蒲東小館 (九龍貿易中心)

營業中

休息中

今日天氣涼左D，又晏左先食得反，唸住食碗面暖下己經係下午茶時間，應該唔係好多人，入面去都OK ，唔算多，因為限聚令，全部枱都只坐得2個人叫左個最簡單嘅餛飩面跟住坐係度睇下手機，上下網不經不覺就過左 20 分鐘，嗯點解仲未有得食嘅，跟住問下嗰個陸軍裝阿頭，佢只係簡單一句 "等等"咁我再等多左5分鐘，都係無得食，想揾個人都唔得閒理我最後我唯有一聲不響地行出門口我覺得咁嘅服務真係極品 !!!

午市經濟實惠擔擔麵放在面前已經香氣濃郁,真係聞到都有好有食慾.上海麵煙韌,辣度不用加辣都有一定的難度.小籠包鮮嫩多汁,一啖入口美味無窮.午市套餐另加錢配迷你豆沙鍋餅.環境舒適座位寬闊服務態度都很好

商場連接港鐵站🚉好方便...店舖面積好大，座位好多...環境潔淨衛生，有足夠防疫措施👍👍👍午市套餐好抵食，包小食、主菜及飲品各一，份量還很足夠。蒜泥白肉+豆漿我本身不喜歡食太肥的豬肉，剛好這道蒜泥白肉肥瘦肉的比例是1：3，當然Q彈口感就減少了，但起碼滿足了我想食又怕肥的需要。值得一讚是蒜泥醬味道濃郁，令人回味😋。菜肉餛飩麵餛飩皮薄，餡料不算太多，但可接受。麵條爽口彈滑，沒有越食越腍的情況。服務員表現很好，即使午市人流絡繹不絕，但都耐心地盡力服務，就連廚房師傅也不介意充當傳菜工作👍👍。

排骨擔擔麵，炸豬扒lok lok脆，炸粉簿，肉瘦好彩唔硬，冇痴牙。擔擔麵偏辣，花生味唔重，麵條軟硬適中。蔥油拌麵仲有蝦米，蔥既香味迫晒出黎，麵條乾身索晒d油，好香口，大口大口食，大滿足。反而d蔥就唔識欣賞了。另外仲加左d小食，豆莎窩餅，餅偏硬，豆莎乾晒，春卷香脆餡少，窩貼爆汁🤣，皮厚。好睇唔好食。

葵興KCC新開上海菜見到新開，就去試下！新開又有折頭，勁多人的位！不過唔算等好耐！一個餐包小食，主食同餐飲。價錢正常，味道正常。係普通一餐咁囉～不過環境地方好大，坐得都舒服。但未必會再去食～

#葵興 🥳好嘢, 公司附近有新食肆, 上海菜! 正’s…想食小籠包唔駛去又貴又唔好食嘅夏x館! 😌🍜突然間想食炒麵, 來一客排骨粗炒麵 $72 包小食及飲品🥤, 好抵! 凍豆漿 & 春卷2條! 好大一碟, 粗麵好彈牙, 排骨份量頗多, 味道唔算好濃! 🥠春卷, 即炸新鮮香脆, 餡料都多! 🍜砂鍋獅子頭麵 $75 同樣包小食及飲品! 蒜泥白肉 & 豆漿! 同事勁欣賞, 佢太太係上海人, 成日有上海菜食, 佢話呢個獅子頭好正宗, 麵亦係正宗陽春麵, 爽口彈牙, 讚! 🥩蒜泥白肉, 薄薄的肉片, 勁多蒜泥, 豬肉爽口唔肥膩! 醬汁調得剛剛好, 唔會好酸! 🥟新張仲送小籠包! 皮薄爆汁, 好味道! 

午市套餐抵食，主食上海麵大碗，也有蔥香前菜四季豆麻油夠香👍🏻小籠包夠熱又皮薄餡鬆，不是普通來貨死硬實，抵讚👍🏻樟茶鴨腿外脆內嫩，上碟擺盤精緻，回味，會再幫襯加$餐30醉雞份量足，可惜酒苦稍突出（其實也不是要很甜）座位舒適，空間感大尤其推薦早到坐窗邊卡位，開揚明亮，食時心情也好🙂店內裝修明亮風格，避用假天花而善用高樓底，避開壓逼感卻大增空間感，設計用心補充，全日免加一服務費，推薦👍🏻👍🏻

新店一試，唯一可取是地方寬闊舒適，暫時新店人流唔多，坐得舒適傾偈好地方，但是食物味道及質素一般，最大問題是欠缺正宗上海風味，或者可以說是，多年來在香港上海小店食慣嘅一般味道，在此店欠奉。諗住佢哋有一間分店在油麻地經營多年，應該有保證安全，可是基本嘅上海小菜，味道是可以，溫度可以，就係總欠上海的味道。即是你當佢是一般廣東小菜就完全沒有問題。蟹粉當然價錢貴，但是出菜份量跟menu相片個兜，好似爭左幾個size，味道普通，顏色賣相唔吸引，鮮味欠奉。糯米釀雞翼味道尚可，Size細細隻。水煮魚，價錢不平，賣相靚，可惜味道非常非常一般，亦都不正宗，魚片數量少，薯粉用幼幼薯粉，真係食咗咁耐水煮魚都未試過，口感差，又唔能夠吸收汁既精華。

見呢度新開張 所以今日帶咗媽咪試下食呢間 我哋叫咗兩個下午茶 價錢都算幾抵食 味道尚可 性價比高👍而宜宜家有開張優惠 食滿$100仲會送一大籠小籠包小籠包 $38一籠有4個 起哂煙又熱辣辣 食落都幾唔錯 包入面啲肉幾嫩滑 而且好多汁 食完都飽咗一半四川擔擔麵 $38無諗過下午茶份量都咁多碗 湯底幾濃 都幾重花生醬味 而且仲有啲肉碎同冬菇粒 口感都算豐富酸辣木耳 (+$13)加配小食份量一樣咁多 味道都幾唔錯 酸酸辣辣 食落都幾爽口 而且散咗少少蒜香 令到成碟木耳幾香口😋菜肉餛鈍麵 $38都係咁大碗 有成四粒菜肉餛鈍咁多 但係個湯底有啲淡 如果濃返啲就好味啲蒜香四季豆 (+$13)呢個幾好食 加咗蒜香夠曬入味 用嚟做涼拌小食就夠曬正p.s 凍奶茶就真係唔得啦 雖然飲落去係有茶味 但係我覺得應該係唔記得落返啲糖水 feel到完全係無糖 叫咗侍應想加返啲糖水 但係加完都無咩分別。。。

在葵興地鐵站附近，葵興店比九龍店寬敞明亮， 座位舒適， 店員服務勤快，食品不錯， 食物送上時間很快。 新張期內消費滿100元 ，免費 贈送小籠包或豆沙鍋餅。今日點了2份下午茶餐： ➡津白肉絲炒年糕+凍豆漿，➡排骨擔擔麵 +即磨咖啡 另+$23小籠包，➡單點了一份 炸饅頭 ，及贈送了一份 豆沙鍋餅，免加一合共$163