茜廊餐廳 (樂富廣場A區)

營業中

休息中

獨自一人夜媽媽工作完歸家，諗住豪豪地食餐好慰勞下自己，但成9:00又唔想食咁多。叫左個煎魚柳大蝦配薯菜，等左成20分鐘先上菜，已經算數。賣相「看似」正常、但一切就嚇死人、啲魚肉生嘅、以為自己睇錯、再切多下、堅係生喎⋯⋯侍應一句「唔好意思」拎走碟「魚生」，隔十分鐘後終於見條魚熟返，前前後後入座30分鐘先真係開始食，一食，魚係完全無味嘅、蝦正常、最好食係啲薯菜囉（椰菜、椰菜花、紅蘿蔔）、因為完全白烚嘛，唔洗考㕑師能力，千祈不能加佢個拌汁、加左簡直破壞白烚個原味，呢間嘢真係經典。最後，連僅有希望嘅凍咖啡一樣瀨嘢，有怪味嘅！極之失望、嘥錢又嘥氣，嘈都費事、blacklist 你把啦！最後悔無影相做鐵證，食得咁衰個人都無哂mood影乜鬼,你地想試下有幾堅就去試下啦。