英記麵家

營業中

休息中

港人追捧的名店主要有兩大類，一類是名廚主理，米芝連星星店，味道一流，服務一流，收費一流; 另一類是所謂隱世小店，小規模非集團式經營，有幾道”耍家”菜色，有平有貴，能吸引外區客跨區來幫襯。英記麵家相信不屬於以上兩者。每次來到，都是街坊客為主。雖知名店雖好，但說到底，還是兒時味道最美好。小時候居於西營盤廿多年，英記，柱記都是飯堂，即使已經搬走，間中還是要回來尋找那種味道。今天不知不覺又回到西營盤的英記，點了四寶米，魚蛋叉燒米，牛腩炸雲吞河。叉燒很好，帶少肥，沒有因為浸湯而變得太淡; 魚蛋彈牙。牛腩是名物，是類似清湯而非柱侯的做法，牛香而且軟滑，帶少少脂肪，”一咬就無”，比不少坊間的牛腩名店更佳。炸雲吞的餡料主要是新鮮豬肉加幾條蝦毛，炸得香口，是一流的comfort food。當然，不要以上國金軒或其他一流中菜廳的心態去評價，這道炸雲吞皮頗厚，而且因放湯的關係，是不會十分脆口。但缺點也是優點，皮因為厚而沒有被湯浸得過淋，保持到合理的口感。麵$44碗，加碟菜$8，比廿年前差不多加價了一倍。但今時今日吃個像樣的日本拉麵起碼$80, 加玉子要$10也有人高呼抵食。我們崇洋崇日之餘，對這種用心經營的

住西營盤嘅朋友介紹呢間英記麵家俾我，今日俾佢放咗飛機之後就自己去咗食。店內都好多一個人放lunch嘅人去食！其實價錢都唔平，食咗牛雜麵都差不多$40。雖然選擇唔多，但係每一樣都想嗌。我最後就叫咗個牛肚河，再叫咗碟油菜。啲牛肚係靚嘅更錢肚，厚身，質地爽！睇相就知係靚！湯底就普通啲。菜都OK，唔老唔多渣，份量亦都多。。最後呢餐午餐係＄57 ,喺西營盤嚟計算好平架啦。因為近返工，所以呢頭咁平靚正嘅選擇係會再幫襯嘅！

Noodles - 2Balls - 1Broth - 3Cleanliness - 2Politeness - 3Value - 1Total - 12/30Pretty bad sadly. Seaweed (extra cost) was good though. Nice enough vibe and very convenient, but not somewhere I would go back to.

想當年大學我常去午膳的餐廳，高街的英記麵家一定榜上有名，無他，全因英記麵家出品平，質素不賴，坐得擠迫一點又不傷大雅。畢業後的高街變化頗大，多了不少高檔餐廳（現在的學生真是捨得吃啊！），而偶爾平日dayoff我會去campus附近找妹妹吃lunch，通常就是去試試那些新餐廳，但這天我卻突然有點想念起英記的牛腩麵，而妹妹在港大讀了3年書竟然未曾到訪過，就一於帶妹妹尋找我回憶中的美味。其實我一向只點淨牛腩麵，但這天我有點貪心，點了雙拼炸雲吞牛腩麵（$44），卻換來大大的失望！失望在於炸雲吞一上桌已經入口凍冰冰，明顯是一早炸定，令人不禁疑惑究竟這三粒炸雲吞究竟放了多長的時間！而且因為炸雲吞直接放在麵上，所以上桌時已經淋掉，沒有期望中炸皮帶脆的感覺，口感甚差！誠意不足！幸好牛腩仍然保持水準，肉質又嫩又軟，肥瘦度恰到好處，而且牛腩份量也對得起價錢。當然值得一讚的是湯底仍然鮮甜，沒有味精重的感覺，吃完整碗麵也不覺口乾。加上幾條菜心，更是健康。不過如果下次有機會再來，我想還是點淨牛腩麵會比較穩陣吧！

西環存在好多小店，聽講英記嘅叉燒麵好食，專程嚟試下。碗叉燒麵一嚟到，覺得有d奇怪，叉燒顏色好紅，又一d肥膏都無。我一向都食開瘦叉，所以無肥膏正合我意！咬落去，完全唔係平時d瘦叉咁“鞋”，軟軟地就好似豬頸肉咁。比起平時食嘅叉燒係好食d！至於個麵，湯底清清地，或者加d 腩汁會更好！

重遊中學時的午飯區域,真的可以話面目全非,喜愛的車仔麵,地踎茶樓,廉價麵包舖已經ㄧㄧ消失。除而代之的是西式餐廳+酒吧(有好幾間都是大型連銷西餐廳),高級食材店等。不過竟然有ㄧ間麵家還屹立不倒多年,見到馬上沖入去,希望小時的集體回億馬上返來。餐牌依舊貼在牆上,不過應該最近裝修過ㄧ輪,牆紙好新淨。餐牌上的款式跟以前ㄧ樣不過價錢就 37元wow omg......]裝了西洋舊式煤氣燈,又ㄧ中西合壁設計。]原本想食招牌义燒麵不過已經完賣只好叫叧ㄧ賣點-炸魚及牛腩。]炸魚同以前ㄧ樣味道,果陣薄薄的魚肉加上炸粉很配合。可是以前放午飯食到那種即炸的脆口口感已經没,叧外魚肉好像不太入味,感覺食魚乾ㄧ樣。牛腩出奇地淋,聽師父講係用新鮮牛腩並用上騸牯牛,所以特別肥美。而且非常入味多汁;比起那不可ㄧ世的九*有過之而没不及。油菜都非常翠綠,如果唔係ㄧ個人真是會立刻叫ㄧ碟食。辣椒油都應該是ㄧ般來貨品質,唔係自家製。總結:雖然没食返义燒麵但味道同以前差不多。唯ㄧ改變ㄧ定係價錢的大幅增加(可能因為鋪租)今次最印象深刻是帶唔夠錢埋單,收銀竟然話下次經過先比返，那種只會在小店才.會允許的行為加上係做人之間互相的信任。當

同事帶我去食lunch，話行上高街有間舊式粉麵家好正，於是我千辛萬苦咁行上去。。。。。門面骨子，一入門口已經比窗櫉既牛什吸引住，就叫了一碗牛什麵，雖知內臓旦固醇高，我已經冇食好耐了，但我咁行法，冇理由唔食番夠本呀牛什望落就知新鮮干浄啦，而且不太肥及多油，食落好香牛什味，肉質不韌，湯底清甜，配上多葱。。。不枉我行得咁辛苦呀

小小嘅舖頭無咩裝修，家族老麵店。所有麵食都好抵，有湯麵撈麵魚皮淨牛雜......麵又有粗麵幼麵河粉湯麵嘅湯底好好飲，中等濃度，好香，有熬過嘅味道。全部係即叫即整車仔麵，一碗絕對頂肚餓。牛肺麵好抵食，全日都係一樣價錢。d staff都好nice.

牛雜河粉連兩條菜只係$37,湯底無味精，飲落好香花椒八角味，但又唔會好中藥。幾個唔同部位嘅牛雜一碗有晒，兩條菜心煮到好林都仲係翠綠色！想有d刺激口感就加辣油啦，少少都已經夠晒辣！拎走嘅話係自動比一少包你，可加可唔加。

今日打風都要返工 嗚嗚又係下午茶時間去食外賣牛肺麵，今日竟然無河粉...焗住食粗麵5大舊牛肺，好軟好香牛雜味，湯底似有味精lol個碗唔大，麵嘅份量夠飽嘅，軟硬適中，麵質似蝦子麵，本來仲以為係粗炒之類嘅粗麵外賣自取$38,係貴過對面下午茶4餸，但麵多d，湯底都係有味嘅，應該係煮牛雜嘅水黎。

炸雲吞叉燒米第一次到英記麵家, 知道雲吞&叉燒都是必點的雲吞大大隻, 豬肉與蝦的比例約是三七, 講不上好吃, 但一碗有三隻, 抵食吧! 雖然雲吞已經涼了, 但外皮仍然脆脆的叉燒是自家製的, 叉燒顏色比燒味店的較淺...不過肉質有點像豬頸肉的口感...一碗有八片, 同樣份量充足

到西營盤行街，當突然想吃牛腩，上網查說B2出口步行2分鐘⋯⋯出地鐵口後，要行一段斜坡⋯⋯經過三條街才到，覺得不是2分鐘的路程⋯到達後，看到店內比較細，坐了9成人，我們二人不用等位。我最怕吃到韌的牛腩，所以就問有無牛肋腩，店員說沒有，有點失望。我們點了三樣：1.牛腩湯米$352.四寶湯麵$403.郊外油菜$15（這個沒有拍照，味道正常，ok）最後共花$90，沒有加一。題外話：這店的廁所門不穩固，我去廁所時，鎖好門，突然有男人大力推門，門開了一半，讓我尷尬和生氣⋯⋯⋯女性去廁所時要特別小心

因為一項大型既攝影活動，令到我地有機會來到西環，印象中好似從來都無來過，亦無意間去了這間麵店品嚐，店舖雖然不太大，但都可擺放五至六張圓枱，差不多都坐滿的，係坐得迫d，不過食好味既野係要付出一下 魚旦好有咬口，感覺好彈牙，似係新鮮打出黎的，唔腥，好食，湯底亦好清甜 牛腩好香又好淋 魚皮炸得好脆，正

我同老公三個月前先搬入港島西, 星期日朝早諗住走去高街睇下有咩食經過呢間面舖, 老公話: "呢陣係好食的面的味道"我心諗, 有冇咁勁呀? 經過間舖頭聞下都知?咁冇計啦, 老公都講到咁, 就入去試下...我叫左個牛腩面, 老公叫左個牛什河, 加一碟油菜share我一食落去個牛腩面, 哇不得了點解一個面, 由個面, 到湯, 到牛腩都係五星級架?個湯清得黎有肉的鮮甜, 個面香得黎冇乜揀水味, D牛腩好香好腍同埋老公個碗的肚, 腸, 同個油菜, 都係五星級架..!!我暈啦~ 所有野都恰如其份的感覺呀~!!!! T_T今時今日係香港幾可有$35食到五星級既感覺丫? 嗚嗚好感動....好食過哂九記乜乜個D啦~definitely a come back option

西港島線通車的好處是, 中環與西環之間不再是這麼遠。 今日突然好掛住英記, 就搭兩個站地鐵來到了, 方便快捷。 來到食店都只不過12:30pm, 但差不多滿人, 從來不知道西環上班的人這麼多呢。吃一貫我的最愛牛丸雲吞米, 牛丸雖然不是最棒的勝利牛丸那一種, 但已經比很多食店好。炸雲吞當然無懈可擊, 香、脆。加上大量蔥花, 造就了一碗令人回味的牛丸雲吞米。最後當然要來一個將一切平凡事 變得美麗的可樂為這頓午餐劃上完美句號。