茜廊餐廳 (德福廣場1期)

營業中

休息中

這次選了G.肉眼牛扒和A.千層麵~~由於6點10分九龍灣德福到處也需要排隊，所以看到這間剛好有小許空位就直接進了...這邊的餐包原個芝麻軟包開邊，配上蒜蓉醬焗到外脆內軟不錯湯類"白湯"比較張嘴，味道也比較淡，"牛尾湯"味道也是比較淡汁比較少，味道不過不失。賣相不錯，不過煮得比較熟，口感淡+零口感。準確的7成熟，侍應細心地幫忙在面前倒汁，又不會彈到客人。味道也是淡的....最後...2位$292結帳總結：全部都是淡口味侍應細心甜品選2款都沒貨，才6點已經無貨...

今日過咗九龍灣，就去咗呢間餐廳食lunch, 睇下佢本menu, 原來佢係1981年開既，仲要係西餐既始祖~心諗今次仲唔俾我搵到好野， 即刻order咗3樣野,千層肉醬面睇落好正，但食到1半已經食唔落，因為太“漏”~而且佢個汁黃黃橙橙，根本食唔出咩汁，只知好難食，到個肉眼扒，竟然漏單再漏單~等咗大半個鐘先黎到，仲要由鐵板變咗碟上已經無耐性再等，朋友們都已經食哂~照食算數，個扒不過不失，蒜蓉汁味道好怪~最好食都算係個燒豬腩仔，皮脆肉嫩有肉汁~個沙律好新鮮，味道唔錯~到餐飲又再出事，等咗10分鐘都未有，點知原來落單個阿姐仲袋住張單囉服務1個字“差”~!難怪星期五既lunch時間完全唔爆場啦～再1次證明“食肆唔使等位，啲食物差到無眼睇~”

德福的商店和食肆選擇皆多元化，所以週末有時會特地過來消費。茜廊已在此開業多年，我爸爸最喜歡這餐廳的羅宋湯，以前一起行IKEA前會帶我們在這裡吃飯，所以對這餐廳有特別的回憶和感情。這星期六去德福找旅行社買旅行package時經過茜廊，見肚子有點餓就先進去吃午飯。當時是12:20，由於過了12:30就沒有特價午餐，我們很快就著店員落單。餐湯我們點了比較少見的鮮牛尾湯，濃郁有肉香，配外脆內軟的蒜蓉飽最好。湯的份量多，喝光了之後我已經飽了一大半！主菜選了芝士焗藍青口龍脷柳意粉($72 set)，份量之大看來要兩個人才能吃光，芝士白汁creamy，藍青口和龍脷柳煮得剛好，不會很鞋口，意粉則比較軟身，個人喜歡有點彈牙的al dante口感，但或許家庭餐廳要照顧老人家和小朋友的口味，煮軟一點其實是貼心的。茜廊咖喱雞扒配中東包($69 set)香氣撲鼻，不算很辣，雞扒醃得入味又煎得香口，覺得配飯會更合襯。港式咖喱雖沒有傳統印度咖喱的強烈香料或是日式咖喱的甜味，卻有說不出的特色，可能因為那是自小吃慣的味道，覺得港式的咖喱也不俗。特價午餐選擇不是太多但勝在價錢平，全部$80元有找，以茜廊的食物品質和份量來

茜廊我通常去据扒，因為地點方便，係九龍灣德福廣場入面，裝修都唔錯，舒服光線足，但人流多，好難坐得耐傾下偈，而今次難得夾埋一家人去食，本身想試牛尾湯，因為成日都話賣晒，所以滿心期待，但入口覺得有少少咸，希望茜廊可以改善食物水平，保持水準，而個扒都唔錯，夠厚度又腍，唔會好似一般餐廳咁薄切切，黑椒汁上枱先淋，所以我一般叫四成熟，淋埋汁就剛剛好，由於厚度足，一咬落肉汁四溢，又有濃濃黑椒味，不錯的扒扒 

上次食飯, 餐廳送了几張週年刮刮咭,(原來餐廳成立於1981, 衣家搞週年誌慶)刮中了<免費牛扒一客>.再看清楚條件是: 惠顧滿100元, 方可使用此優惠.剛好與朋友BOOK了今晚8PM做FACIAL,大家到此晚餐, 順便享用這個著數.由於6點半到達, 尚未到黃金時間, 餐廳座位充足.就座後, 看看MENU.每個餐大約80-90元, 都有部份過百元.而我們看中千層麵套餐HKD95, 點計都不超過100元.有諗過追加12元甜品, 咁咪湊夠數囉.職員知道我們有免費牛扒刮刮咭,建議加HKD28變套餐, 牛扒可配餐湯及餐飲.真係計落都抵喎!本身牛扒是送的, 加多廿幾蚊,即刻變成2個晚餐, 大家都有餐湯及餐飲.(唔洗計住邊個負責餐湯, 邊個負責飲品了)牛油餐包表面有黑籽, 是雲呢拿籽嗎?牛油表面烤至香脆, 但下面則是鬆軟的包包.因為太肚餓, 覺得這個包好香, 好好味.餐湯 : 牛尾湯上次家人話牛尾湯好正, 今次要試下!橙紅色的牛尾湯呈上了,不見牛尾, 但見到好多配料: 薏米, 肉碎,眼見細細的肉碎及配料平均浮於湯中 << 没有沉底呢!湯底要有足夠密度, 才能載起各

因上次擦得一張FREE 西冷牛扒的COUPON, 趁未過期前就盡快使用；正所謂"不用白不用，過左期就實冇用" 所以與媽媽再戰茜廊 這次只需選擇一個菜式就OK了，便在廚師推介裏挑選吧！因已送了西冷牛扒，所以就可以剔除B, C, D 及F。結果 A 巴黎鐡塔千層麵 vs E 明太子蟹粉三文魚炒飯，A 巴黎鐡塔千層麵 因有"必食推介" 及有"圖", 所以勝出了由於COUPON要惠顧滿$100才能使用，所以多加一個甜品(+$12)就夠數了~~這次配了鮮牛尾湯 (配蒜蓉包)一看便知這牛尾湯有多足料，味道濃郁當中加了一些薏米，很有口感我想日後我來這裏的餐湯應該都會只選牛尾湯了 先上來的是巴黎鐡塔千層麵嗯.....何解會是這種顏色的汁醬莫非巴黎鐡塔其實是指巴黎汁?這個醬汁應該是用薯仔、南瓜等蔬菜類來煮的吧，因為能食得出蔬菜的青甜。個人認為這汁配搭千層麵好像有點不太協調，令整道菜偏膩了，如果配蕃茄汁大概較開胃吧而送的西冷牛扒配黑椒汁即使是FREE的，份量也很大呢~~當然牛扒的質素就一定跟扒類餐牌上的有分別牛扒也是挺厚的，因此在熱鐡板上也不會弄至過熟；中間還是粉紅色的牛味甚濃，不錯不錯甜品的法式焦

今日星期五晚上見店鋪好多人，見菜單上的千層麵好吸引於是諗住一試。食完後，評價是1.千層麵水準極差，賣相唔好，肉醬好難食，完全唔值。食完有d驚><2. 豬肋骨太酸，肉有d霉3.環境好似快餐店，好吵。上菜慢。結論性價比低！

今天家人約在德福食生日午餐，順道去Mega Box看傢俱！妹妹建議Sidewalk, 很久以前曾試過這家（大約2006/2007）印象中几ok！大家都入去了。今日原來有午市套餐，仲有兒童餐呢。最後選了三個午餐及一個兒餐，職員推介沙嗲串燒拼盤, 特價40元，價錢聽落已經好吸引,剛好有職員端著一碟沙嗲串燒拼盤走過,SIZE真係几大喎!當然不會放過這優惠啦.沙嗲串燒拼盤上來了！！有六串牛雞串燒及沙律， 配沙嗲醬。40元/6串≈7元串 <<<平過好多餐廳了。還可在這家咁靚的西餐廳裡享受喎，真係好抵！先把牛肉，雞肉拆下，方便以叉取食。（教小朋友食串燒要有儀態！！！）雞肉牛肉是雪藏肉，真係無任何鮮味可言！香港地好少餐廳會使用新鮮肉，這點我理解！好在有沙嗲醬搭夠，醬汁濃濃的花生味及甜味，唔太辣，適合大人及小朋友享用呢！還有伴碟的沙律，有椰果嫁。之後是大大份的兒童套餐配橙汁；肉醬意粉，茄汁腸，雞翼，薯條，啫喱糖，沙律以多間格的日式餐盤呈上，一目了然。單是意粉份量已經很大，足以令女生飽飽，小朋友食得津津有味呢！雞翼二隻，小朋友話咬得唔方便，唯有將其去骨，咁就啖啖肉啦！最有趣的是薯

平日工作繁忙，難得找到機會享受西餐，來到茜廊。想吃薯菜，但餐牌上的一款配搭着我不會點的牛扒，幸好餐廳問過廚師可轉雞扒，謝謝。點了豬扒拼雞扒配薯菜及凍紅莓茶，還有餐包和忌廉湯，再加配藍莓芝士蛋糕($12)。先來餐包和忌廉湯，餐包是微烘的芝麻包，有些蒜蓉牛油，挺香。忌廉湯有creamy之感不過濃，屬好味之作。等了約十分鐘，主菜來到，兩款扒類放在一些薯角和什菜的上面，碟旁有少許沙律。豬扒和雞扒肉厚鮮嫩，有醬汁的味道，十分好吃。先前提到的薯角和什菜，頗有特色，當中有茄子，做得美味；而沙律菜亦乾爽鮮甜。紅莓茶相信是沖調製品，濃度適中，亦有果味。而藍莓芝士蛋糕的芝士味香濃，蛋糕吃下有豐厚之感，讓人感到用料充足，味道不錯。的確可說是一頓用心製作，讓人享受的午餐。

是晚跟媽媽來九龍灣睇戲, 所以便在德福覓食德福的餐廳選擇很多, 中西日韓咩都有一般如沒有事先決定哪間餐廳的話, 我通常都會選擇茜廊因十多年前從學生時代起, 已經有幫襯茜廊雖然不算常客, 但每次來都不會令人失望媽媽7點左右便到步, 先進內取位她選了清湯牛腩煲餐 (配湯, 餐包, 白飯, 餐飲) $95第一次在茜廊吃中菜 , 仲要原鍋上,侍應上菜時溫馨提示了 鍋很熱,湯很清甜, 內有很多白蘿蔔及大大舊牛腩牛腩很冧身, 是齒頰留香的牛味, 白蘿蔔不打渣, YUMMY沒想到西餐廳的中菜也能煮得這麼美味睇返個煲...一睇就知係有好耐歷史了我比媽媽遲15分鐘才進餐廳由於我當日差不多3點才食午餐, 所以到7點都未肚餓。所以打算 簡單食沙律餐便算了怎料一打開餐牌, 發現套餐的選擇少了很多 以往套餐都有不少於20款可揀, 而且價錢範圍很廣, 從$7X - $1XX 都有但現在只有可能3頁左右, 選擇減少了很多很多價錢起步是$9X, 不再大眾化了, 實在有點失望也沒有沙律餐....結果要單點黑醋汁煙三文魚沙律  $86 這個黑醋汁是大大令媽媽對沙律的印象改觀, 最初媽媽認為 沙律醬是只有白色的, 對黑

第一次食野食到急不及待寫食評每人平均消費都要一百蚊但係野食質素完全唔得個意粉同我學校canteen 味道差唔多但係果度只係賣緊廿幾蚊碟個咖哩飯...講真大家樂既都好食過佢囉最少牛腩係入到口待應更加臭串非常竟然識得打斷我講野佢以為自己做緊澳牛？咁既食物質素 竟然仲咁串得起總結：「真是荒謬，把自己看得那麼高。」

首先多謝我嘅朋友同我提早慶祝生日，我好中意Lee間餐廳。餐廳環境很好，装修優雅，服務員有禮，做事有效率，態度好，唔會讓客人等很久。上菜速度很快，而且外貌吸引，温度適中，味道一流。 下次會再光顧👍👍👍之後談談食物方面，外觀吸引，温度適中。千層麵的味道層次豐富，有點像肉醬意粉。不過份量有點多，吃到一半已經很飽了，細食的人可以與人share。之於和風牛肉炒飯，穫氣十足，侍應上菜時陣陣的香味已經漂進鼻子來。米飯的軟硬適中，加上牛肉的油脂滲透每一粒的米飯，簡直是一流！飯後再配上一杯紅莓茶，幫助消化，就這樣吃了一頓完美又豐盛的晚餐😋

好懷念茜廊西餐廳已有多年沒有來了.所以都抱住興奮的心情來.唉~餐廳內,地方都滿大可惜的是,超少服務員的.當一位服務員經過,見他手上滿是餐碗剛收拾好餐桌.忙忙碌碌的走過,我只好叫住他要下單.他就立即回我很兇惡的表情,叫我們等>>>等陣啦~對我們的客人發悔氣真的等多一陣.有位店員來幫我們下order看了餐牌後,有不同款的套餐收費合理.我們決定要幾款餐來SHARE那就可以吃不同的食品蒜香包很快送到餐桌蒜味很少,麵包暖暖的有3款湯可以選擇穌皮湯很不錯,內是忌廉加少許洋蔥碎.超失望的雞肉沙津除了雞肉好老和無味外,羅馬生菜是壞了,是臭味道來的,立即由口吐出來,大家都不再吃這個沙津了.清酒煮蜆不錯,湯味清鮮,蜆沒有沙,份量就剛好.幸好這柸熱檸茶給我口腔清新感~豬肋骨肋骨比較細件,味道不太夠,可能是醃肉時間不太夠的影響肉質都還OK~心太軟,另加15元的甜品.好像是由微波爐叮過時,拎到在我們桌上時,心太軟已經開了口,沒有流心的朱古力,味道朱古力很甜當晚用了這張優惠卷可以更優惠一個餐.可惜的是,餐廳內的食品水準,再買一送一的都不太吸引.

so bad 。black list forever.....very trouble!! no next time!有張coupon先去食，但實在太失望，汁冇味，扒叫左七成變十成。永遠唔會再幫襯。

聖誕節節目停不了，睇戲前一個鐘想食啲嘢！肥髀話要鋸扒！ 真係高難度！因為時間唔充足，未必食得切，好在記得平台有間西餐廳！應該比美式餐廳快啲！去到要等位！5分鐘比到枱！望出去對住平台幾開揚，但枱櫈幾迫，坐得舒服但好嘈雜！店員好爽手，超快set好枱！比水比餐牌，居然有茶餐廳嘅茶餐，不過亦有扒類茶餐，如果要食著普通茶餐，唔使來呢度喇！所以叫個「羊髀配廚師豬扒」（$76）加$6配意粉，汁有3種（黑椒、蒜茸、蘑菇）我揀蘑菇！仲有湯同餐飲！食物好快到，一次過到！所以飲緊湯就到晒所有食物（要快真係幫到手 ）羅宋湯配蒜茸芝麻豬仔包，個包真係好好味，外面脆入面鬆軟，蒜茸仲好香！羅宋湯好濃！足料有蔬菜加牛腩，但比較濁！羊髀配廚師豬扒：鐵板上，汁另上，可以自己決定淋幾多，幾細心，我無即刻淋汁，因為飲緊湯，加上唔鍾意炸起晒啲油煙！羊髀扒好薄，有骨，少少韌，但唔羶，豬扒有驚喜，煎香完仲淋，唔會乾，唔錯！薯角皮脆肉淋，唔點茄汁都好味！茄子比較差，煮唔透，唔好味！意粉都另上，但係港式全淋意粉！一啲都無咬口！軟叭叭！蘑菇汁有蘑菇粒但無蘑菇味，只係啡色有咸味嘅汁，一般！早知唔加個意粉！ 熱檸茶正常！店員好快，打仗