荳子 (德福廣場1期)

營業中

休息中

今日同媽媽喺附近行街，見到呢一間餐廳大排長龍，而且我哋都有啲想試吓佢嘅午餐，於是就排咗一陣入去食午餐了。雖然佢係唔可以攞飛一定要喺餐廳門口排隊，但係我哋都唔係等咗好耐就入到去，所以都唔算好辛苦。佢係午餐時段有午市套餐，性價比都算高。我叫咗一個黑松露軟殼蟹意粉，飲品就揀咗黑糖薑母茶。佢嘅餐點賣相都唔錯，打卡非常一流，但唯獨佢上菜嘅時間就有啲慢，我哋都差唔多等咗10分鐘左右佢先上菜，對於一啲趕住要返工或者時間比較趕急嘅朋友可能就唔係好啱。黑松露意粉都好入味，而且都有好多軟殼蟹。而薑母茶就比較辣，如果天氣比較凍嘅時候飲就一流，不過當時我哋係夏天去，所以就飲完覺得有啲熱。