度，入口即融嘅感覺好滿足😆 🥩美國安格斯肉眼 一上枱最驚喜係牛扒嘅份量，因為好大塊！🫣肉眼扒叫咗五成熟，切開非常之粉嫩，肉質嫩滑同好juicy，每一啖都充滿住牛嘅脂肪同肉汁😋 牛扒上面仲有啲炸蒜片，炸到脆卜卜，配埋牛扒食更加惹味🥰 伴碟仲有啲薯角、紅蘿蔔同翠玉瓜～ 🍜 深海海鮮拉麵 拉麵嘅麵質彈牙有嚼勁，豬骨湯頭濃郁，充滿了海鮮的鮮甜嘅味道。配料方面有大蝦、蟹棒、冬菇，食完扒再食埋碗麵暖胃啱啱好🙈 🍹飲品：deepsea 石榴特飲 (+$10) +柚子梳打 兩杯野飲都好fresh同解膩，個人鍾意石榴特飲多啲因為冇咁甜～ 整體來講呢間餐廳野食精緻，氛圍舒適愜意，而且地點喺尖沙咀都好方便😛 見倒隔離幾枱都有嗌酒飲，下次想同朋友想放鬆下可以嚟呢間試下🤣 🍽️

Poke go不嬲喺食夏威夷蓋飯嘅餐廳入面好出名，今次特登去咗深水埗試☺️ 🥗 Build your owl bowl 三文魚 三文魚刺身新鮮又鮮美😆 配料方面，自選bowl可以揀三款配料，小編揀咗櫻桃蕃茄、枝仁豆同麻醬豆腐🥰 車厘茄好甜，麻醬豆腐食落好凍，同落足醬汁😆 另外加咗錢要雜菌香菇，炒過嘅香菇令成碗蓋飯口感更加豐富～ 個底可以揀一半壽司飯一半沙律菜🥗 啱哂想食少啲澱粉嘅女仔🤩 醬汁就揀咗辛味蛋黃醬，個醬幾開胃，蛋黃醬因為加咗辣都變得冇咁膩😙😙 值得一提嘅係醬料嘅份量好充足，撈到每一粒配料都充滿醬汁😆 🍚 Build your owl bowl 三文魚 三文魚刺身依然新鮮可口，配料方面，呢碗揀咗溫室青瓜、櫻桃蕃茄同雞蛋絲，另外加錢嗌咗蟹棒沙律，青瓜嘅清脆爽口同車厘茄嘅甜好夾🤩 醬汁揀咗山葵乳酪醬🙈 食落重wasabi味，偶爾幾啖想流眼水，不過同三文魚好夾🤣 自選bowl仲有六種配料包括岩鹽、木魚絲、脆蒜、紫菜絲、果仁同辣椒碎可以揀，揀晒都可以~ 呢間食夏威夷蓋飯嘅餐廳唔止食物靚，味道亦出眾，份量都好足，推薦大家同朋友試下🥰

星期五晚想同朋友chill一chill，慢慢享受晚餐同傾計😽 所以揀咗喺尖沙咀嘅呢間日式居酒屋🥰 🐟秋刀魚刺身 刺身新鮮又肥美，擺盤都好精緻🤩 秋刀魚嘅肉質好鮮嫩，每一啖都帶有淡淡的海水味😆 絕對係刺身愛好者嘅好選擇😚 🦞黑門角切海鮮沙律 沙律裏面有赤蝦、三文魚、吞拿魚、油甘魚刺身，一樣新鮮度十足，而且好足料，同菜嘅比例差唔多係一比一🖖🏻 新鮮的蔬菜同海鮮完美結合，個醬酸酸地，令令道菜更加開胃🤓 抵食飽肚之選👍🏻 🦪極上大漁貝燒 大漁貝燒入面有生蠔、蝦、海膽同帆立貝，一上枱已經聞到燒烤的香氣，海鮮燒完之後外焦內嫩，而且味道好鮮甜🤩 值得一提嘅係生蠔食落去爆哂汁😚 🦞黑門令大漁魚子醬脆脆包 脆脆包上面有吞拿魚蓉、海膽、三文魚子同魚子醬，一咬落去魚子醬嘅的鮮味喺嘴入面爆發，配埋脆脆包一齊食口感好特別😝 🦀海膽蟹味噌甲羅燒 甲羅燒有海膽、蟹膏、鵪鶉蛋同蟹籽，食落有海膽同蟹膏嘅的鮮味，而且口感好rich🤩 上菜嘅時候仲配咗梳打餅，將甲羅燒查上去食，增加口感之餘都冇咁膩👍🏻 🐮鐵偵宮崎柚子胡椒牛舌心 牛舌心燒得啱啱好，食落好有鐵板嘅鑊氣🤓 食落嘅口感好有咬口，伴菜有好多洋蔥，食落好甜，而個汁有啲似日本嘅燒汁，甜甜地😙 呢間居酒屋嘅食物味道出眾，新鮮度都一流，所以星期五夜晚全場坐滿，好有氣氛😚值得下次再同朋友一齊飲下酒食下日式料理🥳

去開荃灣一帶，朋友話想食牛🐮，於是喺OpenRice search附近有啲咩餐廳，呢間餐廳喺荃灣西地鐵站行10分鐘左右就到倒，見到有得食牛扒之外，仲有啲丼飯，所以就想試吓🤣 - 牛縣燒海膽丼 $168 食海膽最怕唔新鮮，但呢度嘅海膽唔會！三文魚子好鮮甜，燒牛肉唔算好厚，但咬落去牛嘅脂肪出哂嚟，三樣食材加埋一齊，配埋蛋黃撈飯，食落好滿足～ 呢個餐配埋前菜、沙律同麵豉湯，沙律係薯仔沙律🥗 麵豉湯裏面有花甲添😙 羽下牛扒200g + 五選三套餐 $178 + $32 廚師預先燒過牛扒表面，連埋塊鐵板一齊上，可以跟翻自己鍾意嘅生熟程度再燒😚 切開見倒牛嘅色澤好靚👍🏻 牛扒入口軟熟，牛味濃郁，仲配咗兩個醬，阿根廷青醬有驚喜，食落幾清新，紅酒汁就有少少酸酸甜甜，唔鍾意點醬都可以攞返黑胡椒同鹽🤣五選三套餐我揀咗薯條、飯同埋汽水🥰 薯條新鮮炸起好脆，飯上面鋪滿飯素🥳 店員提醒如果鐵板唔夠熱，可以換過一塊～ - 整體嚟講呢間舖頭好高質，個人認為牛扒出色過丼飯，下次同朋友嚟開呢頭可以再encore！ - 味道: 9/10 服務: 9/10 環境: 8/10 回頭率: 8/10 總評: 8.5/10 💰人均消費: $200