茜廊餐廳 (德福廣場1期)

營業中

休息中

下午入去迪士尼前, 先來這裡吃個early lunch. 裝修後的茜廊比以前光猛和整齊. 看過餐牌後, 點了焗葡國雞配意粉和香煎羊鞍扒拼香橙醬燒豬千骨. 先來餐飽, 有牛角飽, 蒜蓉飽和豬仔飽, 焗得香脆, 配餐廳自家製的蒜蓉牛油, 不錯. 羅宋湯的味道ok, 但洋蔥湯卻很鹹, 而且很油, 沒有洋蔥香味, 唔得! 主菜方面, 焗葡國雞和意粉是分開上的, 賣相不錯, 味道大路水準, 葡汁ok, 但雞味欠奉. 羊鞍扒煎得較熟, 帶微羶味, 個人認為麻麻, 但老爸認為ok. 香橙醬燒豬千骨 (唔明點解叫豬千骨??) 其實是燒豬肋骨, 雪藏豬肉, 完全吃不出香橙醬, 唔覺有甚麼特別. 如果唔係early lunch便宜點的話, 根本唔會幫襯.印象最深刻反而是侍應姐姐, 一開口說話已經滿口鄉音, 聽得一頭霧水! 要很留心才聽得懂她們的說話. 以前能操流利廣東話的侍應們是否被炒了?! 而且她們不太熟悉不同食物配合的餐具, 又放錯又放漏, 實在有檢討的必要!!

大部份公司都有惰懶既員工, 不知何解...份工做得愈長, 就愈睇唔順眼, 不過, 無辦法, 高層根本睇唔到....唉...唯有跟要好同事出外吃飯呻下講下!中午時分仍未客滿, 三人叫了兩個 set lunch + 主菜, 下次醒目少少...三個女人都係叫兩個 share !一. 什菌蜆肉忌廉燴扁意粉 + 忌廉湯及餐包 + 茶, $48 (特價), 意粉無咩特別, 汁唔濃, 蜆肉少少, 什菌少少, 還有新鮮生菜伴碟, 怪怪地! 餐包難吃!二. 香煎新鮮三文魚軟飯 + 忌廉湯及餐包 + 茶, $78, 最後先上, 雖然煲仔細細, 但三文魚仲係好嫩, 飯就好濕, 好似西式版煲仔飯!三. 焗豬扒飯, $6x, 豬扒幾腍, 不過, 無咩豬肉味, 炒飯底....一般乾身!侍應好生手, 時時都聽錯指示, 不過, 尚算有禮R11

今日開完例會，同事選擇左呢間食lunch~~我點左雞蓉南瓜湯、雜菌田螺墨魚麵....同事點左日式咖哩牛柳條焗飯~~個南瓜湯都味道唔錯，同埋都夠熱~ 但個籃蒜蓉包就唔係太得，裡面無端端有一整個芝麻包....無切又無焗~~唔知係咪求求其其放左落去~ 某一兩舊蒜蓉包....部份位置燶左~~搽包既牛油望落去個樣就好特別，但食落就無乜特別~~墨魚麵....呢個main course真係麻麻地~~唔知點解會撈埋d扁意粉一齊，仲要係無"林"的，得數條墨魚麵....如果唔係見到面頭有田螺...我真係以為佢送錯枱~~我都有問佢係墨魚麵黎架？佢答我係！碟野d汁太多~~份量少左d咁啦~~田螺味道ok~但食到一粒螺有一粒沙~ 是旦啦~~我都知lunch time呢d繁忙時間係咁樣~~都費事出聲啦~~ 試左同事個牛柳飯，個質素好似好過我個麵~~餐飲係紅苺茶，ok啦~~唔難飲~~總括黎講：唔係好值呢個價錢~~ $7x~$8x的lunch set~~ 試過就算~~下次唔會再食麵類~同事話牛尾湯好飲...但我未試過~~

今日行開德福,就去左呢間野度食tea la....我叫左個"芝士大蝦肉醬意粉",老公就要"豬扒炒五色麵"...先嚟2個湯...我飲羅宋湯...都ok幾好味,但酸左少少....老公飲南瓜忌廉湯...都幾香南瓜味ar.......先嚟我個意粉..oh no...真係想講粗口丫.......因為得果""一隻""蝦咁大把...雖然3x蚊我都冇期望會好多料...但都唔係一隻蝦咁""""多"""""囉.........應該改名叫"芝士單蝦肉醬意粉"先o岩丫...好彩肉醬算好多...食極都有....而且味道好好,都未至於太失望嘅....至於老公個炒五色麵..等到我差不多食完個意粉都未到...要追左幾次先嚟...叫果陣我仲以為係五隻色嘅麵...但錯晒囉......五色麵意思只係有唔同顏色配料炒嘅麵咁解丫...個麵...咪就係一個公仔麵囉...因為我唔多鐘意食乾嘅公仔麵,所以一啖都冇試...老公就話ok囉....但望落個樣真係好乾..........我見到都已經唔想食啦~~~

I have seen openrice comments regarding here and today I was at Kowloon Bay with my GF to watch the show. Therefore, I plan to try here. I went there at around 6:15 p.m. but already saw a few people already waiting outside, but anyway, we only need to wait about 10 minutes and get a seat finally. We have ordered 2 sets of dinner. (Sorry that I forget the exact name). The food is not bad, taste is not bad, "size" is good enough, just a little bit salty. However, compared to the price, the fo

睇完OPENRICE小弟就同女友去食啦~~一入到去帶位個個態度幾好,睇左menu無耐就叫野食了~但都係同傳聞一樣超少伙記,忙到佢地死死下,我地左右兩邊個D人都等左幾耐下終於叫到人點左南瓜五色螺絲粉set dinner跟酥皮湯,女友叫左芝士焗帶子配千層面先講酥皮湯,本身唔食得太油,所以都怕佢D皮會太油,點知又唔係bor,熱辣辣又香wor~D湯幾好跟住講D包~一般啦~可能本身鍾意蒜蓉味,所以蒜蓉牛油略嫌唔太夠蒜蓉味食完包已經好飽終於到主菜啦~兩個都好好味~~太飽都食曬XDD~~埋單兩舊~食得好開心,裝修都幾好,幾有情調唔介意招乎就OK la~

十月二日 (星期日) 是老公仔愛到的一間餐廳,因為坐得很舒服,但自從識了我之後,因為外間有太多誘惑,所以自從裝修以後今次都是第一次來...老公仔話而家既裝修比以前清新,以前較講格調...我們叫了兩個套餐(餐牌上散叫+$19可轉成套餐,有湯,有飲品和麵包)首先來的是麵包,是暖烘烘的,而且包質很鬆軟,sidewalk有自己的麵包店,果然唔同d接著是餐湯,我愛了酥皮湯,而老公仔就愛了最喜愛的牛尾湯...其實還有很多選擇,有忌廉湯等等...蘇皮湯很美味,個酥皮很軟熟,湯亦不錯.而牛尾湯亦好好味,配上很多的牛肉碎,好有口感...接著是主菜,我愛了咖喱牛腩配中東包...來到時是熱騰騰的,還連著一個迷你火爐,一邊吃,一邊透出陣陣濃濃的咖喱味...牛腩亦可口,不太林又不太硬...薯仔很可口呢...不易碎,很入味,個中東包加上咖喱汁,亦是不錯的配搭...可能配白飯會更可口而老公仔就叫了蝸牛忌廉墨汁麵...無錯..是蝸牛,口感像螺肉,不過較滑,而墨汁麵亦不錯,略嫌味道不夠濃最後是凍檸茶,普通的一杯這裡的環境很舒適,服務唔錯,而且很一個"傾到偈"的地方...哈我地研究左成晚上海之旅,唔知有無人有心水推介呢?

前幾日, 和中同二人行, 食dinner入到去, 有點驚訝, 見到枱上有個小小立燭, 好以小型燭光晚餐咁.自己叫了個什麼"西班牙紅酒汁牛排"餐, 中同叫了"石班帶子"餐先來的是餐包: 點蒜茸牛油, 味道一流~接著是海鮮酥皮湯: 酥皮做得不錯, 湯一般, 糊左d跟住係主角出場 :本人的牛排係七成熟, 食落林得黎又有嚼勁, d汁幾好味 , 不錯朋友分了點石班和帶子比我試, 我覺得帶子好得, 鮮甜而多汁; 不過建議食快d, 否則d 芝士cream 凍了結左, 食落好噁心 ... ; 至於魚, 就好一般餐飲加$ 轉了特飲 - 凍柚子蜜, 一般.至於服務, 就冇咩特別.如果平d 的話, 會多d 黎.

星期六長週，放工後同老公仔去完德福新戲院睇<<我的機械人女友>>，差唔多3點鐘，便行去茜廊睇下有冇tea食結果，發現都有幾多選擇，有麵飯意粉/茶餐小食，中西都有，全部30幾~包餐湯/茶/咖啡/鮮果汁(好似有蘋果甘荀同橙汁)等左5-10鐘份有得入間餐廳都算幾大，縱使有幾10個人手都唔多夠咁幾經辛苦,終於找到人跟我們落單結果我揀了煙三文魚野菌日式炒飯奄烈配薯角，跟忌廉餐湯老公仔叫左干炒牛河同熱咖啡等了不久,就來了餐湯和咖啡個湯很creamy,有好多磨菇, 唔錯咖啡就Up-to-standard又等了一會,老公仔叫左干炒牛河又來了，不太細碟,牛肉不太少,而且又估唔到出奇地好味..唔太油,又夠鍋氣,想不到一間西餐廳會炒得出這碟干炒牛河, 抵讚至於我個飯,由落單等了超過15分鐘也沒有來,眼見鄰座遲入來叫的焗飯也相繼相場,我便叫侍應們給我追追,终於等多5分鐘才來。賣相似乎很不錯,有兩塊薄薄的三文魚,味道okay, 另一邊有薯角,不太脆和熱,中間有日式蛋包飯,上面有些紫菜,不過不失,整體一般,不及干炒牛河不過,服務真是麻麻,叫了許久都沒有人睬我們, 我地要自己去拿茄汁

今日同一心同 bf 黎到食 dinner, 因為之前食過唔錯的點知令我極度失望, 我以後都唔會再黎!事緣我同bf 入到餐廳, 企左係到一會都冇人理, 要問口先有人理..之後個女 waiter 問我地幾位, 之後安排我地2個人坐門口位, 我問佢有冇入d的位, 她即時黑面, 且同另一個waiter 講 : 要入d wo之後入到去, 佢同我地講 : 入d就黎呢度.. 之後安排我地坐...之後佢拎個menu 時唔係比我地, 而係飛過黎,個一刻我真係好嬲, 呢d係乜野服務態度呀??之後我同bf 就好不滿咁走左... 乜都冇食呢間咁既垃圾餐廳我以後都唔會黎食 !!!

同一樣野, 可以每一次去食都唔同水準。豬肋骨一時好好味一時又鞋到死。個湯最差, 忌廉湯無料, 洋蔥湯有厚油浮面, 嚇到我即刻要換過佢.....個羊架無肉都係第一次見。唯有D面包次次都係好味, 仲有牛油, 可惜, 如果我要食包, 我有太把選擇LA.....D位又窄, 冷氣勁凍。再去要諗下先。

裝修後今次第1次在惠顧... 估唔到早餐令我感到失望 茜廊一直都算係我在德福覺得最好味餐廳 , 包括其食物及服務.今個星期日專登約男友一起去吃過早餐 , 因為平時晚餐時覺得佢d餐包同牛油都好好味 , 誰不知 , 原來早餐只係用普通的牛油粒 , 唔係平時晚餐的蒜茸牛油 .......呢點真係好失望囉 , 其實份早餐都唔錯 , 足料而且唔貴 , 埋單2份餐都係約 52.00 , 但如果用回傳統的蒜茸牛油就更加完美.... 我選了 魚柳 炒蛋 + 牛角飽 , 凍o 茶 .... , 我 bf 就選了 煙肉 煎蛋 + 麵包 , 凍奶茶 ....因為呢間店d 麵包都好好味 , 果然呢項都交足貨 . 而煙肉亦煎得很有水準 , 但個炒蛋就最無誠意 , 好明顯係炒起左好耐 , 乾晒.... , 魚柳亦好正 , 唔會散修修 , 但就只提供沙律醬而不是點魚柳的"它它醬"

約咗 friend 去食晚餐好多人、又嘈餐廳內燈光比較暗職員態度恩勤。。。海鮮酥皮湯、洋葱湯味道不錯麵包亦熱辣辣Set Dinner 由 $78-$88 左右餐湯加酥皮不另收費還有咖啡或茶

朋友生日,話想食西餐,記得以前在九龍灣返工有間茜廊餐廳,不過好貴,無幫襯過,上網睇下食評,發現好抵食於是訂位,星期五七點半去到,果然好多人等位,好彩訂左位,要求坐卡位都安排到,三個女人叫左兩個套餐,餐前又有麵包,又有酥皮湯都食到好飽,仲好好味添!!!我地叫左野菌汁安格斯牛扒七成熟,塊牛扒好大件,仲喺我地面前即場煮,香噴噴的牛扒未食都流口水。另外叫左個大蝦沙律拼燒豬骨,件燒豬骨又好大件,燒汁好濃味,我好鍾意。加多個小食,薯茸焗田螺,呢個就一般啦!下次一定會帶埋老公嚟幫襯

裝修後都係第一次幫襯，環境比以前光猛，但個廁所係外面唔係咁方便。蒜蓉包依舊好味，不過另上牛油比以前少。餐湯叫咗酥皮湯和牛尾湯，同樣保持水準。主菜要了芝士焗千層麵配煙肉碎釀帶子和羊架配焗薯，老公很欣賞個千層麵。羊架點咗薄荷啫喱好好味，焗薯上的忌廉很少，之後要求比多d都冇問題。服務態度唔錯。