茜廊餐廳 (德福廣場1期)

營業中

休息中

因朋友介紹，說這間食牛扒不錯，便帶了食肉獸的妹妹來嚐嚐位置在九龍灣德福廣場的平台，好易揾7:30 已經有大概10位客人在等候，我地等左20分鐘，在平台冇冷氣，怕熱既朋友最好係商場等入到去既感覺就係好多客人同好嘈，但環境就吾錯，有高貴的皮sofa，白色的檯布，感覺幾不錯，但會鋪上啡色的紙，感覺有點像麥記既紙鋪係托盤咁。餐牌都好大眾化，一份牛扒餐只需要120-200既價錢，有湯，野飲，甜品就要再加＄11 。酥皮峴肉湯3分鐘後就到了 小女最喜歡酥皮啦，呢個酥皮真係好香好鬆脆，個湯就正宗湯粉味精湯，不過都幾好味geh呢個沙拉真係要提提啦，第一眼梗係沙律醬多到佢呀，本身仲想減肥先叫呢個，第二眼就係得3塊薄到冇得再薄既三文魚，第三就梗係帶子三文魚沙律得一粒帶子。裡面有青瓜，蘿蔔，薯仔同幾條生菜。味道就係普通三文魚沙律再加好多沙律醬咁，＄98既餐我就覺得完全吾抵到妹妹既鑊仔牛柳配蒜茸汁，只能說色香味俱全。牛柳軟到入口即溶，重要好大塊，還有適量的配菜。＄128 既價錢真係抵到爛，難怪好多客人都只叫牛扒。最後到甜品啦，我相都吾post因為實在是慘不忍睹。叫了個法式燉蛋，到了之後我還以為送錯了布丁。佢冇傳

晚上因為要到九展參加一個音樂會，因此快速到朋友介紹的茜廊餐廳。今次特意使用優惠券。侍應的服務令人很失望，因為大部分侍應不清楚自己崗位。而且將第二張桌的帳單當成我的，找少了錢。我在小心查看下，發現不是我的!否則，十分冤枉!食品不差，晚餐$100左右，有優惠券送出，因此可吸引人下次到訪!可是，今次有些怕怕!桌子比較細小，放了餐具及大樽水。蒜蓉包熱而脆，上有芝麻香。羅宋湯多菜，酸酸不辛辣，中等!雞扒十分軟熟，薯仔大大件，有咬口，少量椰菜伴碟。由於作為晚餐份量不夠，加了十元八塊要了一個意粉。意粉是水煮上來，沒有調味。紅莓茶甜甜的，可是有一股藥水味。我不太接受。

D酥皮湯可以焗唔起，野飲又貨𣎴對版，朱古力又變成了薄荷味，chocolate milkshake 就變成chocolate +泡泡。物非所值，同普通茶餐廳差不多，勁唔底，唔好比d優惠卡騙到！

因為早上發生了一D唔開心既事，所以去左九龍灣老豆食LUNCH先到既我去搵位，我都係第一次係呢間食一望到個餐牌，全部都係$80以上，但係都好多返工人事係呢度食LUNCH老豆同我講，呢間野其實都開左好耐，佢間唔間都會黎食下扒哈哈哈都最後，我叫左個肉眼扒六成熟老豆叫左個西冷牛扒七成熟一望到個扒，咩唔開心都無哂...先講老豆的牛扒，好厚好軟熟，見到佢都好易切，再配埋個黑淑汁好好食牛扒啖啖肉，加埋有DD肥肉，老豆都唔停咁食。個汁唔會太辣，成塊扒都好大好厚，完全值$98呢個價。到我的肉眼扒六成熟首先，係超巨型，接近成個鐵板咁大塊，老豆同我講，因為我個塊唔似西冷咁厚，所以會大塊D而薄D可能係六成關係，真係好好咬口，有DD接近"鬆化"的感覺最抵讚係個汁...黑松露蒜香汁(類似呢個名)真係好好味個汁，當然我個塊都有DD肥肉，肥肉連根加埋個汁真係絕配仲有一個就係西餐基本的頭盤蒜蓉包個包熱熱地，好脆個包有埋芝麻好香，包身又軟又脆今次誤打誤撞食到間好野雖然價錢係的確幾貴，但係呢個價食呢個質素既扒真係好抵希望下次可以再去，當然順便屈老豆一餐哈哈哈。。

偶然的機會下, 在德福有job要企一日3pm, 放飯, 就到附近的茜廊食tea. 原本想食amoy冬蔭公公, 不過, 今日的工作冇乜機會飲水, 所以都唔好唔食太刺激的食物了, 等下次有機會才食茜廊門外冇staff, 又冇tea set menu. 要入去問staff才知道有tea供應staff比左一張menu我, 咁我就order 公司三文治+奶茶, 真係唔平, over $40 另加1公司三文治: 有生菜, cheese, 煙肉, 蛋, 火腿, 以及大量沙律醬. 因為有cheese和煙肉至同連鎖怏餐店有分別, 茜廊仲要冇薯條跟. 奶茶的匙好長, 飲野時唔方便

星期日, 瞓到日上三竿, 梳洗完已經係下午茶時段… 因為家住九龍灣嘅關係, 近近哋就嚟呢度開餐啦! 呢喥嘅下午茶都有好多選擇, 睇咗一輪 menu, 最後決定二人三餐… 因為啱啱瞓醒, 都幾肚餓 ^_-脆皮豬扒包: 外脆內軟嘅包包夾住塊頗大嘅豬扒; 中間夾咗好多炒過嘅洋蔥… 嗯~ 就係啲洋蔥令整體味道大大提升!! Yummy (≧∇≦) 拍得住澳門當地嘅水準~沙嗲串燒: 三雞三牛嘅組合, 下午茶嚟計都算多! 味道唔錯,有燒過嘅口感, 唔係就咁煎吓就算… 沙嗲汁亦值得一讚~ 唔知仲以爲去咗啲星馬餐廳 (≧3≦)咖哩牛腩飯: 呢個就普普通通, 味道合格, 但冇乜特色… 下午茶餐可以加 $10 換甜品~ 我哋點咗 cream burlee & new york cheese cake甜品細細份, 味道中規中矩! 以呢個價錢嚟計, 合格同合理!!最後, 餐飲 +$5 轉咗 Lavazza coffee, 味道香濃順滑 ＼(^o^)／ 個人認為, 比連鎖店 SB or PC 仲好飲!!!

本來對茜廊感覺不錯之前在葵芳分店吃過它的早餐跟下午茶都合乎性價比所以今天不作多想就來了然而九龍灣分店食物質素差太多碗仔翅過咸味精重 裡面的肉絲還有一些不知名東西硬硬的就剩沙拉跟炸雞腿還可以 但也說不上好吃最慘是咖啡難喝死了 雖然還不到超苦但就是苦得不像話喝了幾口只能放棄........之前還覺得廊價錢便宜 但咖啡還不賴這杯咖啡完全有違想法 Orz葵芳分店已結業以後不再光顧茜廊了

到德福睇戲, 入場前嘆下午茶, 途經茜廊見menu都頗多選擇, 決定一試.揀個豬扖蛋便當配碗仔翅.碗仔翅濃杰適中, 都幾多料, 一般的味道, 無特別. 豬扖便當裡的豬扖尚算鬆化, 厚度OK; 不足是那'塊'炒蛋已完全熟透, 若'輕手'一點保留蛋汁撈飯就完美.另點個公司三文治.賣相幾好, 料亦足夠, 並非甚麼特別的味道, 但以'餐廳'來講這個公司三文治合格有餘.食物質素不錯, 以餐廳環境來講價錢合理, 好評一個.

呢間餐廳開咗已經有30年，價錢雖然係比較貴，服務員又唔係態度好好，但食物質素確係唔錯。嚟呢度食野，最鐘意就係新鮮製嘅蒜蓉牛油，加上香脆蒜蓉飽，真係好好味，係我每次必食之選。今日點咗美國安格斯A5雪花西冷牛扒，配黑松露洋蔥汁,賣相唔錯 , 但以午餐嚟講,特價咗都要$182, 係真係都幾貴, 間中對自己好d啦。牛扒心目中係食7成，但永遠出去任何餐廳食都係過熟，所以叫咗6成熟，出嚟當然唔係6成啦，大約7~8成熟，正係我心目中之選，一口咬下，好軟熟，油花與肉比例啱啱好，亦無任何多餘嘅荕，好味！ 另外叫咗餐牌上唔係午餐嘅芥茉籽羊仔架，配黑松露洋蔥汁，羊仔架有3件，仲有薯角,羊架香味唔會好"蘇", 亦唔會有一大舊肥膏, 好味。仲有一客焗鮮茄豬扒意粉, 呢個就較為比下去啦, 意粉過淋, 豬粉亦有d硬。最後午餐+$9可以有甜品, 點咗2客法式奶凍, 香滑又帶奶香, 唔錯, 如果上面唔加彩色糖粒喺度,我會更加喜歡, 因為味道唔係好夾。

茜廊餐廳細細個已經食佢la ..原來開左成32年la 仲大過我ar以前細個覺得好貴... 唔係成日去食ga ~~見佢做緊 32 周年discount..食左一次就送張一送一優惠,朋友食完比左我,一定要返去支持下...今次食既係蒜蓉汁西冷牛扒,我本身唔太食得生..不過怕鐵板會再熟 D, 所以五成熟, 來到中間紅紅地...大件又好食..完全冇over cook!!最緊要飲埋佢個牛尾湯...勁正式!

上次食下午茶都唔錯, 所以有機會又再黎一次.叫了個紐西蘭西冷牛扒餐, 羅宋湯, 紅莓茶.餐包係蒜蓉包, 大片脆脆的不錯. 羅宋湯一般沒有特別, 湯料很少.牛扒很厚幾大份, 肉稍為鞋身味道也不特出吸引, 紅莓茶甜甜涼涼的幾解渴.服務不錯, 價錢稍貴而且質素唔係特別好. 不過坐位之間遠, 坐得幾舒服.

這家餐廳本身食物質素很好，但服務質素惡劣。幫我地落單嘅侍應落單落到錯曬都算，漏左單搞到過左下午茶時段再落返，竟然同我地講因為漏單要再落單，落唔返個下午茶餐！！個經理過到黎仲要講到好次係我地錯，唔應該叫個餐，對唔住都無句，仲黑起塊面對住我地！！真係一肚氣！！最後補落單，個焗飯等咗唔夠3分鐘就到咗，一睇，係淋咗D番茄汁上去，焗咗一分鐘就攞出嚟！！再偷聽隔離個台客人，同一個侍應落單，又係講完又錯單！！敬請大家同某d侍應或經理落單要多加注意！！！

次次尼到徳福想要平靚正都會揀茜廊，佢個紅湯幾好飲，味道夠濃， 而且好多料，仲跟蒜蓉包!獲仔牛柳都算係唔錯，係用鐵板上嘰，我ORDER左7成熟，上到尼鐵板都唔會令到佢熟得滯，仲有肉汁!配汁我揀左日式芥末雜菌汁， 因為響出面未食過， 又真係幾特別， 唔會搶左D牛柳味!跟餐配薯菜雖然少左D，得幾舊瓜同一執薯仔，但有3塊牛柳就感覺抵番晒了!重點係佢地每次都唔洗等好耐位，今日我walk in就有位喇，等都唔洗等超方便！服務就中等啦，百零蚊算唔錯的了！

「Sidewalk」位於德福廣場既一個小角落，由於喺屋村平台而唔係平時商場或者人流較多既通道中間，所以唔係咁容易俾人發覺。雖然係咁，但價錢絕對冇因為咁而平左，set lunch基本上都係普通既價錢，叫做可以接受啦！蒜蓉飽︰非常喜出望外，完全冇expect過跟餐既飽會有咁既質素！少少烘底令到個飽暖暖地、脆脆地，口感鬆脆不特止，上面淡淡既蒜蓉味道剛剛洽到好處，唔會太濃味好似買pizza送果D飽之餘，亦唔會好似茶記索晒水氣腍到一舊野咁既口感！羅宋湯︰一般貨式。都搵到少少菜同埋紅蘿白，不過應該同市面上大部份既湯一樣落左唔少味精，而鹽方面亦都比較重手左少少！特別既係雖然只係平價貨，但都飲得出蕃茄味，收貨啦！另外除左一般紅白湯之外，重可以選擇「牛尾湯」，下次一定要試下！西冷牛扒︰一食就食得出唔係平價貨，但肯定亦都唔係貴野。因為冇落到鬆肉粉既緣故，牛扒既肉質相對較韌，但係咁樣反而食得出肉既質感同埋鮮味，唔會因為「那」爛晒D肉質就返易入口既口感。叫左「五成熟」，而上碟真係做到五成熟，生同熟既比例啱啱好，以平價set lunch黎講能夠做到咁既質素絕對要比個「讚」佢！唯一要少少彈既係D配菜有D求其，只係

茜廊- 時常比我們遺忘的1間食店, 因為不是在商場內, 位置不是那麼容易看到, 星期6, 下班之後想食下午茶, 想起此店的雞脾餐, 好味道, 份量不少的, 有沙津 和碗仔翅~~之前只食過1次, 覺得好味, 所以再來,上次都是食同1個餐 雞脾--大大隻, 香脆, 啖啖肉, 沙津--夠料, 比上次好, 上次只有薯仔, 今次有D生果, 有椰果, 正碗仔翅-- 超足料,充滿肉絲, 蛋花話是下午茶, 但份量都不小, 男仔都夠飽食物有水準, 會再來, 但和上次一樣, 環境好嘈, 不知道平時是否都是一樣