蒲東小館 (九龍貿易中心)

營業中

休息中

食過幾次每次都覺得好好食👍 尤其是蟹皇蝦仁炒飯，炒飯炒得非常之有鑊氣同有濃濃的蛋香味，而且米飯粒粒分明煙靭有口感。套餐好抵食有88折🙏🏻 大家一定多啲幫襯 呢間舖人流唔係好多 希望佢長做長有

上星期來這裡午餐覺得幾好味，膽粗粗來試晚餐。這裡工商業區晚上人流稀少，接近七點店內已經有兩三枱客，七點半左右有兩張大枱入座，可能提早做冬，好熱鬧。小籠包～不過不失生煎包～似炸包多過生煎燻蛋～煙燻味好香特色鳳尾魚～炸過火了，太硬油炆小竹筍～好入味酸菜魚～不過不失担担麵～麵條做得好好，湯底都好上海粗炒～正，麵條好香，味道剛好高力豆沙～好味，唔會太甜總括：這裡既生煎包是炸的，不是生煎，包內沒有肉汁有點失望主食麵條好出色，正埋單後才發現openrice有優惠價買現金劵

今日趁午飯時段到訪KCC購買中藥，原本想食三哥，但見到店外人頭湧湧，即轉向隔離店舖看看，有西餐及上海菜，與同事商量，決定食上海麵。進店一看幾乎滿座，服務員帶我們在最入既座位，爭取時間我們點了套餐。蒜泥白肉+排骨擔擔麵+豆漿小籠包+酸辣湯麵+豆漿食物上枱速度快，全部食物熱辣辣 排骨好大塊碎上，方便食用，讚酸辣湯味道好傳統，酸辣平衡得剛剛好😋😋係我碗湯。好耐無食過咁好味既上海麵，I will be back😎

蒲東小館 今次再回訪呢間「蒲東小館」，睇返記錄原來上次食已經係上年11月啦，今次嚟到變化好大，除咗OPENRICE 82折現金券可以即買即用外（圖10），仲有就係全場爆滿哂，同上年得我哋自己坐一枱食簡直兩回事，做餐飲過去三年真係好慘，唯有依家盡量支持返好味嘅餐廳啦，依家真係有好多好味嘅餐廳越執越多！😢😢😢1.蟹粉小籠包$80（8/10）呢間小籠包皮薄多汁，但呢個蟹粉小籠包無咩蟹味，都係鍾意原味多d！2.鮮肉小籠包$42（10/10）都係最普通最原味嘅鮮肉小籠包好味好多，同一年前食都係一樣皮薄多汁，粒粒夾起都穿底，湯嘅精華咁就流走咗，食完一粒又一粒，最終食咗3籠鮮肉小籠包！3.黃金魚塊$88（8/10）呢個黃金魚塊炸粉比較厚，食到有少少咸蛋味！4.孜然牛肉$98（9/10）呢碟炒牛肉份量算多，牛肉片大約有10塊，肉質嫩滑唔韌，反而我幾鍾意個配角「洋蔥」，洋蔥食落爽同有辛辣味，好少地方食到爽而辣嘅洋蔥，多數洋蔥炒到軟淋淋！5.乾鍋花菜$78（10/10）呢碟椰菜花整得好惹味，椰菜花好爽口同辣辣地！6.肉味粉絲煲$72（8/10）呢個粉絲煲有少少失手，除咗本身嘅甜甜地，今次就咸咗少少！7.蒸

平時好少去葵興食嘢，今日閒日陪媽媽去葵青康健中心見姑娘分析驗血報告，完成後喺附近食午餐。好少食到上海嘢午餐，所以4間入面揀咗呢間試。地方都大，坐得舒適！有套餐好抵至到晚上9點，有小食，主食&飲品。我揀咗個菜肉雲吞麵，雲吞&湯底濃但唔會太咸，啱晒我口味😋，麵份量好多，男仕食都應該夠飽！飲品我揀熱豆漿，甜度適中，另有咖啡奶茶檸茶，檸水可選。兩個餐小食，手拍青瓜，略嫌重味咗少少，而家都市人都比較注意健康，若淡返d更啱胃口！酸辣木耳（我覺得係雲耳），味道合適少少酸少少辣，啱晒我口味！媽媽揀咗個好少會食的酸菜魚米線，魚肉嫩滑，份量正常，有幾片萵筍吸晒味，米線都係超多。湯底比較麻辣，越食覺得越辣😬整體滿意，比起荃灣區平好多，其實好抵食，外賣仲有88折，啱晒附近打工仔

星期六夜晚原來近九龍貿易中心呢邊係冇麥食肆開門，行左一陣見呢間開左，又好耐冇食上海野就入左去我地5個大人，3個小朋友，叫左5個餐個人覺得好值得推薦既係排骨擔擔麵影漏左個排骨，個排骨好香口，邊位好脆，但中間唔乾身，而擔擔面本身湯底好濃郁，係小辣既程度，好香花生味，而且麵質軟硬適中👍🏻真心好味第二樣覺得正係既呢個雪菜肉絲炒年糕，因為個人好鍾意食年糕，跟住佢就算凍左都唔會硬，雖然望落好清淡但都好夠味😆呢個蛋白瑤柱炒飯都唔錯，炒飯粒粒分明，加左小小蔥花提味，加左分仲有其他幾樣唔算太特別就唔講了，但整體算係好唔錯，我地單埋都只係3百幾蚊，每個人一百都唔洗🤣仲唔係大件夾抵食！

3人當然點1人餐 點心+主食+飲品 再追加 人均 約$112都叫抵食不過我地7點多到就感覺整體食物都係偏凍都可以能9點有啲趕收工感，不過整體味道都可以且座位大而舒服 @ 蒲東小館 葵興上海菜上海春卷幾脆但料偏少，推介小籠包不錯所以之後再加多2粒，豆沙鍋餅味不錯但不夠脆樟茶鴨味道剛好，肉質不會太硬，麵份量多味道正常。炒飯冇咩料似豉油炒飯，都幾乾身。雪菜肉絲炒年糕幾好味，配料多而年糕都軟熟入味。飲品熱豆漿，柚子茶，西洋菜都是味道偏淡味普通加點，鍋貼2隻幾脆口料都多仲有點肉汁。紅油抄手好味，辣不太重但幾香。雲吞普通不太吸引

今次叫咗個全日自選套餐涼菜/點心部分揀左涼拌粉皮而麵、飯、年糕部分就揀咗紅燒牛腩麵個餐仲配一杯飲品。《涼拌粉皮》粉皮滑捋捋😆撈埋麻醬食落鹹鹹地因為佢叫涼拌粉皮而唔係雞絲粉皮所以配料就只有青瓜同麻醬🥒。《紅燒牛腩麵》雖然叫紅燒牛腩麵🐮🥢但係湯裡面只有有兩粒辣椒🌶️所以其實個麵完全唔辣麵比較硬身 份量都好多牛腩有成6-7舊 份量十足👍🏻啲牛腩唔係話好稔 但絕對唔會黐牙👌🏻除左牛腩 麵裡面仲有兩條好新鮮嘅棠菜🥬 因為唔係灼咗好耐所以食棠菜嘅時候會聽到爽脆嘅聲音🤣

二人套餐  $$ 338HKD + 5HKD/位茶位費上海小籠包 2隻 小籠包唔記得影相添，皮薄多汁又熱辣辣，好味呀！酸辣湯/位 酸辣湯係會有少少辣，另外有魚羹可以選擇。花雕醉鷄醉鷄用嘅鷄比較肥，酒味都重，但可惜調味比較偏甜，比較唔太似上海傳統的醉鷄，所以我自己就麻麻地喜歡喇，但套餐仲有其他冷盤可以選擇。最推薦係樟茶鴨，不過經常食，所以今次先選擇試下醉鷄。蒜香四季豆基本上每次都會選擇蒜香四季豆，另外可以揀鷄絲粉皮同茄子都好味。蒜末非常多，好香！因爲二人套餐主菜只可以選擇一款，所以有肉就無菜喇，前菜就通常會選擇蔬菜類，平衡返~老壇酸菜魚 （例）酸菜魚用嘅魚片夠滑嫩，無骨，對於怕魚骨的我嚟講非常友善~味道屬於微辣，好香（我平時食譚仔都係最小辣果種）賣相都非常好~足料，有各種配菜同粉絲例牌嘅分量都好足夠兩個人食（我老公係100KG的大胃王）瑤柱蛋白炒飯瑤柱蛋白炒飯坦白講瑤柱就真係比較少喇，但勝在炒飯夠乾身，亦都唔會油，所以選擇呢款感覺上就比較健康喇^_^另外有款蒲東小館炒飯就會比較惹味，大家都可以嘗試一下。桂花糕 2塊跟餐甜品，唔會太甜，又有濃濃桂花香味，香糯的口感令到整餐飯有個完美的結束。

~店面頗大,座位舒適,適合和朋友家人進膳。食物性價比頗高👍份量頗多炒飯乾身香口炸排骨香口惹味,配担担麵一流燻魚太乾柴,麻麻~KCC有免費泊車優惠,適合駕駛人士

出街叫外賣、凍飲加兩蚊好正常，膠袋都係加$1至$2姐。見到張單即刻問個店員點解會收多$13，佢話係外賣盒費用，逐個計算！但呢間鋪外賣紙同餐牌無清楚列明每個外賣盒逐步計算！～ 最後店員幫我取消張單下次買外賣一定要小心（堂食價錢正常，寧願堂食）

全日自選套餐: 涼拌茄子水煮牛肉麵 (大辣) , 好味! 秘製酸梅湯燻蛋好食過旺角九龍行, 好多好多好多! 本來冇諗過再去, 因路過, 就食下葵興店水準.葵興店, 比旺角九龍行店, 葵興店好食好多好多好多! 旺角九龍行店: 燻蛋 (唔知係食緊燻蛋)葵興店: 燻蛋 , 可能九龍行店很差, 比較下葵興店, 好味.旺角九龍行店: 秘製酸梅湯, 普通.葵興店: 秘製酸梅湯, 好飲過九龍行店.上次係九龍店試左涼拌土豆絲, 味道麻麻, 所以今次唔敢再點, 點了涼拌茄子, 沒有失望.上次在九龍店, 食左廚師推介:排骨擔擔麵, 唔好食, 排骨吃了兩舊後, 放棄, 擔擔麵都很普通, 只食完擔擔麵就算, 只因唔想浪費太多.

鍾意食辣嘢嘅人必食，尤其是係水煮牛肉麵！又香又辣，香料味十足之餘，應有果種辣椒香味都好夠！價錢亦相當合理，全日餐加埋個蒜泥白肉，真係超級完美！又酸又辣，川菜來講都算正宗！！

今日同事話想去蒲東小館食Lunch，於是我哋一行三人就出發，午市時間都幾多人，我哋都等咗一陣先有位，雖然多人，但係入面座位都幾闊落座得舒服。我哋叫咗兩sets全日自選套餐（包括點心+主食+飲品）一份點心有兩粒小籠包，所以我哋兩sets都叫小籠包🤭小籠包嚟到熱辣辣皮唔算厚 裏面都有肉汁，主食我哋叫咗雪菜肉絲炒年糕同埋 排骨粗炒麵，兩樣味道都正常，另外同事話想食韭黃炒鱔糊，上枱都係大大份絕對唔失禮，配多個白飯，飲埋杯凍豆漿，大家都飽飽，Lunch time 有尼個質數絕對性價比😋

我果日其實去左葵涌廣場同新都會行街 行到攰攰地想搵間食肆坐下同食晚飯 見到新都會食市又貴又睇落唔多好食 又見咁多人排隊 所以 想去KCC既蒲東小館試吓 真係估唔到呢度環境幾好 服務員態度又 nice 個茶都幾好飲 其實我理單 $205 真係非常好食同抵食 真係小籠包喜出望外 之前食太多小籠包又皮厚 一夾就穿 肉汁超奇怪 呢間小籠包就合格之上 好多食物質素都好好 跟住 我自己都好鍾意食上海面 呢間上海面我比較值得堆介 面身又彈又爽口 入面入哂酸菜湯既味 我都係經常去幫襯 👍