茶舍 (淘大商場2期)

營業中

休息中

平時收工留意到附近新開左間新茶餐廳，好多人幫襯，價錢大眾化，呢日特登過黎叫你外賣返屋企一齊食天氣凍外賣焗嘢一定無錯，返到屋企仲夠熱菠蘿鮮茄三層芝士焗豬扒飯大大塊豬扒，芝士可以拉絲豬扒肉嫩入味，加埋菠蘿、蕃茄同芝士，味道酸酸甜甜，好惹味咖喱牛腩焗飯份量好多，牛筋腩入味又夠淋咖喱微辣，好食米蘭肉醬焗意粉味道唔錯，如果有多啲汁就更加好凡叫主食都會送熱杯，凍飲加3蚊,見依排天氣凍凍地，叫返熱辣辣嘅檸茶，夠濃味，正！

今日經淘大見到有間新港式餐廳勁多人排就去試下，又平又好味芝士波士頓龍蝦海鮮意大利飯呢款意大利飯好足料，首先有勁大半隻龍蝦，仲keep到龍蝦肉蝦膏好鮮甜，其他海鮮有青口、帶子、蜆、魷魚同大量菇etc，sauce有淡淡嘅芝士同忌廉味所以不太濟，而飯嘅硬度都岩岩好唔會太淋一pat野咁👍🏻菠蘿鮮茄三層芝士焗豬扒飯性價比極高，成個焗飯勁多汁好juicy，蕃茄同菠蘿酸酸甜甜幾開胃，食得出係即叫即焗芝士仲keep到有拉芝效果，芝士表面焗到金黃色有少少焦焦地反而仲惹味而豬扒都大塊，無咩肥膏肉都唔會好韌～茶走兩款主食都跟一杯熱飲，叫左茶走，仲有option可以自己揀少甜少煉奶，茶味好出唔會得個死甜，飲落都smooth

新開張幫襯下初開張嗰時有街坊話外賣要捱住寒風等成個鐘，不過見今日唔算多人就即管一試。原本外賣左個照燒汁鰻魚蛋包飯返到屋企打開先見到佢俾錯左個雜菌南瓜雞飯⋯⋯入面啲雜菜都硬倔倔，好有咬口而啲汁真係好膩，食左半碗已經覺得好漏不過我原本都唔係諗住食呢個飯，所以唔岩我口味都正常但係食落發現舊雞係生嘅，仲要唔止一舊係未煮熟到呢一刻已經要棄飯杯奶茶都好難飲，入口好淡冇茶味，似乎落得太多奶要考慮下係咪再俾機會佢。

今晚屋企冇飯食，所以要喺屋企附近買外賣返去食，兜勻成個淘大都唔知食乜，咁啱去到二期見到呢一間新開嘅餐廳，裝修幾靚，走過去睇咗睇餐單，價錢都唔算好貴，所以諗住買返屋企試一試，如果好味就可以成為新飯堂🤩由於剩係得兩個人食，所以我哋淨係叫咗一個蒲燒鰻魚炒珍珠飯，蒜蓉汁香草雞扒滑蛋包飯，仲有一個香辣肉醬pizza share食，呢三樣食物都有送飲品，但由於我哋剩係得兩個人食，所以叫咗兩杯飲品，凍檸茶(+$3)同水果茶(+$24)。蒲燒鰻魚炒珍珠飯好足料，除咗有好多鰻魚之外，仲有粟米、菇菌同蔥等配料，配埋珍珠米，口感相當豐富🤤蒜蓉汁香草雞扒滑蛋包飯嘅雞扒都好大塊，煎得好香脆，同埋肉質都嫩滑👍🏻最後香辣肉醬pizza都好好味，一啲都唔乾，甚至好過出邊一啲Pizza餐廳！

今晚諗住在長假期前夕，食餐普普通通嘅晚飯。學朋友話齋，揀餐廳嘅準則第一，夠多人排隊，一定無走雞，唔會中伏😆 結果我們排咗足足15分鐘，先有位，食完證明終於明白點解咁多人排隊。我個人黎講食飯好少要等咁耐位，唔係朋友叫到都唔會等佢成15分鐘咁耐。入到坐低，手機落單，叫店員幫手落單又得。我們人頭點左個普通唔普通不過價位嘅意粉同飯，分別係忌廉野菌皇烤雞扁意粉、鮮茄汁香煎豬扒滑蛋包飯，之後仲點咗個牛角包同蒜香雞中翼，甜品就要了個原味芝士蛋糕同埋意大利粟子法式布朗。忌廉野菌皇烤雞扁意粉 調味恰好，烤雞係雞粒上，扁意粉配忌廉野菌白汁好食。鮮茄汁香煎豬扒滑蛋包飯 塊豬扒好嫰，用既係珍珠米，$48包熱飲真係同區都難揾呢個Quality，更何況淘大。配4隻蒜香雞翼，雖然比較遲上（可能因為太多人喇）但食落去真係冇令我失望，外皮真是金黃色的，雞翼香脆，4隻話咁快食哂😋牛角包系性價比之鬼，牛角包有手掌咁大，好鬆軟，有脆既酥皮，又有牛油嘅香味，包外脆內軟，都係$12，真係好出色!!!總體嚟講，在呢度食遠遠超出食一餐普通嘅茶記。而值得一提是店員哥仔好熱情、好有禮貌，服務好，食物質素又唔低，性價比高，唔少地方都比其他

九龍灣地鐵站對面嘅淘大商場，開咗間叫茶舍嘅餐廳，環境唔錯，地點位置都方便收工時間食晚餐都多人要等位 。 茶舍唔似一般嘅茶餐廳，亦都唔似好高級嘅café，佢有好多唔同種類嘅食物，有all day breakfast，PIZZA 焗飯，炒飯意粉，扒都有，最吸引我嘅係濃蝦堡香煎波士頓龍蝦半隻海鮮湯飯，淨係睇相，見到龍蝦大大隻….. 嘩….引死人咩我仲叫埋蒜香雞中翼(4隻) ，芝士蛋糕，同埋熱檸水 。 蒜香雞中翼先上枱，4隻雞翼大大隻，食落好有蒜味，肉質好juicy，唔會乾身湯飯準備時間要耐少少，到上枱時，湯飯熱辣辣，龍蝦有手掌咁大隻，龍蝦食落好彈牙，配上濃蝦味嘅湯底，一流呀，飯係用意大利飯煮成，海鮮飯中還有魷魚，青口，冬菇片，食完成個人暖晒……. 最後到芝士蛋糕上枱，佢連甜品都好出色，SIZE 唔大件，食落味道好creamy 值得一讚，佢連甜品都咁好味，下次一定要試佢嘅扒餐

由佢裝修開始已經有留意，幾次食飯時間經過茶舍都見到滿座同出面有人等位等外賣，估計都唔錯，今晚收工終於有機會試一試佢～晚餐都幾多選擇，分廚師之選、湯飯、和風之意、焗類、pizza、滑蛋包飯⋯⋯價錢唔貴掋食之餘全部都會送熱飲！我哋叫咗兩個餐，所以卷咗杯熱朱古力仲有得揀多奶同埋熱檸檬茶～叫左2個小食，蒜香雞中翼嚟到嘅時候仲係熱辣辣，應該係即叫即炸，旁邊仲好貼心咁加咗少少沙律，中和返冇咁熱氣～白汁芝士焗西蘭花份量非常之夠，面頭加咗芝士，個汁仲加咗蘑菇忌廉培根，西蘭花煮得好𣺉唔會焗到硬掘掘～三重芝士焗鮮茄牛脷飯係珍珠米炒飯底，面頭真係食得出係三種唔同嘅芝士，同埋原隻焗盤上所以非常之熱，唔怕天氣凍放多一陣會凍哂，牛脷厚切一粒粒𣺉身一啲都唔煙靭！煙三文魚火箭菜pizza，呢個價錢來講非常之抵，兩個人食啱啱好，餅底都有啲厚度唔係好薄果隻，芝士下面有粟米粒、洋蔥粒、蘑菇同埋煙三文魚，面頭就鋪咗火箭菜！下次想試埋佢個冬陰功雞肉pizza，同埋波士頓龍蝦，臨走嘅時候仲發現加$16仲可以追加蛋糕添！

好耐冇去過淘大 發現有好多新開的餐廳見到新開張的茶舍 門口都唔少客人 唔想等太耐所以叫外賣返屋企慢慢歎鮮蜆白酒煙肉蒜香天使麵 + 飲品 $68一打開已經聞到好香蒜味 D蜆份量好多 仲有煙肉 一D配菜天使麵質感煙煙unun 岩岩好蜆味鮮甜 呢個價錢黎講 份量多 好抵食蒲燒鰻魚炒珍珠飯 + 飲品 $65呢個真心推介 一碗大大碗 而且有好多鰻魚炒得又好香 加上面頭有D木魚碎 增加左成個飯的層次珍珠飯粒粒分明 而且粒飯圓D有口感D 好好食芝士汁魚柳滑蛋包飯 + 飲品 $58一開飯盒見到個魚柳都幾誇張 超大塊炸得非常香脆 外脆內軟 性價比好高炒蛋都係好滑好足料 送埋芝士汁同白飯一齊食 好味道茶舍的食飯份量好多 女仔食適合同人SHARE 好食又抵食 下次可以再幫親!

淘大商場開咗間新餐廳「茶舍」🍵，餐廳食品款式選擇多，日式鰻魚飯，美式pizza，港式茶餐，應有盡有✨，而且餐廳裝修精緻，價錢大衆化，淘大街坊必食之選。三層芝士鮮茄牛脷飯$58拉絲芝士香濃好味，牛脷切粒有咬口，而且份量夠多，加埋鮮茄非常好味😋。菠蘿🍍鮮茄三層芝士焗豬扒飯🐷$56菠蘿+鮮茄酸酸甜甜十分開胃✨，豬扒夠厚，肉質保持juicy，再加埋厚厚既芝士，絕對推介。千島海鮮🦞pizza🍕$68薄餅厚薄適中，海鮮配料非常豐富，蝦🦐、魷魚🦑等等海鮮配料，配合千島醬汁，食完想再encore。跟餐仲可以加$16追加蛋糕🍰，最吸引眼球既栗子蛋糕🧁，甜度適中，栗子🌰味道香甜，性價比十分高。

淘大最近開咗一間新嘅餐廳，係比較fusion形式。晚餐會係西式嘅意粉牛扒，早午餐又有中式湯粉面同西多士果類。我自己都幾鍾意入面夠曬光猛，而且裝修都幾靚，環境仲好乾淨坐得好舒服☺️ 啲餐牌都好有心思，見到晒嘢食嘅真實樣貌😆香濃茄汁鮮蝦蜆扁意粉 $68呢碟意粉嘅茄醬都幾多，但味道又唔會過濃！海鮮嘅味道同口感就正正常常，意粉軟硬適中，成個菜色都好開胃。忌廉野菌皇烤雞扁意粉 $56佢嘅菇類比例都幾多，忌廉汁、烤雞味道偏淡，鍾意口味中等微偏清淡既就岩啦～蒜香鷄中亦 $32上枱好夠熱，雞翼夠大隻有肉汁，有蒜香味係唔會輸的😆 原味芝士蛋糕 $21味道ok，作為飯後甜品都唔錯

今日放工後去接朋友放工，佢係牛頭角返工，所以我哋就去咗九龍灣食晚餐!先去咗附近Donki買嘢，隨意喺附近揀咗個呢間 - 茶舍, 餐廳嘅服務態度幾好，當有客人入餐廳, 職員會講 “歡迎光臨茶舍”👍🏻以茶餐廳來講算係好好😎見到身邊幾枱都點脆炸軟殼蟹芥末醬吐司配薯條好吸引，但今日lunch 先食完公司三文治，同真係唔想食炸嘢了，想忍下口，加上天氣凍冰冰緊係叫返熱湯飯，暖下身濃蝦湯海鮮飯 - $72 配熱杏霜湯底熱辣辣, 西式嘅煮法，幾重白酒味，加埋紫洋蔥，湯底有蝦呢香味，有唔少嘅魷魚圈，一隻大蝦，帶子，青口，完全冇overcook , 所有海鮮都煮得啱啱好, 隻大蝦都幾好食咖喱牛腩焗飯 - $61 配凍檸茶 (+3)咖喱嚟講唔算好辣, 同咗好多舊牛腩同大量芝士鋪滿個飯，牛腩幾淋身，整個份量都幾多，一個女仔係食唔晒的🙈蒜香雞中翼(四隻) - $32幾香脆, 唔會炸到雞肉入邊好乾，雞中翼都算幾大隻👍🏻下次會想試吓牛扒同軟殼蟹吐司😎

話說我係成日去淘大花園，近日見到有間新嘅西式輕餐廳開咗，呢間餐廳設計時尚清新，而且提供嘅食物種類多元，成個感覺都好吸引呀！雖然今日只係平日夜晚，而餐廳面積都唔細，但竟然多人到要等位。而佢嘅點餐係用QR code，等客人可以一邊睇餐牌一邊自助下單，而且都會有支水提供俾你飲用，細節位加分。今次我哋自兩個人有啲肚餓，於是叫咗兩個主食加一個pizza:魚籽三文魚蛋炒飯 ($60): 主廚推介菜式。炒飯底好香好足料，加上每啖都有滿滿嘅魚籽包裹住，食落去口感超級豐富，簡直滋味無窮啊！龍蝦湯海鮮飯 ($72): 天氣凍凍地當然叫下啲熱食啦，龍蝦湯海鮮飯簡直係一流嘅選擇啊！除咗湯頭濃郁(但唔會過鹹)之外，仲有配搭唔同嘅海鮮款式，味道鮮甜直程會飲晒啲湯呀！煙三文魚火箭菜比薩 ($65): 呢個pizza價錢合理但係質素好過出邊西餐廳好多。Pizza新鮮出爐焗到金黃色面，咬落去亦都脆卜卜，而且餡料多到要小心就住食。對於鍾意食西餐之人嚟講簡直係必點啦！小插曲: 我離開餐廳之後撞到個朋友，佢話雖然餐廳開業冇耐但已經食咗三次，仲話又抵食又好食。佢就好推介呢間餐廳嘅扒，話水準有得媲美專業嘅鋸扒餐廳，下次一定會試！

去淘大花園Donki超市shopping,途徑淘大花園(二期)茶舍竭吓腳順便醫吓五藏廟再去shopping。店舖裝潢寬敞，攞咗票等叫入座，店員都很有禮貌，客人也井井有條入座🌟黑椒汁美國安格斯+和風沙律~安格斯牛肉眼脂肪比例較少，幼嫩中帶少許咬口，牛肉味香濃。沙律菜新鮮翠綠清爽，健康食品首選👍👍🌟龍蝦湯海鮮扁意粉~龍蝦湯底質感濃稠，味蕾嚐到不同層次的鮮味。海鮮材料豐富，配有青口、鮮蝦、魷魚、帆立貝……等，鮮甜美味。扁意粉沾上濃稠適中龍蝦湯，口感煙韌嫩滑，還‘掛’有啖啖龍蝦湯味😋😋🌟脆炸軟殼蟹芥未醬吐司+薯條~軟殼蟹分量超大，原整一大隻軟殼蟹，嘴巴也張不大🤣🤣，軟殼蟹炸至金黄香脆，加上新鮮爽脆嘅生菜、蕃茄配入芥未醬，一份漲卜卜足料吐司，加上熱辣辣薯條，外面香脆內裡綿軟，滋味無窮。

淘大商場人流絡繹不絕，所以食肆改朝換代也非常頻密。最近又新開了一間餐廳。好清晰地將早餐、午餐、下午茶、晚餐的餐牌放在門口，明顯可以增加吸引力。新開張總是零舍吸引，早餐時間去很多人等位。大概等了10分鐘，終於可以入座，好幸運分到一張卡位。早餐種類特別多，選擇困難症的有煩惱了。「鮮野菌沙嗲牛肉湯通粉+丹麥包 火腿炒蛋」$38湯野菌味道足，份量也足夠，問題是湯只是微暖，不夠熱。 「千島吉列脆魚柳+丹麥包煙肉腸仔」$42魚柳即炸，份量頗大，丹麥包好煙韌，配上沙律，感覺不錯。奶茶奶味香濃，茶味足，非常港式奶茶的味道。限時讚好社交平台，仲要送兩隻「柚子雞翼」雞翼充滿了柚子味道，不錯。手機QR code落單，餐牌圖文並茂，真係唔怕看不明白。新開張，侍應也非常熱情，態度很好，地方乾淨企理，只要能夠保持食物質素，相信生意會是不錯的。