茜廊餐廳 (德福廣場1期)

營業中

休息中

呢間餐廳成日都見到好多人，但可能最近疫情關係，果晚入到去冇咩人。難得同細佬撐枱腳諗住一齊叫個鐵扒餐嘆下啦，點知中左計，又貴又唔好食！係得個蒜蓉包同個湯食得下，大家樂都樂食過佢😭先講下果塊肉眼扒，我見到直頭「O」左嘴，以佢個價錢我冇諗過肉眼扒可以薄過張紙，出面茶記塊豬扒都厚過佢，醃到d肉梅哂，問個侍應呢塊係西冷定肉眼都答唔出🤬🤬另外份西冷好少少，不過都唔係好食！薯菜以為係薯條，點知係幾舊咖哩薯仔，幾條青豆.....

疫情下近月甚少外出用膳，與兩位同事忙碌完一個上午，因困得太耐，心情鬱悶，同事們提議外出走走，食個飯。大家都抱著戰戰兢兢的心情，小心翼翼地外出。相信現在很多香港人也抱著這樣的心情外出用膳。我們想吃西餐，最後選了這間餐廳。餐廳衛生尚算可以，雖說近月很多人也不敢外出用膳，但餐廳依然9成滿座。午餐價位$100左右，我們仨都選了這個大蝦牛扒配沙律，$128加一，坦白說，食物水準一般，這樣的價錢可以有更好的選擇。

1月六日第一次與友人來此吃早餐，到櫃檯付款單時，排隊在我前面的女士已經在跟收銀員說計多咗錢。輪到我付款的時候，個男收銀員話個系統有問題，只能收現金。我話唔夠現金後，他在電腦上搞咗好耐，終於收八達通。由於趕時間，冇查清楚單上的項目。回到家中，才發現有兩個寫住餐飲分帳的項目多收共$10（再加一）食咗兩個早餐都係80幾蚊，居然多收10幾蚊。這間餐廳和穿着白色廚師制服的男收銀員非常可疑，有亂收錢的嫌疑黒店。以後要記住看清楚單才付款。食物的質素也非常一般，與一般茶餐廳沒大分別，$49的英倫早餐本來跟牛角包，但話賣光只是給了一般的提子包代替！奶茶也是一般！建議還是到附近的茶餐廳吃早餐更好！Don’t come, not recommended, please choose other options in the area!

與有人共進早餐，去櫃檯付錢時，男收銀員話因為系統有問題，只能收現金。我跟他說不夠現金，他便在電腦搞咗很耐，才給我用八達通。由於趕時間沒有查清楚單上的項目便付了錢。回到家中才發現有兩個項目叫「餐飲分販亅賬總共$10 （再加一）多收了。食兩個早餐才八十幾蚊，居然多收十幾蚊！這間店舖非常可疑，有亂收錢的嫌疑，以後一定要看清楚才付錢。😡

今日係德福買完電器 就想拿拿林食餐飯就返屋企瞓下 所以就揀左間就腳係正德福其中一個門口出面食個快飯呢排好似市道比較差，隊都唔洗排就入到去食dinner。打開個menu 是但揀左塊牛扒set同加多10雞要多碟煮意粉試一試 咁個set就基本消費跟個餐湯同蒜蓉包 仲有餐飲 而我就嗌左忌廉湯同凍檸茶呢d例牌嘢 忌廉湯就麻麻地 無乜味 同飲水差唔多 好一般 餐飲就正常 無乜特別 唯一個蒜蓉包有驚喜 喜出望外幾香口 軟硬適中 幾高分到主菜 我order左5成熟嘅牛扒 又係另一個驚喜 比我想像中好食 牛味幾足 牛扒唔un幾嫩 又無乜筋 廚房師傅煎得幾靚仔 岩岩好5成 個汁調味又唔係太鹹 亦唔太淡 味道唔錯 係薯菜方面比較劣質 但主角牛扒搭夠 overall呢個價位我會比中上水平最後值得一讚係service，侍應對客人態度好好，有好充足嘅交流仲好識講嘢，好好！個餐埋單加埋一應該ard $150 價錢合理 個人覺得好過「Garden餐廳」

昨天星期三同同事去茜廊食午餐，以為天氣開始凍坐窗口位會好凍，點知熱到面都紅晒，同事仲攞啲文件出嚟撥扇，見到啲鐵板煙又熱又焗，我哋快快脆脆食完就走，外面空氣清新即刻舒服哂。下次一定要帶把小電風扇旁下身先好黎。唔知糸咪慳冷氣費呢？

九龍灣餐廳看似花多眼亂，但真正不用等位價錢又錢道既餐廳不多。今次選擇這間餐廳是因爲它的格局所吸引，類似外國高級餐廳的裝潢，別樹一格。最後我點了鐵板肉眼扒配忌廉湯，味道還可以，但因為朋友點的餐一早已到，我份餐比朋友那份遲了十五分鐘，再加上錯單使餐廳失色，期望餐廳會改善服務質素。

是日與皇太后及弟弟一行四人來到九龍灣聚餐 - 茜廊皇太后最愛這餐廳，原因是它的價格抵食！雖然味道一般，坐位也算舒適，沒有時限，沒有客人站在您身後等位…而價格與快餐店差不多的！星期六下午茶之時段為下午2:30至6:00三層麵包烤過；餡料豐富有番茄丶薄片肉丶蛋丶芝士丶火腿丶生菜及沙律醬！十足分量！味道一般！配上飲品：熱紅莓茶皇太后話：偏甜！上枱時，漂來一陣淡淡椰香味；套餐配飲品J先生選了凍奶茶！J先生話：都幾好我試了一啖咖哩帶濃而辣！弟弟選了買A送B抵食孖寶餐餐湯：羅宋湯配蒜蓉包！薄牛扒丶雞扒丶煙火腿丶香腸丶煎蛋，原來是鐵板上碟燒汁另上！飲品選了凍檸茶！皇太后烤雞肉較實；薯條被J先生弄到碟另一邊擦中即賞 消費滿$100（連加一服務費，並以單一發票計算），即可獲贈擦卡一張，如此類推，每張發票最多可獲三張擦卡。注意：只可擦一格茜廊 總結：還可一試！

約左朋友係mcl睇7:30場 時間無多 是旦搵d野食啦 廢事去咁遠 係平台見到呢間頹西餐又好似好多人幫襯wo 應該都唔太伏嘅 臨近halloween整左個特別menu 不過都唔太吸引 見到個個係附近渣渣聲食鐵板燒 原來係個牛扒做緊優惠wo $139 一於試試佢 餐湯餐包真係零期望ga la 個包都唔係用多士整 將個豬仔包開半 勁乾身 牛扒我叫左7成熟 嚟到都生生地 不過我用鐵板嘅熱力煎番熟少少 都幾厚切好大塊 薯菜就頹左d另外朋友叫左個羊架risotto 偏咸左少少 不過都可以接受叫杯餐飲反而等左3個字都未嚟 好慢 不過食完慢慢行過去戲院時間剛剛好

同朋友食飯吹水，都好鍾意黎呢間餐廳食飯，皆因佢有早午下午茶晚餐都有餐食，想幾時食都可以去食，岩晒唔想煩食咩既我。呢次係食晚餐，剛好有位唔洗等。因為唔太餓，就點左個煙三文魚沙津，朋友就食卡邦尼意粉。我鍾意食呢間既蒜蓉包，脆脆地之餘，仲要成塊包都搽滿蒜蓉，大滿足而湯方面不過不失，紅湯帶點微辣，份量夠白湯香濃，配料都夠牛柳煙三文魚沙津，菜都新鮮爽口，肉比想像中大片，兩款肉加埋啲菜，岩岩好，係個沙津醬怪怪地，同煙三文魚同牛肉唔太夾，應該用沙津醋會好啲。卡邦尼扁意粉，朋友略覺得份量唔夠，但味道係幾好，汁都香濃，意粉硬度適中，配菜都夠。當晚食飯都滿座，侍應主動加水頻率都高，唔洗係咁叫人加水咁麻煩，所以去呢間餐廳食飯吹水係唔錯既選擇

原來茜廊已經重新裝修過，記得之前食物同服務都好差所以好耐好耐都無食過啦。估吾到今次有驚喜喎！就係俾呢個tea買一送一吸引左，又真係幾抵食既。。。雜朳餐：都幾抵食喎，大大份！上枱夠熱辣辣，淋上汁有滋滋聲咖！食物雖然係普通，個質素都幾高既，仲有湯飲品同餐包。。燒春雞沙律🥗有驚喜喔，春雞都幾嫩滑咖。份量吾係好大，但都岩岩好。作為下午茶份量幾好✌🏻✌🏻不過加錢先會跟餐湯飲品同包，但可以接受啦！服務真係有改善，好過之前好多。。。

朝頭早呢度好多人排隊食早餐，算係德福入面食早餐其中最好嘅一間，佢嘅早餐餐牌有好多好多嘅選擇。平時鍾意食開羅宋湯雞肉煙斗粉配多士炒蛋，今次等我試吓佢嘅吉列魚柳炒蛋先。佢嘅吉列魚柳呢係比普通嘅集團餐廳大塊，通常啲集團餐廳嘅魚柳份量只係會係佢嘅一半，仲要好多時候都係好多粉，食到好多魚皮多過肉，呢度嘅吉列魚柳切開都見到有層好厚嘅肉，就知道冇偷工減料。佢哋嘅炒蛋都好滑份量都好大。如果呢個餐可以好似普通集團餐廳咁可以加幾蚊加碗通粉就好啦。

Boyfriend and I were in Kowloon Bay where I  complained I was hungry as he still hadn't decided where we were to eat lunch. Every single option I showed him was a shake of a head. Finally out of my frustration, he decided we just eat Sidewalk Cafe as we were standing next to it.It was quite busy on this day and pretty much every time we've walked by here. Afternoon tea time, they had a tea time menu. All include a drink. I noticed they offered a raspberry tea! How interestingly different! I chos

空間大，環境舒適。晚餐套餐價錢還可以， 個人幾鍾意佢嘅餐湯白湯好喝，熱哄哄的，不會好cream 的感覺， 蒜蓉包味道唔錯。叫了黑松露寬條面和燒雞，味道還可以。這間餐廳都經營了十年有，在德福留得住的餐廳都不易呀。

路過德福，囡囡又想減肥食light d, 搵間平民西餐食下。晚市既其中一版餐牌我地2個都點左羅宋湯，黎左2塊蒜蓉包。湯既牛味好濃，仲食到啲雜菜同肉，蒜蓉包都好唔錯，個包似burger bun, 有芝麻，好香。依個係女友叫既沙律，三片火腿，四片三文魚，我都試左啲，依隻火腿唔會好鹹(有啲平價火腿後期添加啲鹹味混水摸魚), 煙三文魚既質素都正正常常。但唯獨是個菜太dry，如果加啲virgin olive oil整體會香啲，俾$118依個價錢，我覺得可以做靚少少。依個咖哩汁好野味，辣度合適。佢可以配白飯或意粉或中東包，我今晚揀左中東包，但食得出個包係微波爐叮出黎，上左枱5分鐘就變硬，質感一般。牛腩就唔太淋，即使食最肥個舊都係有啲渣，可能揀其他餸會好啲。