茜廊餐廳 (德福廣場1期)

營業中

休息中

今晚約朋友喺德福睇戲兼食晚飯，book咗平台嘅茜廊用餐。本來我同帶位小姐講好要夠燈光窗位，點知去到入場就比張好陰嘅梳化位我地坐。個場好旺，呢邊十幾張檯只有2個伙計，聽柯打都做唔切。考慮夠鐘要到戲院睇電影，四個人於是叫四個同樣嘅鐵板牛扒餐。羅宋湯有菜有肉味，收貨。麵包多選擇，有提子包、芝麻包、蒜茸包，但唔夠新鮮。西冷埋檯淋黑椒汁，我嗰件幾靚，肉質同烹功都唔錯，伴碟配菜隨廚子喜好，有西蘭花、茄子、豆角、炸薯、煙肉卷。凍檸茶餐飲不過不失。埋單的時候等了差不多十分鐘先有個經理的離遠呼應，再等多數分鐘才有服務員拿單來結賬...

今日sportday所以黎到九龍灣,lunchtime同學建議黎茜廊食茜廊d set吾算係平,但坐低左就算啦我地3個人坐到個大卡位好舒服,呢間餐廳算幾大,都好多人下同學a叫左個煎羊扒$78,同學b叫左個羊肉意粉$48,我就叫左個大蝦肉醬意粉$49不一會儿餐包,餐湯都黎喇d包用個籃仔裝住,我食左第一啖心諗竟然會甘好味既好香牛油味,又有蒜味,仲烘到好脆,個豬仔包仲好多芝麻..成個match得好到位但個提子包就無人問津...因為驚食太飽一陣跑會胃痛而個湯都好正,我地3個都嗌紅湯個色好靚d菜仲幾味吾會好似其他餐廳甘番煲再番煲...碗湯夠熱,飲完好開胃好滿足都吾知係咪因為我太肚餓咩都覺得好食突然身後傳出巨響-_-'原來個waitress打爛野...我個set係最遲黎...見到既時候有d失望因為得一隻大蝦小家得制囉我覺得...49加一得1隻蝦甘大把,肉醬意粉都係普通野...洗吾洗甘貴-__-''算算算.食埋個意粉先彈佢幾重蕃茄味,汁好夠,份量亦夠d肉醬係碎牛肉黎幾好味...略嫌芝士吾夠意粉烚得剛好..整體都吾錯!突然又有人打爛野- -''1個lunchtime打爛2次野都幾誇下最後杯凍檸茶就失色喇

之前朋友話想試呢間...今日中午經過...見1:30pm 前埋單, around $50 一個set...就入去試下...一入到去...覺得幾dirty...d 枱好像無人抺咁...地方算大...但有少少焗....大家各叫一個set...原來呢度出名係蒜蓉牛油餐包...真係好味...好香...(但有個提子包, 幾怪)忌廉磨菇湯...呢個好出色, 好濃...但我意粉, 珍寶腸雞扒意粉...就麻麻..無咩汁...結果我要撈少少湯, 先有味...但d 意粉, 似係 "烚" 左好耐咁...粗晒...唔好味...朋友食ge 螺絲粉, 賣相還可以....總括..呢間...真係麻麻...如果唔係特價...唔會食lor...

只要比$1,就可以食dinner...所以我唔會抱好大期望..結果一如我所料服務又唔係其他網友講到咁差,不過佢地好似趕住收工咁,上台超快...我地未食完頭盤就上湯,未食完大盤就上dessert!餐湯:白露蘆湯,唔好飲,好重面粉味餐包:豬仔包,跟garlic cheese butter,個butter幾好味沙律:廚師沙律,parma ham沙律,好味主菜:雞肉南瓜汁闊條面,個汁幾creamy,雞肉好鞋,闊條面諗左d..主菜:唔知咩三文魚配綠茶汁,三文魚好smells,個綠茶汁更不知所謂,成碟野好難食甜品:mango pudding,blueberry cheesecake,兩樣都好甜我覺得一次就夠了,如果要我比成百蚊食呢d野我唔會囉...

諗住唔行咁遠, 就來左呢間.間野出邊個牌晚餐都係$40-$60, 點知入到去d套餐係$80-$140, 可能出邊個牌有d細字注明特別時間啦, 不過都算啦.叫左一份西冷牛 & T骨, 開始來餐包&湯, 都唔會好差, 都OK啦....點知, 2份扒就真係勁難食, 又難切， 又"鞋", 又冇味, 好似食緊煲完湯ge豬肉咁...杯涷檸茶有陣爛檸檬味d 人又好似發夢咁, 每次叫佢, 佢都要話等一等.. 埋單$240其實都不算貴, 但真係完全物冇所值, 咁先嬲.本人食野一些也不挑剔, 呢一次真係第一次咁劣評. 差差差!

因為貪方便(喺九龍灣收工), 又唔想食快餐店、想試吓西餐, 所以同友人入咗呢茜廊。除咗帶位果個有d笑容外, 其他侍應都好似發緊夢咁。1:30pm去到, 大把位, 但係又迫你坐廚房前面, 我地話想坐卡位, 又話book咗, 我地轉移去坐窗口位, 佢唯有先死死地氣比你坐。枱面幾個lunch set menu, 有normal, 又有halloween的。我要咗個西冷牛扒餐(蒜容汁), 友人要豬柳珍寶腸(黑椒汁)。我要忌廉湯, 都ok。2個人2塊蒜容包, 好味, 不過無啦啦有1個提子包, 古怪。有個細到爆, d菜走哂出嚟的沙律, 一睇都知唔好食。個西冷扒初初食都ok, 不過尾尾就好大嚿”根” 同肥膏, 而d薯條就咸到爆。反而友人的豬柳珍寶腸仲好食, 個豬柳好”林”身。每人一杯餐飲。呢度d侍應好”尊心”的, 揮哂手都見你唔到, 因為佢地對眼淨係眼d枱囉。埋單連多謝都無聲, 2個人$170, 以呢d食物質數同service.....德福大把好過佢, 真係無下次。唔該。

本來想食genki，點知要等成廿張枱，唯有另覓開飯點啦！經過茜廊，諗起好似幾多人話唔錯，就去試試啦！HSBC有$190/二人set，好似幾啱食，就要呢個啦！ceaser salad：無bread crubs，而且個汁好怪！廚師salad：potato salad，雖然比較酸，但比ceaser salad好多了～餐飽：有蒜蓉飽同提子麥飽，烘到好脆，配埋蒜蓉牛油，好正！忌廉露荀湯：無得要酥皮湯，不過都ＯＫ的～紅酒汁燴羊架：好味！羊架好飪！磨菇雞肉蠔仔意粉：本來menu寫茄汁，我地問可唔可以轉白汁，佢話去問問，之後無左聲氣，我地以為無啦，點知serve上黎之後真係幫我地轉左白汁呀！當堂好味晒！好開心！而且夠多菇！我好鍾意好滿意！mango pudding：似jelly多Ｄchocolate cake：好香朱古力味，唔錯！凍紅莓汁：唔想飲奶茶咖啡，見佢可以揀紅莓汁就試下，點知一飲落去係冰火交融！除左Ｄ冰，下面的紅莓汁仲熱過熱飲！不過等等下Ｄ冰融晒，溫度變得可以接受，紅莓汁酸酸的，我覺得好飲！下次會再要，不過唔會即刻飲！本來覺得很滿足，點知埋單時發現要$238，明明$190+10%都唔駛咁貴架，

由於自己係香港住及返工, 所以好少去九龍果邊食野, 但尋晚要去九龍灣mega box做野, 下午就上openrice睇下九龍灣有咩食先...而ruby tues & cpk係香港有分店, 且發現呢間都幾多人贊, 咁就拉埋老公去試下先去到, 門口個女仔都好好笑容, 可以加分, 入到去都有好多檯無人, 但係個四眼仔要我地坐正路口位, 我老公就開聲問坐埋去邊位得唔得, 四眼仔望一望我地話"是旦啦", 態度麻麻, 決定左食咩就叫人落order, 舉高手等左5分鐘, 終於有個負責埋單個西裝亞叔過黎拎起疊紙&筆, 我一指order個hsbc2人餐(特價190.00), 亞叔即收番疊紙&筆就行左去, 我同我老公對望一眼咁無出聲, 好快個湯&包到, 沙律, 主菜都好快, 不過可能唔夠waiter, 佢地真係好忙(不過我都見到有個亞姐係度行黎行去打喊路), 全部野黎到都"pik pak"放係張檯就走左, 唔理個主菜碟係壓住沙律碟, 而沙律碟就壓住我地d刀叉囉, 終於由開始到埋單應該約40~45分鐘度啦, 一聽個銀碼, 有d唔妥, 望一望張單~原來hsbc呢個餐要加二, 雖然$228.00都唔算貴, 真係

第一次黎呢間食晚飯~由於都幾趕時間~所以之前見過呢間食評好似不錯.....所以今晚一試!去到門口7:55p.m........都有幾對人係度等緊~到8:02p.m.就有位啦~都算快呀~星期六都咁快有位,算唔錯~入到餐廳,感覺麻麻.....好嘈....又唔係好乾淨,可能坐近廚房位!叫左兩個焗飯,兩個都不是餐~但其中一個飯加了$19轉餐.....跟餐包餐湯同飲品~1.經典焗豬扒飯~~份量都正常,味道不錯,比起出面茶餐廳好食d~啲豬扒無焗到乾晒!2.茄汁焗龍利柳飯.....汁同飯同焗豬扒飯一樣材料,只是一個魚,一個豬扒!但值得一讚.....魚有兩件,都好大件~而且好厚,啖啖肉!至於餐包都好特別,係一個豬仔包+一個一開二烘左既豬仔包,塗上牛油食....很正!餐湯要左羅宋湯,無咩特別!由等位....點餐....上餐....埋單,都只用了35 mins.........符合我趕時間既人~估唔到焗飯都上得咁快~而味都又ok!

去九龍灣睇戲，唔知食咩好，見到喱間西餐廳，所以試吓！由於係Sat，勁多人！叫咗兩個set lunch，成$60 - $80一個lunch，以佢喱個格局，都算貴。我係soho食都係$80幾蚊一個lunch。餐包豬仔包都幾香軟另外一隻用咗牛油焗，幾香脆......1) 香檳汁朧脷柳焗飯好大碟，焗飯係炒飯底，唔錯！朧脷柳有雪味，一般！太大碟，食唔晒！2) 咖哩雞扒拼中東包咖哩好香，好好味！用中東包夾嚟食，超正！又係好大碟，食唔晒！

星期四晚和老公到九龍灣逛+食飯，之前常到sidewalk dinner，因我本人好like 佢既蒜蓉包，不過今晚再幫襯，感覺大不如前，只覺又貴又唔好食，又無服務，個晚老公叫了鮮意粉，自己叫了尤魚筒海鮮焗飯，先講飯湯，我們都order白湯，d湯勁甜，至於平時勁like既蒜蓉包，都唔掂勁硬，好以隔咗好多日咁，至於主菜，海鮮完全無味，唯獨是餐荼-熱檸檬茶尚可，因茶和檸檬分開上，以咁既價錢，只是大家樂貨色。我估下次再到九龍灣都不會再幫襯

幾年前去過呢間餐廳，感覺幾好，但上星期再去就好唔得，以前都知道呢間比較貴，不過如果好食都無咩所謂，但叫了2個餸，一個芝士大蝦意粉一個牛扒，個意粉得2隻蝦，仲有d怪味，牛扒就比較多鹽，個餐湯無料，最後2個人食0左$21X，超唔掂，仲比我男友話我，因為都等咗好耐先有位….因為係我話要食呢間…P.S.全程無咩招呼，你亦都好難揾人招呼你，有2個waitresses鄉音好重，佢講幾次都都聽唔明佢講咩....(唔係歧視，只是真係聽唔明)

這天一家人到這間餐廳用餐~是來吃扒餐的。我叫了一個T骨扒,,Yummy~但是比較熟...若生少少會更好...妹妹叫了西冷扒,,6成熟,,剛剛好,,牛味尚算濃郁~而且好鬆軟^3^Mum叫了豚肉大扒,,即是豬扒...果然是與本地豬有點不同..十分厚身...。丫..值得一提~這里的蒜蓉包所用的牛油是經過調配的...非常好味...既有香草芝士味又有濃郁的奶羶味餐飲也不錯,,熱巧克力and奶茶

隨著婚事進入倒數階段，生活越來越忙，現補寫試妝前的一頓。　約了化妝師在德福茜廊會合，雖對葵芳店有極差印象，貪方便也在此食個打底早餐。雖然環境有點舊，不及葵芳店新裝華美，但食物卻好十倍不止呢： 龍吃雞扒腸仔湯烏冬+凍奶茶($25)雞扒水準正常，烏冬頗為彈牙，最驚喜是廚師腸煮得又滑又稔，整體味道優於一般茶記。再配一杯香甜滑的凍奶茶，龍滿意收貨了。　我吃吉列魚柳煎蛋厚多士餐+熱奶茶($24)一份餐包兩大件香脆厚多士，以麵包籃奉上還同時配牛油及果醬，誠意加分；吉列魚柳炸得外脆內鮮嫩，而且保持熱度，再塗上沙律醬雖肥但美味；肉酸的煎蛋應是最低分的一項了，其實也味道正常。熱奶茶十分濃郁，不過同凍奶茶不同，味道是西餐奶茶而非港式奶茶。　早餐要加一，埋單$53附送儲印卡，印夠雙數就可享現金折扣、免費茶餐、午餐等，如住附近也會重來幫襯~

我睇到呢間嘢排第二喎,於是決定同男朋友去試下...入到去個感覺都幾好初頭, 我係度諗點解冇飽呢, 因我見到有蒜X包架但原來要點咗菜先有, 哈哈...男朋友叫咗:美國肥牛軟飯我就叫咗: 芝士焗雜菜磨菇意粉我鍾意飲穌皮湯, 諗住要再加錢, 因我個飯唔係餐要加19蚊先有湯&餐茶但唔洗喎, 19蚊可轉埋架啦., YEAH...D嘢食嚟得都好快, 個焗意粉好香好燶的芝士味, 正呀...而佢個軟飯D肥牛都好好飯, 2個飯D汁係啱啱好架設值得再去