蒲東小館 (九龍貿易中心)

營業中

休息中

二人套餐  $$ 338HKD + 5HKD/位茶位費上海小籠包 2隻 小籠包唔記得影相添，皮薄多汁又熱辣辣，好味呀！酸辣湯/位 酸辣湯係會有少少辣，另外有魚羹可以選擇。花雕醉鷄醉鷄用嘅鷄比較肥，酒味都重，但可惜調味比較偏甜，比較唔太似上海傳統的醉鷄，所以我自己就麻麻地喜歡喇，但套餐仲有其他冷盤可以選擇。最推薦係樟茶鴨，不過經常食，所以今次先選擇試下醉鷄。蒜香四季豆基本上每次都會選擇蒜香四季豆，另外可以揀鷄絲粉皮同茄子都好味。蒜末非常多，好香！因爲二人套餐主菜只可以選擇一款，所以有肉就無菜喇，前菜就通常會選擇蔬菜類，平衡返~老壇酸菜魚 （例）酸菜魚用嘅魚片夠滑嫩，無骨，對於怕魚骨的我嚟講非常友善~味道屬於微辣，好香（我平時食譚仔都係最小辣果種）賣相都非常好~足料，有各種配菜同粉絲例牌嘅分量都好足夠兩個人食（我老公係100KG的大胃王）瑤柱蛋白炒飯瑤柱蛋白炒飯坦白講瑤柱就真係比較少喇，但勝在炒飯夠乾身，亦都唔會油，所以選擇呢款感覺上就比較健康喇^_^另外有款蒲東小館炒飯就會比較惹味，大家都可以嘗試一下。桂花糕 2塊跟餐甜品，唔會太甜，又有濃濃桂花香味，香糯的口感令到整餐飯有個完美的結束。