茜廊餐廳 (樂富廣場A區)

營業中

休息中

作為普通打工仔，最唔鍾意日日被老闆罵，最鍾意天天都放假。回想起N年前倫敦之旅，於是今日回公司比老闆罵之前就回味一下倫敦的味道。此店人氣旺盛，午市時非常熱鬧，我一丁人耳朵也不愁寂寞。餐前蒜蓉包與湯都ok，包是外脆內脆，湯的熱度十足，主菜炸魚薯條，炸魚很大條，長個隻叉，外皮唔係勁脆那款，亦食唔出特別調味，魚肉少少腥少少散，可能因為要配合棒棒外形，所以唔係一大片的魚肉，咩魚我食唔出，魚味ok，都算合格，薯條新鮮炸起，沙律食落係伴碟水準就有點失色。天花吊扇在轉，加上背境的英文舊歌keep住loop，雖食物沒甚驚喜，整體感覺不錯；忽然有小朋友大叫：唔該埋單丫，頓時由神遊英倫回歸香港，又係時候回公司比老闆罵了。

不知是不是平日，客人不多，枱與枱之間分隔都算分得較開，座得舒適。今天忘記拍下食物，我們叫了3個晚餐，豬柳、燒春雞、牛排，3樣都好食。用了買：送1優惠，真係好抵食👍🏼服務大致上都良好，只是有一位員工經常問非所答😅

遠久時代，九龍灣裝修前不時光顧。有焗豬扒飯，海南雞，有麵包賣。。。裝修後無緣光顧。今日，同一名字，唔同的分店。好西。冇以往港式，馬來风味。有點似意粉屋。行平民經濟路線。平均九十幾文到百幾文一個餐夏日優惠，叫正價餐滿一百五十文，送燒春雞。咁就唔客氣了，：燒BB豬餐跟棘肉腸飯三文魚菠菜意粉送埋燒雞燒雞雞雖然係送，煮得唔差，但跟茄汁就差少少。如果有肉汁就更好了。伴碟沙律用蛋黃醬BB豬都可以，棘肉腸飯就唔多棘，但咸左，似豉油炒飯。三文魚意粉，就要好好珍貴，一片三文魚，菠菜好多條。餐飲，熱辣辣天氣，叫個奶昔。感受唔到奶昔，飲到有冰粒，飲管又細，吸唔到。唔好只管靚裝唔理實際用途。懷念麥記奶昔。食物有好大進步空間。服務員好有禮，勤力，態度正確。冷氣較弱，雖然有大量天花吊扇，都係熱。

餐廳外內裝修都好靚😍坐位都好濶，又好多啊⋯⋯光線亦都充足。當曰係下午茶時候去！都幾多選擇架😻牛肉竹碳漢堡配薯條$78因為我比較肚餓，所以點左而個，這個真係十分推薦，牛肉超厚好有汁😻又有沙律薯條好正啊，個竹碳又脆又香啊，仲有沙律配埋一流啊！三重奏$38裡面有雞奕，炸蝦餅，薯角，炸得岩岩好，又香又脆，下午茶一流，仲有小小沙律，淸清下腸胃。咁下午茶餐會配一杯飲品，普通茶餐廳咖啡奶茶等等，如果唔啱又可以加其他飲料。整體來說，是十分好，味道非常好。

門外等位，經理面無表情。落order ,叫服務.... 只回應等等。後無回頭，中午十二点半只7成滿客。食物賣相尚可，味一般。又是运舊店比較好。比這個介，大家樂好過佢，吾會再中伏樂富店。

茜廊，我細細個就聽過佢個名啦！係九龍灣的分店已很久，但我真心覺得一般，選擇少，常常漏單。到樂富有分店，也因為覺得旁邊美x集團的餐廳更不濟，於是幫襯茜廊。但這間茜廊，竟給我耳目一新的感覺，因為無論早餐的選擇和食物質素皆不錯，約三十元一個早餐我覺得可以，也坐得舒服。叫了一個餃子米粉和腸仔拼煎蛋牛角飽，餃子是比較小型的一類，有點像在超巿買到的韓國餃子，米粉方面不是一般粉麵舖的米粉，有少少透明的顏色，可能是台灣貨吧！而腸仔則是香草腸，煎蛋也算合格。後記：九龍灣茜廊剛好裝修，希望七月重開後可以有新的景況。

因為最近茜廊搞擦擦擦的優惠，每吃滿80蚊就有一張，變相最近也經常在這裡進餐。因為它的優惠很抵，試過抽到既餐買一送一，買二送一，20元現金，送燒春雞，送甜品等等。所以幾乎隔兩天就會去食。樂富這間分店的羊架是最好味的!燒得剛剛好，一點也不難不靭。配上燒汁是絕配!配菜亦非常豐富，有紫薯蓉，和一些蔬菜。它的紫薯蓉是超級好味! 很濃郁很新鮮。餐亦包括湯和飲品。他的羅宋湯非常夠味，超多料。並很夠藩茄酸的味道，簡直一流!! 另外它還有all day breakfast 提供喔！

呢間在樂富的西餐廳晚市keep住坐滿，呢類算是中高檔的西餐在的確樂富比較少的，但究竟佢地的食物質素如何呢，我地早兩晚就去了試試～我地今次三個人點了個二人set，有餐湯蒜蓉包、沙拉、頭盤、兩個mains、餐酒、dessert同埋餐飲。所以雖然係二人餐，但佢係一個full set好proper的dinner，所以唔係非常大使的話其實絕對夠三至四個人share～紅白餐湯都係個d野，沙拉就係三文魚沙拉，是非常大盤的! 至於頭盤就係白酒煮青口，味道ok正常。主菜一我地選了佢地招牌的戰斧肉眼，真係超超超巨大斧頭型的肉眼扒，at least 32oz，叫了medium但可能比較厚身所以燒出來比較似medium rare。佢既肉質都ok幾juicy但略顯無乜牛味，但份量超大三個人都食到牙較軟～另一個主菜我地就選了黑松露雞肉意大利飯，味道不過不失都可以接受但未至於很好食。餐酒可選紅酒或白酒，唔飲酒就可以揀橙汁。甜品就有d唔妥🤔，明明係cake of the day點解會係兩個小雪糕既? cake唔係蛋糕嗎?😂Overall來講呢度的一人set就介乎百幾至二百幾，二人set就二百幾至四五百，戰斧肉眼就貴d

一個不錯的早餐地方今早又來到呢間食早餐啦！去到時要等一陣位，唔駛5分鐘入去，服務都唔錯，侍應亦有禮貌！食物方面，雞扒味道適中，公仔都佢係用出前x丁，不會有大問題啦，香草腸亦好好味！以呢個價錢，有咁既環境、食品、服務！在樂富來說，已是不錯了！

細細個就食開的茜廊，最近進駐屋邨商場，不再要到九龍灣或天水圍才有得食！可以話為一眾街坊帶來極度邪惡美食！任何套餐只要加$24就可加配香煎鵝肝配法包，鵝肝煎到金香色，表皮脆卜卜，咬落入口即溶，內裡軟滑綿密，啖啖油脂香味！鵝肝size都唔細, 同法包差唔多大美國牛柳薯菜 (黑椒汁) $148葡式烤BB豬 ($168)寶雲酥羊架 ($158)

呢間西餐廳都有好幾間分店, 好耐無黎食啦, 今日黎到感覺同以前唔同, 好有清新, 乾淨, 舒服既感覺, 客依然係咁多, 今日我地叫左2個SET LUNCH, 先黎2個餐湯, 一紅一白, 再配上牛油多士, 罹宋湯好足料. 跟住我叫左個芝士白汁焗銀雪魚食, 用左呢個鍋黎盛載可以保持飯既溫度, 另外出面多數都係焗龍利柳, 但呢到係用銀雪魚, 超正, 魚肉超滑, 外皮仲會有輕微的脆. 朋友叫左個咖哩漢堡扒煎蛋飯, 咖哩味香, 送飯一流. 最後仲有餐茶.之後可以再黎食, 質數唔差.

本身夜晚行到好累，就係附近揾野食。見呢間野都幾多客人，睇黎唔會太差。但係一食，先知冇想像中咁好。首先d職員既服務態度就真係麻麻，比杯水都黑口黑面咁。好似佢地先係客人咁。跟住點左個set dinner, 係牛扒拼北海道帶子。北海道帶子係用芝士焗出黎，好大隻。芝士份量係好足。牛就點左7成熟，仲有少少肉汁，唔太差。配左照燒汁，用黎點薯角同瓜菜就一流啦。餐湯係一個磨茹湯，味道係幾好。唔算太差。整體黎講，味道幾好，但服務就唔好期待啦。

在樂富只有領匯商場，沒有太多餐廳選擇這間西餐廳價錢略貴了一點，但質素是有保證芝士焗雞飯作午餐是令人很開心的不過有一次廚師重手了，好咸白汁帶子煙斗粉味道有點淡，清清地都唔錯~帶子有委多粒，但不夠入味晚餐牛扒的厚度也是滿意 忘記了拍照了呢^^”不過有次吃豬仔脾，唔知點解燒烤汁有點苦下午茶也挺出色的$40內有沙律，牛角包 & 蕃茄煙斗粉好滿足的Tea!炸雞肶及薯條，好香脆，令人好有罪疚感呢最近Facebook按讚還送甜品👍

12月1日寒風初起，這天相約了中學同學，來到茜廊享受聖誕前夕的聖誕大餐！一進餐廳，是溫和的燈光，並已充滿了聖誕氣息，誰不喜歡充滿氣氛的餐廳呢？！可能是平日關係，六時多人不算多。7點半後愈來愈多人！那天我們吃了紅白湯西蒜蓉西多士紅湯偏咸。白湯奶味香濃加錢的青口，白酒較重，青口夠鮮嫩，比起餐湯更好紅蝦鮮蟹肉天使麵這個天使麵實在太失望了！這外觀不錯，紅蝦肉甜爽口！味道卻過咸！現在想起早知更換一碟新的！蟹肉用大量鹽醃。鮮味就沒有，海鹽蟹肉就一碟！火焰燒春雞看一看應該是炸春雞，但是切開肉汁即流出來，外脆肉嫩滑多汁！不會過咸，剛剛好！薯條分量充足！配上沙律，感覺健康又清新！飲品生薑蜜糖茶。今天天氣凍，想飲一杯熱飲，又不想飲一般熱飲，例如熱檸水阿華田朱古力奶茶，所以選了這杯！味道不會得濃，是淡淡的生薑和淡淡的蜜糖，不會太甜，但很熱！日本紅豆冰。這是朋友飲的。而我不知道日本和不是日本的紅豆有什麼分別！甜品朱古力心太軟配雪糕加58元的心太軟很大件。可以3個人吃沒有問題，不會過甜！不錯的心太軟呀！

情人節到處食飯都貴只有提早慶祝咁就可以省番一筆係人都知樂富其實都係食物沙漠黎唔想食連鎖既選擇都係得幾間今次我地兩口子就選擇左食呢間一入到去好彩係早左到都唔洗點等位就有得食我地兩個就點左二人晚餐價錢來說有D係可以去到7百幾我地只好嗌平民一點的一個扒加一個飯今次嗌既係炭燒美國肉眼牛扒+黑松露雞肉意大利飯作為二人晚餐一上到的當然會是湯和沙律白湯加左D菜碎使得這個湯不那麼平凡個人幾喜歡呢隻口味沙律都幾大份而且有隻半熟蛋係上面撈黎食口感更佳再黎係主食我食既係黑松露雞肉意大利飯黑松露味很香 而且意大利飯濕濕地再加上上面有磨菇等等既配料味道幾正中另一半吃既係炭燒美國肉眼牛扒我試左幾舊肉質好嫩滑 最特別係佢個醬汁好MATCH到個肉味!!係一個加分位!!!!價錢來說並不算便宜但性價比高 5百幾就食到兩個美味既菜式情人節好難搵到呢D架啦所以我個人是幾滿意