荳子 (德福廣場1期)

營業中

休息中

自從上次同朋友食過beans既焦糖雞翼覺得一試難忘之後，今日帶埋老公同小朋友一齊去食😋撞正點零兩點都有大約6-7個人排緊隊，等左約10-15分鐘左右有得入座。手撕豬仔骨漢堡配焦糖洋蔥·太陽蛋·薯蓉 呢個係我同老公都好鐘意叫既菜式😆大大份好滿足💕手撕豬肉多汁，酸酸甜甜鹹鹹好開胃，再配埋爆黃半熟煎蛋，鬆軟麵包，真係多重味覺享受。基本上我食半個已經飽肚，佢有配一條酸瓜，可以清新味蕾同解膩，好正👍👍👍今次無叫薯條，試下薯蓉，味道都唔錯，幾香既薯味，不過可以再滑啲，個人感覺都係配薯條再正啲👍千島醬蟹棒蟹子帆立貝薄餅Pizza外脆內軟，千島醬底好開胃，帆立貝唔算細粒，千島醬配埋蟹棒蟹子同帆立貝好夾，仲有拉絲香軟既芝士，質感同味道都配合得好好👍👍👍正焦糖單骨雞翼第一次食已經覺得好正，雞翼好入味，配埋香甜既焦糖，鹹甜混合好好味😋KitKat Crunchy Mountain朱古力味濃，唔會太甜，有面有啲脆脆，份量剛好，唔錯座位坐得好舒服，裝修清新舒服，店內有落地玻璃，彩光度好好，上菜速度快，滿意👍

雖然Beans有很多分店，但各區的分店都大排長龍，原因只得一個，就是食物有一定的水準和質素。今次來到九龍灣的分店，在飲品上與其他分店有少許不同，但食物種類上大致相同。我們4人點了兩個意粉、兩個甜品、兩個小食等，份量都十分足夠。🍝黑松露軟殼蟹意大利每次都會點的意粉，因為獨愛黑松露的味道，殼蟹又夠香脆，是人氣之選。🍝黑蒜 磯燒鮑魚 蜆肉 白酒意大利粉因為有白酒和黑蒜的關係，未必適合小朋友。🍟黑松露薯條小朋友至愛，大受歡迎🍕車厘茄馬蘇里拉芝士薄餅素食之選，芝士多香，也是不錯的選擇。🥚班尼迪蛋 黑魚子 煙三文魚打卡首選😍賣相一流之餘，味道亦非常之好。🍗焦糖單骨雞翼甜甜的焦糖味，令人很開胃。🍫🥛特濃朱古力奶超濃的朱古力，有朱古力碎在朱古力奶上面，愛朱古力的人士不要錯過。

今日嚟到九龍灣同朋友飲茶，朋友話想食西餐，我哋搵一間環境好啲嘅坐吓吹吓水，然之後經過呢間Beans覺得嘩好靚喎門口好靚喎，所以我哋就揀咗呢間啦。入到去先先安排我哋坐咗喺側邊二人位，原因呢度都幾多人坐滿滿嘅，我哋叫咗啲兩份下午茶，大家都覺得好滿意喎，最最最鍾意呢就係個甜品啦，佢好似呢嚟到係黑蚊蚊賣相怪怪，但係呢原來內裏係好鬆化仲有甜嘅mochi, 跟住我就叫咗一杯今日靚靚coffee都唔錯喎, 呢間餐廳好值得推介我覺得係幾舒服，不過美中不足嘅係佢會有限時人流都多，所以限時就要走，我哋都未傾到好盡興，不過下次我都會再嚟幫襯。

好耐冇去beans, farewell 既朋友想去就去喇! 以前家住荃灣,成日去beans, 之後發覺冇咁好味,menu又冇乜變.好耐冇去. 今次去九龍灣呢間,感覺好唔同. 好大好舒服, service好好, menu又好多野揀. 其中呢個pasta 好驚喜,presentation 靚又好味. 見到佢哋越黎越多分店,不斷進步. 開心. 👏🏻

以下價錢需+1******************************🥢炙燒五花腩蒸包漢堡 $98見係新菜品即刻試下beans嘅蒸包漢堡其實就係刈包五花腩似塊皮燒硬咗嘅燒腩😂都係北京燒鴨嗰款刈包好食啲😗***🥢黃金蟹肉意大利粉 $88鋪面嘅蟹蓋只係裝飾品黎意粉味道唔錯但係冇乜蟹肉同份量偏少***🥢千島醬蟹棒蟹子帆立貝薄餅 $86薄餅拉絲效果一流餅底外脆內軟如果鋪面嘅醬汁唔好歪埋一邊就更好了😂***🥢 Oreo麻糬流心吐司 $78Beans嘅oreo吐司真係好好食裡面嘅麻糬好煙韌流心效果加上小脆嘅吐司口感非常好但係!!!好後悔加左挪威焦糖芝士碎😫即係吐司面好似鉛筆碎嘅橙色刨絲可能因為含羊奶成份食落好濃騷味🥹試咗一啖即刻被我成堆掃埋一邊😂

千島醬蟹棒蟹籽帆立貝薄餅 $86薄餅邊位烘得香脆👏🏻圓圈位餅皮鬆軟薄餅面頭有海量芝士🧀可以做到拉絲效果食落芝士味雖然唔算明顯但都增加左口感層次千島醬酸甜適中🍋🍯好開胃😇蟹棒、蟹籽、帆立貝等配料平均分佈每塊pizza都食到餡料🍕唔錯👍🏻卷 山政小山園 +$28抺茶卷蛋🍵🍰蛋糕體濕潤唔會乾爭爭👌🏻抺茶cream抺茶味正常唔會過甜👏🏻欠缺回甘cream內夾雜左茶凍🧋令口感層次更為豐富🥳亦refresh左味蕾若抺茶味道再突出啲，會更好🫣

一入門店員會叫你選鍾意嘅消毒液味道，隨便揀咗一個，都幾好聞～因為食early dinner，叫咗個黃金蟹肉意粉，份量對女仔來講應該剛剛好，男仔就可能唔夠食～味道非常之唔錯，預咗會有飽腹感，但因為份量適中，所以都恰到好處！另外叫咗我至愛嘅焦糖單骨雞翼，呢個真係多多都食得落，好好味😋佢仲可以畀你叫「我想和你無所事事」嘅飲品，我叫咗芝士奶蓋四季春，少甜少冰，不過不失～唯一少少美中不足係，我碟意粉食剩少少時，侍應已經用迅雷不及掩耳嘅速度收走隻碟，建議下次節奏可以慢啲啲，畢竟當時都唔係最繁忙時間🙏🏻

經常經過德福都好想試下依間餐廳，感覺係一間充滿陽光氣色既文青餐廳，食物及飲品款式眾多，今次隨便試過幾款全部都質素不錯，地方大得閒感覺遊閒舒適，係拍拖或與知己談天既好地方黑松露薯條極粗身，口感不錯，黑松露醬調味得宜北京燒鴨蒸包漢堡拼薯蓉沙律，包係類似台灣刈包既口感，配上燒鴨肉同醬料想唔好食都好難，薯蓉亦creamy美味黑松露軟殼蟹意大利粉忌廉份量適量不會太heavy, 黑松露味亦恰到好處不過太搶，軟殼蟹亦惹味

Weekday 夜晚6:15左右嚟到都已經要排隊，不過排咗15-20分鐘都有得入～兩個人晚餐叫咗一個主食、一個小食同兩杯飲品都夠飽肚👍🏼✨✨蟹膏甲羅燒黃金蟹肉意大利粉（$138）Spaghetti with Japanese miso crab and salted egg yolk🦀🍝一上菜就聞到好香濃嘅蟹味，意大利粉口感軟硬適中，仲好掛汁，蟹膏甲羅燒同咸蛋黃嘅味道都好夾好香口，又唔會太咸～份量唔細，兩個人食啱啱好～✨✨黑松露醬薯條（+$28）French fries with truffle sauce🍟另外一樣多人推介嘅就係呢個喇～雖然係一樣常見嘅菜式，但係呢個薯條新鮮炸嘅，口感香脆，點上香濃嘅黑松露醬，味道一流～✨彩虹拿鐵（$48）Rainbow cafe latte除咗3D 拿鐵外，呢杯彩虹拿鐵都好靚，飲落都唔錯🌈

牛肉漢堡🐮好美味，超級豐富，牛肉味好濃烈，配有沙律菜，平衡返油膩感😋豪華英式早餐窩夫🍳窩夫唔同平時香口鬆脆的，呢個非常煙靭，配合cream一齊食，絕配👍🏻其他配菜都算係中規中矩，這個價錢配得上這個質素凍特濃朱古力🍫看落好濃郁，但飲飲下就覺得冇咩味，一般

👧🏻成日都食既Beans✨但每次食都好滿足🥰🥰🥰❤️-🍴焦糖香蕉熱烘窩夫全日早餐 $118真 次次食都點 全日早餐無得輸🤭焦糖香蕉真係好好食✨香蕉切半後有一大片焦糖係面 外脆內軟既感覺❤️另外再配埋鬆軟既窩夫 質感綿滑既少蛋同經典全日早餐配搭既煙肉 飽肚又滿足🤤🍴香草梳乎厘 $58梳乎厘蛋味香濃 好蓬鬆 富空氣感❤️ 叫既話要預30分鐘既製作時間~💁🏻‍♀️📍Beans @九龍灣德福廣場1期P39A號鋪

油封鴨腿意大利飯得兩小塊要搵先見到嘅肉，原隻扇貝闊條麵嘅原隻扇貝好似五毫子噤大隻。唔知點解日日噤多人排隊。可一不可再。都係上幾層去番simply life食好過。bye…

🔅BEANS 🔅九龍灣🔅西餐/甜品🔅呢間餐廳而家已經發展到成為連鎖店，但係佢最出名嘅都係啲甜品，真係好好食！平時都要排隊等位，今次我大概等咗半個鐘左右就可以四位入卡位，都坐得幾舒服～我自己都係覺得甜品比較好食，主餐就麻麻哋～甜品：🍰 卷～山政小山園抹茶卷，唔會太甜，又有小啫喱點綴，軟綿綿又濃茶味，好食！🍋 柚子慕絲～檸檬柚子蛋糕呢個超吸引超好食，原個檸檬嘅外貌，食落係滿滿柚子味，好香！🍫 Kitkat Crunchy Mountain 朱古力脆脆味道，好濃厚嘅朱古力慕絲蛋糕！個外貌似雪山，好食！我地主食都有叫意粉、Waffle同刈包，但相對比較失色～我叫左個鴨髀炒蛋配窩夫，個鴨髀比較瘦，雖然調味好足，但係咬落去唔夠Juicy，比較乾，加上個Waffle擺得太耐，除咗唔夠趣，而且比較細份，所以啲食物擺埋一齊感覺就唔啱比例～豬腩肉刈包配薯條！味道都唔錯，刈包唔係度度有，幾好，豬腩肉少少油膩，但都okay，好食！意粉就不過不失，比較普通😅我覺得係好合家歡嘅餐廳，但係情人或者朋友聚會可能就冇咁特別，所以真係好睇場合嘅～～網上無餐牌，今次個菜式名可能唔太準則，請見諒🫣荳子 (德福廣場) 網

入門待應會介紹6 款香味嘅消毒酒精搓手，揀咗茉莉味噴兩下，味道都幾濃下，一直維持都夜晚香蕉芒果沙冰。見到其他人評論話好味，叫嚟試吓⋯ 伏咗Tim. 味道較淡，而且仲有苦澀味。係咪我唔好彩呢？。？龍蝦湯嘅味道都啱飲嘅，不過不失，碗內嘅料（蝦、元貝、蜆）感覺都幾多料吖，不過全部冇味XD甲羅燒蟹肉意粉🍝好creamy , 我成碟食晒就知好味啦（依碟嘅奶味係較為重）tiramisu 作結尾，很滿足的甜品。經過也會單獨買來吃。tiramisu 較為軟身軟滑，咖啡味剛剛好。環境座位座得算舒服，用時90 分鐘也足夠。買單時已經3:30 ，門外更多人排隊。所以食依間預咗最少排半小時以上。

一定要幫襯「黃店」，毋忘初心，頭可穿，血可流，財可破，但做人要忠信，只要該區有黃店，就一定要幫襯「黃店」 誓必支持「黃色經濟圈」 ~Fettuccine Bolognese with poached egg 溫泉蛋肉醬闊條麵 : 肉醬香口 , 味道濃郁，個肉醬 sauce 酸甜度適中 , 且有香草味配上芝士 , 撈起溫泉蛋來吃，風味獨特 , fettuccine 亦是 al dente, 很合我口味 ~燒鴨蒸包配薯蓉 : 很 fushion 的一道菜式 , 燒鴨煎包做到成個 burger 的模樣 , 夠創意又趣緻，燒鴨很入味，肉質軟綿， 兩個 buns 都做得很鬆軟 , 吃入口不會覺得乾， 個 ssuce 都好襯 , 不錯吃的 ~Iced Americano : 入口厚實 , 口感滑順 , 後帶 nutty 的餘韻 , 味道比較平實 , 欠缺風格，但因為 aftertaste 比較顯著，所以 仍不失為一杯好啡 ~最後 , 點了個 心太軟 & 法式焦糖燉蛋 , 作結尾 , 一切都很滿足 ~本篇完 ~