茶舍 (淘大商場2期)

營業中

休息中

成日聽朋友話呢間餐廳嘅食物幾好食，所以今早有時間，就過嚟試吓。這間餐廳的室內設計都尚算光猛及簡約，空間感不錯，坐得舒適！看見了餐牌後，我們選了一個下午牛肉牛角酥及美式早餐，叫了兩杯很耐沒有喝過的茶走及熱杏霜，飲品非常美味！令我們也非常期待之後上菜的食物。牛角酥尚算鬆脆，內裏的鹹牛肉炒蛋非常多，整個牛角包的性價比也很高，而且可以食得很滿足，啖啖鹹牛肉炒蛋，正！美式早晨全餐，我加了$6將麵包換咗個牛角酥，將個餐一半份量的黑松露炒蛋釀進這個包內，自製了黑松露炒蛋牛角酥，當中的蕃茄、煎三文魚及腸仔，也不錯！如果蔬菜能夠多一點，會更好！早餐食物質素不錯，又坐得舒服，而且唔趕人走，可以享受下me time，感覺Good morning～

今日去左九龍灣淘大探朋友bb，我順便買埋外賣去佢屋企，呢間茶舍真係冇介紹錯，正是下午茶時間，又可以點下午茶餐牌又可點正價牌。我點了2個下午茶餐，分別都係42元，包飲品，揀左肉醬意大利粉配吉列炸豬扒，同白汁忌廉意粉配香煎雞扒，先講性價比，吉列炸豬扒好大塊，而且炸得香脆，最好快快食，而香煎雞扒雖然比較細塊，不過個人覺得好好食！！煎得香脆又嫩滑！另外點了2個焗飯， 菠蘿蕃茄焗豬扒飯， 蕃茄芝士焗牛脷飯！其實各都只是5x元，大大碟，即叫即焗，牛脷飯好嫩淋，又有口感，加了很多芝士，飯底是炒飯來的，更惹味。焗豬扒又係大大塊，好正，一點都吾un好食。下次再去食！

見新開黎試下晚餐，叫咗個炒飯同焗豬扒飯，想叫下特飲，見到有個龍鳳可愛，問下呀姐係咩黎，點知佢竟然答我：咩龍鳳可樂？唔知道喎！你自己嗌咗咩自己唔知既咩？！心諗我都未落單就係唔知係咩黎先問你，跟住要搵另外一個哥哥仔先答到我原來係檸檬加咸檸。心諗其實佢d特飲大部分都寫售罄，得個一兩樣可以揀但都可以大大聲咁答我唔知喎真係好笑！到食物質素又係勁差！成世人未食過咁難食既焗豬扒飯！個汁咸到飛起，d芝士完全無香味！跟住仲要唔係炒飯底見新開黎試下晚餐，叫咗個炒飯同焗豬扒飯，想叫下特飲，見到有個龍鳳可愛，問下呀姐係咩黎，點知佢竟然答我：咩龍鳳可樂？唔知道喎！你自己嗌咗咩自己唔知既咩？！心諗我都未落單就係唔知係咩黎先問你蛋還蛋，飯還飯，仲要d蛋炒到老晒！塊豬扒更加唔洗講，真係大xx個d快餐都好食過佢！到環境，個餐廳度大門長期開住，食食下個炒飯有隻烏蠅仔飛咗埋黎降落係條木魚絲上唔走！勁恐怖！好心餐廳就唔好開住度門！衛生程度極差！結果我地要慢慢拎開條木魚絲再搵兜茄汁責住佢（兜茄汁係我同侍應反映後佢比我體驗極差！只係想食個正常焗豬扒飯都咁難！垃圾

今日晏晝帶咗表妹諗住近近地喺淘大食個晏晝，點知有驚喜！入到餐廳非常光猛，午餐時間好爆人🤣🤣🤣性價比個人覺得非常高，而且選擇都好特別！👍🏻首先，我哋兩個人叫咗三個餐🤣🤣🤣🤣大食王🤣🤣照燒汁鰻魚滑蛋飯，60幾蚊冇諗過會有半條鰻魚😱味道都相當唔錯，配上鰻魚汁，食晒成個飯完全冇問題😂好老實60幾蚊嘅鰻魚飯本身冇咩期望，但係真係超乎預期❤️然後70幾蚊食到原隻軟殼蟹白酒天使麵！堂食唔係外賣，呢個價錢真係冇投訴👍🏻上枱香噴噴，除咗軟殼蟹仲有蜆肉同墨魚，炒得非常好味👍🏻👍🏻👍🏻跟住我哋仲叫咗個Pizza，係咪好誇張？🤣🤣🤣叫咗一個煙三文魚火箭菜Pizza，上面口口嘅芝士，然後Pizza側邊非常香脆！以上價錢仲要係配套餐，呢間嘢encore冇問題🤣🤣🤣

繼Lunch食厭牛頭角同觀塘啲餐廳後，最近將版圖擴張至九龍灣。幾次行過呢間lunch time都坐滿人，餐廳都幾光猛企理，就同同事一試。坐低用QR CODE落單，發現啲野食幾多元化，有常餐又有意粉焗飯，連pizza都有。menu上有兩款都叫美國安格斯，但價錢唔同，就同同事一人叫左一款試下有咩分別。美國安格斯牛扒定食　$68黑椒汁美國安格斯配沙律　$72配菜方面，$68個款會配飯，$72呢款就可以揀沙律或者薯條。而且，$72個款有得揀牛扒係5成/7成還是全熟。兩者比較下，$72個款嘅牛扒厚身啲，味道同口感都似港式西餐廳；$68個款個牛似早餐扒餐個隻。結論，如果你唔一定要配飯，$72個款出色同抵食啲。蒜香雞翼炸得好香脆，中間都仲係滑，幾好食。柚子芝士蛋糕細細件，兩個人share剛剛好，柚子味淡淡地襯托下芝士，唔錯。凍奶茶凍檸茶茶底偏澀下次如果唔使排太耐，都可以encore，想試下蛋包飯。

平日晚市收工後去左附近九龍灣食返個晚餐。去左淘大個邊嘅 茶舍 ，見menu幾多選擇，價錢都唔算貴。用qrcode落單，枱上仍有實體餐牌。見到有個鐵板扒餐，梗係要試下！我叫左星級雜扒餐，同張相有少少唔同。一般會用上雞牛豬，三種扒。但茶舍嘅雜扒餐就係炸魚柳，雞扒同牛扒，我揀左黑椒汁，要薯菜，餐跟沙律同餐湯。飲品我就叫左綜合水果紅茶。沙律係胡麻醬沙律，份量都幾大，沙律菜新鮮。餐湯唔會太鹹，味道剛好，稠度剛好。主角 星級雜扒餐炸魚柳，肉質嫰滑，炸得表面夠香脆，調味偏重dd。雞扒嫰滑，咬落多汁，味道唔錯。牛扒用黑椒醬醃好，煎得啱啱好放埋上鐵板，肉質有咬口但唔會太乾或者硬，帶少少筋。黑椒汁香濃，趁熱倒落鐵板好香。薯菜嘅薯條脆口但唔會太油，好食，配一大條翠玉瓜同車厘茄，夠解膩。仲有一隻太陽蛋，鐘意食熟蛋可以放落鐵板變熟蛋~綜合水果紅茶，有火龍果，百香果，士多啤梨，青檸，檸檬等等，冰凍酸甜，好開胃。餐廳到晚上9點幾都仲有唔少客人，last order 21:30，想落單就要注意啦~

琴日返嚟我爸同我講，星期六六點鐘同朋友去茶舍食飯，喺門口睇餐牌時有個好高嘅經理介紹佢食物，講左好多，又話雜扒抵食，老豆睇到圖好似好吸引，就決定同朋友入去，揀好後餸老人家唔識落就叫收銀哥哥幫手，點知叫左2次先應，好啦埋嚟落單，叫左雜扒同焗飯，點知雜扒上到同完全唔同，老豆就嬲，就諗住搵高既經理問，但全場加門口都唔見，然後就搵左個後生經理，爸話佢真係好嬲一去就鬧，原因係點解雜扒餐牌圖同實物唔同，點解門口個經理介紹雜扒時唔講，幫佢落單哥哥又唔講，咩意思，唔通唔知道，甘就不停同個後生經理講，途中兩人對話我爸就冇詳細講，就係話個經理不停唔好意思，解釋原因，係佢地既責任，爸話最後比佢既誠懇歉意打動，冇追究，最後個經理同佢換左牛扒，臨走都講唔好意思。最後本人評論係既然公司既產品同圖片完全不符，應該停售或者列明有咩種類，二樣都冇就要員工同客人講，有乜理由介紹既經理唔講，落單時又唔講，難怪有客人嬲，希望你地改善及提升員工質素，唔好叫左客人入去就咩都唔理。

平價晚餐之選有部分Lunch time 同晚市menu 同價唔使捱貴價晚飯！焗飯、焗意粉🍝湯麵、意粉、炒飯、吐司、pizza都有齊咩口味都啱食難怪會排長龍費事排就叫外賣餐廳仲好貼心有個位俾客人有free water原條魚柳包$88可配薯條🍟/沙律🥗外賣都有跟埋ketchup好貼心！魚柳包超巨又厚肉頭同尾都突晒出黎中間有千島醬、生菜🥬同番茄🍅食落好正蒲燒鰻魚炒珍珠飯$68超！大！碗！好抵食而家係用珍珠米食落chewy而且好入味以上都有野飲而且連芝士蛋糕都有得食+$16/件有原味、柚子、朱古力Cheesecake 入口creamy飯後一件大滿足呀

位於淘大商場二期地下，係一間非一般的餐廳。因為分量足料但價錢相當抵食以晚餐焗飯類黎講最平$56有焗豬扒飯包埋熱飲下午茶有黑松露炒蛋牛角包$42 包埋熱飲非常有特色。今日我叫左黑椒汁安格斯配薯條$88🐮🥔牛油果龍蝦沙律$138飲品係凍奶茶黑椒汁安格斯🐮可以選3成，7成，全熟我選擇全熟切開後岩岩好熟晒面頭有少少調味配埋黑椒汁岩岩好黑椒汁有蒜蓉粒同黑椒粒非常惹味食野時候一定要點汁炸薯條🥔外脆，乾身入面乾淋由於餐廳出菜時已經好貼心加埋茄汁加分牛油果龍蝦沙律🥑🦞我選擇左半隻$138龍蝦已經去殼殼上有牛油果沙律同佈滿龍蝦肉沙律非常美味有青瓜同雜果，十分爽口再佈滿了龍蝦膏旁邊有芝麻醬沙律菜🥬芝麻醬十分香沙律菜非常新鮮凍奶茶茶底香醇甜度岩岩好餐廳服務好又唔洗收加一服務費價錢又抵食所以好多食客光顧要預早一些排隊

立下眼，喺餐廳出面見到個餐牌好fusion，所以就入去試吓。有普通茶餐廳沙嗲牛麵，常餐，炒飯之類；日式蛋包飯，鰻魚飯；西式嘢，例如鋸扒，意粉，吐司，仲有薄餅🤯 唔使問食中餐定西餐，呢間餐廳咁多元化，大家鍾意食咩就食咩。除咗餐牌上款式嘅驚喜，個餐牌本身好驚喜。入到餐廳之後諗住睇真啲啦。點知枱上面嗰個餐牌細到爆。你睇吓個圖就知。杯水同個餐幅相嘅比例。點知一講話睇唔到，個侍應即刻拎個大餐牌過嚟，幾有效率。最重要係茶餐廳竟然用到信用卡，可以儲分。呢間嘢可以再食。

香港嘅茶餐廳多不勝數，今日放假去咗九龍灣行街食飯，突然間心血來潮想食茶餐廳，見到茶舍呢間茶餐廳好多人，所以決定試一試。餐廳入邊設計佈置新潮，有坐低食西餐Cafe嘅感覺，環境亦都好乾淨，雖然因為好多人坐唔到卡位，但係都坐得舒服。職員雖然好忙好好多嘢做，但係仍然好有耐性同埋好貼心。望住個餐牌全部都好似好好食咁，真係好難決定食咩🤣🤣鐵板安格斯牛扒：套餐包埋餐湯同埋沙律，餐湯係龍蝦湯，龍蝦湯都幾大碗，唔會太鹹，亦都有濃郁嘅蝦味。好有驚喜，牛扒用鐵板獻上，牛扒個crust煎得好靚，達到外脆內嫩嘅效果，薯條亦都炸得好脆，好好食。濃蝦湯海鮮扁意粉：好特別嘅一道菜式，茶餐廳少見。扁意粉吸收咗濃郁嘅鮮蝦湯，配料仲好多元化，又有青口，魷魚，鮮蝦，蜆等等，真係好抵食。

作為九龍灣街坊，都已經食過幾次茶舍，貪佢選擇多，中式西式輕食同茶餐廳大件夾抵食乜都有，今次寫食評係想讚下佢外賣😂一點幾買定外賣等屋企人一齊食，叫完企喺門口等，店員哥哥好有心機我拎住咁多嘢叫我坐低等‼️三個午餐一個膠袋就裝晒，拎得好方便，仲要每杯熱飲都有個膠托，一定唔會倒瀉；甜品盒個底比較高身隔咗層空氣，唔容易比主食整熱晒放飯時間餐廳坐滿人，我外賣叫咗兩個焗飯一個炒飯都等咗差唔多三個字，等嘅時候見到門口有個QR code可以預先網上落單， 20分鐘就拎得，已經即刻save低咗，下次一定要用👍🏻一如以往次次都係食三層芝士鮮茄牛脷飯，牛脷後設大大粒，芝士夠多，鮮茄唔會碎濕濕，有咬口又爆汁；焗飯焗到乾身，啲汁啱啱好撈晒啲飯就食完，蕃茄焗飯黎講都無可挑剔🙏🏻媽咪個魚子三文魚蛋炒飯睇落粒粒分明，幾足料，三文魚大大嚿又夠多。另外見佢收銀隔離個雪櫃有啲蛋糕，原來套餐加$16可以加配，有幾個味，揀咗柚子芝士蛋糕，質地好面滑，個底有一層薄薄嘅海綿蛋糕，成件食落冇咁膩

明天坐早機，今晚一於同老公來個快靚正晚餐🤭屋企附近這間茶舍，之前吃過早餐，性價比高，於是今天來試晚餐💕菠蘿鮮茄三層芝士焗豬扒飯焗豬扒飯最重要的飯底夠乾身，飯粒粒粒分明，配上大件豬扒，夠口肉，有肉汁！面層的菠蘿鮮茄加芝士，很開胃。不錯。龍蝦湯海鮮飯龍蝦湯很濃郁🤓配上不同海鮮，有魷魚圈、青口、大蝦等等，超豐富！將每啖湯汁配上飯粒，超入味。淡淡海鮮，這價錢來說，性價比確實高，還要包飲品！九龍灣來說，真不知道哪裏找😅魚籽三文魚蛋炒飯三文魚飯，材料超豐富，魚籽熟後卜卜脆，有口感💕配上蘑菇、蔥花、金黃色的蛋粒，令到這個炒飯好豐富，口感十足，大愛💕原味芝士蛋糕估唔到芝士蛋糕都咁高質，芝士比想像中軟滑，不會死實😎好味！吃過晚飯後，來一件小甜品，滿足。

大概半年前去土瓜灣茶舍分店食過一次，性價比高又好味的pizza真係想再去食，但離家遠真係唔方便！琴日係得福行行下街，我家小朋友話想食pizza，呢間茶舍就咁岩比我見到！！！梗係要去幫襯啦！一個大人一個小朋友食得少，但都點左想要的pizza同雜排餐！份量超足而且新鮮！千島醬pizza：最記得就係佢薄薄脆脆的餅底，點左少醬，不過上台份量都不少，香，脆，甜，炭香各種味道都好融合，但係海鮮少左d… 土瓜灣海鮮足料d🤣🤣，加上雜排，兩個人真係食唔曬，拎走兩件！雜排：落單睇錯以為係雞排，誰知道上菜後發現牛排，雞排，魚排…好多好多🥲😅魚排係炸的，脆脆的幾好味，不過不是很特別😛！雞排… 就一般，少甜版本的照燒雞.. 還好牛排不錯，煎得夠香，也不會太老，小孩子喜歡吃！沙拉我都吃光光了！湯的話..實在喝不下今次點左雜排，費用偏高，如果食其他嘢都幾好幾經濟又好味😋不錯的選擇！

超抵食的多國菜餐廳！款式豐富 大人小朋友都啱食🤗 餐廳空間闊落，裝潢呈休閒小清新風，食物方面提供多款蛋包飯、意粉、pizza、焗飯、西式扒類、蛋糕等等價格親民，食物質素很不錯，好受街坊歡迎💖 晚市時間滿座，需要稍等～💰三人消費：$196🍕千島醬海鮮披薩 ($68)香口惹味，配料好豐富，有驚喜！有菠蘿、魷魚圈、粟米、芝士、蘑菇等等🥩咖喱牛腩焗飯 ($58)推薦🤤 焗飯拎返屋企仲係熱辣辣，份量多，牛腩牛筋好大件，啖啖肉 好豐富，咖哩味道很不錯👍🏻🍳蒜蓉汁香草雞扒滑蛋包飯 ($48)抵食之選！大大塊雞扒，配上好正嘅滑蛋，飽肚又滋味☺️🍰柚子芝士蛋糕 (+$16)飯後甜品🥰 芝士味好香濃，混有粒粒柚子，好甜好味😚🍋熱檸檬水 ($Free)🥡外賣盒每個餐+$2🥡