蒸廬

營業中

休息中

一支公想食點心，絕對有難度，叫兩籠，已經飽，所以蒸廬嘅點心拼盤絕對係獨食人嘅恩物。呢個蒸廬拼美點共九件點心，包括蝦餃，燒賣（兩粒），叉燒包，潮州粉果，鮮蝦菜苗餃，馬蹄糕，馬拉糕同薑汁糕，當中鹹點全部正常水準，較出色係鮮蝦菜苗餃，皮薄餡多好豐富。反而想講下甜點，薑汁糕賣相同口感有啲似紅棗糕，但係就少咗份甜味，多咗少少薑嘅辣味，好食👍；馬蹄糕質地比想像中軟腍，馬蹄肉大大粒，爽口清甜，唔錯；至於馬拉糕就相對失色，黑糖味唔算突出，質感亦唔夠鬆軟。加錢叫多個燉湯，呢個姬松茸茶樹菇燉上肉湯好足料，湯渣食極都有😆，由於蜜棗同圓肉都落得幾重手，所以感覺較為偏甜。