影片
更多
2022-08-30
536 瀏覽
睇過好多YouTuber拍片講依間小店點心，on list好耐，今日黎換身分證終於試到佢既炖盅湯想試好耐，今次叫左花膠蟲草花炖土雞+猴頭菇菜樹菇瘦肉湯，認真其實兩個味道都差不多，原以為會有明顯的分別但比想像中有出入，不過的確飲得出係原汁原味無味精既，滿清淡，飲完係幾舒服不會太重負擔點心一口氣叫左幾樣：燒賣、蝦餃不能少，再有菜苗蝦餃、牛肉球，魚湯鮮竹卷、煎蘿蔔糕、牛栢葉、鳳爪。牛栢葉鳳爪我唔食，比唔到評價。燒賣大大粒，內質鬆但彈牙有口感，唔會似酒樓飲茶的過分硬身；本人最中意菜苗蝦餃所以蝦餃留番比友人食（友人不愛食翻版蝦餃），因為皮相對正常蝦餃薄身一啲，粒粒有手心咁大粒，菜苗一啲都不欺場掙滿晒成個餃之餘都仲有一粒蝦係入面，正宗皮薄餡靚；另一最中意嘅就係牛肉球，大粒，肉質彈牙但林，老人家無牙都「梅」得爛，林到咁咬落去都仲有彈彈的口感，牛肉蒸到岩岩好，菜苗蝦餃同牛肉球最後仲番兜左各一籠；魚湯鮮竹卷都不錯只係沒有什麼大特色，同埋飲完個炖湯飲個魚湯，就會覺得明顯重口味；蘿蔔糕正常發揮，無咩特別。服務一開始都無咩期望，職員都比較冷漠，所以呢點沒有失望；小店環境係的確細，所以如果唔係想食午市有的菜式，
佢既炖盅湯想試好耐，今次叫左花膠蟲草花炖土雞+猴頭菇菜樹菇瘦肉湯，認真其實兩個味道都差不多，原以為會有明顯的分別但比想像中有出入，不過的確飲得出係原汁原味無味精既，滿清淡，飲完係幾舒服不會太重負擔
點心一口氣叫左幾樣：燒賣、蝦餃不能少，再有菜苗蝦餃、牛肉球，魚湯鮮竹卷、煎蘿蔔糕、牛栢葉、鳳爪。
牛栢葉鳳爪我唔食，比唔到評價。
燒賣大大粒，內質鬆但彈牙有口感，唔會似酒樓飲茶的過分硬身；
本人最中意菜苗蝦餃所以蝦餃留番比友人食（友人不愛食翻版蝦餃），因為皮相對正常蝦餃薄身一啲，粒粒有手心咁大粒，菜苗一啲都不欺場掙滿晒成個餃之餘都仲有一粒蝦係入面，正宗皮薄餡靚；
另一最中意嘅就係牛肉球，大粒，肉質彈牙但林，老人家無牙都「梅」得爛，林到咁咬落去都仲有彈彈的口感，牛肉蒸到岩岩好，菜苗蝦餃同牛肉球最後仲番兜左各一籠；
魚湯鮮竹卷都不錯只係沒有什麼大特色，同埋飲完個炖湯飲個魚湯，就會覺得明顯重口味；
蘿蔔糕正常發揮，無咩特別。
服務一開始都無咩期望，職員都比較冷漠，所以呢點沒有失望；小店環境係的確細，所以如果唔係想食午市有的菜式，建議下午茶去會坐得舒服啲，坐耐少少都唔會有人趕；衛生都係可以接受的程度
為左個牛肉球、菜苗蝦餃同燒賣，我會再黎😆
張貼
