茶舍 (淘大商場2期)

營業中

休息中

今日唔想煮早餐，就打算買外賣返屋企食，之前見到茶舍門面幾雅緻，有別於一般茶餐廳。店內環境寬敞，坐位舒適。早上八點左右，食客都不少。早餐款式很多，有茶餐廳的經典早餐、美式早餐、三文治餐、營養健康早餐等……最後我每樣都叫咗d, 鮮野菌沙嗲牛肉湯公仔麵配炒滑蛋火腿丹麥酥包、千島醬吉列脆魚柳配漢堡扒腸仔丹麥酥包、芝士火腿三文治、層層疊三文治，餐飲揀左綜合水果茶（加$24）和凍檸茶。🌟🌟魚柳炸得剛好，唔會太亁，魚肉質嫩滑。🌟🌟厚切三文治包，非常鬆軟。🌟🌟公仔麵和湯分開放，麵可保持彈牙，炒蛋嫩滑。🌟🌟層層疊三文治用料豐富，加上特製醬汁，好味道😋估唔到早餐都有得飲綜合水果紅茶😍味道清新可口，甜道適中。檸檬茶都ok，茶味濃郁。

餐廳裝修時尚舒適，價廉物美，就算附近食肆林立，這裡都經常排長龍。餐牌種類多不勝數，扒餐、滑蛋包飯、Pizza、漢堡、咖喱、焗類、濃蝦湯等，包羅萬有，而且所有套餐均贈送熱飲，相當抵食。煙三文魚火箭菜Pizza：批底好薄脆，即叫即整，熱辣辣，三文魚脂香四溢，仲有白蘑菇、粟米、洋蔥，配上傳統蕃茄醬，惹味又好食。薄燒鰻魚炒珍珠飯：用日本米炒飯，飯粒飽滿有粘性、口感有嚼勁，而且每粒飯都沾滿鰻魚汁，配料有菇、粟米、洋蔥，飯面撒上大量木魚絲，色香味俱全。意大利栗子法式布朗尼：這款布朗尼比較像蛋糕的質感，原粒栗子加栗子蓉、內裡充滿栗子雲呢拿慕絲，甜度適中，令我哋好滿足。總括黎講，餐廳位置便利，食物多元化又美味，職員服務好，性價比高。

味道其實ok，但過咗一開始蜜月期就要乜都冇，抵食好食既全部話唔做，只可以叫貴價嘢食。芝士薯條夠膽話一日只賣十份😅門口唔會話你知，入到坐低先知咩都冇。服務態度基本上都係差，全部服務員都係parttime，阿姐基本上咩都唔知，次次黎都會上錯菜。如果後生就再慘d，完全冇任何尊重，同客人完全係對立駁嘴，問多兩句就唔耐煩😅明明自己個餐牌設計得亂七八糟繞黎繞去。都幾可惜明明難得有間廚房食物係有水準但就比管理玩爛晒。

琴晚朋友屋企入伙，叫左我地3位密友上嚟，仲叫左呢間餐廳嘅外賣，估唔到咁出色，值得介紹下，走個陣去睇下餐廳，果然好多人，餐廳都幾大，似新裝修，幾靚。點左以下食物：*慢煮咖喱牛腩飯（$62）咖哩好好味，夠正宗，食落唔係單一咖哩味，比起好多茶餐廳好味，汁送飯一流。牛腩都煮得好夠淋而且份量都唔少，仲有薯仔，牛筋，落足本。千島海鮮pizza（$68）比起連鎖店嘅千島海鮮，呢間餐廳嘅絕對足料好多，真正嘅海鮮pizza, 大大個魷魚圈，青口等等，份量十足，加埋粟米粒，有咬口同味道豐富，真係超值。香濃茄汁鮮蝦扁意粉（$68）表面鋪滿香葉，加上扁意粉掛滿香香茄汁，顏色艷麗，食落啖啖茄汁香味，夠開胃，仲有加左菇，又有彈牙大蝦，好食。全部餐都配有熱飲，超值！餐廳食物種類好多元化，再訪朋友時可以再encore

好耐無去過淘大原來啲餐廳好多都換哂lu，今日諗住試下間新嘅，但都要排長龍🥲🥲都幾多人食睇menu覺得幾正，普通茶餐廳野有，日式或者西式都有叫左杯熱杏霜，未擺到枱面，已經超香杏仁味叫咗一個三重芝士牛脷焗飯，飯底幾乾身，好濃芝士味，重點係唔使等好耐另外叫咗一個安格斯牛，非常有驚喜首先份量已經好足夠,另外切落去好軟，亦都好有肉汁，一啲都唔會un 唯一覺得可以進步嘅係，啲薯條可以唔使擺喺碟上邊，因為一淋濕就會整濕咗，就冇咁好味，分開上就可以食到脆薯條同埋啲配菜都好多有半條翠玉瓜，仲有個粟米，BaLance 返同埋嗰餐湯係龍蝦湯好香，唔似一般啲罐頭湯咁鹹，仲有沙律估唔到百幾蚊，可以食到呢啲質素如果去隔離嗰啲餐廳就一定唔止，仲未必咁好食佢門口仲有一啲蛋糕，不過太飽所以冇食

今日叫左個 濃蝦湯海鮮扁意粉同三文魚子炒飯試左一啖 立即冇心情影相首先個炒飯唔夠味 炒飯最基本係要有鑊氣所以個飯唔夠乾身極之普通再等埋個濃湯意粉試左一啖所謂嘅濃湯同普通清湯煮意粉差不多蝦味冇 又唔夠濃同香咁就唔好叫濃湯意海鮮唔講 好多餐廳都係用急凍海鮮所以冇特別話好好食再一次失望 餐廳真心要再研究一下所謂的濃湯點樣煮總括而言餐廳環境係好靚係好容易吸引人去食侍應都好有禮貌不過一間餐廳最重要嘅係要好食先對得住客人希望餐廳可以改善下

👋🏻🍵 #九龍灣 #茶舍 #HiTea最近成日都去九龍灣，食多咗呢度嘅餐廳，今次就推薦一間CP值高、選擇豐富嘅茶餐廳「茶舍」😛 呢間茶餐廳價錢相宜，嘢食都唔錯㗎！🐥🍳 蒜蓉汁香草雞扒滑蛋包飯 （$48.00）連飲品（自選熱檸檬水）個蛋半熟超滑又香又好大塊！ 雞扒都好香嫩好味！🐮🥩 穀飼安格斯牛 （$148.00）5成、黑椒汁扁意粉，連餐湯、沙律、飲品（自選熱檸檬水）塊牛勁大勁日厚😨 估唔到百幾蚊有咁大塊牛！ 個意粉都好味㗎！（可以揀飯/意粉/薯菜）

早排淘大一炮過開左好幾間新餐廳, 真係試都試唔切因為呢間比較當眼食左一次, 好食但個 tea set等左我半個鐘, 嬲嬲地就冇寫😂今次試晚市各樣都好, 伙記係真心有禮醒目, training做得唔錯, 但都係全日免加一😁算係冰室 setting但野食超多元化, 焗飯蛋包飯意粉鋸扒連 pizza都有得食三層芝士焗鮮茄牛脷飯 $58炒底是基本, 蛋碎好多, 番茄反而就比較大舊, 都好新鮮令茄汁底更出牛脷大大粒份量都正常, 咬落爽口亦夠味, 但略嫌係面既角落焗到有些微燶, 但可以接受芝士真心多! 我就食唔出有三種, 但係係香同重手既芝士汁魚柳滑蛋包飯 $58呢個少少向上彎既魚柳賣相加少少分, 炸得唔錯入面魚肉好滑蛋都好滑, 芝士汁係飯底, 幾樣野一啖食係幾夾幾平衡, 每種都唔會太搶味飲品呢個價錢包熱飲, 叫左杯茶走, 另有朱古力走第一次見🤣 但係係麻麻地的太甜😂 茶走就剛好👍🏻

茶記有呢合設計同裝修 而環境都唔錯個人認為有性價比價錢有類近天部份茶記價 都有食好d食貴d系列店舖長長方方 好多卡位 落地大玻璃坐近卡位最正另外伸有大圓桌比你揀 方便比家庭樂 成班gathering人士食品 飲品 甜品 小食都幾多野食鮮茄汁香煎豬扒滑蛋包飯$48有塊豬扒 大包圍嘅蛋蛋包飯份量足 唔夠可以叫多飯😂魚籽三文魚蛋炒飯三文魚算幾多下 配料rich 蘑菇粒 香蔥 魚籽 洋蔥炒得香白 蛋花均奇全部飯類都條採用珍珠米 所以食落口感係唔同d蒲燒鰻魚炒珍珠飯饅魚汁炒飯係惹味的：）這是我最喜愛的饅魚饅魚皮又滑又油 渗落去飯上面撈埋手魚糠一齊食 十分满足綜合水果紅茶 😉星級特飲雖然貴貴地 不過幾好飲當你對比番出面好多飲品店 成年事即刻舒服左 哈茶舍 九龍灣牛頭角道77號淘大商場2期地下G242-245號舖

晚上收工同個朋友去茶舍食飯，等左一下就有位，入去坐低先感覺出事，張椅一坐就陷曬落去，形成臺高座矮的尷尬局面，之前來食過坐邊上的長椅無乜問題，今次坐得極唔舒服，食飯全程要硬硬挺直腰先可以，長時間就覺得條腰又酸又累，根本唔知食左乜入個肚……

每次經過樓下，都不期然會留意茶舍😅新開、裝修靚、見到幾乎座無虛席，今晚終於一試外賣😙黑椒汁美國安格斯配薯菜老公選了牛扒，牛扒的熟成度剛剛好，有牛味，油脂分明，黑椒汁另上👍🏼👍🏼薯條新鮮炸起，外脆內軟，好味☺️魚籽三文魚蛋炒飯炒飯料足！三文魚、魚籽的份量不少，加上各式各樣的配菜，例如菇、甘筍等等，令到這炒飯的味道更多層次及豐富😇好味又健康，下次都會再點千島海鮮pizzaPizza 性價比高，$68 ！！但材料好豐富，有蜆肉、魷魚、菠蘿、火腿、粟米、洋蔥火箭菜、帆立貝⋯⋯ 加上千島醬🤭🤭無得彈！都幾抵食😁還要是新鮮焗起的，等吓都抵🫶🏻這間餐廳的性價比最高。下次再來試試其他菜式

上星期去完茶舍土瓜環分店後，今個星期又去埋九龍灣淘大分店，呢邊仲要大間d架！特別一提店員服務態度超好超nice呀可以掃一掃佢餐牌，真係由早午晚都好多選擇同價錢抵！今晚我自己一個嗌左個濃蝦湯海鮮扁意粉。佢係粗意粉黎，我鍾意佢呢種唔會煮到過腍嘅質地，但同時又索到啲海鮮湯👍個海鮮湯飲落係零味精幾健康架！海鮮料份量都算多，有大蝦（肉質爽口！）、蜆、青口、扇貝，同埋有切片嘅菇～overall海鮮都幾鮮甜，$72呢個價真係超值！野飲我加左支凍嘅玫瑰普洱茶，勁大支😂😂我自己好鍾意呢類養身茶，所以另外又買埋桂圓紅棗茶同綜合水果紅茶拎走第二日飲😝😝

今日1205分打電話去叫外賣，1220分左右落去拎，鋪頭話未拎得，等多左陣，feel到唔對路，已經問店員係咪整緊，店員敷衍咁話：等多陣整緊。跟住眼見之後號碼嘅外賣都有人黎拎左，唯獨得我未有，我就知係漏單，再三催促，店員先正式同廚房溝通。結果我叫兩個飯，等左超過45分鐘！當中已經不停問，鋪頭都係敷衍了事，感覺好差！最差係後我幾個號碼嘅外賣單都相繼拎左，我問極都Hea我，其實根本未整！好唔好食都係其次，等咁耐，唔會再試！

從呢間茶餐廳開咗之後，長期食飯時間都見到人龍。呢晚我哋夜晚8點鐘去到都要繼續排隊，所以決定試吓點解茶餐廳都有咁大吸引力😆。佢嘅裝修設計比較現代簡約風，加添左西式Cafe嘅元素，同傳統茶餐廳嘅設計有唔同。食物方面，佢亦有好多西式嘅選擇，我哋今次就試咗牛扒同意大利飯。🚩黑椒汁美國安格斯牛扒配薯條 $88呢個價錢都唔會有太大嘅期望，同預期中一樣係茶餐廳牛扒嘅質素，但燒汁好正。佢有一啲過百蚊嘅牛扒選擇，可能會味道比較好。不過薯條好大份好好食，炸得好脆，身為薯條控嘅我感到非常開心🤣🤣。🚩南瓜野菌皇烤雞意大利粉 $62呢個意大利飯真係驚艷到我哋，我哋兩個講咗幾次話好好食，仲要可以免費飯底加大，唔止係飯量加大，南瓜汁都好足🎃，平時酒水怕啲飯好多但唔夠汁。野菌份量好足，不過雞肉就比較少，呢個價錢都極力推薦一試。🚩蒜香雞中翼 $32正常發揮。🚩柚子芝士蛋糕 $16跟餐加$16就可以配一個蛋糕，芝士蛋糕配柚子，口感非常fresh，一啲都唔漏。又係極力推薦大家加配一試。

今日喺淘大睇完戲，就周圍睇吓有啲咩可以食，轉角發現有間茶餐廳，入面坐滿晒人，睇完Menu，發現有波士頓龍蝦餐牌，睇完就決定排隊，等咗唔使5分鐘就可以入去；餐廳座位舒適闊落，環境都十分乾淨企理，職員都好有禮貌，同我地講可以自助落單，或者有需要亦可以搵佢地幫手👍🏻睇左一陣餐牌之後就揀左兩樣主食，分別係「芝士焗波士頓龍蝦海鮮意大利飯」同埋「蒜蓉汁香草雞扒滑蛋包飯」，而飲品就係熱奶茶同埋凍鴛鴦；上菜十分快，個頭落完唔夠10分鐘，呢頭飲品同食物已經到齊 😽蒜蓉汁香草雞扒滑蛋包飯既賣相好吸引，雞扒表皮香脆，切開入面多汁軟熟，而蒜蓉汁既配合又岩岩好，唔會太咸；最重要既芝士焗波士頓龍蝦海鮮意大利飯，波士頓龍大大隻，食落新鮮，唔會有腥味，而且有龍蝦鉗提供，方便易食；而個海鮮飯仲有其他海鮮，有魷魚，青口同埋蜆，食落唔會太油膩，口感十分之好，值得推介。下次一定會再試試其他菜式 🤤