萬麗咖啡室

營業中

休息中

這次的晚餐是預祝媽媽生日，但在食物種類同服務上，令人十分失望。食物上，生蠔到晚上8點左右就冇再fill, 媽媽岀去問個開蠔職員，佢就話晏啲，然後走埋(收左工？)，之後再問先悄悄咁係身後雪櫃攞岀黎！Oh dear！真係酒店黎架呢間？另外，人手安排十分差！我媽媽另外加錢點了紅白餐酒，不過全場只有兩個員工，根本做到踢哂腳！所以媽媽要自己行岀去幫自己加酒！(這真的是酒店嗎？)結論係食物種類，數量，服務唔會再幫襯

我們一家人平安夜食自助午餐，桌上有些小道具俾食客帶來影相。聖誕節有請聖誕老人來搞吓氣氛，小朋友最開心，收到薑餅曲奇🍪我家小bb 未夠鐘就扭計，只好問問有冇育嬰室，雖然沒有，一位懷疑係經理姓葉叫Howard好幫忙，幫我搵左間會議室房間俾我餵奶。經理先生也親自帶我到會議室！感恩有他的幫助！食物方面有龍蝦有生蠔，選擇尚算可以，味道很不錯！我忘記了先生試了一件豬肋骨還是牛肋骨，當他想encore既時候，厨師話冇晒了，不會再做，因為時間會很長！但是厨師竟然問我先生坐那裏，厨師為他做一件😱😱😱果然親自送上一件美味肋骨！先生說其實有點未完全解凍地煮成（但依然算不錯），但可以吃到的是一份人情味，溫暖在心頭❤️今次體驗令我哋對呢間酒店自助餐印象深刻，有空可以encore!

本身都冇諗過會再黎呢度食自助餐，但係見到佢價錢吸引，食落，性價比高，係灣仔自助餐首選之一。今次訂咗夜晚同屋企人提前慶祝聖誕，用五百零蚊人頭就可以食到有鴨肝（仲要唔係每次畀細細舊），美國生蠔（大家要知道， 宜家生蠔唔係度度自助餐都有得食）。紐西蘭羊扒，爆糕麵包蟹，仲聽講呢度每晚都有拖羅，質素到相當唔錯。當然仲有蟹腳同火雞。有咁多高級食材選擇，係有啲驚喜。甜品種類選擇尚可，有粉紅色朱古力噴泉，仲有其他聖誕甜品做配襯。而服務質素都係同其他酒店大致一樣，可能臨近聖誕太忙，未必好快即時照顧到所有客人，但基本上，收碟同加飲品係冇陋單。總括嚟講，係絕對會再次幫襯嘅一間自助餐，唔知農曆新年又有咩好嘢。

1200$ 熱食凍冰冰 羊架 牛仔骨質素一般 等勁耐先得幾件😒😒😒😒😒😒牛排乾過我銀包 ， 硬過生腫瘤😒😒😒得羊架叫做好食🤦🏻‍♂️🤪你話死唔死原條烤魚凍既 直情係冰凍 有保暖燈照住都係凍😒😒😒😒😒刺身唔見有帶子 拖羅質素好一般 得三文魚係正常😒😒😒未試過印度薄餅配日式咖喱 真係人生第一次試 仲要唔夠熱😒😒😒熱食種類真心小 ， 粉麵食加工野 樣樣都好普通😒😒😒😒熱飲咖啡特龍朱古力樣樣都無 間酒店係咪應該要反省一下🤦🏻‍♂️

以為係香港會展隔離就有機會睇海景可惜佢係位於閣樓既餐廳, 並沒有窗,不過用食物質素來搭救生蠔係美國生蠔超新鮮, 爽口又厚身,係我食咁多自助餐入面最大隻平時出去食可能係食2打既今次食1打都已經好飽了為確保唔浪費食物大部分食物都係8:30左右收起但如果想食都可以問服務員不過後來拎既生蠔已經溶溶地都係建議有師傅企隔離個陣拎其他冷盤都係一般芝士焗龍蝦上面既芝士好正唔係平時食開水水地芝士既,要留意焗爐個時間, 一出爐去拎最正炸魚好食, 實肉, 唔厚粉燉湯好味, 呢個就有限供應, 9點度都無lu甜品全部唔伏, 有d聖誕蛋糕仲好靚士多啤梨朱古力噴泉好吸引唯一係窩夫整定太多個了, 好明顯係唔熱, 變得唔吸引最後我食個陣12月hsbc碌卡有9折, 但記得check單

繼續聖誕美食特集：對家庭客來說，自助餐從來都是個上佳選擇。灣仔萬麗海景酒店 Café Renaissance 在即開生蠔、龍蝦、麵包蟹及鮮甜刺身等基礎上，加添聖誕必備烤火雞、烤牛肋骨以及蜜汁烤火腿，更有魚子醬／安格斯斧頭肉眼牛扒等升級選項，吸引非常！      在12月24日平安夜及12月25日聖誕日，自助午餐 (12nn–2:30pm) 收費成人$568，小童$348；而自助晚餐 (5:30pm–7:45pm或8:30pm-11pm) 則成人$738，小童$438，價錢已包括果汁及汽水、派對禮品及聖誕老人驚喜現身，以食物質素計收費合理。分享一下現有的自助餐陣容供大家參考吧！一進場就是凍海鮮區，即開生蠔、阿拉斯加蟹腳、鮮甜海蝦、藍青口及龍蝦鉗，全部都任取任吃，餐廳不定期還會換成麵包蟹、琵琶蝦等，相當吸引～壽司也正是小朋友所愛，場內供應多款味的卷物及壽司，兩兄妹都追著吃了好多！至於兩口子則更傾情於鮮甜的刺身櫃 ；特別一提，於聖誕節酒店會加碼推出地中海藍鰭拖羅，喜歡吃肥美拖羅的朋友可來盡情享受一番！另一邊則是不同款式的芝士、凍肉、現成沙律、自助沙律吧，轉角還有一中一西的餐湯選擇；之後也為澱

我哋12月11日去食dinner buffet,已經有大大隻火雞應節，又有燒鴨肝，同其他聖誕菜式，唔錯幾好味。而且陳經理為客戶安排座位態度積極有禮，服務人員收碟同refill果汁迅速，值得一讚。雪糕口味種類比較少，熟食最好！整體十分滿意👍🏻👏🏻

朋友一早向我介紹過萬麗海景酒店的咖啡室如何抵食超值，又話汽水橙汁任飲，拖拖拉拉之下今日終於跟同事的起心肝去見識一下， 嘗遍整個自助餐枱，發覺凍海鮮部分係最出色的，尤其蟹腳、青口及凍蝦，仲有即切魚生壽司，鮮味美味，正，而熱嘢就有燒牛肉、炒飯同埋咖哩等自助餐走唔甩之菜式，水準之作，甜品同鮮切水果都好食，但我最鍾意即煎pancake，加番杯＂哈根大師＂雪糕，完美，之後原來仲有咖啡茶，三百多塊一位算抵食，而服務方面也殷勤有禮， 若果有機會，下次會試下自助晚餐 ！😋

今天星期日，一早起床買早餐比兩只VIP食，食完後就想想今天晚餐食什麼好，仔仔話想食生蠔，所以四圍咁搵邊度有食生蠔buffet.原本想搵九龍區因今天有遊行不想揸車過海。但最後決定嚟灣仔萬豪cafe食。最後十分有水準身在外地同一品牌的酒店食物10分相近好好食。再加上經理billy的似乎10分覺得好好。下次再來食過。

還要去過生活, 文, 還是要寫, 雖然, 這段日子, 心, 也不再在這裡. 您, 也是嗎? 聖誕快到, 萬麗咖啡室的聖誕節自助晚餐, 真的很豐富. 為這難過的一年作個好尾, 這個聖誕餐, 錯不了.額外部份: 9分, 本身聖誕餐每位$738, 再加$200的話, 就能夠享用金牌黑安格斯斧頭肉眼牛扒或一支Perrier-Jouët Grand Brut香檳, 及每位賓客10克魚子醬. 來自澳洲的Stockyard金牌黑安格斯斧頭肉眼牛扒, 十二寸長, 一定是我們的最愛, 肉味香濃, 肉汁豐盈. 火候控制得很好, 肉質細嫩, 帶脂肪的部份, 更是最肥美動人, 令人難忘的. 不愛吃Perrier-Jouët, 也可以選擇一支Perrier-Jouët Grand Brut香檳.至於那10克魚子醬, 份量夠多, 鹹鮮中帶點甘甜的魚子醬, 油分充足, 配上香脆的多士, 這一刻, 我很快樂.頭盤: 8.5分, 就算不加碼吃額外部份, 聖誕餐本身已經相當豐富. 頭盤當中, 地中海藍鰭拖羅, 質感軟滑, 新鮮而肥美, 吃得出是靚貨. 紅菜頭醃漬三文魚, 味道清新, 而北海道帶子他他就新鮮而細嫩.沙律就包

仲有不到一個月就係普天同慶的「聖誕節」。每年都是餐飲業的必爭日子之一，尤其是今年大氣候影響下，更加要各出奇謀，以質素及CP值來取勝。灣仔萬麗海景酒店的 Cafe Renaissance 自助餐是個人欣賞的頭幾位，當中有不少亮點值得大家去完再去，難怪就算是平日，都有8成座上客。由於快到聖誕，所以率先品嚐了聖誕期間特別菜色。清蒸活龍蝦估不到清蒸活龍蝦又再次出現，固然肉質飽滿，軟韌彈牙，入口鮮甜，與凍食是兩碼子的事，加上仲要係任食可以話無得輸。 北海道帶子他他 原隻 cut 成三片，質地柔軟，就算無須醬汁都好好味。講起聖誕節，無可能唔提一眾萌爆可愛既甜品。Chestnut Mont Blanc 栗子蓉細緻甜美。Chocolate Raspberry Mousse Cake 放上趣緻可愛雪人公仔做裝飾，質地滑溜，加入紅桑子，令味道不會太單調。Chocolate Yule Log 聖誕節無可能無樹頭蛋糕，木紋做得真係好似，而且口感好rich，個人幾鐘意。仲有White Chocolate Snowball、Cheese Cake、Pandan Cake、聖誕Tiramis

去到環境ok，食物方面尚算良好，種類就少咗啲，見到女朋友食生蠔食得咁開心，千幾蚊完全唔心痛，員工服務態度非常好，如果可以多啲種類嘅食物就更加完美喇，大家一定要去試下..............................

家人生日，慶祝又豈止於吹蠟燭、切蛋糕？！所以上週末就來到香港萬麗海景酒店萬麗咖啡室Cafe Renaissance品嚐龍蝦、生蠔及國際自助晚餐。餐廳環境寬敞，店員勤快收碟執拾，食物refill 速度亦夠快。食buffet的十居其九都是衝著海鮮而去，海鮮吧集合各種冰鎮海鮮如生蠔、麵包蟹、青口、長腳蟹、鮮蝦、海螺及各款時令海鮮等等，海鮮全晚源源不絕供應，海鮮控必定能大飽口福！即開生蠔size雖然不算大隻，但肉質厚實爽滑，海水味濃烈，蠔味留在口腔久久不散。麵包蟹內儲滿豐富的蟹膏，甘香軟滑，封存海中鮮味。爽彈蟹肉雪白細膩，來貨夠新鮮，鎖住原始鮮甜海味。魚生刺身即叫即切，壽司都有極多款式，應有盡有。芝士焗龍蝦表面鋪滿澎湃芝士，配上啖啖肉的開邊龍蝦，但有點可惜龍蝦本身的鮮味被濃烈的芝士味蓋過了。除了常見的肉眼扒之外，還有燒至約五成熟牛肋骨，牛味濃郁，不過肉質就略為韌了點。鋸扒可配上傳統英式Yorkshire Pudding，在坊間的酒店buffet中比較罕見，外皮香脆，中間凹陷及綿軟，更容易吸附肉汁。燒魚則是燒三文魚，難得熟透後魚肉依然豐腴細嫩，不會變得鞋口。燒豬腩肉亦是驚喜之選，而且做法亦和平時

外甥仔生日一行6大2細，揀左幾間酒店嘅自助餐，見到推廣有75折，就 book左先竟然有位，而且還為我準備外甥送上 cake賀佢，大家都玩得食得好開心，食物水準都可以，午餐海鮮就得長腳蟹，蝦同翡翠螺三款，壽司吧壽司普通一般貨色，其他 salad都有多款新鮮 salad 菜同特色，熟食嘅叉燒同即燒燒肉必食推介，熱辣辣叉燒甜蜜鬆軟，燒肉就皮脆肉嫩，諗起都回味，不停有橙汁气水免費提供，餐後亦有餐飲，整體都滿意，大人價錢唔使$300位。不過提提大家可惜係無拍車優惠架。買比外甥嘅生日禮物佢已急不及待要著住！

萬麗咖啡室，聽個名以為系咖啡廳，點知有個friend話系自助餐餐廳來噶哦，咁既然都講開咯，緊系要去試下啦。食左好多好多嘢，多都我都唔系好記得咯，但系記得最清楚噶就系，入邊滴龍蝦居然系即蒸噶哦。拿左龍蝦，等個10分鐘左右即蒸即拿，體住就好滿足。