茜廊餐廳 (樂富廣場A區)

營業中

休息中

星期日，睇怕冇一人想係屋企煮飯，所以就出左去搵野食。咁岩要去樂富呢頭買野，所以就諗住尼埋呢頭食野啦行出地鐵站冇耐，就見到呢間茜廊餐廳，見個餐牌好似都ok bo，就入左去。呢間餐廳係可以用food gulu拎位既，所以下次可以係尼緊既時候拎定位啦。不經不覺，原來已經2點幾，去到下午茶既時間。餐牌既選擇都幾多，最後我地揀左英式三重奏$128呢個英式下午茶有三層。最上層係三文魚法包同風乾火腿多士。味道都唔錯，如果多士同法包再脆d就會更好。第二層係吉列炸蝦，春卷同埋薯角。級數上就同英式下午茶呢個term有d距離啦，不過味道都算係咁啦最底層係精選蛋糕同macaroon。食完一輪咸野食返甜品係零舍滋味既!

住樂富都好少飲呢間餐廳食 今日一於試下 星期六下午午餐時間 可能都尚算早 人唔太多 安排到卡位坐環境裝修都ok 坐得舒服先來餐包 好硬好硬好失望 一定要扣分😫餐湯 我點紅湯 微暖味道帶酸 帶少許辣我係牛油果fans但pizza上枱時 已經係切得咁肉酸切到一忽忽好失望先唔評論味道 賣相已經扣哂分🤛🏻🤛🏻我記得好似係羊肩肉「實則唔肯定」但羊肉 有一大舊肥膏二舊都係 基本上肉好少飯 正常 忌廉飯唯一值得讚係 職員服務態度好好好細心 仲會關心我地既需要❤️

樂富周圍食野都唔平，尤其lunch , 1個人加埋1都差吾多要成舊水😅，行混晒見呢間平過其他，試下先🙂又有apps可以拎定飛，非常方便用apps又可以remote拎飛，同埋有野送👍🏻黑芝麻蒜蓉面包，好硬，個人都係鐘意食啲軟身既包多啲紅湯：有牛肉，足料，少少辣日式咖哩汁吉烈豬扒：份量都幾大👍🏻，不過日式咖哩汁有少少辣，有4塊豬扒都幾大👍🏻Download 領展apps食滿120蚊可以送個黑松露雞肉pizza, 雖然個底唔算厚，但送既唔計較咁多

星期日下晝 唔算好肚餓但係冇嘢做就同男朋友去食個下午茶 揀咗之前都已經食過嘅茜廊 講真茜廊嘅裝修都算幾精緻 但係經營模式同埋價錢都有港式茶餐廳嘅感覺 親民得嚟有種交錯嘅特別感覺😯下午茶餐有好多款選擇 唔係好肚餓嘅我哋要左一份自由配搭下午茶 貪佢有ABC三個組合 好似多啲嘢食咁🤣A要咗豚肉餃子拉麵 以為會係日式嗰種豬肉餃子🥟 點知豬肉同餃子原來係兩樣餸 係中式嘅餃子 仲有半隻熟蛋 味道就正正常常啦B要咗雞翼薯條 分量偏細 但係＄13過下口癮都抵啦C本來揀咗New York cheesecake 但係賣晒轉左椰子蛋糕 上枱發現係綠茶蛋糕加啲椰絲 仲有一粒咖啡味嘅macaron 綠茶味幾濃 都食到椰子味 要食到椰子味 加＄10真係好抵😋最後埋單加埋一都只係$65.1 又好坐又有咁多款嘢食 已經非常滿意😚 平時係大商場要搵間四正啲嘅餐廳 一定唔只呢個價啦🙌🏻

沒試過依間ge西餐 所以就唔評論啦 今次最想踩係佢哋新推出ge火鍋 湯底有麻辣 韓式 同清湯 佢哋個麻辣根本就係清湯加幾粒辣椒 同清湯完全無分別 而我朋友食韓式湯底 結果係羅宋湯離 佢哋個肥牛薄到睇到個碟 仲要得個四塊 火鍋d料普通到不能再普通 成本應該$10都唔使 大家可以自行想象 加埋d湯底係非常難食 仲要得蒸魚豉油點 個火鍋單買$69 仲要加$10先有飯/烏冬 d飯勁硬 仲要無野飲 又要加一 咁ge價錢我覺得吉野家 /大家樂個d火鍋唔止抵食 仲好食好多。。。。

獨自一人夜媽媽工作完歸家，諗住豪豪地食餐好慰勞下自己，但成9:00又唔想食咁多。叫左個煎魚柳大蝦配薯菜，等左成20分鐘先上菜，已經算數。賣相「看似」正常、但一切就嚇死人、啲魚肉生嘅、以為自己睇錯、再切多下、堅係生喎⋯⋯侍應一句「唔好意思」拎走碟「魚生」，隔十分鐘後終於見條魚熟返，前前後後入座30分鐘先真係開始食，一食，魚係完全無味嘅、蝦正常、最好食係啲薯菜囉（椰菜、椰菜花、紅蘿蔔）、因為完全白烚嘛，唔洗考㕑師能力，千祈不能加佢個拌汁、加左簡直破壞白烚個原味，呢間嘢真係經典。最後，連僅有希望嘅凍咖啡一樣瀨嘢，有怪味嘅！極之失望、嘥錢又嘥氣，嘈都費事、blacklist 你把啦！最後悔無影相做鐵證，食得咁衰個人都無哂mood影乜鬼,你地想試下有幾堅就去試下啦。

上星期既悠閒星期日，出去附近行吓矖下太陽，如果唔係就好容易變咗做發霉既C奶仔，哈哈哈哈。今次去咗呢間西餐廳，入座之後發現原來之前都有係另一個地區嘅分店幫襯過，自己都唔記得左。餐湯，選了紅湯，微辣足料。餐包，香脆，如果蒜容味再濃一點就更好了。蒜香野菌天使麵，雖然好似無咩特別，但係勝在夠蒜香味同啲配料豐富，乾身爽口。牛柳配炸蝦，老公點既，牛柳都好軟淋，個燒汁都好濃醇，炸蝦好鬆軟又唔會油腻。

今晚與友人到樂富茜廊食飯，見有新推出一人一火鍋就試下，叫咗一個牛肉清湯鍋$69、一個豚肉清湯鍋$65及另外以$15加一碟牛肉，有一碗飯跟，冇飲品跟要加一服務費。當兩個一到就知中伏！兩個鍋材料非常少，跟鍋D牛肉、豚肉、配菜及後加嘅牛肉份量少得非常驚人，個湯底非常之鹹，連豉油都唔駛用，絕對夠哂味，我不會再食呢個鍋，我覺得快餐店質量比佢合理。

經過茜廐，見環境裝修不錯，感覺舒服，加上最重要是門口有推廣牌，寫著早餐$22起，決定入內一試. 找到窗口位置，翻開餐牌，最貴的早餐$60多，其餘$30多至$40多.思量後因時間不多，決定一試$22的煎蛋辣肉碎米粉. 此價錢，份量當然不多，但味道卻有意外之喜，喜歡吃辣但又怕太辣的我，這種辣度最適合，亦非常合適作早餐粉麵調味用，吃後心想，一定再來 yummy啊 至於咖啡，略為過苦了，可能我始終不是一位懂欣賞咖啡之人吧!

樂富一向多野食，今日好餓所以特登搵西餐，有湯有包有主菜同飲品，確保好飽～首先店內嘅裝修都幾靚，坐得好舒服，感覺乾淨利落！加分！牆身有好多裝飾，都算係平民靚西餐！晚餐都要人頭$200位，下午茶抵食，所以叫貴野試下先！首先炭燒芝麻包好香又軟熟，配合呢舊高質肉芝士香濃牛味漢堡好不得了，煎熟嘅厚蕃茄好甜，自己落蕃茄汁同酸瓜，加左真係滿分！！薯條粗幼剛好，即炸熱辣辣，好香，連個沙律都係誠意之作，蜜糖芥末沙律醬好好味$78好抵食！！呢碟天使麵睇落好dry，點知聞落好香！！一放入口，天使麵彈牙而滑溜，雜菌有好香牛油炒嘅味，成件事係驚喜！好開心食咗個平民靚tea!!會要光顧！下次要試$128 三文魚tea set!!

今天約了親戚們10:30 一同掃墓每次掃墓時都來不及吃早餐，每次都在附近草草了事（吃麵包/在鴻福堂買燒賣）今次與母親大人特地提早兩小時出門，為的就是吃早餐😂😂母親大人不想走太遠尋找餐廳，於是我們便決定在茜廊餐廳解決早餐的問題母親大人：自選粉麵（鮑片昆布烏冬配阿華田）我：早晨全餐配橙汁母親大人不愛吃西式早餐，於是便選了烏冬，我沒有影相，不過母親大人對麵的質素不太滿意她建議餐廳應該放一些蔬菜在麵（較為健康），而且鮑片只有三塊，感覺上不值得$20幾的價錢早晨全餐（由左上開始順序排列）：茄汁豆、沙律菜、薯餅、牛角包、炒雜菌、黑松露炒蛋）茄汁豆：普通罐頭的茄汁豆沙律菜：我不吃生的菜，沒有嘗試薯餅：普普通通，但我會比較喜歡麥當勞的薯餅牛角包：鬆軟可口，非常好吃炒雜菌：我愛吃菇類，這個也不錯黑松露炒蛋：母親大人說不會給黑松露，只是噱頭，騙人的，但我嚐到這炒蛋真的有淡淡的黑松露味道雖然每年只會在掃墓時來到樂富，如有機會，下次也可以嚐嚐其他菜式

之前食過晚餐都覺得可以心血來潮就試下哩間既早餐個餐黎得幾快除左隻蛋外，其他都5熱條腸係凍，啲菇係勁微既暖個炒蛋又炒得5靚牛角包有樣睇係差既原來出餐咁快係有原因勁伏，早餐5會再食哩間

地點方便容易搵，今日食下午茶餐A+B。$148+$15x2兩set配餐(湯丶飲品丶餐包)，餐包兼太乾硬無蒜蓉味，得個脆口，咖啡唔錯，濃度算適中，天使麵無咩特別係多左d豆苗裝飾，不過不失，什扒份量亦適量，不多不少，味道啱好，唔算鹹，係無得撰其他配汁。有一兩個侍應發夢遊雲咁，叫一樣拎一樣，餐牌都係問先最後拎，可間中食吓。

平時都會來間餐廳去食下午茶，今日呢就夜晚過到嚟啦，咁啦唔算太多人，所以都幾舒服，佢啲座位都坐得幾舒服，仲有侍應服務態度都幾好，一入到去呢就有人比餐牌我哋。咁啦就有個餐湯同蒜蓉包，鍾意食個蒜蓉包好香。吉列蝦沙律呢個係套餐＋15，呢個都好好食，咁佢仲有其他食物加，都係因應自己興趣啦，錢都唔貴。特級牛柳配阿根廷紅蝦$128呢個好好食呀，個牛柳好滑，隻蝦煎得岩岩好，又大隻，最鍾意就係配個汁，加埋一齊呢就真係好好食。

晚餐時候不用等位餐廳新開不久地方整潔，食物點選擇兩份晚餐，餐湯有羅宋湯同南瓜忌廉湯 一份西冷牛扒一份葡式乳豬，七成熟牛扒普通不用多說乳豬燒烤多汁皮脆肉嫩值得一試。