茜廊餐廳 (德福廣場1期)

營業中

休息中

今日返工經過茜廊，之前都想去試吓好唔好食，佢門口有擺着一個優惠套餐$29有一碗湯粉及一杯飲品。因為見到都幾抵，所以就入去順便試吓！我叫咗個早餐係煎蛋漢堡扒火腿通粉及一杯凍檸茶！個煎蛋漢堡扒火腿通粉，其實都冇乜大特別，都係一般嘅煎蛋嘅質素，而且隻蛋都比較細！漢堡扒方面都OK, 都係冇乜大特別！火腿通粉方面，份量都夠嘅，不過個湯底就真係麻麻哋，好似用緊史雲生雞湯咁，比較淡同唔夠濃！凍檸茶都尚算可以，幾有茶味！希望佢哋可以改善一下！

好久沒有來這裡吃了，所以今日特意來到，看看食物質素有沒有退步。通常和同事都會選擇這裡的早少少吃午飯，貪佢平一點，我就選了一個黑松露雞肉燴特式飯，但同事今日居然看中了一個限定推廣的美國西冷牛扒配薯菜，咁就一於試下吧。我到這裡最期待的是這裡的豬仔包配自家制的蒜茸牛油，但今次來發現他們已經沒有自家制蒜茸牛油，雖然豬仔包是烘過的蒜茸豬仔包，但對我來說他們的蒜茸牛油才是精髓所在，很失望，很失望！餐湯要了忌廉湯。湯的味道一般，但都熱辣辣的，算不過不失吧！黑松露雞肉燴特式飯，飯份量不算太多，吃上去有陣陣黑松露味道，不會太濃味，飯的軟硬度都很好，雞肉都尚算嫰滑。但沒有太大驚喜。同事的西冷牛扒餐有配上沙律，沙律都幾新鮮爽脆，醬料都較得不錯！美國西冷牛扒配薯菜，上枱時侍應會幫客人淋汁上牛扒面頭，牛扒是鐵板上，熱騰騰，我都幾喜歡，但同事就喜歡用碟上多一點，因為不會令牛扒過熟，但我見同事切牛扒時，裡面還是有點紅紅的，我覺得都啱啱好，可能廚師已經預了在鐵板上的熟度，所以都在煎扒時留意煎扒時間，所以客人切起來都還是客人心目中的熟成度。這個算頗細心呢。牛扒味道不錯，不會太靱，但同事說牛扒味道可以，但腍度有點似用粉拿

單囉呢間嘢喺德福花園已經好多年，講緊十幾年前屬於一間呢相對高級嘅西餐廳，即係連上菜都要等齊人先上果一種。咁時至今日呢佢已經落返去到椰林閣咁嘅grading㗎喇，咁就變得平民化少少啦，不過我講真嘅價錢都唔係平過以前好多㗎咋。其實個抵食嘅餐呢就係呢個a加b嘅下午茶，咁除咗會有大堆頭嘅雜扒之外呢，b款亦都有好多唔同嘅食物畀你揀嘅，咁今次就揀咗呢個燒春雞咁味道都算唔錯啊，兩樣可以話係keep到個水準。不過要留意返呢餐湯餐包餐飲你都係畀一份嘅啫，如果有兩個位要夾份食嘅話呢，咁either就要加錢配返呀或者你哋要share飲，同埋呢佢加一呢都係會用返原價去加嘅，留意留意。

2020年11月14日星期六今日收工約左老婆係觀塘APM等，外母就黎生日，去APPLE店買樣實用既禮物🎁送俾佢，買完就落去德福廣場既A-1 Bakery訂左個蛋糕，完成晒要做既野就緊係要醫下個肚，諗起德福廣場平台有幾間野，之前都有試過其中啲餐廳，今次揀左間未試過既 茜廊餐廳 ，時間八點幾，疫情其間入餐廳前量度體溫，入到去坐底，伺應就拎MENU同餐具黎，餐具🍴係用一個鐵兜裝住，入面既仲要係熱水，出晒煙，好貼心👍🏼👍🏼👍🏼我望住本MENU，好多樣都想試，我就問有選擇困難症既老婆😂，佢都無答案之下，手指篤落意粉圖度，問佢點解揀呢個，佢話張圖靚，好吸引話想食，我話呢個有羽衣甘藍，我地兩個都唔太鐘意羽衣甘藍既味道，但最後都點左蒜片欖油羽衣甘藍蜆肉炒意粉🍝點解個名要咁長？😂😂同埋羊鞍拼黑松露飯，同埋一啲跟餐，後加配左薯條🍟。羽衣甘藍蜆肉炒意粉，黎到個賣相同圖片一樣咁吸引，食落仲好好味😋首先意粉軟硬適中，炒得乾濕度啱啱好，微微有汁，而且有雜菇令個汁更上一層好好味，蜆肉juice,最緊要無雪味，唯一好奇既係羽衣甘藍可能係用碎或粉，所以無左我地唔鐘意既果種味道。羊鞍拼黑松露飯，我第一口就試左個飯先，同意

同友人放學好開心趕到食下午茶，餐廳的職員友善提提要盡快落下午茶，剩返3分鐘都叫得切，好感恩。食左龍利柳白汁飯（多汁）、焗薯蓉配田螺肉（好Juicy有咬感）、薯角雞翼沙拉（蛋黃醬好味），所有食物的熱度都能夠保持有一定水準，讚！

疫情下 出外進餐 比以前更著重衛生！由於未拾好枱/未抺好枱！就安排了入坐～侍應在我面前拾了枱 等了一會我呼了Ying侍應來！因為未抹枱！上客人的食物碎還在枱上～但她手上已準備了餐巾餐具來我說：未抹枱呀 想抹枱呀 唔該！Ying：(沒有應我)同時間她已放了餐具在枱我說：未抹枱呀～Ying說：用餐巾抹唔得呀～(態度極差)用餐巾抹走提走上客人的食物碎碎我說：洗唔洗咁惡！可唔可以著重消毒衛生多一點清潔為何貪方便 不用消毒產品加上態度極惡劣！真的很想走 唔食～但由於跟長輩在一起帶疲倦身軀所以繼續進餐！食了一肚氣！食物不會好！

話説上回喺觀塘東廣場中伏食咗個焗豬扒漢堡扒飯，今日行經茜廊見到個外賣餐牌，焗豬扒飯$49所以試下。個餐有齊湯，餐包，飯同嘢飲，份量好足，估唔到個包係蒜蓉包，似係豬仔包果類，打開時都仲暖仲脆，好食。飯同忌廉湯都好大盒，連埋個包食唔哂所以留起咗d第二日食。另外凍檸茶普普通通啦因為走冰變成暖檸茶同埋自動變咗少甜。焗豬扒飯就好過上次果間好多，唔會得半塊豬扒，焗豬始終要同茄汁先最夾。以份量同味道計，呢個價錢都幾抵食～

原來茜廊D早餐都唔錯，叫左個英式早餐（$56）再加左火腿煙斗粉（$15）。煙斗粉先上檯，仲暖，唔算熱辣辣，但實在太咸😅🤦🏻‍♀️ 咸到我要專登用叉㓤起D 粉同火腿食🙊 煙斗粉都夠煙韌既，真係衰在太咸🙊跟住靚靚英式早餐到，水準都幾好，炒蛋都算滑，無過咸😌配返個好咸既煙斗粉就岩岩好煙三文魚唔腥😋 牛角包就可惜唔係熱辣辣既，雖然凍左，表面亦已經唔脆🤔 ，但食得出塊酥皮揉和得唔錯😋個種就焗燶但又未燶既狀態，焦香味恰到好處，凍食都合格。我估應該係自家製品，事關隔離就開左間同名麵包店🤔 最滿意係紅莓茶🥰 酸酸甜甜，又有果香，平時飲開檸茶檸水，飲到悶，呢個真心好refreshing😎

今晚同男朋友試呢間餐廳，叫左個二人餐，點知賣晒我心愛既薯角，唯有得番薯條選擇。塊牛扒真心夠嫩，不錯不錯👍🏻個意粉個pat紅色野吾知咩來，但就吾太好食，仲有個甜品係朱古力蛋糕，真心好甜，本人就覺得麻麻啦。

第二次離食，平時係九龍灣比較容易遺忘左茜廊，因為唔係商場入面，今日同朋友咁啱諗起就入去左食晚餐。我地叫左個2人餐，$350幾蚊好抵！main dish揀左7成熟嘅肉眼扒，同埋白汁鮮蝦意粉。肉眼扒肉質嫩滑有嚼勁，肉味香濃，即使係鐵板上都唔會overcook，keep到7成熟，值得一試！伴碟嘅薯仔都有煎香，中意食薯仔嘅我表示心心眼白汁鮮蝦意粉都好正，蝦好鮮甜，意粉煙韌有咬口，均匀掛上白汁，但唔會油膩仲有個羅宋湯都唔錯，整體都好滿意餐廳環境都幾舒服，同朋友傾左好耐都無比侍應催埋單抵食嘅西餐之選，下次再試其他菜式

早餐服務員人手多，入店後坐下最近經常無人落單，成間鋪咁多只有一個男待應會跟單，其它女待應可以當睇吾到個客舉手落單最離譜係今日叫個早餐，15分鐘都無黎之後舉手叫待應跟一跟個早餐，可以當睇吾到都算‼️之後叫舉手叫返落單個女待應幫我跟個早餐，應完機完全無跟到⁉️再舉手叫另一個男待應個早餐先上枱落單成4個字先上早餐，晒時間淨係上左杯凍檸茶，杯凍檸茶仲要係上枱得3份2杯，原本我無唸住寫食評，所以無影到相、之後落單到早餐上枱咁惡劣服務，就要同大家分享下早餐平時都吾會等4個字都吾上餐，跟個餐跟到咁，質素一日差過一日，大不如前

已有一段很長時間沒有幫襯，昨日（16/8/2020）到訪這餐廳食下午茶，感覺這餐廳像快餐店，坐位亦較局促，以前多幫襯晚餐，餐枱有蠟燭杯作裝飾，好有餐廳感覺，現有所改變，可能適者生存，先可站立。疫情關係，一坐下，侍應即遞上一鐵杯，內在暖水浸着餐具，很好。點了二個下午茶餐咖喱薯仔牛腩飯，咖喱濃香味仍存在，牛腩亦有咬口，薯仔好入味。生炸雞脾配薯仔沙律，雞脾肉都嫩滑，沙律不夠凍，寫明薯仔沙律，但無幾多粒薯仔。埋單一百元多，亦合理。

六點後冇得堂食，唯有叫外賣啦，同事就揀咗呢間貴價餐廳。叫幾個外賣自取，去到拎嗰刻先話冇呢樣冇嗰樣，得！唔緊要，我等，之後眼見好多客入嚟叫外賣，佢哋都早過我有外賣，由話要改餸坐低等咗接近四十五分鐘，我真係忍唔住，冇理由遲過我叫外賣都已經走埋，全間餐廳得返我一個客人等外賣。我問個黑衫經理，我張單係咪取消咗？佢求其咁答我，包好㗎喇行緊出嚟，佢嘅行緊出嚟真係唔知由邊度開始行，行咗十幾分鐘，混亂嘅餐廳，唔會再有下次！

九龍灣德福'茜廊'是我和老婆拍拖時期常來的餐廳, 已有一段長時間沒有再來。藉著端午佳節, 今晚和家人重臨此地方慶祝佳節, 也可懷緬一下之前同老婆拍拖的溫馨甜蜜情景😍。餐廳環境仍然保持寬敞,整潔,坐得舒適。我們叫了 三客套餐加小食。先上熱辣辣餐湯加香脆蒜蓉包,好味。小食是法式焗田螺， 跟餐加配價只需$32, 田螺鮮甜,薯蓉好香好好味, 我們repeat 再叫多—客, 這個一定要試。😍👍👍👍炭烤特級牛柳併大蝦配薯菜,牛柳好鬆軟好juicy, 七成熟, 剛剛好, 配上洋蔥汁,好夾, 唔一定配黑椒汁, 也一樣好味。👍👍👍😋再來西班牙杜洛克豬鞍架, 煎得好香, 如果肉質帶少少juicy就更加好, 味道香口也相當不錯。👍👍跟住再上香草忌廉汁西蘭花雜菌意大利粉, 忌廉汁不膩, 意大利粉 爽滑, 蔬菜新鮮, 好味道。👍👍餐茶以優惠價可改配雪糕紅豆冰, 紅豆大大粒, 夠稔身，甜度適中, 令我回憶起細路仔嗰時嘅感覺, 好幸福！👍👍以後一定會抽多些時間再來。🥰😋

諗住去慶祝朋友生日，想食返餐好嘅，咁啱幾條麻甩佬都係九龍灣，於是一行四人，就走入泥試下啦侍應們好快就安排我地入座，做嘢有效率又親切。我地叫咗四個餐，分別係12oz嘅T骨，16oz嘅西冷，仲有一份蕃茄墨魚闊條麵同龍蝦伴大蝦天使麵😋餐湯好快上到，係忌廉湯，湯味幾濃，係略嫌鹹咗少少。個蒜蓉包有驚喜啵🧐，用豬仔包再配搭蒜蓉牛油，熱辣辣，幾夾喎。飲咗碗湯好似爭啲野...就係好似少咗啲小食咁🤨叫咗份焗田螺，吉列炸蝦同椒鹽雞中翼。個田螺先，薯蓉配上田螺肉，兩樣嘢一齊放入口先至好食🤓。個吉列蝦同埋雞翼好坦白講就一般貨色，始終即炸完即刻放入口先至最正。入正題啦...主菜方面，先泥龍蝦伴大蝦天使麵，個龍蝦肉唔會梅嘅，再加上用咗一層芝士泥焗，食到龍蝦嘅鮮味之餘亦都幾惹味啵😗，個天使麵幾香蒜蓉味再用鮮蝦，完全係Perfect match😏個蕃茄墨魚闊條麵少辣但開胃啊，每人分一啲就好快食晒🥳，證明好搶手啦～跟住到嗰兩塊牛扒啦，12oz嗰塊T骨五成熟，傳說中嘅鎮店之寶，牛味幾重，食落去有入口即溶嘅感覺，呢塊嘢如果點汁嘅話，我覺得有啲哂lol🤷🏻‍♂️。係啲筋多咗少少... 16oz嗰塊西冷呢...佢肉味冇上一塊咁重