萬麗咖啡室

營業中

休息中

海鮮🦞唔多但新鮮熟食得咖哩同埋燒雞 牛排 同埋 炒粉炒麵粉飯 特別在有喇沙麵食 同埋有即製嘅🐟🍔同🐮🍔刺身方面有三文魚 吞拿魚 包片 八爪魚 🐙算係厚切同埋新鮮甜品方便有芝士蛋糕 朱古力蛋糕 栗子蛋糕 當中栗子蛋糕唔甜唔會太膩 唔錯 另外仲有Häagen-Dazs雪糕任食 當中仲有最新嘅朱古力咖啡蛋糕味👍🏼仲有好特別嘅甜品區係雲呢拿雪糕配上蘋果金寶 入邊嘅玉桂蘋果好香提子乾微甜再加上酥皮嘅表面一整體係冰火嘅感覺超正 👍🏼自助午餐冇咩人幫襯 價錢大概$400一位 性價比高仲質唔重量 可以一試

今日去食萬麗海景酒店Lunch Buffet冷盤有長腳蟹<大部份都好大只>，螺，凍蝦<爽口>，青口同麵包蟹<per 聖誕先有>熱盤有燒牛肉，燒羊脾，燒火雞<per 聖誕先有>，咖哩雞跟薄餅，忌廉薯蓉，鴨胸，炒飯，炒牛河，叉油雞飯，喇沙湯麵。。。。雖然唔太多選擇，但 味道沙律吧行過睇過但無食，見d沙律菜都好鮮色。甜品值得一試，栗子蛋糕唔太甜栗子味重，朱古力慕絲。。讚因為 今日已經開始per聖誕，所以有d聖誕甜品，大部份都唔會過甜雪糕有杯裝haagen dazs，有6種口味仲有即整心太軟，我無食，媽媽話好食。飲品方面，一坐低就奉上鮮橙汁，出面仲有咖啡機。

襯住恒生卡7折, 就去試下萬麗自助午餐. 而家自助午餐分兩個時段, 11:30-1:30及2:00-4:00.我今次選了2:00-4:00, 食一餐可以當食埋午餐同晚餐.萬麗午餐簡直令我驚喜, 除了晚餐的生蠔同龍蝦, 基本上同自助晚餐沒有分別, 就係價錢........ 平左一半一坐下, 就有侍應問你飲咩Ｗelcome drink, 堅有被welcome既感覺喎.長腳蟹有海水味, 青口同翡翠螺都好味喎. 沒有貴價刺身, 我亦唔浪費我胃既空間, 可以改進少少.沙律配ham, 係自助餐必食用黎減輕罪惡感, 但係, 又好fresh喎. 熟食區亦唔稀區, 午餐有牛扒羊扒等等, 老人家同細路必然幫襯.甜品區一定要大讚, 蛋糕件件細細件, 每款試一件剛好, 更估唔到係中式合桃酥鬆脆到我爹食左N件.最後對於唔好蘋果批既我, 呢個蘋果盛盒真係超水準, 大讚, 一定要食, 幾飽都試返個.我詞窮, 不能用言詞寫出黎, 大家自己試下.最最後, 飲埋杯Mocha先離開, 滿足到晚餐都唔使食. 

當日生日跟太太來到萬麗酒店食午市自助餐慶祝，主因是同事極力推薦，而價格亦相宜，便前來試試位置：萬麗酒店位於香港會展旁，交通算是方便環境：餐廳裝修明亮，座位多且枱與枱間距離感足夠服務：店員有禮貌，收碟速度快食物：主打冷盤海鮮，前菜、熱葷、甜品選擇適中未到12時已入座，侍應細心安排位置及端上兩杯味道很不錯的橙汁，而侍應在進餐時很主動給我們添加橙汁冷盤由於太太很喜歡海鮮，一開始就拿了不少松葉蟹腳、青口、海螺及海蝦，其中松葉蟹腳非常大件，且很鮮甜太太也有再安歌一番至於本人對煙三文魚、火腿及煙肉較有興趣，配合芝士及面包吃，不會太咸，味道不錯壽司及刺身選擇一般，刺身有三文魚、吞拿魚、八爪魚及鮑魚片，算是新鮮但絕不是高級的款式熱葷有即煮上海粉麵、印度薄餅、咖哩、蒸魚、雞、豬扒、即切牛柳、羊架等等，款式不多但足夠飽肚，味道非常規中矩甜品絕對的重點，外表精緻、味道有五星級酒店的水準，尤其是美式芝士蛋糕，非常濃郁，簡直一試難忘雪糕是自取的哈根達斯雪糕，忍不住食了三杯結帳用恆生信用卡有七折優惠，以250港元一個人來說，實在非常實惠，絕對再來光顧呢

今日星期四放no paid leave，便苦中作樂！決定約兩個好同事兼帶埋老媽子去食個平靚正lunch buffet.1200準時入座開始，四人分派左一張六人圓檯，算貼心。一坐低，侍應便送上4杯橙汁，仲要無限量添飲，我又叫左兩杯暖水，沒黑面兼且好快送上，食物擺放吾錯，U 字型，冷盤沙律有六款，ham 有四款，芝士約一兩款，我一般所以冇理有大約六款壽司六款刺身尚算新鮮，海鮮有牆腳蟹海蝦，大蛽，好鮮甜。長腳蟹都成日有refill, good.中途我地影相，每個Waiter 好熱心，又加分。熱嘢食有好多，我只食咗少少，有西冷，河粉，印度咖喱，薯仔啊菜啊⋯⋯so far so good.最後去到甜品，大約有七八款，cake 水準吾錯，我全部有食，只係冇食Häagen-Dazs雪糕！埋單$258巳加一，記得帶恒生信用卡。我媽咪都話幾好。送上一張媽咪半身圖連甜品！因為大家太開心去食野，冇一一影相

簡單講，食物選擇唔算好多但佢擺得出嚟嘅都整得好好，我寧願9女食呢啲，重質多過重量！我今日食咗兩轉海南雞飯真係出面俾錢排隊都食唔到咁高質素雞肉無骨又軟滑雞油飯充滿油香連個上湯白菜都好好食師傅又好好人，服務態度好好連埋啲醬料一齊食，我真係飽住都食咗兩round 我全部屋企人都話好食海鮮方面蟹腳又多又好食，仲要有好多鉗位，啖啖肉螺肉又大鮮，一啲都唔難咬，配埋個泰式汁好夾，其他地方都無咁多汁揀，同埋成日煮到好難咬燒牛肉嫰滑多汁燒腩仔香脆鬆軟今日有擔擔麵好細心，如果你點細份，又可以試吓味又唔會太飽，湯汁香濃，醃料又可以自己揀，麵質都係好好！咖喱羊，雞心豆咖哩，蝦片都好出色壽司區，沙律區，都有好多款式，連松露油都有！因為我唔食甜品，只係食雪糕，個咖啡雪糕好好味！真係每樣嘢都好唔錯！ 已經想再去食，而且員工個個都好有禮貌，做嘢又快手快腳👍👍令我哋一家人有一個愉快嘅下午

食物種類雖然唔係太多, 但整體質素唔錯, 鮮榨橙汁任飲, 這個價錢算不錯的!服務非常好！會主動幫顧客攞物品 , 執枱及清潔亦都快！因疫情關係, 酒店在餐廳不同地方放了清潔洗手液 , 方便食客使用 ,枱與枱之間保持1.5距離, 整體感覺十分清潔,在疫情下食得更安心.

第一次試呢度的lunch buffet, 出奇地好吃。已忘了係邊個網見到有特價，只$250+10%@, 4人共$1100預先網上付款，星期六準時11.30到達。Sat, Sun & P.H. 做2輪，11.30-13.30 & 14.00-16.00。呢日吳知有無滿座但吳覺人多，無需排長龍羅食物。講真食物種類吳算多但夠食。坐低後staff 立刻送上任飲鮮橙汁，Alaska 長蟹腳幾甜，海水味無過鹹，家人話魚生非常新鮮，沙律吳太多但好食，粉麵counter 係台灣牛肉麵，我吳食牛所以食貢丸(得滷牛肉及貢丸2樣)，牛湯夠味配粗麵，我覺得幾好食。Carving counter 有驚喜，不只有牛，仲有羊髀(需然有d un)及燒雞，配各種炒菜，薯仔等等。各款熱食味道都吳錯，最後連叉燒及油雞都吳放過。叉燒有d 肥好食，油雞出奇地滑，讚。有個位特別整apple strudel, 好細舊的，加球小雪糕，幾過引。芝麻糊太糊口，麻麻，其他cake 中規中矩，haagen dazs 好似有5款味。總括黎講食得愉快，加上拍拍屁股吳洗比錢就走得，真開心。所有staff 態度良好又勤快，絕對值得再幫襯。

疫情期間食自助午餐，安排非常好，每枱有1.5米距離，環境清潔，服務生同經理都非常有禮，仲推介邊啲好食，點樣配搭更好，見到我拖住小朋友又主動協助。一入座馬上送上橙汁/汽水，無限添飲，比埋口罩袋你，唔怕亂咁放。由於只能坐半場，所以完全唔洗排隊，食物供應快。但食物款式不多，有長腳蟹，凍蝦，翡翠螺，青口，魚生，燒牛肉，羊髀，燒雞，雪糕，沙律菜好新鮮，唯一美中不足係中午冇龍蝦同生蠔，但$270一位食個自助午餐算係抵。

生蠔冇肉 得塊皮 選擇少得黎d野食唔算好高質 冇凍龍蝦 得一隻熟龍蝦 生果唔算新鮮 全場最好食既係pancake 同埋任飲幾好 但除此之外 就真係冇咩優點 同級數既buffet黎講 大把好過佢既選擇

三星期內連續食咗三次自助午餐，但每次都有些不同食物，燒牛仔肉，燒羊肉及慢煮牛柳十分掂，刺身新鮮，甜品品種好多，超值。服務態度有很好，特別係嗰位 Alex，服務有 heart， 十分專業又主動，很小食自助餐如此滿足。

今日係老公生日,但又唔想係九龍食buffet,覺得好多人,所以訂左萬麗.好多都full晒了.好彩呢間都易訂. 同埋用餐時間早,可以六點食,好多都係食6點半. 對於我呢D唔易消化食物既人,早D食絕對係加分.6點職員就安排客人入座,量體溫是必須的.係未食得既時候,梗係好似港姐咁圍繞一圈睇下有咩食.我無一樣一樣咁影. 大概講下有咩食,同埋食左咩,有咩評價.**凍海鮮**生蠔 - 好細隻 但口感幾好 唔係creamy個種,少少爽身,無咁溜. 海鮮醬帶辛辣,幾可口. 仲要唔洗排隊拎, 無咩人拎, 見到有師傅即開.我同朋友二人食左24隻.螺 青口 蟹腳 蝦 - 一般唔會失手既大路野.**刺身**吞拿魚 三文魚 八爪魚 鮑片 - 大路正常唔失手既野食油甘魚 - 好少buffet區係有呢隻刺身,可能比較貴啦.切都切得細塊D架 我拎左2-3次. 已經無晒啦.**主題湯麵**今次係 喇沙 唔辣 香濃 可以一試 但唔會想試好多.**各式沙律 cold cut**望落新鮮 而且都幾多款式. 火腿都有4-5款 芝士都係. 除左梳打餅仲有米餅. 幾好.**湯**有兩款,一中一西,中湯幾好飲.**熟食**只紀錄特別

今日食lunch buffet... 😝 試下呢間未食過又幾多嘅食評嘅萬麗海景洒店先！一入到酒店時，首先至見到一間幾靚嘅扒房 Mirage Bar & restsurant！我諗下次都會想試下嘅！上一層再轉左去到室內嘅cafe 入到去啦就到了！地方暗暗哋舊舊地啦 ...一入到去啦,首先 食海鮮凍蝦青口同埋長腳蟹啲就普通細隻我就唔食青口嘅住長腳蟹啦都ok嘅ok大隻同海鮮味.跟住食魚生…… 得普通三文魚、吞拿魚、 如同鮑片！熟食……就見到有印度咖哩配薄餅啦！仲有呢度出名嘅海南雞飯！特別d系有一樣:羊肶啦同埋牛扒食！呢都有焗芝士焗，但麻麻地！仲有呢好大碗㗎喇沙！甜品都幾多款嘅！我覺得最好味都系呢度嘅芝士蛋糕！仲有haagen dazs 雪糕！👍佢哋有一樣好！就有專人無限嘅橙汁refill飲！！呢度系扺食，但無景、無乜特式野食！我地未必會Encore囉！🙃🤔

今日去左食buffet,見佢門口到寫住枱同枱之間有1.5米距離，咁都算做得幾好.一坐低就即刻有人問你飲咩，仲有俾左蒸龍蝦既券可以去拎龍蝦！生蠔比較細隻，但都算ok,因為都幾creamy，同新鮮！仲有凍海鮮，隔離有刺身同壽司，質素ok la...除左d鬆散既手卷！都有沙律吧！熟食既選擇就唔太多！有Laksa,有串燒，有燒雞，燒牛肉等等。甜品就無咩特別，一般！不過之後知道恒生卡有7折！都覺得ok 既，除咗選擇少左d之外.

我用恒生卡兩位$508，食物很平均，沒生蠔🦪但有蟹腳及蝦，橙汁無限飲，侍應會不停添加，價格比係可以既，有名牌雪糕，甜品都唔少但又唔係樣樣岩口味，但聚下食下傾下都未嘗唔係一個好選擇，由12點食到2點半，冇乜趕既，都食得舒服，refill食物都快