荳子 (德福廣場1期)

營業中

休息中

🍝白味增帆立貝意大利闊條麵--$128✨帆立貝份量多，而且口感唔差✨白汁香同開胃，完全包住意粉好正✅闊條麵唔冧，有咬口，好想keep住食✅醬汁creamy而唔膩(7.8/10)🍝卡邦尼黑松露煙肉意大利粉--$108✅意大利粉口感軟硬適中✅成個組合好開胃，唔會太膩✅煙肉、菇嘅份量都幾多，唔係得幾粒(7.8/10)🍋涷檸檬蜂密--$0 (跟餐送)✅偏甜好飲✅成個感覺好fresh，同主食夾到(7.5/10)🍰Tiramusu--$30 (跟餐價)✅夾層有幼滑芝士，creamy得嚟唔膩✅軟身軟滑，餐後甜品一流👍🏻✅不過不失(7.5/10)-----個人評評分❤️：7.7/10性價比💸：7/10環境📷：8/10回頭🤓：會總結：呢間cafe環境幾靚，日系木色裝修，環境好大🥰入去食野比人一種好舒服嘅感覺，有正常枱亦有梳化位，價錢同食物質量成正比，不過不失！連鎖得黎又keep到水準👍🏻

Beans嘅食物高質，價錢又親民，所以平日由朝到晚都吸引唔少顧客幫襯。今次就帶埋屋企人食佢嘅午餐，喺平日嘅午餐時段高峰期，門外有好多人排隊，所以我哋就避開咗少少高峰時間，但都等咗一陣先入到去。手撕豬肉漢堡超級好食，入邊啲肉多到爆曬出嚟，配埋漢堡包超級吸引。經典嘅意粉菜式，當然唔會伏。蟹肉意粉有啖啖蟹肉，軟殼蟹意粉都炸得酥脆。仲有個中式麵包嘅漢堡包，外面其實就係用咗饅頭嚟代替平時用牛油整嘅西式麵包，食材新鮮好味。

我平日7pm經過已經排緊隊㗎喇~連weekend 4,5pm 呢啲非繁忙時間都係排長龍🤨日日都咁旺場…算係信心嘅保證🥳最吸引到我嘅就係<<蟹膏甲羅燒黃金蟹肉意大利粉>>($148)原個蟹膏甲羅燒齊上，呢個已經夠吸睛🤩蟹肉嘅鮮味 x 蟹膏嘅鹹香味 令成個白汁意粉嘅味道層次提升👍🏻整體嘅濃稠度適中，唔會愈食愈腬😋仲有得加$30 追配<<黑松露薯條>>Standard 嘅好味👌🏻同<<德國啤酒洋蔥圈>>($62)一樣~~冇特別大驚喜，想食炸嘅小食就叫啦🍟🧅芝士控必點<<千島醬蟹棒蟹子帆立貝薄餅>>($112)留意拉絲效果👇🏻👇🏻👇🏻四個人食，每人一塊就啱啱好!之前同媽咪兩個人share…食兩塊鋪滿海量芝士嘅pizza會一秒飽咗😅不過千島醬同蟹棒蟹子不嬲都係perfect match~所以真係次次都想encore佢🥰

今日同媽媽喺附近行街，見到呢一間餐廳大排長龍，而且我哋都有啲想試吓佢嘅午餐，於是就排咗一陣入去食午餐了。雖然佢係唔可以攞飛一定要喺餐廳門口排隊，但係我哋都唔係等咗好耐就入到去，所以都唔算好辛苦。佢係午餐時段有午市套餐，性價比都算高。我叫咗一個黑松露軟殼蟹意粉，飲品就揀咗黑糖薑母茶。佢嘅餐點賣相都唔錯，打卡非常一流，但唯獨佢上菜嘅時間就有啲慢，我哋都差唔多等咗10分鐘左右佢先上菜，對於一啲趕住要返工或者時間比較趕急嘅朋友可能就唔係好啱。黑松露意粉都好入味，而且都有好多軟殼蟹。而薑母茶就比較辣，如果天氣比較凍嘅時候飲就一流，不過當時我哋係夏天去，所以就飲完覺得有啲熱。

約左好友星期六找個地方聚下舊，傾吓偈，chill 一chill，朋友好好，就咗我去食我好鍾意食嘅Beans我之前次次黎親都係食佢嗰All Day Breakfast ，最鍾意食佢嗰個窩夫哈哈有一半係為咗打卡啦，有一半都真係好好食😋朋友介紹咗一個佢好鍾意食嘅芝士飯立貝pizza，嗰種口感好特別配埋千島醬味道一流，好好食呀我哋都揀咗熱嘅蜂蜜綠茶比較養生，滋潤吓餐廳一如以往嘅多人，好彩我哋一早去搵位，所以都唔算等好耐

德福平時都係行街多，估唔到開左間咁正嘅cafe叫左黑松露軟殼蟹意粉同焦糖香蕉熱烘窩夫全日早餐。黑松露軟殼蟹意粉，真的是太好吃了！意粉煮得剛好，加上那松露的香氣和脆脆的軟殼蟹，原本冇乜胃口都想食曬佢！👍🏻焦糖窩夫熱烘全日早餐，這個早餐真的是超豐盛！窩夫外層酥脆，裡面還有著熱騰騰的蛋和培根，真的是超級好吃。再加上焦糖香蕉，甜甜地咁，讓整個早餐更加美味。😍除了食物的好吃之外，這家餐廳的氛圍也相當不錯，好打卡able📷

Beans 荳子 Kowloon Bay 長期排隊店🧍🧍🧍🧍環境、食物、服務都很滿意安格斯牛肉漢堡~分量好大😂仲有薯條沙律酸瓜, 牛肉啱啱好唔會太熟😋黑蒜•機燒鮑魚•蜆肉•白酒意粉~黑蒜好香,鮑魚煮得啱啱好🔥蜂蜜檸檬水美式咖啡環境好舒適！😌

之前午市經過，經常都超級多人試唔到，唯有係放假嘅時候去試下佢嘅 all day breakfast la🤩星期六早去都算OK，唔使等太耐。個all day breakfast 賣相好吸引🤩🤩🤩🤩，咁一定係相機先食啦！依個餐好豐富，有炒蛋，有bagel，茄汁豆，腸仔，燒菇，燒番茄，同最重要係個窩夫🤩再配埋個蜂蜜綠茶，清清地，我俾95分！🤩因為我一個人，佢安排咗我坐喺窗邊嘅位置，哈哈哈，木紋嘅枱，打卡幾靚😛

人生不能離開食，放假時更要食！假日就叫咗個all-day breakfast，上枱見到勁豐富，絕對係可以last for all day的breakfast，大滿足～All-day breakfast有腸仔、bacon、bagel、番茄、蘑菇、黑松露炒蛋、茄汁豆等等，好豐富！始終早餐的配料都係分開煮再放上碟，所以好難去講好唔好食，不過配料當中頗有驚喜的就係bagel，質感唔係普遍bagel咁有咬口，而係偏向似係鬆餅咁淋身啲啲，食起來亦聞蛋香，讚！黑松露野菌意大利飯一貫穩陣的risotto，無得輸。Tiramisu特別點咗個tiramisu甜品，充滿咖啡香。

玫瑰荔枝梳打呢杯係我嚟荳子每次必叫嘅飲品，去山上浪漫嘅玫瑰花瓣，荔枝糖漿沈底，整體觀感而言好漸層好唯美。去過咁多間分店，德福分店比我嘅感覺最舒服，服務態度幾好，食物質素都keep到。

呢間Cafe我已經去過好多次，諗唔到食咩就會諗起佢☺️☺️，而且有好多分店，一定有一間係左近，暫時我食過兩間😋😋🔻真姬菇長通粉🍄🍝$108長通粉煙煙韌韌，都唔錯👍🔸香煎大蝦龍蝦汁意大利粉🦐$138濃濃嘅龍蝦汁，鍾意龍蝦汁嘅朋友一定要試😋😋🔻焦糖單骨雞翼🍗$58超超超推介🔥🔥🔥每隻雞翼被滿滿嘅焦糖包裹住，夾起仲會有拉絲嘅效果🤩！雞皮焗得脆脆的，好惹味😋😋🔹 🍰加$25可享細細個自家製蛋糕！😍我揀左賣相別緻可愛嘅柚子芝士慕絲伯爵茶芝士餅🧀🍰，酸味味嘅柚子剛好同芝士中和，絕配！😍😋味道：7.5/10👀環境：8/10🤵🏻‍♀️服務：7.5/10

幫我朋友慶祝生日，店員好用心，送的生日卡上仲畫佐幅好得嘅畫🤗，野食都好好食，特別係蟹肉意大利粉，單骨雞翅（呢個小食好鐘意），八爪魚我朋友愛不釋手，服務態度都好好，餐飯好滿意

朝早係beans 食左個元氣滿滿的早餐🌟🌟有4個選擇🩷🩷我揀的是水果乳酪早餐😘配水煮蛋😋 非常健康🌟你地食早餐都可以試下啊～推薦

我今日同朋友食brunch，櫈的條木設計令人坐得唔舒服，而枱面面績也較細，唔方便放食物飲品。個薯條雖然熱氣，但都幾好食，而臨埋單叫的2杯水好似加左檸檬咁，唔太好。

為食日記 #6｜Beans @九龍灣Once upon a time，在坊間普遍定義 Cafe 為「樓上舖、玩 Board Game 為主、嘢食為副」，在 Cafe 還未開到「總有一間在左近」時，曾慕名試過 Beans 位於荃灣的老店，那碟飄著仙氣乾煙的高汁甜品可算話題之作，謀殺了食客（當然包括我）不少菲林📷。這幾年 Beans 人氣旺，分店愈開愈多，今天放假，抱著準時 2：30pm 到達的心態成功避開人龍達陣！下午茶時段，之前已試過焦糖單骨雞翼及開心果芝士薄餅配蜂蜜，水準甚高，今天決定試埋其拿手甜品 － 抹茶黑糖麻糬流心吐司。下單後數分鐘，炸得乾脆的黑松露薯條率先上台，熱辣辣的粗薯條沾上惹味黑松露醬，令人按捺不住一條接一條啪入口。約 15 至 20 分鐘後，IGable 的吐司亦終於現身。剛剛好的份量，竹炭吐司外脆外軟，伴上冰凍絲滑的抹茶雪糕、雜果及棉花糖，再以黑糖漿輕輕點綴，整體微甜而不膩，散落一旁的杏仁脆片亦令口感大加分。下午茶時段包含一杯 $40 或以下的飲品，叫了杯 Iced Latte，一如以往正常發揮，以這個價位來說確實高質，難怪多年來 Beans 的人氣一直高居不下！