茶舍 (淘大商場2期)

營業中

休息中

茶舍是以港式文化為主題的餐廳品牌，提供多款港式美食和創新菜式，適合早餐、午餐、晚餐及下午茶享用。外賣也是不錯的選擇！菠蘿鮮茄三層芝士焗豬扒飯味道層次豐富，酸甜中帶芝士香濃，豬扒肉質鮮嫩，配合底層炒飯，吃起來既滿足又不膩。送熱飲華田：帶有濃郁的麥芽奶味。蝦汁龍蝦仔露筍長通粉味道鮮甜濃郁，帶有龍蝦和蝦汁的海鮮鮮味，露筍則增添清新爽脆的口感，長通粉吸收了濃郁的醬汁，口感彈牙，整體風味豐富且層次分明。香濃茄汁鮮蝦蜆扁意粉結合了鮮蝦的鮮甜、蜆肉的鮮美與茄汁的濃郁酸甜，口感豐富且層次分明。搭配蝦和蜆的海鮮鮮味，令整體味道更香濃而不膩！

【茶舍食評：$175「星級雜扒餐」——大份，但普通到喊😅】 本來想叫「簡約雜扒餐」，點知口快快叫錯咗「星級雜扒餐」，仲要$175！心諗：「星級喎，應該有啲料到啩？」結果上枱一睇——真係大份到嚇親，但味道就……普通到冇朋友🙈。 個餐有齊司華力腸、炸魚、牛扒、雞扒、火腿，仲有粟米、娃娃菜同幾件炸物，擺到成個鐵板滿晒，視覺上係幾震撼嘅。但講真，牛扒唔算太強鬆肉粉既質地，炸魚大但有油益味，雞扒正常，個意粉算幾好。 份量真係夠兩個人食，但味道就真係「普通」，食完只記得「飽」🤷‍♂️。如果純粹想填飽肚，可以一試；但追求質素嘅話，呢個價錢有更好選擇。 #茶舍 #星級雜扒餐 #大份但普通 #食飽就算

今日試咗呢間外賣，真係令人眼前一亮！首先，🎉忌廉野菌烤雞皇配扁意粉，忌廉汁香濃得嚟唔會膩，野菌同烤雞嘅搭配完美，雞肉嫩滑多汁，扁意粉吸盡醬汁精華，每一啖都好美味！ 再嚟係🎉蒜蓉汁雞扒滑蛋包飯，蒜蓉汁香氣撲鼻，雞扒煎得剛剛好，外皮微脆，肉質保持juicy，滑蛋嘅火候控制得恰到好處，撈埋包飯一齊食，正啊！ 最後嘅🎉慢煮咖喱牛腩飯亦係驚喜之作，牛腩煮得軟腍入味，咖喱香濃帶微微辛辣，撈飯一流，食到最後一滴汁都唔想放過！ 價錢平，最平先5十幾元，仲配飲品，熱檸檬水，清新解膩。整體嚟講，食物質素高，味道出色，價錢平，絕對會再encore！👍😋

「帶子魷魚青醬燴天使麵」($72) 青醬香濃而不膩，帶子鮮甜，魷魚彈牙，天使麵軟硬適中，整體口感豐富，但份量稍少。搭配「凍檸檬茶」(+$3) 清涼解膩，甜度剛好。 「蒲燒鰻魚炒珍珠飯」($72) 鰻魚油香，醬汁入味，珍珠飯炒得粒粒分明，鑊氣足！如果2 個揀， 呢個飯較出色「煙三文魚沙律」($49) 三文魚新鮮，沙律菜爽脆，搭配芝麻醬開胃輕盈，適合佐餐或輕食。 其實茶餐廳唔一定頹食既 ～ 咁樣叫下西餐都幾好呀！ 又唔貴 .

晚餐叫咗個漢堡排蛋包飯，78蚊。等個飯等咗好耐，等咗起碼半個鐘😅催咗幾次先終於到。落左單之後杯野飲就即刻到左，杯野飲都差唔多飲曬，個飯都未到😅個飯完全係賣相差，又求求其其咁，完全唔似係「蛋包飯」，反而似係求其炒隻蛋擺上去😅整到咁樣要我等半個鐘😅塊漢堡排麻麻地，又整到燶燶地，個口感好差，話塊漢堡排係安格斯牛肉，但係完全唔似安格斯牛肉。個汁完全唔夾，浸味好怪😅完全唔知食左啲咩😅個冷氣勁大風，個飯過左一陣就凍曬😅完全唔抵食，又麻麻地，又要等好耐😅

淘大花園選擇多有時都唔知揀咩好，見到茶舍有蒲燒鰻魚炒珍珠飯，就好想試吓。今日試下買外賣返屋企食，我哋揀咗三個飯，第一個係蒲燒鰻魚炒珍珠飯，第二個係魚籽三文魚蛋炒飯，第三個係慢煮咖喱牛腩飯。等外賣成個過程都唔會好耐，而且店員都好親民有禮貌。首先試吓個蒲燒鰻魚炒珍珠飯，鰻魚明顯比一般餐廳都多，而家炒得好香好夠鑊氣，個魚籽三文魚飯都係好多三文魚，兩個炒飯都唔會炒到好鹹，而且明顯係好有鑊氣。至於個慢煮咖喱牛腩，試左牛腩先無好淋，而且牛腩都好多，最好係國咖喱汁香得來好濃味，但同樣唔會好鹹，又唔會太辣，我覺得呢個口味係好大眾化，我哋覺得連個薯仔都好味，試埋個奶茶都係又滑又香濃，茶底一流，親民好選擇。

今天我和老婆前往九龍灣牛頭角道77號的淘大商場地下，享用了一頓美味的晚餐。這家餐廳走的是年輕化的冰室風格，裝潢簡約而舒適，給人一種輕鬆自在的感覺。餐廳的菜單主打西式料理，但也提供港式和日式的選擇，讓顧客可以根據自己的喜好自由選擇。菜品的分量相當足夠，價格也很合理，讓人感到物超所值。老婆點了一份蛋黃卡邦尼長通粉，這道菜的醬汁濃郁，長通粉口感滑順，讓人一試成主顧。此外，她還追加了一份羅宋湯沙律，清新爽口的沙律搭配濃厚的湯品，讓整體餐點更加豐富。甜品方面，老婆選擇了煉乳草莓芝士蛋糕，香濃的芝士搭配新鮮的草莓，口感絕佳，令人回味無窮。最後，她還點了一杯凍檸檬茶，清涼解渴，十分合適。而我則點了照燒安格斯純牛漢堡蛋包飯，這道菜的漢堡肉質鮮嫩，照燒醬的甜味與蛋包飯的香氣相得益彰，讓人感到非常滿足。作為甜品，我選擇了富士蘋果生芝士蛋糕，清新的蘋果味與柔滑的芝士完美融合，讓我忍不住多吃了幾口。最後，我喝了一杯凍華田，這經典的飲品為整頓晚餐畫上完美的句號。這次用餐不僅品嚐了多樣的美食，也享受了輕鬆的氛圍，真是一個愉快的晚上！

試咗幾款招牌熱賣之選，CP值相當唔錯！【蕃茄牛脷焗飯】用上厚切牛脷，炆得夠腍，咬落去完全唔鞋口，加上蕃茄酸甜開胃，鋪滿芝士焗到微焦，香噴噴超邪惡！【龍蝦海鮮湯飯】呢個湯底一入口就知有心機，濃郁creamy得嚟又帶少少辛辣，入面仲有足料龍蝦肉、鮮蝦、魷魚圈，好有驚喜！【西多士】厚厚一件，煎得金黃酥脆，內層鬆軟冇油膩感，配埋牛油同糖漿真係超邪惡，甜品控必點！【餐湯＋沙律】羅宋湯用料十足，酸酸甜甜好開胃，沙律新鮮爽脆，配上千島醬好開胃。整體嚟講，$200兩個人食得飽飽哋，環境乾淨企理，店員親切有禮～無論lunch定下午茶都係個唔錯選擇！

濃蝦湯海鮮扁意粉
湯底濃郁蝦香撲鼻，入口能感受到鮮甜的滋味，扁意粉煮得剛剛好，彈牙又有嚼勁。海鮮份量十足，有蝦有青口，搭配濃湯簡直是完美組合，喜歡海鮮的朋友絕對不能錯過！追加餐湯、沙律、蛋糕
追加的蕃茄餐湯清新開胃沙律新鮮爽脆，配料豐富，讓人感覺健康又滿足。（追加）朱古力香蕉蛋糕
朱古力香蕉蛋糕是另一個驚喜！朱古力濃而不膩，搭配香蕉的自然甜香，口感濕潤又鬆軟，每一口都令人回味無窮，甜品控一定會愛上。（追加）柑橘雞翼（2隻）柑橘雞翼帶來一點新鮮感，雞翼烤得皮脆肉嫩，柑橘的酸甜味滲入肉中，味道清新不油膩，兩隻份量剛好解饞，值得一試。飲品：柚子柑橘蜜
柚子柑橘蜜清爽怡人，柚子的微酸與蜜糖的甜度平衡得恰到好處，喝下去很解渴，與整餐搭配起來非常協調。

今次去咗食「茶舍✨」，茶餐廳係香港人既日常，茶舍環境同食物質素好、價錢又大眾化，真係唔錯💯🍽️「菠蘿鮮茄三層焗豬扒飯🍍🍅🍖」，焗飯面層鋪滿菠蘿同鮮茄，酸甜開胃，中間係嫩滑既豬扒，底層係炒飯，三層口感一次過滿足！😋 焗到金黃色既芝士仲有拉絲效果，邪惡但係好滿足！🧀🔥💖「蛋黃卡邦尼長通粉🍳🍝」，卡邦尼醬汁濃郁得嚟又唔會太膩，長通粉煮得啱啱好，口感滑溜🤤 😍「咖哩吉列豬扒蛋包飯🍛🍳」，吉列豬扒炸到外脆內嫩，肉質juicy，咖哩汁香濃得嚟又唔會太辣，蛋包飯既蛋皮滑溜溜，撈埋咖哩汁一齊食，完美配搭！👍 💥「茶舍✨」食物質素好，價錢又親民，絕對係街坊既飯堂！🏠 無論係早午晚餐，呢度都有唔同既選擇，滿足晒街坊嘅胃口！🍴 😉💖

九龍灣茶舍位於淘大廣場，地點方便，裝修雅致，座位寬敞，坐得相當舒服，係約朋友輕鬆嘆個早餐嘅好地方。鹹牛肉滑蛋牛角酥包 $46呢款鹹牛肉滑蛋牛角酥包賣相吸引，牛角包焗得鬆脆香口，內裡夾住軟滑嘅炒蛋同鹹牛肉，鹹香味濃，配埋牛角包嘅牛油香，口感豐富，食落滿足感十足。野菌沙嗲牛肉湯公仔麵 $43（附丹麥包+火腿炒蛋）湯底帶濃郁沙嗲香味，辣度適中，飲落帶點野菌嘅鮮甜味，牛肉夠嫩滑，配公仔麵剛剛好掛湯。丹麥包焗得酥脆，火腿炒蛋炒得香滑，作為套餐嚟講算係幾抵食。凍咖啡（+ $3）特別要求少冰、少甜、少奶，入口依然有咖啡香，但因為減甜減奶，整體味道偏淡，適合唔鍾意太甜太奶嘅人，但如果鐘意濃郁啲，可以叫正常版。九龍灣茶舍環境舒適，食物選擇多，價格中等，以茶餐廳嚟講算係有誠意，會考慮再訪！

呢間港式茶記係九龍灣都幾有人氣價錢公道大眾化足料又好味焗野係即叫即焗 有焗野·意粉·焗扒·牛角包等等 食物款式選擇多👍🏻.🫧菠蘿鮮茄三層焗豬扒飯 $64嚐鮮的豐富層次焗飯面有一層拉絲芝士🧀 焗至微焦 色香味俱全豬扒外焦內嫩 搭配新鮮的菠蘿🍍同番茄🍅味道酸甜酸甜好開胃.🫧咖喱雞焗飯 $66濃郁的港式咖喱醬汁 仲會穩穩食到香料味香辣咁相當惹味😋雞肉好嫩滑 米飯吸收咖喱🍛的精華 好入味食到停唔到😙.🫧蒲燒鰻魚炒珍珠飯 $72見到粒粒鰻魚已經好安心 唔係得個味果隻炒飯珍珠米飯粒粒飽滿炒至金黃好滿足

今日同屋企人去咗淘大搵嘢食，見到呢間茶舍望落去好乾淨舒服，Menu 嘅食物款式又幾吸引，就入去試吓。坐低後手機落單，第一次食當然要試吓D推介嘢啦，我地點咗個蟹粉炒飯同濃蝦湯飯。首先上咗個湯飯，好好味，D湯好濃，熱騰騰，食材好豐富，有大蝦、帶子、青口、魷魚… 等等，真係落足料；另外佢地嘅蟹粉炒飯真係好有特色，側邊鋪滿蟹粉，再加上D櫻花蝦超香口，每一啖嘅口感都好滿足，擺盤亦好靚，仲有佢地D嘢飲都好有特色，好靚好好飮。佢地嘅出品真係可以媲美高級餐廳嘅水準，值得一試再試，係一間性價比非常高嘅Cafe。

茶舍Hi Tea係咕吱其中一間最愛茶餐廳，每次佢都會order蛋黃煙肉卡邦尼長通粉蛋黃煙肉卡邦尼長通粉 嘅份量適中；醬汁足夠均勻沾上長通粉同配料之中，而且卡邦尼味道濃郁；長通粉嘅烹煮時間得宜，唔會太腍亦唔太硬；煙肉洋蔥，冬菇同蘑菇等配料，就中規中矩啦但由於價錢只係$58，仲包嘢飲，總體性價比都幾高

今日收工同朋友臨時約飯, 見淘大呢間menu勁豐富就佢啦坐低望menu struggle咗好耐, 意粉焗飯鋸扒炒飯 唔想咁heavy食包食沙律都有, end up都係放棄, happy friday決定對自己好啲 跟機同朋友各要咗個最平嘅牛扒佢個餐都足料, 有湯有沙律有飲品, 不過個湯麻麻 講唔出係咩味 白湯但唔係平時啲忌廉湯 之後塊扒上到黎呆咗, 勁厚勁大舊, 黑椒汁正嘅, 仲有啲瓜菜可以refresh下, 舊扒我叫咗三成 都ok唔會太un, 朋友叫五成已經完全係第二個世界lol so far cp值好高, 但下次一定唔會女仔一個人叫一個扒, 絕對食唔晒