萬麗咖啡室 (裝修中)

疫情期間食自助午餐，安排非常好，每枱有1.5米距離，環境清潔，服務生同經理都非常有禮，仲推介邊啲好食，點樣配搭更好，見到我拖住小朋友又主動協助。一入座馬上送上橙汁/汽水，無限添飲，比埋口罩袋你，唔怕亂咁放。由於只能坐半場，所以完全唔洗排隊，食物供應快。但食物款式不多，有長腳蟹，凍蝦，翡翠螺，青口，魚生，燒牛肉，羊髀，燒雞，雪糕，沙律菜好新鮮，唯一美中不足係中午冇龍蝦同生蠔，但$270一位食個自助午餐算係抵。