茶舍 (淘大商場2期)

星期五放工同朋友出嚟吹吹水，到咗淘大商場搵嘢食，轉咗一圈揀咗食茶舍。七點幾嚟到幾乎全店滿坐，門口有人等緊四人位，好彩我哋兩位可以打尖入先，呵呵😝餐牌真係超級多選擇，西式、日式、港式等基本上包羅萬有，仲有甜品、特飲、小食，睇落樣樣都好吸引，叫咩好呢。⭐簡約晚餐頭盤叫晚餐附送的頭盤，是日餐湯南瓜湯配餐包，仲有半塊炸魚餅，另外仲有份菜沙律添，呢份簡約頭盤都好豐富喎。⭐板燒法式羊仔扒配香草蒜蓉汁朋友揀咗食鐵板羊扒，羊扒有三大塊全部厚切，肉質幾嫩，仲有少少羊騷味，個人覺得味道唔錯😋不過個蒜蓉汁就杰身咗少少，有啲黏口。⭐紐西蘭肉眼扒配照燒汁自己就揀得鐵板肉眼扒，塊扒有成十oz超大塊，鬆肉粉就梗係有㗎嘞，但唔算過份，肉嫩香口，個燒汁甜甜地又幾啱味😋⭐三重芝士焗西蘭花跟餐加小食有半價優惠，叫咗份芝士焗西蘭花，叫做食返啲菜開心啲嘛😆三重芝士真係幾正，好有芝士味，西蘭花配芝士真係好啱味。⭐千島海鮮薄餅朋友話佢要食返啲澱粉質又加咗個薄餅，揀咗千島海鮮口味，上面係滿滿嘅芝士，海鮮有蟹柳、魷魚仔等，啱啱焗起熱辣辣，餅底鬆脆極厚身，飽肚之選😝⭐仙草奶茶 & ⭐熱華田跟餐加特飲都有優惠，仙草奶茶幾好飲喎甜度剛好😋朋友嘅華田都ok。⭐蘋果芝士蛋糕最後仲叫左件芝士蛋糕自私食😆軟綿綿幾好食吖。呵呵，全部食晒無浪費，食飽飽好滿足。…查看更多

九龍灣都多食肆，去到另一邊淘大商場都好多選擇，呢間茶舍睇睇餐牌吸引咗入去食，有多樣菜式，港式、西式同日式，店鋪位置唔太顯眼，下午時段都好多街市食客，入面座位都坐得舒適。太多選擇我地最鍾意食肉就點 即烤安格斯牛叉燒 睇餐牌已經夠吸引，來到真的一樣與圖片，即時打個卡先一個大架串著大大件牛叉燒，揀咗7成熟，入口啖啖夠軟腍夠牛肉香味配有蒜蓉汁更惹味 ，碟上配上有蕃薯粒、西蘭花，粟米及配菜安格斯牛板腱12安士牛板腱來到3條長條既肉，中間有條嫩筋脂肪較少 ，有咬口肉味濃郁，揀了7成熟，鐵板牛扒配有黑椒汁，肉質都唔錯夠曬牛味，口感恰到好處焗粟米海鮮飯好香芝士粟米白汁焗海鮮飯，最面的芝士拉絲，有粟米白汁夾住嫩滑魚肉、大大隻鮮蝦、青口個炒底焗飯夠香蛋味牛油雞翼(4隻)來到熱辣辣炸得夠脆，唔會太油皮炸得薄脆，入面又有肉汁，仲有炸蔥蒜係上面，非常香又夾味餐飲凍檸茶呢度店員服務好好又夠曬禮貌上菜速度都好快，食物夠熱茶舍 (淘大)九龍灣牛頭角道77號淘大商場2期地下G242-245號舖…查看更多

老友記婆婆平時早餐都食好少今日嚟到淘大商場入面間茶餐廳竟然食指大動、胃口大開😋👍🏻仲同餐廳職員有講有笑服務友善又細心、對食客照顧周到好開心可以試到呢間新派茶記仲有啲特色午餐、晚餐菜式，堂食外賣皆宜🤩.👅食物短評【Yummy好味】⭐️⭐️⭐️⭐️.🥪🥗美式全早餐迷你版All-day Breakfast先讚吓嗰丹麥包同牛角酥，誠意十足兩片煙燻三文魚口感軟嫩搭配大啡菇富有泥土及堅果之味味道濃郁之餘亦夠營養番茄、黑松露炒蛋都表現唔錯仲有沙律菜新鮮，款式多樣.☕️茶走👍🏻茶底濃厚香醇.🍜🍳自家制雪裡紅肉絲湯米粉米粉可特別要求淰啲、爽啲👅婆婆嗌咗要爽啲，的確做出嚟口感彈牙雪菜爽脆➕肉絲嫩滑完美結合湯底走健康路線鮮唔鹹、唔辣.🍹桂圓蔘鬚紅棗杞子茶真材實料嘅養生茶婆婆最欣賞💕一啲都唔假甜，係確實浸泡出嚟嘅茶味.🍮木槺布甸不過不失，甜度適中IG：HKfoodie.Mmmaze…查看更多

淘大商場食肆很多，如果不是朋友帶路，就會錯過了這間貌似一般茶餐廳的店鋪，因為店鋪的位置比較隱蔽。星期六下午六時半前入座，客人還不算太多，職員給了我們二人一個靠窗的卡位，非常舒適。我們食量不大，叫了一個「簡約晚餐」：牛魔王雜扒餐，另加了兩道小菜：三重芝士焗西蘭花、紅蓖醬菜心苗。「簡約晚餐」其實一點不也不算「簡約」，包餐湯、飲品和前菜及沙津。前菜的小魚餅幾特別，喜歡辣的朋友應該會喜歡。我們叫的雜扒餐份量很大，除了厚切的牛柳、安格斯牛串標外，還有兩大件鹽燒牛脷。朋友和我怕生，所以叫了七成熟，牛柳很腍，肉汁豐富，以茶餐廳的價錢吃到西餐廳的質素，我倆已經很滿足，不過我最喜歡的是鹽燒牛脷，很腍很惹味。小菜方面，叫了最平凡的菜心苗，平日吃菜心通常都是加蠔油，這個「紅蒽醬」味道很有特色，我個人認為跟菜心配搭起來很有新鮮感，喜歡濃味的朋友，應該會十分喜歡。餐中有一段小插曲，就是後來人較多時有一對較年長的夫婦入座，就坐在我們附近的二人桌，那些椅子比較矮，可能長者坐得不太習慣，我看到夫婦向職員提出後，職員便隨即幫他們換上高身的椅子，服務態度值得一讚。…查看更多

今日下就約左朋友在九龍灣食lunch，佢帶我去左間港式茶餐廳度食飯。餐廳剛過左午飯時間，所以唔多人。但到左2點，就見到好多街坊落黎食下午茶。餐廳餐牌選擇多，我哋就叫左兩個午餐包飲品，另外仲叫左份甜品。海鮮濃蝦湯扁意粉：蝦湯底算幾濃，唔太鹹，海鮮有蝦、青口、帶子、魷魚同菇，幾豐富，扁意粉掛汁力都ok，整體幾鮮味。菠蘿紅茄三重芝士焗豬扒飯：豬扒厚薄適中，唔會太鞋，幾淋。紅茄醬酸酸甜甜，菠蘿粒加埋芝士，夠晒邪惡。芝士唔算拉絲，但夠香，焗得微焦，飯底唔會太乾，合格。紫薯椰乳特調：紫薯味唔算濃，但椰乳夠滑，飲落唔會太甜。椰汁紅豆冰：經典之選，紅豆煮得啱啱好，椰汁香甜，冰凍透心涼，夏天飲一流。柚子芝士蛋糕：柚子味道清新，食落有啲似日式蛋糕，唔會太甜，ok喎。…查看更多