影片
港鐵西營盤站 B2 出口, 步行約3分鐘
繼續閱讀
電話號碼
25407950
獎項殊榮
米芝蓮必比登推介 (2023-2024)
營業時間
今日營業
09:00 - 19:00
星期一至日
09:00 - 19:00
以上資料只供參考, 請與餐廳確認詳情
食家推介
相關文章
無論是有沒有必比登以及米芝蓮的加持，西環英記的粉麵港式風味，以及內裏的家庭風味，還有人情味，也是開業三十年的標準配置，從大學光顧到現在，能夠保持原味而沒改變，算是相當難得。叉燒和炸魚依然是自家製作，前者取用偏瘦的部位，烤完沒有很多油，加在麵裡也不會影響本身湯頭的味道，肉香夠且肉質爽而不韌，想試試非燒臘店的特別叉燒風格，這裏就是不二之選，而且定價相當便宜。後者的魚肉爽實，而且也夠鮮味，炸粉均勻佔在魚身上，沒有額外的調味，而且上碟時餘油相當少，沒有有任何油膩的感覺，也有住家麵食的健康。Whether or not endorsed by Michelin, Sai Wan Ying Kee’s noodle dishes offer authentic Hong Kong flavors and a homely taste. After thirty years, it remains unchanged, a rare feat. The homemade char siu and fried fish are highlights. The char siu uses leaner cuts, retaining its flavor without overpowering the broth. The fried fish is fresh and crispy, with minimal oil, making it a healthy choice.
繼續閱讀
點了牛什河，個湯好清，但好重八角味，同行友人同感，同我地預期好大出入，R頭，重到唔係好食到牛味，唔係咁啱我哋個人口味。牛什好足料，無異味之餘可以話係無味，湯底太清，完全托唔起啲牛什，以老字號仲有米芝蓮加持嚟講係有啲失望。份量唔係好大碗，但唔落辣椒油真係食唔落，食牛什食到自己要落辣椒油，我同友人都係第一次，可想而知真係唔係好對味。食到最後，有熟客一口氣落咗3碗，叉燒魚皮餃，叉燒魚蛋、叉燒雲吞麵，我諗可能應該點叉燒先啱吧🥲
繼續閱讀
✔️呢一間位於西營盤嘅老字號，真係細細個食到大，每一次經過都非常想食佢嘅牛腩麵，佢牛腩真係做得非常出色，而且佢嘅牛雜都做得真係唔錯，午飯時間都真係有好多人排隊，而且外賣都要等好耐嘅時間，今日就去下午茶嘅時間嚟食，叫咗一碗牛腩米粉另外加牛雜，米粉就不過不失，唔會煮得太林，正正常常！牛雜我就覺得做得真係幾好食，牛雜處理得非常乾淨，而且絕對唔會有任何嘅異味，個人嚟講非常鍾意食佢嘅牛肚，做得非常出色，呢一間餐廳絕對會再嚟幫襯，絕對係童年的回憶！
繼續閱讀
做完嘢經過諗住求其食，又搵到間隱世老字號。老實講嘢食冇乜驚喜，但阿叔一腳踢，呢頭落完單，嗰頭煮麵，煮完麵又拎起部計數機同你埋單，嗌你下次嚟食。嗰種暖意唔係大集團可以比。
繼續閱讀
終於試到米芝蓮推薦多年嘅英記麵檔✨平日晏晝一點去食都唔算好多人 唔使等位就入到去食 ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰嗌咗最多人叫嘅牛腩河($51) 份量都算幾多牛腩都有7-8舊 雖然每舊都細細粒但好有份量 牛腩肥膏唔算多 肥瘦比例一半一半 食到好香嘅牛味 咬落去充滿肉汁 好好食😋至於河粉就正正常常 湯都係一般嘅清湯味道冇咩特別 ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰整體嚟講都係一間幾好食嘅粉麵店 但價錢就略為偏貴 所以如果再經過唔多人排隊都可能會再食多次 ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰抵食：🌟🌟🌟🌟回頭率：🌟🌟🌟環境: 🌟🌟🌟
繼續閱讀
您可能會有興趣的...