花月宮

營業中

休息中

落雨諗住近近地搵間邊爐打下，見佢開業做中檔次火鍋而家變咗放題都冇乜太大期望，佢野食環境都ok，係樓面不知所謂驚死阻佢收工，9點鐘成個場得三枱客個別職員已經開始大聲催促客人離開，態度惡劣不友善，甚至阻礙客人拿取飲品，食餐飯一肚氣，不會再幫襯…

之前一直想試佢個火鍋放題好耐適逢老公生日 ，就一於去試下最緊要係6歲或以下小朋友免費注意六，日公眾假期前夕係會收$30（但唔肯定平日收唔收，唔記得問職員）一黎就上左幾款小食，味道都正常 刺身併盆只有一次，唔可以再添老公話個味道都唔錯 ，新鮮湯底我地揀左蕃茄牛腩煲 ，再上一盆海鮮拼盆， 有飽魚，蝦等 如果再加單要同職員講，其他配料就QR code落單3款餃，最正係黑松露餃🤤🤤🤤🤤另外響鈴佢係自家製，所以勁酥脆。連脆肉鯇都係任食🤤🤤🤤總括呢個價錢黎講，我覺得都可以一試，環境舒適， 有卡座， 好岩帶小朋友，但如果雪糕可以任食，同埋飲品方便多d選擇就更好🤣

火鍋任食有兩個餐可選，都是兩小時，貴的$258 有刺身海鮮靚d既牛，平的雞煲火鍋$168 ，小童$88，只限星期一至四晚上，兩大一小，諗住平平地選$168試下先，一入到坐好，有三碟小食先上，青瓜雲耳算正常，餃子春卷淋晒，我個仔平時最鍾意食脆口野見到都唔食，另外有碟好像是桂花糕，無乜味一般般。之後雞煲叫咗小辣，個汁好稀，雞無味，平時最鍾意食雞嘅我都已經好低要求，但都覺得唔係好掂，成盤食咗一半左右之後就唔要，之後要直接用番雞煲個煲加湯打邊爐，d湯有浸怪味鹹鹹地。之後嗌咗啲肥牛丸類牛舌脆鯇鵝腸，啲嘢食一上枱，我同我老婆都呆咗，肥牛喺街市買最cheap最cheap嗰隻，色澤暗沉，勁唔新鮮，好似d雪左好耐既貨脆鯇完全無魚味，蟹柳係一嚿粉嗰隻，牛舌鵝腸都係完全唔掂連公仔麵烏冬都唔好食，都唔知咩嚟最後叫咗唐生菜，勉強算可以食到好灰，灰到已經唔記得影相，完全唔飽，d野基本食唔落口，好耐無食過咁難食既一餐，雖然話三個人兩大一小任食火鍋四百幾蚊算係平，但都唔使差成咁呀話，唯一飲品算正常，但種類不多，唯有飲多d 野最後兩大一小埋單加一：$466總括：大伏

見到屯門花月官有任食套餐，午市是12點食到3點，每位$238，就試一試。選了湯底後，就自動上了預設的套餐，有海鮮拼盤，頂級牛板睷，手工丸餃拼盤，炸響鈴等等（晚市才有刺身拼盤，下次有機會再試）之後可以再追加其他食物，有脆鯇片，鴨血，鵝腸，牛舌心等等，不過追加的食物份量比較細份，唔夠的話再要叫。落單基本上都無漏單，只是最後一次漏了，可以已經last order吧。味道是不錯，都算新鮮。飲品的選擇就比較少。但整體是可以再試。

點心這個價位來說好普通福建炒飯嚴重炒得好求其( 好咸)職員好nice但好搞笑： 回應福建炒飯炒鹹咗因為可能昨日師傅賭馬輸咗！？ 我唔覺得好笑！有咁裝修舒適空間， 但係食物味道好一般

從來都冇寫過食評，為左呢間破戒分享下今日父親節預約左夜晚7點半食火鍋放題7點15分已經到達等到7點30分入座入到去想落order職員話8點先會俾QRcode落單，因為話係食8至10呢2個鐘冇問題，食左pre set刺身併盤先到8點2都未收到QRcode催下職員就話俾張落單紙我地用先5個人 得1個煲野食落完單，叫10碟黎得4碟問職員佢地話冇晒牛。。。下？食放題食到冇牛都第一次聽。第一次食火鍋火題係食菜多，好健康喔 。基本野飲連無糖茶都冇晒，檸檬茶係雪櫃都係唔凍，睇黎係唔想客人飲咁多凍野唔健康喔。出面豉油冇晒都唔refill，睇黎係唔想客人食咁咸喔。火鍋湯底因為等野食等到冇水，叫職員refill湯底， 職員之冷淡灰氣回應［好］，最後遞壺湯底自己倒水，一定係想客人增加做侍應既體驗喔。綜合以上刷新我3觀一張相都冇影，唔想有任何回憶祝你長做長有

環境很大，很乾淨，新裝修 ，帶住小朋友這一點很重要，六歲以下小朋友仲要免費，香港真係好少有，前菜有青瓜同炸物唔錯，刺身都好新鮮，但欠三文魚，湯底很香但冇咩味道，食物都算新鮮，但選擇少，最敗筆係冇雪糕，希望之後可以加返，總括嚟講都可以再嚟多次試吓個雞煲

第一次光顧純粹貪方便及睇食評應該不太差吧不過星期六都唔爆枱⋯又好像有點⋯是是旦旦啦，反正試了再算我地訂了3位6點半，每位$328，再加每位$48任飲生啤首先是送上冷盆「涼拌青瓜雲耳」及「刺身拼盆」跟著再送上「椒鹽雞軟骨」，隨後再來湯底及火鍋配料，包括海鮮（一次性，但毫不吸引），雲吞、水餃、蔬菜、手打丸，其實可以選擇的火鍋配料唔多（大概不超過15款），食材正正常常，不過不失⋯反正都只想飲下啤吹下水，又難得入黎時問左店員說是沒限時的，去到8:45分左右我地每人大約飲了5-6杯生啤（每杯300ml左右)，當時有位男性店員疑似經理物體（何生）同我地講「幾位我地限時兩個鐘架」嘩我O晒咀問「你地頭先職員話無限時架喎」佢就話「我地野食無限時，但生啤限飲兩個鐘，呢round last 就jump埋俾你地」講真我地食唔多野，亦都諗住飲埋呢杯就走，不過好不滿生啤加錢$48我地都睇到，但你邊度寫住限時兩個鐘？我話「你地有邊度寫住限飲兩個鐘？如果有限時點解唔一早講？」佢就話「其實openrice有寫，不過可能你睇唔到，我地都會再同open反應下」大佬呀，你間舖冇寫！你店員都話無限時！openrice都無寫！你

屯門呢間打邊爐開係呢個新商場入面，裝修同門面都好新淨，最近佢轉左係任食打邊爐，見佢價錢都唔貴幾多野食就黎試下！晚市時間$328/1位，頭盤會有時令刺身拼盤一客，自選湯底都有好多款，當天揀選咗番茄拼椰子雞，湯底的配料都好足煮到後面個湯非常濃郁時令環球海鮮拼盤美國頂級牛板腱美國黑豚豬梅肉響玲手打墨魚滑、蝦滑、梅菜豬肉丸食完第一輪既食物其實都好飽，但職員會比個QR CODE你落第二輪既食物，自選款式都好多，基本上打邊爐既材料都齊全！

朋友屋企樓下火鍋店有放題，應該係岩岩開始做放題，我哋即約。一坐低送左碟拍青瓜同炸雞軟骨比我哋～味道好ok，開胃🤤揀左個特色沙嗲鍋，重口味人士必叫。湯底本身已經有好多滑溜鴨血，滾到最後都仲係滑嘅，超級入味。凍豆腐吸飽沙嗲湯都好好食。除左刺身同海鮮拼盤係限一碟，其他火鍋食材都係任食～👀下有咩食：精選刺身拼盤（估唔到質素好高，每樣都鮮甜，帶子好厚切😋）時令海鮮拼盤（鮑魚同大蝦👍🏻）美國頂級牛板腱美國黑豚豬梅肉（超推～大塊又有肉味，個人中意豬多過牛）薄切牛舌心手工丸餃拼盤自家製脆炸響鈴田園拼盤

難得經開屯門，就去返之前去過幾好食嘅火鍋店，發現佢哋轉咗做任食，價錢同質素都唔錯。晚市任食套餐 $328前菜小食涼拌青瓜+炸雞軟骨青瓜酸酸哋辣辣哋咁食落十分開胃，炸雞軟骨就好香脆。精選時令刺身拼盤有帆立貝、甜蝦、北寄貝、赤貝等等十分之豐富，新鮮度十足，最好味就係帆立貝，夠晒大粒肥美。湯底揀咗番茄濃湯湯底時令環球海鮮拼盤有各種貝類、大蝦同大大隻鮑魚，食材非常新鮮，最正係原隻鮑魚，口感煙韌彈牙，大蝦亦都唔錯。美國頂級牛板腱雪花分佈均勻而且夠晒大塊，夠鍋滾一滾就可以食得，本身肉味都幾足夠，唔晒點醬油都已經好好味。美國黑豚豬梅肉另一款肉係同樣大大塊嘅黑豚肉，估唔到拎嚟打邊爐都好適合，湯底同黑豚肉非常之夾，好入味。其餘仲有3色丸、3款餃子、響鈴及娃娃菜，新鮮程度有返咁上下水準，當中豬肉丸同墨魚丸最正，彈牙有口感好唔錯👍🏻。各類汽水或指定啤酒任飲呢間任食套餐仲包埋指定啤酒任飲，同一班朋友嚟咗啱晒。花月宮 (屯門)屯門良德街8號珀御1樓101號舖

屯門田景 一個環節清幽既地區花月宮火鍋店裝修很用心，設計燈飾擺設都用盡心思，座位非常寬敞坐得十分舒適，光線充足，乾淨整潔，侍應們照呼有禮貌，服務一流，高級餐廳感覺！先看看飲任飲品櫃，多款選擇啤酒 汽水 茶一應俱全這三款日本果汁汽水，絕對超值，平時二三十元一枝！另一樣絕對值得一讚飲品，自家製涼茶，羅漢果五花茶足料味夠 不會似糖水，甜度剛剛好！晚時任食任飲套餐十分多元化 多款選擇先上了刺身 併盤（只有一次）另有兩款小食供應 可再點 鮑汁雞腳，即炸雞軟骨 送酒一流小食選了麻辣乾鍋雞煲 ，味道濃香，值得一讚雞夠嫩滑！雞煲後即進入火牛鍋環節，先送環球海鮮併盤，多款配了 正常發揮 跟手送上 頂級牛板腱 黑豚豬腩片 兩樣都新鮮好食 有牛味 豬夠嫩滑幾款不同手打丸 都是自家製 新鮮足料 爽滑，餃子 雲吞都有三款選擇兩個人 食到呢度都差不飽了 只點了 醉雞 同雞煲一樣 十分嫩滑新鮮 絕對要試！整餐完 整體十分滿意 c/p值很高無論環境，質數應該都是同區首選，時間充裕可慢慢傾計飲野

其實好少嚟屯門呢一邊，不過今日行完山體力透支，決定食返餐好嘅，發現呢度新商場，有間任食火鍋嘅餐廳，晚餐時段$328，仲要包埋刺身（雖然冇得再order）同埋海鮮時令拼盤。一開始上過海鮮拼盤嘅時候都已經眼前一亮，有鮑魚、蝦同大蜆。打卡影相真係一流。蜆都喺隻隻肥嘟嘟，真喺好好味。叫咗個花膠雞湯底，再有半隻醉雞，一嚟到落咗先，煲好湯底慢慢打邊爐。另外，最值得一讚嘅喺個雞軟骨同個醬，超級脆口同埋送啤酒一流，講起啤酒，喱到喺啤酒任飲，仲有黑啤都喺。想飲生啤放題都好似喺$48。任食menu 包括黑豚豬梅肉、豬頸肉、牛舌心、牛板腱，丸類有：墨魚丸、鮮蝦丸、豬肉丸。雲吞餃子都有好幾款，仲有好多蔬菜任你揀。

咁岩黎開屯門探朋友仔，就諗住係附近食埋夜晚先返去。見到有個新商場，門面幾靚。門口有個牌，花月宮，七點半前288,又有刺身拼盤，又有雞煲，又有海鮮拼盤，又有啤酒汽水任飲，又係任食，wow😱😱見抵到咁誇張就去打邊爐試下。一開頭黎咗個刺身拼盤，勁多野食，有兩種蝦，有赤貝，北寄貝，帆立貝，重有我最鐘意既芥末魷魚。個芥末魷魚記得係Donki買少少都已經三四十蚊。估唔到呢度有，開心😆跟住我哋揀咗花膠雞煲。d雞係用花雕浸住出黎一碗生既俾你自己煮。可以自己控制返慢慢煮幾好，煮五分鐘啱啱熟即時攞返出黎食，d雞勁滑，同埋有d中藥材個d入咗味。好正👍個海鮮拼盤超大份，每人有一隻鮑魚，兩隻蝦，幾種貝殼。多到。。。。跟住重有d生丸，餃子，牛肉，豬肉。。剩係食呢度d野都飽哂🤣完全試唔到佢任食d野🤣🤣🤣間餐廳又新裝修坐得舒服，出面重有個露天位，坐出面chill又得，入面嘆冷氣又得。黎開呢度既話都會想再食，性價比極高！👍👍👍

✨ 屯門少數高CP值火鍋放題，合理價錢x中上食材x海鮮有驚喜~ ✨好耐無打邊爐又唔想出市區，於是上網搵下屯門有無高質火鍋，搵到依間坐落喺輕鐵站旁交通十分方便，主打宮廷風嘅放題火鍋店，上到去環境非常闊落，最重要係用餐空間夠大，唔會好似旺角果啲咁食得好逼夾唔舒服。睇左menu後就揀左椰子雞火鍋，一開頭會送一個刺身拼盤，雖然無得追加，但份量兩個人食黎講已非常足夠，分別有帶子、赤貝、北寄貝、刺身蝦，帶子尤其出色，係珍寶size。跟住到海鮮拼盤，例牌嘅都係有野生鮑魚、白蜆、花甲、生蠔同埋蝦，依個驚喜在所有食材都非常新鮮，食落爽口彈牙，配搭椰子雞煲嘅鮮甜湯底更加係恰到好處。然後到主角椰子雞，食落嫩滑唔柴口，只需簡單淥熟，豉油都唔需要點，雞肉味+椰子清甜味已十分突出，值得一讚。至於其他食材，美國頂級牛板腱+美國黑豚豬屬中上水平，口感嫩滑有肉味，雪花比例適中～🔹🔹🔹🔹🔹🔹🔹🔹🔹🔹#花月宮 (屯門)屯門良德街8號珀御1樓101號舖🔸🔸🔸🔸🔸🔸🔸🔸🔸🔸#屯門好食 #屯門食好西