茶舍 (淘大商場2期)

營業中

休息中

每次經過樓下，都不期然會留意茶舍😅新開、裝修靚、見到幾乎座無虛席，今晚終於一試外賣😙黑椒汁美國安格斯配薯菜老公選了牛扒，牛扒的熟成度剛剛好，有牛味，油脂分明，黑椒汁另上👍🏼👍🏼薯條新鮮炸起，外脆內軟，好味☺️魚籽三文魚蛋炒飯炒飯料足！三文魚、魚籽的份量不少，加上各式各樣的配菜，例如菇、甘筍等等，令到這炒飯的味道更多層次及豐富😇好味又健康，下次都會再點千島海鮮pizzaPizza 性價比高，$68 ！！但材料好豐富，有蜆肉、魷魚、菠蘿、火腿、粟米、洋蔥火箭菜、帆立貝⋯⋯ 加上千島醬🤭🤭無得彈！都幾抵食😁還要是新鮮焗起的，等吓都抵🫶🏻這間餐廳的性價比最高。下次再來試試其他菜式

上星期去完茶舍土瓜環分店後，今個星期又去埋九龍灣淘大分店，呢邊仲要大間d架！特別一提店員服務態度超好超nice呀可以掃一掃佢餐牌，真係由早午晚都好多選擇同價錢抵！今晚我自己一個嗌左個濃蝦湯海鮮扁意粉。佢係粗意粉黎，我鍾意佢呢種唔會煮到過腍嘅質地，但同時又索到啲海鮮湯👍個海鮮湯飲落係零味精幾健康架！海鮮料份量都算多，有大蝦（肉質爽口！）、蜆、青口、扇貝，同埋有切片嘅菇～overall海鮮都幾鮮甜，$72呢個價真係超值！野飲我加左支凍嘅玫瑰普洱茶，勁大支😂😂我自己好鍾意呢類養身茶，所以另外又買埋桂圓紅棗茶同綜合水果紅茶拎走第二日飲😝😝

今日1205分打電話去叫外賣，1220分左右落去拎，鋪頭話未拎得，等多左陣，feel到唔對路，已經問店員係咪整緊，店員敷衍咁話：等多陣整緊。跟住眼見之後號碼嘅外賣都有人黎拎左，唯獨得我未有，我就知係漏單，再三催促，店員先正式同廚房溝通。結果我叫兩個飯，等左超過45分鐘！當中已經不停問，鋪頭都係敷衍了事，感覺好差！最差係後我幾個號碼嘅外賣單都相繼拎左，我問極都Hea我，其實根本未整！好唔好食都係其次，等咁耐，唔會再試！

從呢間茶餐廳開咗之後，長期食飯時間都見到人龍。呢晚我哋夜晚8點鐘去到都要繼續排隊，所以決定試吓點解茶餐廳都有咁大吸引力😆。佢嘅裝修設計比較現代簡約風，加添左西式Cafe嘅元素，同傳統茶餐廳嘅設計有唔同。食物方面，佢亦有好多西式嘅選擇，我哋今次就試咗牛扒同意大利飯。🚩黑椒汁美國安格斯牛扒配薯條 $88呢個價錢都唔會有太大嘅期望，同預期中一樣係茶餐廳牛扒嘅質素，但燒汁好正。佢有一啲過百蚊嘅牛扒選擇，可能會味道比較好。不過薯條好大份好好食，炸得好脆，身為薯條控嘅我感到非常開心🤣🤣。🚩南瓜野菌皇烤雞意大利粉 $62呢個意大利飯真係驚艷到我哋，我哋兩個講咗幾次話好好食，仲要可以免費飯底加大，唔止係飯量加大，南瓜汁都好足🎃，平時酒水怕啲飯好多但唔夠汁。野菌份量好足，不過雞肉就比較少，呢個價錢都極力推薦一試。🚩蒜香雞中翼 $32正常發揮。🚩柚子芝士蛋糕 $16跟餐加$16就可以配一個蛋糕，芝士蛋糕配柚子，口感非常fresh，一啲都唔漏。又係極力推薦大家加配一試。

今日喺淘大睇完戲，就周圍睇吓有啲咩可以食，轉角發現有間茶餐廳，入面坐滿晒人，睇完Menu，發現有波士頓龍蝦餐牌，睇完就決定排隊，等咗唔使5分鐘就可以入去；餐廳座位舒適闊落，環境都十分乾淨企理，職員都好有禮貌，同我地講可以自助落單，或者有需要亦可以搵佢地幫手👍🏻睇左一陣餐牌之後就揀左兩樣主食，分別係「芝士焗波士頓龍蝦海鮮意大利飯」同埋「蒜蓉汁香草雞扒滑蛋包飯」，而飲品就係熱奶茶同埋凍鴛鴦；上菜十分快，個頭落完唔夠10分鐘，呢頭飲品同食物已經到齊 😽蒜蓉汁香草雞扒滑蛋包飯既賣相好吸引，雞扒表皮香脆，切開入面多汁軟熟，而蒜蓉汁既配合又岩岩好，唔會太咸；最重要既芝士焗波士頓龍蝦海鮮意大利飯，波士頓龍大大隻，食落新鮮，唔會有腥味，而且有龍蝦鉗提供，方便易食；而個海鮮飯仲有其他海鮮，有魷魚，青口同埋蜆，食落唔會太油膩，口感十分之好，值得推介。下次一定會再試試其他菜式 🤤

是日跟同事外勤九龍灣，路經德福看見這家港式餐廳未到12:00已經十分爆場，不如買個外賣吃吧！前台收銀服務態度非常好，沒有被爆場的壓力弄至黑面，十分難得內部裝潢十分乾淨明亮，以餐廳定價來說實在不俗香煎豚斧頭豬扒煎蛋飯$58豬扒厚度十足！附有一條骨，帶骨豬扒比較嫩滑的定律在這顯現了！配飯吃一流煎蛋是太陽蛋，以外賣來說火候控制得十分好，流心又重蛋香魚籽三文魚炒蛋飯$58煙三文魚跟魚籽的細碎十分多！煙三文魚肉鹹香充足，碎蛋又彈牙，加上飯量比想像中大，飯粒炒得相當分明，整個飯非常飽肚！慢煮咖喱牛腩飯$56牛腩炆得超級稔！份量也不少，入口陣陣油香，把咖喱汁淋到白飯上面超級下飯，這組合真的是從不意外，永遠好吃

之前，在土瓜灣都有試過茶舍，覺得味道唔錯，而且價錢便宜。今日，去朋友家打麻雀，大家都唔想煮飯，所以，就去買外賣。朋友告知我，茶舍在樓下有開分店，我當然舉手贊成幫襯啦！必叫魚籽三文魚蛋炒飯。🌟🌟🌟🌟🌟。以呢個價錢嚟講，算十分正。三文魚碎粒唔少，加上蔥花和雞蛋，而且炒得亦夠火喉。我推薦呢個。千島醬海鮮薄餅都係首選。熱烘烘，配料亦算多，所以按呢個價，非常抵食。👍👍👍忌廉野菌皇扁意粉。意粉配上忌廉好野味。💖💖💖芝士蛋糕就不過不失啦。但最後，緊要有甜品彌補女士心靈空虛。咁樣先可大滿足。食飽之後，緊喺要再雀戰江湖啦。

今日行過淘大商場見到有間新開既冰室, 係土瓜灣食過一次, 都好多人食, 排左大約10-15分鐘就可以入去✌🏻🫃🏻照燒汁鰻魚滑蛋包飯 ($62)鰻魚好好食! 啖啖肉, 豐富滿足, 照燒汁幾濃, 去除魚腥味, 魚肉更香甜。滑蛋就相對上較為普通一點, 唔算好滑, 望落少少薄身, 份量無menu上既圖片咁厚🤔🫃🏻原條魚柳包配薯條($68)好大塊魚柳‼️仲要好厚, 肉質魚嫩, 無雪藏味, 熱辣辣上碟, 另外配千島醬, 生蕃茄&生菜, 包皮都烘得剛剛好。薯條都有滿滿既薯蓉係入面, 不錯👍🏻🫃🏻蒜香雞中翼($32)即叫即炸, 熱辣辣, 雞皮爽脆, 咬落去爆哂肉汁出黎😎, 唔見附近有人嗌, 真係走寶! 依個係全部入面最出色哈哈, 必嗌, 信我👍🏻🫃🏻冷萃咖啡(+$18)聞就好重咖啡味, 但味道就偏淡, 感覺唔太值加18蚊, 普通熱咖啡都可以了😂🫃🏻桂圓紅棗茶(+$18)喜出望外, 勁大支, 聞好多香紅棗味, 飲左一淡已經feel到好重桂圓味, 而且唔甜, 岩哂戒緊糖既人, 下次會再嗌🤪食物質素同價錢都成正比, 推薦係附近番工既打工仔一試🤘🏻

早前見咁多人排隊等位就諗住嘢食應該ok. 今日見無人排隊又望咗餐牌就去幫襯。企咗係門口幾分鐘先有位女侍應叫我入內坐。一坐梳化位就發現地下好多薯條，要自助點餐，水都唔比一杯。點咗茶餐：煉奶杏相一口西多士 + 熱奶茶。煉奶杏相一口西多士：應該得半茶匙煉奶for六粒一口西多（size大過一隻廣東麻雀既），無牛油，中間有一層蛋，但食落完全無味😕熱奶茶：望落顏色ok, 但飲落無茶味😕抱著希望入去，但感失望離開。

點左兩個茶餐，等咗半個鐘有多先來第一個茶餐，仲要錯嘅。再追之下先來第二個茶餐，結果又係錯嘅。叫老細三次都扮睇唔到，同員工講又話廚房唔夠人，野食份量少而且難食，經驗極差！

晚市繁忙時間，同老豆一齊試樓下新餐廳，叫左個雞排蛋包飯，老豆嗌焗豬排飯。得左半個鐘先上菜我覺得可以接受，因為人手唔多同繁忙時間，我明白體諒，冇催過任何嘢。我個飯上左先，個蒜蓉汁偏鹹，但可以一次食多啲白飯中和翻，但佢飯上面個畫蛋真係幾乎多蛋殼到每一淡飯都卜卜脆…🫠一兩粒蛋殼我是完全冇問題，三四粒都可以接受，但你淡淡都係真係好掃興囉…不過個雞扒就唔錯，雞皮煎得好脆，肉質都軟嫩，最後我食晒塊雞扒同啲飯，件蛋就冇食，蛋殼實在介口😕咁老豆個豬扒飯就掉翻轉，塊扒唔得，因為落得太多鬆肉粉，搞到食囉好哽住哽住☹️個飯就還可以。不過兩個人整體消費都只係110蚊，性價比黎講叫不過不失啦，未去到要投訴嘅程度，不過希望餐廳可以再做好啲，唔好因為啱啱開張多人排隊就hea做😔

之前同朋友已經嚟過食茶舍的下午茶今日試吓佢嘅晚餐，好似冇上個月咁多人排隊啦，等咗5分鐘先入得🙈比較肚餓，兩個人叫左pizza、焗飯、牛角包、薯條多士，跟餐配熱奶茶同熱咖啡全程用手機落單：三層芝士焗鮮茄牛脷飯牛角包千島醬海鮮比蕯脆炸軟殼蟹芥末醬吐司店員好貼心，落單前提左焗飯、Pizza類製作需時。Pizza 🍕 有5”大幾鐘意個pizza餅底係有些少微甜，海鮮材料有魷魚、魚柳、蝦。鮮茄牛脷焗飯D牛脷好林好軟，芝士拉絲，焗飯上枱時好熱，岩哂咁凍食。牛角包🥐 size 好大個，因為好酥皮、鬆軟，食落唔會滯胃。脆炸軟殼蟹芥末醬吐司有成隻軟殼蟹呀，另外薯條好脆口，要配合點茄汁。繼上次的下午餐，今餐超飽的說😆😆

第一次寫食評，見開左幾個月都keep住咁多人排隊，就同老婆同個女一齊食。長通粉正常野，焗西蘭花正常野但有樣野想講配料同長通粉一樣都係芝士煙肉蘑菇。一坐低話焗野要等20分鐘之後隔幾分鐘即落牛脷焗飯點知一等就等左45分鐘有多，等唔緊要最慘係難食，扮炒底嘅炒飯我食果個d飯濕到唔想食。追左幾次等咁耐比都係比呢d貨色，差。我係懷疑排隊係因為出餐太慢。試一次就夠。

呢間九龍灣淘大新開的茶餐廳由開張到呢家都排長隊, 單看裝修就想入去。今日終於的起心肝排隊入去試下。個餐牌好靚, 唔似一般既茶記。上面有廚師推介，於是我跟住試左個鰻魚炒飯，仲免費加底。好好味, 一D都唔似茶記。實在值得一試。

早排發現附近開咗間新嘅茶餐廳，於是今晚唔想煮飯就去買來試吓啦！舖頭嘅裝修簡潔，作為茶餐廳來講個裝修都有少少文青感覺。覺得舖頭嘅整體CP值幾高，因為晚餐都係$50左右就有個飯可以食，仲包嘢飲。我今次叫咗一個蒜蓉汁香草雞扒滑蛋包飯，個飯好大份夠兩個人食。餐廳好貼心地將啲蒜蓉汁擺喺底，咁就唔會整淋個雞扒。個雞扒好夠脆，個蛋都煮得啱啱好唔會太過老。另外叫咗個魚子三文魚蛋炒飯，佢啲三文魚食得出係煙三文魚，個鹹味配埋啲飯啱啱好，唔會太過鹹，而且炒飯炒得好乾身，粒粒分明。仲嗌咗個千島醬海鮮pizza，Pizza應該係即叫即整，所以外賣都要等25分鐘。不過奇怪嘅係食Pizza嘅時候唔係好覺得有海鮮哈哈🤣加咗$24叫咗個水果茶，一開始覺得有啲偏貴，不過飲落發現係好濃既茶，可以返屋企溝淡佢再飲都得。整體個茶比較酸，後尾發現啲新鮮水果仲有檸檬喺入邊，如果怕酸嘅可能要諗吓啦😗😗仲加$16食咗個朱古力蛋糕，作為一餐完美嘅總結。叫左咁多野食都只係$214，CP值的確幾高，有機會會再食。