茜廊餐廳 (德福廣場1期)

營業中

休息中

同fd行完德福落大雨 經過茜廊諗起好耐無幫襯過 於是決定入黎食 可能因為落大雨原因 唔使等位即可入座（當然係度咗體溫先喇）入到黎環境幾靚下 位夠大唔會好迫 卡位坐得舒服 一坐低就有職員攞熱水浸住餐具 令我們覺得好安心 落單同事都幾nice 有禮貌咁回答我哋嘅疑問 我哋最後嗌嘅係做緊限時優惠嘅牛扒餐 12安士 當然照舊有埋餐湯同餐飲喇 食物上到黎好大一塊 跟埋薯菜 塊扒有手掌咁大塊哈哈哈 對我哋女仔食量黎講綽綽有餘 咬落口覺得肉質唔錯 廚房煎得幾好 佢係薄身 所以咬落唔會話好硬好老食得好舒服😌 以後同班fd可以多d幫襯🤣

今晚不煮飯，同家人來到德福"茜廊"晚膳。座位算寬敞, 坐得舒適。一坐下來, 侍應生遞上高杯子餐具, 用熱水浸著, 非常衛生。杯上寫埋小心防燙，超好！好多出面餐廳成日叫幾次才給隻矮杯我放熱水洗餐具。這餐廳真好！3個人我們叫了三客套餐: 蒜片欖油蝦球天使麵, 芝士焗龍蝦配蒜蓉汁牛柳 (原本黑椒汁可改蒜蓉汁),芭堤雅燒雞配酸辣汁,每份餐跟配餐湯,蒜蓉包,及飲品。龍蝦肉香嫩,與芝士味很配合, 如果龍蝦size大隻啲就更加好。天使麵煙韌爽滑,再灑上檸檬汁帶出蒜片欖油味道更加香濃,非常好吃,我很喜歡。牛柳煎得比較熟,可能是order七成熟的關係,但都夠稔身,蒜蓉汁夠香, 好好味。燒雞肉不夠嫩口,但都ok, 酸辣汁好味, 扯平。忌廉餐湯夠熱 不會太creamy, ok。 蒜蓉包好香脆,好味。最後叫了 雪糕紅豆冰, 及雪糕紅豆冰涼粉, 甜度適中,紅豆夠稔,好味, 值得一試。整體餐廳環境及食物質素ok,👍👍👍下次—定會再來吃。

難得在這逆／疫境中與好友於一間舒適的經典餐廳 - 位於九龍灣德福廣場的茜廊餐廳 - 共敍難忘的一個晚上，在這環境優雅的地方緬懷過去點滴之餘，也品嚐了美味的豐富晚餐。在點選晚餐時實在有選擇困難症，對餐牌上的每一款食物都十分有興趣，被＂限時快閃優惠＂吸引了我的注意力，便柯打了這個＂美國極級牛肉眼扒＂，份量十足，配上松露洋蔥汁，超正超美味！並以優惠的加配價點選了精美小食，法式焗田螺、炸馬介休球，真係好滋味，名符其實嘅經典美食。羅宋湯及蒜蓉包更是值得一讚，多年來保持水準，真是食過番尋味！也頗懷念以前茜廊餐廳嘅蒜蓉牛油，諗起都想再食，期待！😋😋😋員工服務態度有禮，一間擁有美食及優良服務態度的經典餐廳 - 茜廊餐廳 - 下次見！

小弟第一次打食評,多多指教.食個時係星期日假日，咁岩朋友約我去個度食，於是就黎左呢間泰國菜餐廳試下個時假日裡面人幾多，但係出奇地個日晚餐出錯速度幾快下，唔係得我地個台，呢樣值得一讚。因為好多餐廳假日多人會好忙，容易出錯單或者遲出菜。個日叫左一個泰翅尊4人套餐，TOTAL有樣野。朋友叫左珍多冰同龍眼冰，至於我自己就叫左芒果沙冰。芒果味第一碟係蒜蓉炒通菜，純粹想食下菜。味道幾好，個人鐘意濃味，碟菜口味幾好。第二款係半隻無骨海南雞。雞肉質地夠嫩，配料醬味道亦唔錯，成道雞既味道幾突出。加上唔同餐廳既海南雞味道都有些少差異。鐘意海南雞既朋友建議一試第三個係泰式砂鍋翅，有芽菜有肉。個翅質感幾"杰"，唔似有D餐廳會溝稀佢。第四樣係泰式黃咖哩炒魚塊。入面啖啖肉，黃咖哩味都係濃。汁就杰杰地。對於某D人或者味道會有抗拒之後就係泰式燒乳豬。鹽味較重，較鹹，但乳豬肉係包含住汁既味道，旁邊都有辣醬比鐘意食辣既朋友最後就係拼盤啦，作晚餐最後衝刺，乜野都有。對朋友聚會幾friendly，因為每個朋友都可以試下拼盤入面唔同既野。我覺得春卷同蝦餅既皮幾脆，唔淋。 整體而言，個日星期日都居然唔洗等位，上菜快，服務都有求必

昨天同事又去排茜廊食午餐，幾個月冇去，上次去已經冇冷氣，今次跟大隊就不反對。點知人頭湧湧，等下等下入到去了，我大鄉里見到枱枱一個鐵壺插刀叉，我以為去左茶記，不過過壺有啲大喎。後來點知自己心不在焉，真糸比佢燙到。真糸痛。食物已經對我冇乜感覺，因為隻手好鬼痛，好彩冇推倒個壺，否則搞到同事仲大鑊！什麼醫學科學理論，熱水殺病毒？個刀柄又冇燙，有病毒咪又中招。搞到好似好有野，其實好鬼危險。我就一定唔帶個仔黎，燙到肯定冇得賠。做埋啲假防疫野，吹脹！

疫情較為穩定啲，係時候約老友出嚟聚吓舊，我哋揀咗呢間老子號餐廳。九龍灣站出，好易搵。訂咗枱，去到就入得。座位寬敞坐得好舒服。落單嗰位肥哥哥好好禮貌，仲好仔細咁介紹餐牌上嘅食物。 我終於揀咗羊脾扒伴大蝦配薯菜，要松露洋蔥汁。而我朋友就叫咗美國極級牛肉眼扒。原來套餐仲可以優惠價加配小食，於是又再叫咗: 椒鹽雞中翼沙律同炸馬介休球。好快就嚟咗個熱辣辣嘅蒜蓉包，嘩…..咬落去，同出面嘅唔同，佢外脆內軟蒜蓉好香。羅宋湯亦非常濃郁，用料十足。主菜都好快到，羊脾不單止賣相好，啲肉仲好嫩滑，羊味唔太膻，大蝦鮮甜，伴菜都有三種，份量足。而我朋友要嘅肉眼扒略嫌太多筋，但肉質尚可。椒鹽雞中翼非常入味，外皮炸到脆卜卜，肉質仍保持嫩滑。炸馬介休球更加不得了，鹹香味恰到好處，好特別嘅味道，兩份小食嘅沙律菜好新鮮。最後仲叫咗兩個甜品: 奶凍和有椰子肉嘅椰子雪糕，再嚟埋杯手調咖啡。完美的一個晚餐。下次約朋友都會再嚟食呢間。

因為疫情關係真係少左好多出外食野，今次一食已經又到我生日😂😂朋友話太耐無見要見下，所以3條友走左去Sidewalk食，叫做慶祝埋我生日。叫左3個餐，分別係特級安格斯T骨牛扒，巴堤雅燒雞配酸辣汁，同埋一個忌廉汁野菌西蘭花意粉。塊T骨嚟先，一見到大家都“嘩”一聲，好大件呀真係😳😳🙉🙉貌相好吸引。大家一於隊開切同叉嚟食，又幾好味，好juicy 😋😋話有16安士架之後就到意粉，望落去同好多汁，兩位朋友主力食扒，呢個意粉我一人食大半碟，食到最後我開始有d“溜”...😅跟住隻巴堤雅燒雞嚟喇！個燒雞望落去都唔錯，我食第一啖時味道岩岩好，不過朋友食另一個位就話咸左少少，不過另一個朋友就話無問題，重話個酸辣汁超正，睇樣應該係餐廳自家調制嚟。佢咁講我就試下，個汁的確好野👍 酸酸地又辣辣地，吊起晒隻雞個味，very good👍👍👍😋😋😋埋單約$560，3個人平均$180幾，非常ok, 勁飽勁滿足！估唔到咁耐無嚟食，d野食好食過以前😝😝，keep到水準。不過九龍灣唔係成日嚟🤔🤔，應該會去佢其他分店😝不過當晚好多人，要舉耐少少手，同要講多兩次先有水杯提供。不過呢個時勢，人手唔夠，見d侍應忙到走嚟走去，都好理解😌

食之前都聽過d朋友話呢間餐廳都幾抵食，去到又見到咁多人食，所以都抱有期望咁食我當時係用The Gulu遙距拎飛嘅，去到發現原來部機根本都壞左要等店員整返好之後d現場等位嘅客人先拎得飛，果度都已經等左三個字等左一共都有半個鐘，終於到我地入去，店員幫我地量左體溫就入左去當日係有個鐵板西冷牛扒餐做緊優惠，只係HKD$108另收加一我見咁抵就叫左個試下啦，點知就係惡夢嘅開始。一開頭d跟餐餐包、沙律同埋餐湯都好快黎到跟餐沙律 - 冇汁，好乾白湯居然配紅蘿蔔碎點知個牛扒係用左近半個鐘先到，仲要黎到塊鐵板係完全唔熱，就算倒d汁落去都係冇咋咋聲然後一切開舊扒，簡直係災難，明明我叫五成熟，佢根本就係一成熟黎好似生食緊咁，但我趕時間冇辦法都要繼續食災難級鐵板西冷配薯菜災難級鐵板西冷配薯菜真心呢間野我唔會再食，寧願將d錢用黎食其他餐廳我真係未食過咁fail嘅鐵板餐!

DSE終於完咗，靠自己搵到工出咗第一份糧🤭要慰勞下自己。今日是星期六，早到唔使等，佢地比咗張窗口位我地😍開餐~好快黎左兩個忌廉湯😋+蒜蓉包，包焗到金黃色，啲牛油同蒜蓉香味佢地再加椒鹽😋😋😋麵包鬆軟又脆口，索索聲，正👍🏽薯蓉焗田螺，田螺肥味，用薯蓉包住，面頭仲加埋邪惡嘅蒜茸芝士焗香！一啖一粒，食落去大滿足😍😋！美國Rib eye，足12oz 好大塊！煎得啱啱好，好有牛肉味😋，完全對得住$168呢個價位😍 佢地做緊Promote 十分抵食💪。甜品原本我要芒果熱情果蛋，買晒😰，最後要咗合桃蜂蜜蛋糕，但有驚喜哦😅，超級大舊勁抵食！啲cream又夠多，蛋糕唔乾！面頭鋪滿咗合桃碎，加上蜜糖味超級香濃😋👍🏽我朋友話好好食，下次到佢請我返來食多次🤭☺️我地兩個食咗五百幾蚊😜，飽到上心口，超級滿足~🤭🤭🤭唯一美中不足，就係環境有小小嘈，但反而可以大聲啲講嘢~原來係黃雨或三號波時惠顧，餐廳是會有85折哦😁都是吸客的方法。

以前喺九龍灣附近返學 久不久就會到茜廊食下午茶 但今日真係第一次試佢嘅晚餐 感覺還可以的🙂首先 值得一讚嘅係喺疫情底下 餐廳有著重衛生情況一坐低就拎咗壺浸住餐具嘅滾水嚟上面仲窩心提示叫大家慎防燙傷😆 同男朋友叫左兩個餐有送餐湯同餐包嗌咗紅白湯各一試下 個人覺得蕃茄湯比較好飲 忌廉湯略嫌淡味我地揀左個牛扒&豬鞍share食幾鍾意個豬鞍 誤以為食落會癡牙 但結果啲肉比想像中滑 幾好👍🏻不過其實比較深刻嘅反而係個餐包 包身軟熟包邊有少許脆但又不會太乾身👍🏻

約咗家人去九龍灣行街，行到好攰又肚餓，路經餐廳門口，見到餐牌都幾吸引，餐廳環境都算唔錯，所以就入去試吓。<安格斯牛扒16安士>安格斯牛扒7成熟之下仍然恰到好處，牛肉味充足沒有太多纖維渣滓，吃後不口渴，配菜也不錯。<龍蝦配慢煮羊膝>很喜歡餐牌有這樣自由的配搭，我最後選擇了龍蝦配慢煮羊膝，效果令人喜出望外，龍蝦味濃厚而且彈牙，羊肉沒有太多蘇味反為很有肉香味道，而且不肉質不韌使我連軟組織也能輕易送進肚裡，如果加上一些芥末醬相信會配合得更好。羅宋湯味濃(偏辣)， 蒜蓉包夠軟但外表香脆一點更好。凍奶茶有茶味，若能調較茶香一點會更好。芝士蛋糕沒有驚喜，味濃一點及蛋糕底香脆一點會更好。下次我哋會再嚟。

以前係SET好晒位先帶你入坐，依家餐具轉為入坐先至俾，仲要已經放左入熱水入面，依樣要讚，因為我老公成日都話唔駛啦，唔抹唔盛就直接用黎食野，依家等於逼佢洗餐具😏 生炸雞脾薯仔沙律大大隻炸脾，上到枱啲皮仲係脆架😂，切落去仲有”喀”一聲😋 吉列蝦拼辣薯條普通野，同埋個薯條唔辣，我係一啲辣都唔食得既人都唔覺得辣… 清湯牛腩河意外驚喜！我食左一啖河粉連湯，河粉夠滑，湯都好味，老公話牛腩好諗，湯底夠味，連辣椒油都唔駛落，蘿白仲要有3舊大大舊(真係平日食開最多2舊)，西餐廳食到佢都咪話唔驚喜。 凍檸茶其實2杯都叫左少冰，唔知點解有一杯少左都咁多冰… 題外話：唔知係咪因為限聚令，餐廳多左間板，舉左幾次手都無人過黎…

好耐沒出去同朋友食飯，琴晚朋友話太耐無見一於去德福行街順便食飯。大概7點半已經餓，於是去我們以前經常去的聚餐之地- 九龍灣茜廊食晚餐。店內環境佈置舒適, 侍應生服務態度良好, 坐下不久 ,他們已自動遞上一個高身器皿🍶, 內盛滿熱水浸著所有食餐用具🍴🍽️,這是在疫情下一個很好的安排, 讓客人吃得更加放心。我們點了兩個套餐🦞🦞:芝士焗龍蝦配黑松露什菌特色飯, 及 芝士焗龍蝦配香煎美國梅肉扒。龍蝦多膏肉質爽口美味, 特色飯口感煙韌 , 如果加多些黑松露就更加好, 梅肉扒肉質香滑夠 juicy🤤, 朋友另外特別要求配黑椒汁,醬汁香濃美味,辣度適中😎。套餐也跟配餐湯,蒜蓉包,及飲品, 餐湯熱辣辣, 蒜蓉包香脆。埋單連加一都係約300零蚊左右, 非常抵吃美味,下次一定會再來吃其他款式。😋😋

係九龍灣見到間店啲野食好似好正，就入左去食。兩個人叫做個鐵板西冷，肉眼扒。啲肉質好嫩滑，唔會太硬身，同埋好juicy 。叫咗碗白湯同紅湯，紅湯落咗青椒就有啲辣辣地，個蒜蓉包真係極力推介，個包面好脆口，蒜蓉味好香加埋個羅宋湯真係一流。仲有個黑松露薯條啱啱炸起身同個黑松露醬好搭。最後仲叫咗個朱古力味同埋核桃味嘅cake，核桃就唔太重不過味道都ok，朱古力味入面就有啲果凍啲味道就好酸，出面啲朱古力蛋糕就比較甜。性價比好高嘅餐廳

第一次試用openrice點餐，已經唔係電話落單（語言），我點選左米粉！我是選取雪菜肉絲米粉！最後，回到家打開睇，攞到嘅係我最憎嘅煙斗粉！究竟有無睇清楚！？做野唔係得個快字就得，用下心啦⋯⋯