荷華庭園景餐廳 (已易手) 新餐廳

其實都去過好幾次，雖然沒有什麼豪華的裝修，但環境舒適。個人來說就比較喜歡在戶外進食，因為室內會嘈D。墨西哥薄餅味不太濃，恰到好處。焗田螺己去殼，味道不過不失。凱撒沙律不錯；都試過海蝦鮮果沙律，真的不錯。因為本人一吃了唔新鮮的海鮮就會敏感，但呢個沙律，我食幾多隻蝦都沒事呀！烤羊鞍，控制生熟度很準確，而且味道很好！每次去都會食。一份有7支骨，如果兩個人食，可以ORDER半份4支骨。牛柳就不及羊鞍出色，不過一定對得起個價錢。順帶一提，件碟的薯仔很好吃，伴有忌廉汁但不會有膩滯的感覺。火焰雪山，話就話係4人份量，其實8個人食都足夠。藍山咖啡，真係好香，正正正...總的來說，雖然服務唔係高級餐廳的質素，但都幾NICE，老闆娘都好親切，食物的質素絕對物有所值。

呢4年, 都有黎呢間餐廳食野, 但近幾次去, d service 同食物好似退步左。記得第一次去食飯, 會逐個菜上, 每食完一個菜, 就會換碟, 可以試清楚每一樣食物既味道, 但係近呢年去, d食物都係好快上晒枱, 感覺好似要客人快快地食完, 快快地走人, 唔似以前咁, 可以慢慢地享受每一道菜, 品嚐每道菜既味道。而係食物方面, 個黑豬同埋焗海鮮飯真係好好食, yummy~~ d牛扒既燒汁同出面既餐廳唔同, 清清地, 幾好味呢!仲有佢d甜品, 紅豆糕, 梳乎里同布甸, 比糖水鋪還要好食, 呢幾項係極力推介既食物。不過, d牛扒近幾次控制得唔係太好, 呢2~3次都叫左個medium既西冷同肉眼, 最後黎既, 係well-done既牛扒, 有點兒失望。

之前試過去食下千午茶, 已經覺得非常有水準, 昨晚同朋友去食晚飯, 叫左"芒果大蝦沙律", "牛排", "黑豚肉", "薑汁炒芥蘭", "羊排", "芝士薄餅", "蘋果批", "紅豆糕".因為係大份量所以最好4個人以上先去, 可以試多o的不過既食物."芒果大蝦沙律"===好fresh, 可惜可能大多人叫熟既芒果用晒, 我地食有o的酸."牛排"===太厚, 比起其他有小小失望.黑豚肉"===非常好食, 好juicy好嫩, 正."薑汁炒芥蘭"===都幾好食, 不錯."羊排"===又係一樣好食既東西, 正."芝士薄餅"===要熱食, 好味."蘋果批"===皮脆, 新鮮蘋果肉, 正."紅豆糕"===又滑又香, 正.推介>>> "芒果大蝦沙律", "黑豚肉", "羊排", "芝士薄餅", "蘋果批", "紅豆糕".好有6星級酒店水準, 用料非常新鮮, 但價錢平一半.值得再去.