茶舍 (淘大商場2期)

營業中

休息中

平日見好多人排隊.諗住今日未有咁多人既入去食.點左7成熟安格斯牛扒,但等左30分鐘出黎既係咁既薄片牛扒.仲要散件一樣.......沙冰係正常水準.但個牛扒真係好似人地拎去炒牛柳絲果隻既LEVEL.如果佢係普通70$左右既LUNCH可能我都會收貨算.但依件晚餐150$俾一件咁既垃圾出黎.我會建議唔好係到鋸扒.直昇機級數既伏

今天公司放半天假，放工十二點多來到了淘大，因為家人剛巧在家，於是便打算買外賣回家跟他們一起吃。經過這間新開了一陣子類似冰室的餐廳，有不少人在排隊等候，我望了望餐牌有不少選擇，而且價錢也不貴，就決定試一試。是次與家人一共點了三款主食。首先是我最愛的焗豬扒飯，菠蘿鮮茄三層芝士焗豬扒飯。焗飯鋪滿焦香芝士，番茄菠蘿份量很多。飯底粒粒分明，不會過淋過濕潤 (我不太喜歡那些飯底弄得好似意大利飯的口感)。番茄汁是比較偏向酸的那種，正合我口味，吃起來不會太有負擔感👍🏻 (太甜的受不了)。豬扒大塊且不肥膩，肉質不嚡身，軟腍度適中，但如果煎得再焦香點就更好了。第二款點的是白汁魚柳焗飯。魚柳厚身大條，肉質嫩滑，白汁配上芝士，非常邪惡，不過略嫌魚柳有點鹹。最後一款是軟殼蟹白酒海鮮天使麵。原隻軟殼蟹外皮酥脆，有蜆和魷魚、配有煙肉和香茹等，份量十足！天使麵彈牙不乾身，加上淡淡的白酒味，味道不錯😋。總括來說，這間餐廳的食物質素不差，份量十足且價錢相宜，不失為一個外賣的好選擇！如果網上下單外賣自取的話，有85折優惠，這樣性價比就更高了🤓 一於下次再試其他食物！

淘大一帶有好多嘢食，呢間經過好多次，聽個名以為係賣茶飲XD 都係第一次去食，初初以為唔平，因為門面靚，睇落乾淨又光猛，原來價錢咁平實貼地。芝士肉醬薯條 $42唔太油膩，同埋好在份量、肉醬同芝士適中，如果唔係一定又食唔晒!! 加$12就有星級套餐（沙律及餐湯），加$28就係至尊套餐（沙律、餐湯及蛋糕）咁唔算貴當然加埋~ 裝沙律個碗都幾特別，設計圓碌碌咁，連個底都係圓滑唔可以平放~ 第一次見!!南瓜野菌皇烤雞意大利飯 $62一食就係甜+南瓜味，好大碟好多料。賣相都靚嘅。蒲燒鰻魚滑蛋包飯 $64估唔到平民價錢都食到大大條鰻魚! 又一賣相夠晒靚嘅晚餐! 都重cream..餐飲叫左熱咖啡 & 熱華田正常發揮~甜品我食柚子蛋糕，都好香柚子味埋單都係$208 ，食完好飽好飽好飽...!!

今日去九龍灣德福商場行街，行到肚餓諗住喺德福食野果陣，見到德福商場好多間食肆都好大排長龍🥲急中生智，朋友話去一街之隔既淘太碰下運氣😆行入淘太，好快就見到呢間叫茶舍既餐廳，舖位面積好大，門口有少少坐位供排隊用，仲有檸檬水免費享用😍好貼心🤩🤩等咗一陣間就有位啦！午餐選擇好多！一般既飯類麵類都有，見到好多人食海鮮湯飯同蛋包飯，我諗一定係呢度既皇牌🤡🤡好抵既叫個主食係仲可以加$28 升級做至尊套餐，有沙律、前菜仲有甜品😊😊食茶記都可以食得好豐富好滿足😍😍😍我地叫咗一客軟殼蟹白酒天使麵和一客濃蝦湯海鮮湯飯，兩客都轉咗食至尊套餐😃😃軟殼蟹白酒天使麵- 軟殼蟹炸得好靚🤭🤭🤭 大大隻放喺啲天使麵上，仲有其他海鮮做配料，好正好豐富😻😻濃蝦湯海鮮湯飯- 嘩！ 我朋友大讚呢客湯飯，我試咗啲，果海鮮湯無落味精，原汁原味😻😻😻😻茶舍 (淘大商場2期) (九龍灣)九龍灣牛頭角道77號淘大商場2期地下G242-245號舖

好耐冇去過淘大，原來多左咁多食肆，晚飯見到茶舍個餐牌咁吸引，人客見到都坐滿左九成，就決定比次機會佢。見到用qr code落單其實都幾方便同快捷，menu勁多選擇，好多樣野都想食。最後叫左個芝士焗波士頓龍蝦海鮮意大利飯，龍蝦🦞都唔失禮，海鮮有青口、蜆、魷魚等等，芝士配意大利飯真係好夾，濕濕地得黎但又唔會好漏，好好味。見到隔籬枱既蒜香雞中翼炸得幾香脆，於是就叫埋，果然係即叫即炸，非常香口。飲品方便叫左個凍奶茶，茶味夠香，奶味夠濃，非常香滑。用餐期間，見到都非常多人叫外賣，可見都幾受歡迎。價錢唔算太貴，但味道我認為可以媲美西餐廳，平民價錢高級食材，下次想試埋佢既扒餐。

朋友係九龍灣收工帶我食呢間高質茶餐廳🍴一打開餐牌已經嚇親因為超多款式揀，廚房師傅好似中日西餐都識煮😂嗌左個焗咖喱牛腩飯配熱檸水，朋友話熱檸水養身健康😂個咖喱牛腩飯超出色，有我最鍾意嘅巴馬臣芝士鋪係面，原塊烤芝士食超幸福，大量咖喱汁味道香濃惹味，牛筋煮得非常之稔，近乎入口即融，牛腩肉質鬆化易咬口，吸收咖喱汁好味道，輕食點左煙三文魚沙律，有驚喜，酸甜汁伴新鮮生菜同蕃茄仔，夠清新，仲有煙三文魚簡直無得彈，加埋千島海鮮薄餅，包魷魚青口洋蔥等，千島醬汁juicy，讚下佢個麵包邊係薄皮香脆可口，下次嚟一定會試埋佢其他野，附近嘅打工仔每日lunch嚟食都一定食唔厭😂😂

今日同朋友嚟到淘大食午餐，呢度餐廳選擇眾多。見到茶舍環境闊落，價錢合理，食物選擇都多，同朋友揀咗喺呢度用餐。入座之後掃qr code自助落單。午餐套餐約$50起，係港式茶餐廳 mix 西餐 mix 日本菜嘅選擇，選擇眾多。最後同朋友叫咗兩個午市套餐同一個甜品。.軟殼蟹白酒海鮮天使麵（$72）一上枱我同朋友都震驚咗，意粉大大碟，軟殼蟹成隻上，外皮炸到酥脆，仲有墨魚、蜆肉作為配菜，呢個價錢有咁嘅份量，性價比高！重點味道都好食，用咗蒜蓉、白酒、洋蔥、九層塔作為調味，食落有好香嘅香料味，以九層塔香味尤其突出，好食！.三層芝士焗牛脷飯（$62）又係一上枱令人震驚，份量超級大份，焗飯上面有牛脷、芝士、茄汁、蕃茄、菠蘿等配料，牛脷大約有6-7小塊，肉質軟緻，配蕃茄醬，食落酸酸甜甜好開胃！不過飯量好多，我同朋友兩個女仔完全食唔晒，希望餐廳有少飯呢個選擇，咁就無咁浪費。.鮮芒果冰沙（+$21）跟餐叫咗個特飲，賣相吸引，飲落有好香嘅芒果味，無藥水味，仲有食到少少果肉👍🏻.意大利粟子法式布朗（$26）最後當然唔少得甜品，甜品有三層，賣相吸引，味道都好食，甜度適中，有微微嘅粟子香味

今日放工嗰陣，同男朋友去咗九龍灣淘大食嘢， 見到有間新開既fusion 菜， 一於試試餐牌超多花款， 想食邊類型都得入到去嗰陣，個氣氛好乾淨同埋好舒服， 同已經滿哂座， 好受歡迎首先，我叫咗個焗咖喱雞扒飯。咁個咖喱味道真係好吸引，令人唔禁食口水。而且，個雞扒好多汁肉嫩，每啖都係一種享受。然後，我試咗茶舍嘅冬蔭公雞肉pizza。咁個味道真係好特別，甜甜辣辣， 香辣口味好開胃。餅底脆脆嘅，同個拉絲芝士一齊食。 真係好完美。最後，我試咗茶舍嘅香草鮮野菌忌廉天使麵。呢碟麵食好creamy多汁，每一款都好正好食。好滑順嘅麵條配上新鮮嘅野菌同香草嘅香味，真係令人讚不絕口。總括嚟講，呢餐味道好好食，仲食得好飽。而且，佢哋嘅位置喺九龍灣淘大，真係一個值得嚟試又方便嘅好地方

呢間茶餐廳係淘大開左一排，幾乎每次路過都見到門口有好多人等位！！今日難得唔使等位就緊係即刻入嚟試下啦！！呢度係自己掃QR Code落單嘅~相當方便！！話說呢度雖然貌似茶餐廳，以為就食下Ｄ粥粉麵飯咁，但原來連西餐都有得食！！包羅萬有！！今次就試下佢個「美國牛柳餐」。牛柳叫左7成熟，配黑椒汁！！率先送上嘅係沙律同餐湯~沙律新鮮，蕃茄仔都甜~餐湯質地較稀～但味道不俗！！等左一陣，牛柳終於上場啦！香噴噴！熱辣辣！大大份！引來唔少鄰座嘅目光！！七成牛柳，外脆內軟，肉質尚算鮮嫩，切落有些微血水出～易入口！份量真係好大！！一個人食真係食唔哂～配一杯冰凍金桔青檸特調！少少酸MayMay~中和番牛柳嘅油膩感！！

話說前幾日同呀媽落來食早餐，想叫個侍應幫我落單，點知個侍應答我：「你自己掃QR code ，我唔得閒」，就咁行走左。我真係當堂真係O咀，跟住有個後生小小既侍應姐姐可能見到，即刻走過來幫我落返單，有禮貌地同我地講返聲唔好意思，同有耐心解答返我問題，我就覺得算了！隔左無耐，又係個個唔肯幫我地落單既侍應擺杯野飲落來，我係落左2杯熱奶茶，佢擺杯熱檸茶比我，我話我無點熱檸茶，唔係我地既，佢竟然大大聲話：「唔關我事，係咪你地自己落錯單」，又就咁行左去，我就叫返另一個後生侍應姐姐來，個侍應姐姐比張單我，係落左2杯熱奶茶的，個侍應姐姐就即刻幫我換返。跟本就係個侍應呀姐搞錯，態度又唔好又大聲，真係好巴閉咁，邊有自己錯事話返客人既道理😫😫呢間野食我係覺得好食同好岩我地食，我放假都會落來食下早餐同外賣，都未試過有咁待遇，可能之前都係自己落單，但今次轉左d野，我搵唔到先想叫佢地落，但就咁比人無視，個侍應做錯又話返我地轉頭，真的服了！所以想話比大家知，可以既話都係自己落單叫野食吧！遇到好既侍應就會幫你，如果遇到個態度差既，真係會食到一肚火🥲🥲

冰室位置係住宅群內，好方便。由地鐵站去都係大概5分鐘到。餐廳嘅內部裝潢似modern 嘅冰室。有啲霓虹燈做裝飾，座位坐係上黎都闊落乾淨。黎嘅時候係下午茶時段，都見到keep住有客人入坐。芝士焗波士頓龍蝦海鮮意大利飯 ＄148 份量大，而且有大半隻龍蝦。隻龍蝦都同我隻手掌差唔多長。龍蝦食落去冇粉粉嘅感覺，而且個肚有红色嘅籽籽。意大利飯有龍蝦同其他海鮮嘅鮮味。有蜆，青口同魷魚圈。綜合水果紅茶＄24鐘意杯特飲有埋亞麻籽，一邊飲一邊清腸胃。入面真係有綜合水果，見到有士多啤酒梨、 莓、菠蘿粒。柚子芝士蛋糕＄21 有消化餅嘅餅底。食到有淡淡柚子嘅香味，芝士嘅份量岩岩好。有creamy 感但係又唔會too much

茶餐只包迷你肉醬意粉及三只中翼，飲品也不包， 盛惠$42。 以為冇飲品， 食物份量也有交待吧， 怎知意粉的盛戴器皿小如一個tart 的銀蓋。 小朋友也不夠吃， 之後要再找食物。原本想一家去試早餐， 現在不用了， 以免再中伏。失望至極！

本身今日都頭痕緊，究竟買咩嘢食返屋企食，見到一間茶餐廳又裝修得幾靚，價錢又好似幾ok 咁，決定試一試我今日買嘅份量都幾多，所以都要等一少少時間先有。外賣嚟講佢嘅打包都算係幾結實，容易拎得來又分布平均，應該唔會出現倒瀉嘢嘅情況原來晚市好似每一種食物（除小食）都跟嘢飲雞扒好嫩滑焗牛脷飯：朋友叫嘅，番到屋企仲熱辣辣。牛脷嘅數目好似都唔少，我見佢每一粒嘅size都有返咁上下。因為我哋有小朋友食，所以Pizza揀咗一個菠蘿腸仔比較小朋友口味嘅～～餅底唔錯 料嘅份量都ok仲叫咗個肉醬意粉，個意粉係粗少少幾個種。可能我哋拎返屋企先食，所以個意粉會有少少乾，不過撈勻啲醬之後都OK。呢款白汁意粉個濕度會更佳，同埋味道都好好食。我哋另外仲叫咗個雞翼，雖然佢外表望落去好似炸到好窿，但其實入邊啲肉仲係好嫩，小朋友好鍾意整體來講可能外賣個賣相可能會爭少少（相比起堂食），但係其實味道都唔錯，而且價錢晚餐來講真係好抵

之前食過佢地嘅焗飯都覺得幾好食，收工買左外賣返屋企食呢到唔止有港式焗飯，仲有意粉、burger、滑蛋飯、pizza,選擇極多！咖喱牛腩焗飯 $58焗飯即叫即焗，所以會等得耐D,香噴噴既咖喱汁鋪滿成個飯，拎到返屋企都仲係熱嘅，牛腩份量多，幾軟腍，仲有焗薯，性價比高👍🏻蒜蓉汁香草雞扒滑蛋包飯 $48雞蛋好滑溜，係半生熟，雞扒大大塊，用香草醃過都幾入味😋一見鐘情披薩 $65 🍕配料好豐富，有雞肉、香腸、粟米、洋蔥、芝士、火箭菜，即叫即焗，薄餅嘅size都幾大餐套包左熱飲，凍飲就加3蚊。另外，仲可以加$16甜品，柚子芝士蛋糕🍰既有芝士嘅味道，仲有柚子嘅清香～

天氣太熱唔想煮，行過見到晚餐都幾啱食，就點了3個晚餐外賣回家邊食邊煲劇！點了一個菠蘿芝士焗豬扒飯，蒲燒鰻魚炒珍珠飯及軟殼蟹白酒海鮮天使麵。菠蘿芝士焗豬扒飯， 呢款保存得最熱辣辣，一打開都幾多拉絲芝士，仲有一大塊厚切豬扒，鮮茄汁夠味，而且配料是菠蘿，並非三色椒，很合我胃口😆蒲燒鰻魚炒珍珠飯，飯面鋪滿木魚碎，蒲燒汁炒飯炒得粒粒分明，唔會痴埋一堆，鰻魚食落無骨，不錯不錯。至於軟殼蟹白酒海鮮天使麵好有驚喜，落左好多蒜蓉+九層塔 +洋蔥去煮，配料有原隻軟殼蟹，蜆同魷魚。軟殼蟹仲脆好好食，蜆食落無沙而且好入味，天使麵煮到收晒汁，食落唔會油膩，是西餐廳的質素，完全唔似普通茶記出品。飲品選了咖啡奶茶，外賣都有滿滿的一杯，味道不錯👌🏼3款晚飯份量都好多好足夠，由於是即叫即煮，等了15分鐘左右，回家路程接近20分鐘，打開仍然夠熱可即食！另外想讚一讚呢度d姐姐，見我拎住好多嘢好論盡，即刻幫手整理下d外賣盒外賣杯，怕我倒瀉，亦記得幫我走餐具。而呢間餐廳外賣都用了紙盒並非膠盒，十分環保❤️🌎 下次要記得自備餐盒嚟買外賣！